麵屋一平安 (已結業)

今晚難得和女朋友來到尖沙咀，一於帶女友來試試我最喜愛的正宗地道拉麵店（以前一個人每個月總會來吃一、兩次）！由於女友中午因太忙祇吃了一個老麥飽，所以晚上七點左右已經和她來吃，可能太早，不用等位！已經不記得有多少個月沒有來過，雖然環境依然保留住日本拉麵店的地道特色，應該說沒有改變過，但menu 已經換了新裝，而且多了本地侍應（至少多了一個女侍應和男經理），日藉女經理（老闆娘）和部份菲藉女侍應可能過了去銅鑼灣新鋪。女友點了咖哩拉麵，我則點了招牌--長崎拉麵，以及一客鰻魚蝦肉芝麻餅，而且拉麵在點了之後五分鐘內已經上檯。咖哩拉麵：很香口，不是很辣，很鮮味，拉麵有咬勁，不過淋！長崎拉麵：好像比以往大碗左，奶白色的湯底依舊是很鮮甜，不油不膩，真正做到味清淡而湯濃郁，絕對正宗且沒有味精！大量新鮮蔬菜椰菜、紅蘿蔔絲、芽菜、木耳、蔥和切成條狀的鳴門卷、豚肉等配料鋪滿了整碗麵，好像吃極也吃不完。麵條應該是正宗日本麵，有咬勁。而且整碗拉麵很熱，一邊吃一邊在流汗。鰻魚蝦肉芝麻餅：芝麻很香口、蝦膠充滿蝦味而且很爽、有點彈牙，唯獨是鰻魚沒有味道，略嫌失色。之後，女友再點了個甜品WarabiMoci（唔好意思，忘記了

和朋友晚餐於一平安,一間很正宗的日本拉麵店. 幸好早了一點到達,吧枱上還有少量座位,馬上入座不用等位. 只要稍遲一點,已經有大量客人積在門外等候了...甫進餐廳,侍應生是一個日本男生,友善的笑容令人舒服. 坐定後,點了4樣菜式: 一平安沙律,燒牛脷,還有一個豬腩肉飯和一個麵豉拉麵,二人分享.一平安沙律的沙律醬汁味道很好. 利用酒醋和橄欖油作為汁底,加上一些紅色一粒粒不知名的植物種籽,很香滑. 還有蛋黃醬在沙律中,味道很特別. 算不錯.燒禾脷切得十分薄,不容易. 擠一點檸檬汁下去的話,味道會更加出色. 牛脷的油香也算不俗,可以滿足到愛牛之人的要求.兩個前菜雖然味道也不錯,但最值得推介的,卻是飯和拉麵. 豬腩肉飯中,赌腩肉很肥美. 可以做到入口即溶的地步,油香四溢,有一點吃東玻肉的影子. 飯面還有半隻糖心溫泉蛋. 剛剛熟,保持到蛋的鮮滑. 漬物的味道有點似梅菜,因此和朋友戲言這是一碗日式梅菜扣肉飯. 醬汁的味道很甜,拌在日本米飯中剛剛好. 只要對肥豬肉有興趣,這一碗飯絕對值得一試.麵豉拉麵是這裏的招牌菜. 拉麵和湯底也很正宗. 湯底的味道很濃,接受濃味的朋友一定會很喜歡. 但若喜歡味道較淡

