麵屋福

營業中

休息中

門面好日式, 舖頭面積唔大, 而呢度既老闆喺係日本學過師，好！就試一試😌 我地星期五晚七點鐘黎食，有人龍，排左大概20分鐘左右就有得入去食啦😉 排隊既時候，店員會俾餐牌你圈定食咩！呢度有三款口味: 包括魚介豚骨、黑蒜油豚骨和番茄紅油沾麵! 入到去坐低就有得食啦😍 沾麵上檯時，所有配料係放係湯入面，而碗入面只有紫菜同麵。.📌魚介豚骨沾麵 $73魚介豚骨湯味道嘅濃淡度同鹹度得宜, 會略略偏咸，因為係For沾麵! 沾麵湯上有魚介粉、芝麻、香葱同柚子皮，柚子皮可以減低油膩感! 撈勻之後，試一啖湯，用豬骨熬成既湯底，加上魚介粉，味道濃郁突出! 麵條係常溫, 份量適中，將麵浸入熱湯試一啖，粗身麵條有少少麥味, 口感爽彈又掛湯! 湯入面有兩片薄切肩胛肉叉燒, 肥瘦均稱，都好軟腍！仲有少許味筍! 湯內仲有一隻日本半熟蛋, 有醬油香, 蛋黃深黃色, 流心程度出色, 咬一啖後，蛋汁緩緩流出，蛋香味濃👍🏾.📌黑蒜油豚骨沾麵 $83 追加叉燒+$12 黑蒜油豚骨湯比較濃味, 黑蒜油味太重, 略帶點苦澀味! 適合重口味人士！咸度雖然較高，但仍然可以感受到佢既鮮味！.📌可樂$12 雪碧$12 .P.S. 完全唔記

晏就2點到達，排左20分鐘左右，排隊時店員會提供餐牌，可以諗定上面圈住食咩野。店內細細的，醬料配料十分齊全。魚介豚骨沾麵 $73沾麵湯擺得幾靚～要自己撈一撈先～魚介豚骨味道好濃郁，有日本味道！有少少咸，但因為係For沾而唔係直接飲所以唔錯架！ 沾麵湯裡已經有叉燒同半熟蛋，但咁樣睇係睇唔出，要用匙撈低就見到架啦～如果第一次食未知份量其實都可以唔洗追加～ 追加日本半熟蛋 $12麵質都幾彈牙同有得咬下咬下，同埋我最鐘意既係好似烏冬Size既拉麵！蕃茄紅油沾麵 $88蕃茄味道幾清新同幾濃，唔會太過假蕃茄膏味道喔～湯裡面都係有叉燒同半熟蛋，真係唔洗擔心唔夠食！追加肩胛肉叉燒 $12叉燒都幾大塊啊！！好抵食！門口教你點食沾麵可以落粉～

開工大吉 今日去左食 沾麵 一向有得揀, 我都會揀烏冬 唔揀拉麵唯獨沾麵 係我會主動食既 😍所以見到公司附近又沾麵食, 點會錯過我今日只係叫左 魚介豚骨沾麵, 咩都無加湯好濃, 我飲一啖湯,就好想繼續飲埋落去 😅😂雖然我無再加其他, 但都已經好夠飽而家仲 好抵食Lunch 送汽水 😍😍推介呀 👍🏻👍🏻👍🏻👍🏻

位於荃灣的麵屋福：家庭式經營的小店裝修充滿日本風，加上親民的價錢，讓人仿如快閃了一轉久違的日本。/🍅蕃茄紅油沾麵 $88首先喝了一口湯，湯底濃郁但不會過鹹，沾麵吃剛剛好。裡頭有很多蕃茄蓉，酸酸甜甜且帶微弱的辣度，非常開胃！然後就是將拉麵浸入熱湯中嚐一口🤤超喜歡它的粗身麵條，彈牙又掛湯💯豬叉燒薄切幾片，肉質脂肪不多，但也很軟腍；蛋流心，有醬油香；筍也很爽很好吃。吃飽後再請店員加上木魚湯，香甜好喝，害我忍不住喝了大半碗，肥死了🐷(但我唔會覺得佢哂quota😌)/黑蒜油豚骨沾麵 $83/能夠在荃灣區發掘到一間性價比高的沾麵店實在太開心了，已經諗緊下次要試魚介豚骨沾麵lol

