麵鮮醬油房周月 (海光街)

營業中

休息中

見到門口話自己米芝蓮，就入去試下，但入到去覺得冷氣好細，夏天係入面座真係超級熱… 跟住d野睇落少污糟…明明係日本餐廳但播埋d香港歌同奇怪既電子音樂，完全係伙記自己點歌，好難聽呀😢食物方面叫左拉麵，個湯底好鹹，肉好少，麵就普通，無咩特別其實而且價錢唔係平，lunch time都仲有加一服務費，真係伏ed

周月沾麵嘅份量有100,200,300g，三款麵嘅價錢一樣，可以按自己嘅食量決定，依度嘅麵標榜係自家製，食落非常彈牙而且冇半點鹼水味，一開始驚會太多所以揀咗中間200g，食落就後悔點解冇揀300g，因為真係好好食，另外附有半隻溏心蛋 。沾麵嘅醬油湯底惹來唔少討論，有啲人會覺得酸好怪，我就覺得好特別，湯底加咗沙丁魚粉、鯖魚粉同埋昆布，飲落層次好豐富，喺其他地方都未嚐過依個味道，食完麵可以加經6小時熬製嘅清雞湯，有啲拉麵店會喺由店員加湯，而依間係會畀個壺你自己加，可以自行控制濃度，到最後差唔多飲晒成碗湯！

呢間來自日本愛媛縣的拉麵店，主打沾麵，拉麵每天自家製作，湯頭則以特別調製的醬油、沙丁魚丶鯖花魚、海帶等，長時間慢火烹煮而成，仲攞過幾年米芝蓮？咁巴閉一於試下，但勁失望😂😂過百蚊一碗普通過唔少拉麵，真係好多沾麵好食過佢！🍴 燒黑豚香辣沾麵 涼麵 300g $129 (5/10)諗住涼麵配熱嘅辣湯一定好夾，但個麵唔算好涼🤣麵嘅份量足，肚餓嘅話食得完300g，未有台風咁多麵，麵係粗身少少嘅麵，煮得偏硬有口感，比較煙韌少少，但未有麥香，就咁就係冇味嘅，燒黑豚得三小塊，燒到微焦，食落同一般五花腩一樣味，冇香味冇油香，冇豬肉嘅香，勁普通。湯底有啲小肉粒，芽菜，筍同葱花，小肉粒好乾身好硬，似唔要嘅肉攞去煮湯，芽菜筍正常，糖心蛋正常，未到蛋味香濃。湯食落係香辣嗰種，比較淡味，唔夠香同辣，同埋都幾油膩，真係唔辣😂湯質感好稀，麵未能成功掛汁，配麵食就仲淡，同拉麵湯差唔多，就咁飲都唔覺得鹹，完全唔似沾麵湯，做拉麵湯都唔合格😅完全係好失望，未到難食，但絕對稱唔上好食，唔好講話係米芝蓮級數，完全唔值呢個價。🍴 周月沾麵 熱麵 淡汁 200g $102 (3/10)朋友叫嘅沾麵，湯底係醬油，好淡，食得出少少鹹味同

點左個好出名嘅醬油沾麵👀佢有唔同嘅份量可以揀（100g/200g/300g) 啱晒啲細食又大食嘅朋友😆😆佢嘅沾麵湯好濃郁，個人覺得鹹咗少少本身因為自己鍾意加埋少少湯同面一齊食，點知飲完就太鹹🥲🥲價錢正常 試完一次就夠🥸

以前有一間喺北角嘅沾麵，我覺得好好食，自從佢結業之後，再喺香港食過幾次沾麵，感覺都一般！今次再去食沾麵，起初怕會唔好食，但見keep住都有人流，又喺米芝蓮推介！所以就試下佢🤣-餐廳入面全部都係bar枱位，座位數量唔多！劃紙仔點餐，因為本人好食得嘅關係，所以叫咗最大份量嘅沾麵🤤放心，我絕對食得哂🤤😂🔸周月沾麵$96 除咗沾麵湯汁入面有啲細豚肉，喺碗麵旁邊麵有幾塊👍🏽豚肉比較鞋同乾身，冇乜肥膏，我自己偏向肥少少嘅豚肉 麵質彈牙👍🏽湯底亦不會超咸，沾麵嚟食啱啱好！當然食完碗麵，要加返試湯試試個湯啦！好味不會油膩-哩間喺能夠翻焯嘅餐廳👍🏽推薦！