唔知聽過邊個講話喱間既拉麵同小食唔錯，而我同老公都未試過，所以決定去give it a try。 星期六，六點九去到，唔使等位，真開心！ Good start! 我地兩個人叫左：青瓜蟹羔，串燒盛合 (自選6串)，雜錦豬骨拉麵，同埋迷你雜錦豬骨拉麵。 ，連加一食左大約$25X。青瓜蟹羔($35)：蟹羔好鮮味，最正係喱碟！ 如果pat蟹羔大pat少少仲好！串燒盛合 ($7x)：我地揀左：雞軟骨（完全冇味）、雞翼（勁冇味）、帶子（幾好，因為起碼有D味）、雞腎（冇味到癲）、番薯（有番薯的甜味，所以幾好）、豬肉（都唔錯，起碼豬肉有豬肉味）（果晚應該唔係只係我地兩個覺得D野冇味，我見到隔離檯個阿叔食左兩啖佢ordered既『推介小食 — 燒牛舌』，都忍唔住叫個待應姐姐D鹽俾佢~ 唔通佢地D鹽唔夠用，只夠黎煮湯底，其他食物就唔落？）雜錦豬骨拉麵 ($6x) & 迷你雜錦豬骨拉麵 ($48):兩碗麵等左好耐好耐，等到托晒頭至到；唔知係咪因為咁，我同熊貓都覺得我地兩碗麵好似唔多夠熱，唔熱既拉麵可以有幾好食？ 勁減分！！ 迷你版同原裝版內容應該一樣，只係份量少D。 有紫菜一片，芽菜，豬腩肉，半

昨晚(星期三)和女朋友一起去。7:45pm到達，8:15pm先有位。其實都係等兩張枱，不過都等左好耐。環境裝修有日本風味，不過椅子比較矮，坐得唔舒服，入面好噪，不合適來這裡傾偈聚會。 坐低不久，侍應送上熱的毛巾抹手，夠細心。我叫了炸雞拉麵，女朋友叫了迷你豬骨拉麵，再加多一客鐵板豆腐。鐵板豆腐 ($50) - 味道可以，有些蒜蓉，有4件。連鐵板上枱時熱辣辣。炸雞拉麵 ($5x) - 外皮酸酸甜苦辣，幾野味。 麵同豬骨湯底我覺得一般，不是特別的好。迷你豬骨拉麵 ($3x) - 女朋友覺得都係一般如果要同味千比，我會選擇味千囉。呢個價錢，應該可以有更好的水準。應該不會再去呢間lu。

22號那天晚上, 跟朋友去了試試,, 由於只有我們2人,,所以也不可能叫得太多東西吃,我們點了"炸雞拉麵"跟"日式燒餅",最後還叫了甜品"柚子雪糕",,那個"炸雞拉麵"的"炸雞"真的很好吃,, "炸雞"放了湯內, 食落無咁熱氣, 還有"日式燒餅"也很夠味,,最後"柚子雪糕"真的不錯呢,, 清清甜甜帶有點花味的感覺.而且裡面還有粒粒果肉!!

自從無係尖沙咀返工之後,我真係無乜點過去尖沙咀啦....上個星期日幫我家姐去尖沙咀攞o野,咁咪約個朋友仔一齊去順便行下街啦~係openrice見到咁多人話呢間拉麵唔錯,我一向都喜歡吃拉麵,加上又尚算順路,所以捉了我朋友去試下試~唔知係咪我同朋友的方向感有問題定係d指示唔清楚定係間舖真係有點隱蔽,搵咗一陣至搵到間舖~唔係好多人,即刻有位坐,坐係都算幾舒服,好...叫野食....見個餐牌的野食唔算好多,有拉麵(廢話~)仲有好多咖哩同set lunch~沒有我最喜歡的面鼓味,只有豬骨湯底(後來好似發現可以加錢轉,唔係好清楚~)我同朋友叫咗叉燒拉麵 + 雜錦豬骨拉麵 + 餃子 + 2個凍o茶....等咗快15分鐘都未有東西嚟,問個待應佢話幫我睇睇~再等多5分鐘到~拉麵到啦~先飲一口湯~ok啦唔好太濃~可能係我習摜面鼓味濃~我叫個個雜錦豬骨拉麵有2片叉燒+ 2塊五花腩般的豬肉 + 0.5隻蛋 + 1片紫菜 + 麵 + 菜 叉燒唔係好厚~但係無乜味~豬肉唔係好肥~但係都係無乜味~個半隻蛋真係好似平時D熟蛋咁~一D都唔似薰蛋~(可以根本就至於紫菜同菜無乜特別~但係D麵真係唔得,唔彈牙仲一D都唔似拉