[🇭🇰香港- 荃灣].真係好誇張,平日十二點幾黎到都已經好多人排緊隊;"魚介豚骨沾麵"真係幾出色,難得係香港食到魚介味咁濃嘅湯底又唔會話好鹹,麵嘅質感都係我鐘意嘅,價錢仲包埋叉燒同溏心蛋,值得⼀試👍🏻.🔻🍽 麵屋福📌 地址: 荃灣享成街18號地舖.#tummysready #tummysreadytoeat #tummysreadyinhongkong #tummysreadyattsuenwan #tummysreadyfornoodles #tummysreadyforjapanese

超級多人排隊 一入到去可能比較焗 因為舖頭面積唔算大 相對上都冇坐得咁舒服叫咗個黑蒜拉麵 個湯就比較咸 喜歡食比較重口味嘅人會鍾意 面嘅份量都啱啱好 軟硬適中 店員都好有禮貌 價錢都公道總結 7.5/10

係平日下午，荃灣人龍拉麵店仍然要排到出公園，醒起最近有媒體介紹另一間沾麵店，於是前往一試究竟。門口裝飾似足日本，加分當然最重要係食物味道。原來這間舖只賣三款沾麵，既然第一次來，我就揀左最基本嘅魚介味。魚介粉在湯面清楚可見，還有些柚子皮，湯入面有一大塊叉燒及一隻蛋，還有筍片。撈勻先試一口湯，魚介味突出，十分對辦，淡淡柚子味則多了一分點綴，以沾麵來說湯不算杰，但也不會過淡，我不加清湯也可以直接喝完。叉燒較薄，但入口即溶亦夠肉味，不錯。蛋不是溏心而是流心的！大家要注意啲竹筍幾清甜，沒有坊間一般拉麵店嘅筍戈陣怪味，亦加分。麵條是常溫的，不熱也不冰，這點我喜歡，麵身略粗，是沾麵常用的款式，麵質少少煙韌但不難咬，都食得出有麥味，唔錯唔錯。總括來說，衣度嘅麵雖然食落未算好驚艷，但絕對是有實力的店，味道拍得住上環某沾麵名店。但我今日食嘅衣個麵只係73蚊仲送汽水，所以我一定會再黎，起碼試埋另外兩味沾麵

一入間鋪頭，好臭...... 🤢其實唔係個個都鍾意食筍，尤其筍係有一陣獨特嘅味，一陣獨特嘅「押」味🤢🤢明顯店舖通風系統有啲差，又或者根本冇好似專業嘅日本麵店咁去處理啲筍。總之，成間麵店好臭。叫咗兩個沾麵：魚介豚骨沾麵$73今日好凍，好彩沾麵係熱嘅。湯好鹹好多味精，但係隻蛋又唔夠入味，唯一okay嘅係啲麵，片叉燒薄到透光咁。朋友講笑話：唔怪得叫「豚骨」沾麵，唔係「豚肉」沾麵😂黑蒜油豚骨沾麵$83同樣好鹹好多味精，黑蒜油又唔夠香，唔好食。午餐送汽水，如果要其他飲品（大多數都要$22）就可以正價減$5 。由於間鋪頭太臭關係，都冇咩心機食，加埋食物太鹹太味精，座位又唔係特別舒服，服務又唔太殷勤，唔太推薦。食物：2/5環境：3/5服務：3/5CP: 2/5回頭： 應該唔會

今日同男主角特登黎呢邊食拉麵🤡我地差唔多2點到 等左差唔多30分鐘到就入到我揀左最普通果隻魚介沾麵 $73個麵有al dente 女仔份量夠 但男既應該要加麵 唔系唔夠飽 麵值90分 好食 😋個湯比較油🤧 望落好多油 沾落去都覺得油不過麵都掛到湯 叉燒大大塊 一塊過 薄切望落唔肥 但好好食😋 糖心蛋竟然系一粒完整 超讚 如果料唔好擺落湯會更好😺男朋友叫左黑蒜味的 $83 佢話個湯都比較油黑蒜油味太重 冚左原本隻味 美中不足不過呢間拉麵都唔錯食 可以加湯 正🥸

冇諗過星期日嘅3點鐘左右都排長龍，好彩排咗大概半個鐘左右就有得入去。唔知係咪因為好多人排隊搞到我對啲沾麵期望好大，覺得啲麵冇想像中咁好食，甚至覺得啲人過份吹捧。我地分別食咗蕃茄紅油沾麵同黑蒜沾麵。兩個湯都太鹹太濃，食完好口乾。至於叉燒就太薄，但我覺得口感唔差。啲麵偏黏，不過都幾掛到湯上去。食到最後加湯，加完湯覺得都係超鹹所以飲咗一兩啖冇飲。當日舖頭開咗冷氣/風扇，搞到啲湯超快凍咗搞到個麵唔好食。同埋希望可以加個籃喺櫈下面放袋，要攬住個袋食野有少少唔方便。