［鰂魚涌美食推介🍽 ] 麵鮮醬油房周月🍜呢間米芝蓮推介既沾麵同拉麵店，冬用仔想試好耐，睇門口原來佢已經連續有7年既「米芝蓮」獎項 (2014 -2020年)🤩好似好勁咁👍今次我地就試下佢係咪真係咁好食👻#冬甩仔女_鰂魚涌#冬甩仔女_日本野🍩冬甩仔👦🏻🍩食評👅👦🏻 燒黑豚香辣沾麵🐷🍜(300g)(8/10) $129份量方面，當日我食既係300g，一上到枱份量好大😨沾麵汁多到好似湯咁😆😍 豚肉既份量都算適中，佢哋分別係沾麵既湯同埋沾麵表面都放有黑豚肉😋總括而言，大食既冬甩仔都差d食吾曬🤥😵味道方面，我選既係香辣沾麵，開頭上枱既時候我以為好辣🤔但譚仔約食到3小辣既我，竟然都可以食到☺️而且，佢吾同出面拉麵只有死辣既味道，個人覺得值得試試👀另外，相信食開沾麵既朋友，都好驚個沾麵汁有好鹹既味，但放心😆雖然，個湯非常濃郁，但完全冇死鹹味，超過正👍最後，配埋佢標榜絕不添加化學調味100%自家製既麵🤩😋口感同埋佢既掛湯都冇得輸，係冬甩仔食過最好食既麵底👍🍩冬甩小資訊🍩1️⃣設加一2️⃣可以自己斟凍麥茶🍵，幾特別😋3️⃣有得揀熱麵或冷麵😋4️⃣份量可以揀100g、200g同埋300g，而價錢都係一樣😍大食嘅你，細食嘅你

周月主打無添加化學調味料嘅拉麵，醬汁亦係喺日本釀製封箱直送香港，想試好耐，餐廳座位唔多，同埋見門口成日排長龍，所以我揀咗喺黑色暴雨警告嗰日食⛈少啲人🤪飲食紀錄：燒黑豚唔知碗麵本身都有燒黑豚，所以嗌咗😅燒黑豚喺正腩位，肥瘦分明，仲要係厚切🤤燒得好香😍海老油麵(拌麵)依款拌麵只係喺周月鰂魚涌分店供應🤟🏻所以我就試咗佢～拉麵師父教落，首先將雞蛋打落拌麵，然後按個人喜好倒醬油同醋，撈勻就食得😋海老油蝦味濃郁但唔腥，怕重口味可以加多啲醋中和吓～拉麵有韌度👍🏻配菜好豐富，有大量小蝦干、黑豚肉(切條上)、脆筍、銀芽及香蔥，撈埋佢嘅拉麵食，口感相常豐富P.S. 餐廳備有凍麥茶，可以解膩，好細心👍🏻