看了雜誌介紹，所以趁星期日來試試。6:45pm 已經滿座了，要等位，果然好生意。等待期間發覺有很多也是日本人，心想這間拉麵店應該是信心保證。等了三十分鐘左右有位。店內裝潢很有風味，像是日本的居酒屋。我和朋友四人點了四碗拉麵和一些小食，全部都很有水準 =)叉燒拉麵、雜錦豬骨拉麵這兩款拉麵是用豬骨湯底。雜錦豬骨拉麵比較豐富，有很多料，包括叉燒、腩肉，還有一隻溏心蛋。奶白色的豬骨湯又香又濃，十分足料，而且不油膩。怪不得是這裡的招牌拉麵！豉油拉麵味道剛剛好，夠味而不咸。麵很入味，不喝湯只吃一條麵或芽菜也可嚐到那陣豉油香。咖喱拉麵十分惹味，一點點辣，喜歡味濃的可以吃這個。基本上款款拉麵我也覺得好吃，湯底好，麵煙韌彈口。所以各式其式，視乎你喜歡什麼湯底。汁燒牛舌麵店的推介小食。個人認為一般，不是因為味道差，只是覺得它像牛肉多於牛舌。串燒盛合 (自選6串)雞翼、帶子、雞皮、煙肉露筍、串燒快、靚、正。可以散叫或叫個盛合自由配搭6串。這樣叫比較化算。日式燒餅有些腩肉、椰菜和薯仔。喜歡它熱呼呼和鋪得滿滿的木魚絲，是款十分有特色的小吃。

LUNCH行左一轉厚福街,揀極都揀唔到食邊間.於是泥呢度食拉麵, SET LUNCH食一個迷你拉麵+迷你飯,仲有個沙律,餐飲!揀咗個迷你豬骨湯拉麵 + 迷你咖喱豬扒飯個麵細細碗,彈牙,湯底夠濃.唔錯!飯呢就差少少啦.塊豬扒炸得好乾呀!!不過D咖哩汁正,細細碟好快就食晒喇.生菜粟米沙律一般啦..唔難食啦侍應幾有禮貌,會不停加水.不過位唔係幾好座,會再來食呀!

星期五去 8:30PM 左右到，要等位，等左大約 3、4 個字，因為之前好多人走左，所以先可以以較快的時間輪到。兩個人去，點了：長崎拉麵 x 2日式燒餅 x 1日式炒牛膀 x 1我地叫既燒餅未到，但見到隔離同樣叫了的燒餅就到左，唔睇由自可，一睇個燒餅好黑，好多焦，又「痴底」心諗：「會唔會我叫o個個都係咁？」好彩，冇隔離o個個咁膿，可以接受。座得唔舒服，枱下既木板用意放手袋係好，不過成日頂到膝頭，同隔離枱又太近。兩個人埋單 $250，這樣的質素，個人覺得物非所值。但不致差o個隻，食物的味道可以接受，OK 啦。但就未必會再去。

之前已試過它的set lunch, 有點激氣….不是食物質數有問題, 而是單太亂, 令我呆坐很久才開餐. 不過見其拉麵也頗有水準, 就在回歸日7月1日再給它一個機會吧!是晚點了:1)牛舌—份量頗多, 薄薄的, 一點也不韌. 是吃過最好的三甲以內2)清酒煮蜆—味鮮而不韌, 讚!3)主角拉麵—一碗义燒, 一碗雜錦. 湯底呈奶白色, 非常濃郁鮮美, 喝後也沒有太口渴的感覺, 級數比味千高幾班. 麵條質感較彈牙, 有點像意粉. 老公說雜錦拉麵內的豬腩肉好食, 我那幾片义燒也不錯, 不過就薄了點.總括來說, 如果想吃一碗出色拉麵, 我會來這裡. 不知和橫綱比, 哪間較好吃呢? .