今日朝頭早老公開車食呢一間想食好耐嘅餐廳，老闆喺日本學師，聞名不如一吃去到已經見到人頭湧湧，以往老公唔會鍾意陪我排隊😎今次佢都願意排隊一定好想食😎去到大約有15個人 ，等大約30分鐘就入到去，好可惜今日超多車，老公等緊車位，一拍好車已經即刻「仆」過嚟，其實喪跑，其實20秒內會到，好可惜店舖職員問都冇問， 見我唔齊人,就收咗下一位客人嘅order sin （但係其實大家都未有得入）。我老公嚟到之後都冇得入先，因為店員已經收咗後邊嗰個人收咗order先，職員先安排後邊嘅人入座🤣 我覺得呢一個位，有啲唔細心。因為講到個服務好似日本人咁，但係好似冇乜人情好講，又或者我期望太大🙂其實20秒內已經到啦，一啲人情都唔講。另外佢係提供自助水杯😅但係其實個甲板係隔離唔到水杯，即係話兩邊客人嘅飛沫好大機會可以飛到去啲水杯入邊😅 所以我哋水都唔敢飲。最重要係上一手飲完啲水，冇幫手fill （圖片可以見到）😅服務真係麻麻地。講返啲食物先，我同老公都覺得好正，黑蒜油比較濃味，適合重口味嘅朋友啲面嘅質地好煙銀。魚介豬骨味比較黑蒜味清淡，整體都香濃感覺到廚師嘅心機每碗湯麵都會有一隻糖心蛋，好多時出面只有半隻。最重要

晚市的選擇不多, 就揀左間食日式沾麵主要有三種沾麵店內有介紹食沾麵的教學店內座位不算多魚介豚骨沾麵@$73因為是追加了半熟蛋及肩胛肉叉燒, 所以沾麵是有加多的餸; 但本身魚介湯入面都有肩胛肉同半熟蛋, 所以意外地覺得有點餸太多了哈個人幾鐘意沾麵黏黏地的感覺( ´ ▽ ` )魚介湯如果平時食得清淡既會覺略鹹了少少, 但整體湯底濃郁~~ 將沾麵撈在湯中, 好食!

阿林：旁邊食店經常人頭湧湧，這小店隱沒其中，默默做著沾麵。三款口味中，我選擇了黑蒜油豚骨 ($83)。呈上時湧現香濃黑蒜味，味道超重，重得有點過火，就像直接把黑蒜油倒進口，有點過分簡單，其他配料都沒能發揮作用。湯底薄身，正好平衡一下濃厚的味道。麵稍暖，並非我所好，沾麵還是冷的來得爽口。叉燒薄切，正常質素。半熟玉子是流心的，可是明顯太生，蛋白尚未充分凝固。雖然嫌東嫌西，細節上未臻完善，但其實整體還好，是不知道吃什麼時就會想來吃吃的類型。

麵屋福友人強烈推介，終於試咗！去到門面已經好日本式，好開心😍😍好似暫時到一到日本回味下咁🥺😭我都幾鍾意食沾麵，因為一麵可以兩種玩法，正！小店不大，可以容納六張台，環境都似日本麵擋，似暫時去左轉日本😍一間鋪單單專心賣一樣野，睇得出食得出有心機，麵款只有三款，有辣有唔辣，想食沾麵其實已很足夠。.魚介豚骨沾麵 $73 😋😋😋😋香濃的魚介味，重口味的人頗適合，食到咁上下，可以加湯飲埋個湯！爽。

喺荃灣呢頭返工，緊係要搵下Ｄ美食小店，日日食連鎖野真係唔得！喺一條好多車房嘅街度，俾我發現咗一間拉麵小店—主打沾麵！！！！！ 魚介沾麵 $73魚介湯好大碗，又熱辣辣。飲落去非常濃郁，有日本食沾麵嘅感覺，配埋蔥花簡直係一絕！麵幾好食，麵條偏粗身、質感好彈牙煙靱、好掛湯，整體味道又唔會太鹹。食完沾麵之後可以加啲熱木魚湯，魚介再加木魚，魚味超級濃，正！！ 下次一定會再嚟，好好味，一解思鄉之愁ＨＡＨＡＨＡＡＨＡＨＡ