有一日係去左鰂魚涌上堂見到呢一帶都好多野食就心思思去左一直都想去既周月餐廳係海光街呢一帶勁多野食lunch time十二點半去到見到門口都排左六七個餐廳外面掛左由14年開始到而家已經係連續八年既必比登推介餐廳周月係香港有三間分店一間係銅鑼灣另一間係中環座銀格離後者一樣都係必比登餐廳全香港只得三間拉麵店入到米芝蓮其中兩間就係周月另外9話自己米芝蓮果d全部都係日本拎唔關香港事餐牌有拉麵同沾麵咁一場黎到緊係揀最貴果款沾麵周月係無落場時間不過星期日就會休息大約等左十五分鐘就入得同泓一相比就唔算好耐拉麵店入面係L形bar檯疫情下大約可以坐十個人左右分隔開兩個位兩個位因為武漢肺炎關係唔洗搭檯一個人就可以坐兩人位份量可以揀由100g至300g唔洗加錢見自己唔算好肚餓就揀左200g有冷熱麵可以揀我自己坐個位就見到佢地一板板既麵條麵條係用日本麵粉自家製既製麵機我就唔覺眼可能係其他分店整好拎過黎聲稱肉係用鹿兒島既黑豚腩肉而湯係用四國既醬汁同沙甸魚檯上面有提供冰茶沾麵係香港已經發展左一段時間但真係間間都仲要教你係點樣食大約等左六七分鐘左右上麵黑豚香辣拉麵200G既麵條唔算少隻蛋就唔算好靚仔但係件燒豬有燶邊就

前兩日你都晚飯時間喺港島區經開鰂魚涌不如食碗拉麵其實周月喺中環區我已經幫襯好多年，鰂魚涌呢間其實我都食過好多次但真係要出下文大讚佢哋👍🏻👍🏻😌我今晚8:00食飯時間後嚟到都要排隊排20分鐘先至入到坐食嘢！所以你話佢嘅質素其實好好👍🏻佢入邊舖頭細細似日本風格嘅拉麵檔，吧枱式嘅座位可以望住廚師一路煮麵嘅情景！真係好友日式風味我依舊一樣叫周月沾麵⭐️⭐️⭐️⭐️⭐️面你可以選擇唔同嘅克數份量、湯底濃味或淡味但通常女性100克已經好足夠😆但我今日工作太過攰所以我要食多啲😬😬佢嘅面食嘅時候撈落啲湯度掛晒啲醬汁真係非常好味😋所以經開港島區鰂魚涌嘅朋友可以嚟食下呢一隻日式撈麵，其實佢叫沾麵！

聽講呢間好出名就同朋友嚟試吓，個人非常鍾意食沾面，所以好有期望，點知變咗失望💔我哋叫咗周月湯面，估計係佢嘅招牌，叫嘅係淡湯，但個湯底依然係太重味太咸，試咗幾啖之後決定將個面輕輕點下個湯就食，都係好咸，最後我哋每個人都只係食咗差唔多一半就食唔到，浪費左。或者有啲人係好意食呢種湯底嘅，只係我接受唔到，但係既然係有淡湯嘅選擇，點解唔做得再淡啲呢？喺香港大家普遍食嘅嘢都比較清淡啲，所以希望周月可以改進下佢嘅湯底啦。

公司同事推介的周月拉麵店，今天午飯時間來，排隊大約十分鐘餐牌選擇不多，同事推介沾麵，沾麵和拉麵都可以選擇濃汁，淡汁。而沾麵還可以選冷湯或熱湯和份量（100g,200g,300g) 店員建議最少選擇200g份量，而同事就要了燒黑豚肉沾麵。有凍水供應，很有日本拉麵店風味燒黑豚肉沾麵有3塊燒豬腩肉，肉質半肥瘦，味道不錯。沾麵汁十分濃郁，入面有豬肉粒和蔥。配上麵條可以平均咸度，麵條有煙韌，溏心蛋半熟有流心，食完麵後可以叫店員加清雞湯，倒入沾麵湯，就可以飲用。店面有日本風味，價錢略嫌少貴，性價比不算高。但可以感受一下日本風情都是不錯的選擇

見過好多報導 門口又有好多獎項 感覺呢間麵店好出名又好似好吸引。襯星期六冇乜人 就去試下。叫左一個沾麵，一份小食。麵就真係普通，湯底偏鹹。反而小食比起麵更吸引。 試過一次就夠了

