影片
更多
2022-07-13
427 瀏覽
呢間來自日本愛媛縣的拉麵店，主打沾麵，拉麵每天自家製作，湯頭則以特別調製的醬油、沙丁魚丶鯖花魚、海帶等，長時間慢火烹煮而成，仲攞過幾年米芝蓮？咁巴閉一於試下，但勁失望😂😂過百蚊一碗普通過唔少拉麵，真係好多沾麵好食過佢！🍴 燒黑豚香辣沾麵 涼麵 300g $129 (5/10)諗住涼麵配熱嘅辣湯一定好夾，但個麵唔算好涼🤣麵嘅份量足，肚餓嘅話食得完300g，未有台風咁多麵，麵係粗身少少嘅麵，煮得偏硬有口感，比較煙韌少少，但未有麥香，就咁就係冇味嘅，燒黑豚得三小塊，燒到微焦，食落同一般五花腩一樣味，冇香味冇油香，冇豬肉嘅香，勁普通。湯底有啲小肉粒，芽菜，筍同葱花，小肉粒好乾身好硬，似唔要嘅肉攞去煮湯，芽菜筍正常，糖心蛋正常，未到蛋味香濃。湯食落係香辣嗰種，比較淡味，唔夠香同辣，同埋都幾油膩，真係唔辣😂湯質感好稀，麵未能成功掛汁，配麵食就仲淡，同拉麵湯差唔多，就咁飲都唔覺得鹹，完全唔似沾麵湯，做拉麵湯都唔合格😅完全係好失望，未到難食，但絕對稱唔上好食，唔好講話係米芝蓮級數，完全唔值呢個價。🍴 周月沾麵 熱麵 淡汁 200g $102 (3/10)朋友叫嘅沾麵，湯底係醬油，好淡，食得出少少鹹味同
🍴 燒黑豚香辣沾麵 涼麵 300g $129 (5/10)
諗住涼麵配熱嘅辣湯一定好夾，但個麵唔算好涼🤣麵嘅份量足，肚餓嘅話食得完300g，未有台風咁多麵，麵係粗身少少嘅麵，煮得偏硬有口感，比較煙韌少少，但未有麥香，就咁就係冇味嘅，燒黑豚得三小塊，燒到微焦，食落同一般五花腩一樣味，冇香味冇油香，冇豬肉嘅香，勁普通。湯底有啲小肉粒，芽菜，筍同葱花，小肉粒好乾身好硬，似唔要嘅肉攞去煮湯，芽菜筍正常，糖心蛋正常，未到蛋味香濃。湯食落係香辣嗰種，比較淡味，唔夠香同辣，同埋都幾油膩，真係唔辣😂湯質感好稀，麵未能成功掛汁，配麵食就仲淡，同拉麵湯差唔多，就咁飲都唔覺得鹹，完全唔似沾麵湯，做拉麵湯都唔合格😅完全係好失望，未到難食，但絕對稱唔上好食，唔好講話係米芝蓮級數，完全唔值呢個價。
🍴 周月沾麵 熱麵 淡汁 200g $102 (3/10)
朋友叫嘅沾麵，湯底係醬油，好淡，食得出少少鹹味同埋偏酸，比辣湯更差😂同佢張poster介紹醬油，香濃帆立貝油，沙丁魚介粉嘅鹹香同鮮完全冇關係❓又或者係食唔出係咁矜貴！
推薦指數: 0/10
好普通，未到中伏但個價錢真係好貴，過百蚊一碗拉麵真係唔值得，應該要唔止呢個級數先啱。
張貼