聽同事講鰂魚涌有間好出名既沾麵店，日日lunch都排晒長龍難得今日早收工，就過黎試試佢餐牌選擇唔多，主要都係沾麵同拉麵。每種沾麵同拉麵都可以簡濃汁，淡汁。而沾麵仲可以簡冷湯定熱湯同埋份量（100g,200g,300g) 建議最少嗌200g份量，因為我本身簡周月沾麵100g, 但店員建議一般都會嗌200g, 因為100太少而男朋友就簡左燒黑豚肉沾麵。有凍水供應，同埋店員會將麵擺上枱，客人要自己拎個麵返自己枱，十足十日本既拉麵鋪男朋友嗌既燒黑豚肉沾麵，其實只係比我嗌既周月沾麵多3舊豬腩肉😅貴25蚊不過舊肉都幾好味，半肥瘦，又夠厚，25蚊3舊，都可以接受既 講返個沾麵汁，好濃郁，入面有d豬肉粒同蔥。就咁飲就太濃太咸，配上麵條就成個balance返味道。 麵條有咬口，但又唔會死死實實，幾煙韌溏心蛋熟度岩岩好 男朋友200g麵唔係好夠食，建議男士們可以嗌300g食完d麵之後可以叫店員拎清雞湯，倒入沾麵湯，就可以飲。同事話加左清雞湯就會變左周月拉麵個湯底，個人覺得都係偏咸，下次可能要嗌返淡味總括而言，味道幾特別，有日本風味，價錢略嫌少貴，性價比不算高。不過係冇得去旅行既時候，黎感受下日本風情都係唔

見到OpenRice 的評論有贊有彈，但由於太想食日式麵的關係就去試吓呢間有米之連得獎的麵店，好在有試到！佢的麵質係我歡喜的咬口！1. 海老拌麵佢唔係沾麵唔係拉麵係拌麵，order的時候師傅已有特別講多次佢係用海老汁加生雞蛋拌的面，汁係少的。唔知點解張相影到好細碗但正常食量的成年人係絕對夠飽的！櫻花蝦佢哋完全唔吝嗇咁，每一啖都有好多好多的櫻花蝦黐住條面，會encore!2. $128的沾麵Once again 麵質我係好愛好愛的，口感真係一流！個汁都好滿意（姐不是重口味的但都覺得正！）醬油同蒜好夠好香！美中不足係燒豬肉太細塊同蛋過熟唔流心。

餐廳是較為有名的拉麵店，曾經獲得米芝蓮認證，所以上環總店剛開業時我男人便帶我光顧過一次，但上次品嚐的拉麵很為失望，今次恰巧經過附近，便想再次給予機會品嚐別款。到達餐廳門外便首先留意到其出眾大塊的店名牌匾，內進可見座位只提供吧枱位置，而裝潢方面從門口以至內裏皆是使用木系作主題，配搭上柔和的黃調燈光，予人感覺是所溫馨小店。黑豚香蔥拉麵 奉上時可見碗隻寬厚大只，而拉麵熱騰騰的，香氣撲鼻。湯底使用沙丁魚、海帶、鯖花魚、特調醬油長時間慢火熬製而成，飲用時黏度較低，味道偏鹹，而且油分過多，有整層薄油浮於表面，口感比較膩滯。而且點綴的蔥粒亦使用過多，可以略為減少份量。麵條方面是使用蛋白麵，其煮製時間則控制恰到好處，咀嚼時紮實彈牙，柔韌順滑。配料有五花腩、溏心蛋，五花腩雖然外觀細塊，但勝在肥瘦均勻，而且事前經過烤製，入口甘香濃郁，軟嫩鮮美。溏心蛋滑溜香嫩，蛋味十足。味玉味玉方面額外又加了 $16 追加一份，份量共有兩件，其製作時間恰好，蛋白鮮嫩微彈，蛋黃則呈現流心狀態，入口蛋漿佈滿口腔，口感稠密緻滑，蛋香濃郁。總結而言，餐廳裝潢簡約樸素，環境整潔溫馨。菜餚中對拉麵略感失望，因味道過於油膩重鹹，其餘食材