4/7/2008又到星期五，和女朋友搵食的時間。早上已經決定來這店了。六時多入座，不用等位，很好。問問侍應有甚麼推介，我便要了長崎拉麵，女朋友要了叉燒拉麵。這個長崎拉麵份量很大，用料很多，以野菜為主，但亦有蜆肉、魷魚、魚蛋、豬肉等配菜，而配菜分量也不少，也挺新鮮。湯底有點淡，但味道很鮮甜。麵是幼麵，不是太淋，亦有質感。這個拉麵的味道很不錯，但份量真的很大，女朋友吃完了她的叉燒拉麵，我還沒有吃到一半。=.= 一路吃，一直吃不完的感覺。吃完了，已經覺得很飽很飽，再吃不下小食了。環顧四周，沒有其他食客點長崎拉麵……中計了！下次還是試試其他口味。

雖然份量可能稍為少了點(正因為是好味才會覺份量少)，但其實八分飽最滿足。午市每星期有不同的定食(兩款)，這個雞肉味噌茄子定食，雞肉嫰滑，味噌醬咸香，味道一流，很下飯！飯粒非常飽滿，像是日本米~~~ 絶配！最重要的是吃得出是用心煮出來的，擺設得很美，食慾大增。而且店內環境優雅，坐得舒服，看看別枱的日本人飲酒也蠻寫意的。

又食拉麵, 今次7點倒來到唔使等。不過d位就無得「埃」, 坐得有d辛苦。一人一碗拉麵, 見倒+$5又可以加大, 諗都唔諗就加大la~炸雞豬骨拉麵 ($63): 有5舊炸雞, 新鲜炸起好熱oh, 入面又好滑, yummy~ 個湯底好清同比較淡口; 配料就只得芽菜同蔥, 而個拉麵超多, 相比下d湯同配料都唔太夠, 食到尾有d口「寡」;麵質係直身果款, 偏硬身好好咬口。熊本豬骨拉麵 ($57): 同炸雞拉麵無分別, 只係換左2塊叉燒。叉燒好薄, 有少少肥, 好稔。個味好好, 之前食過果d有港式叉燒味, 呢個係豬肉味, 好鍾意! 不過2塊太少oh呢d衰貪心, 下次唔好2碗都加大

已是個多月前的事, 要和幾位朋友相量旅行之事. 當然大前提便是要平平地, 一直想來此店吃拉麵, 終於有機會了.此店燈光有點點暗, 除了拉麵外, 也有咖喱, 串燒小吃等等.我們點了些串燒, 沙律, 另每人要一碗拉麵.我的拉麵是豬骨湯底, 賣相不錯的, 有豬腩肉, 半熟蛋, 叉燒, 還有其他配料, 幾足料的.麵是白白色, 較直的一種, 不過我還是喜歡黃色卷曲的一種, 好像會吸收多一點湯汁.半熟蛋過熟, 蛋汁不是很豐富, 叉燒一般, 最好味莫過於那幾件豬腩肉, 夠哂入味, 又夠肥. 其他相對一般, 一平安沙律即是廚師沙律, 蟹子, 蟹柳絲, 青瓜, 生菜, 無甚驚喜, 不過叫做穩打穩紥.串燒水準和純燒鳥等居酒屋不能相提並論, 不過蔬菜類的茄子, 青椒收貨, 至於雞皮就不要食好了.

男朋友係日本福岡食過正宗猪骨湯拉麪, 念念不忙那碗肥爆但係好甜嘅猪骨湯底, 佢返嚟仲上網搵邊度有得食, 但係搵唔到.有日我哋係美麗華商場行行下街見到有間食拉麪, 咪走入去試下.有幾個侍應係日本人, 佢地都好有禮貌. 叫咗個長崎拉麫, 簡直以為返左去日本食拉麪, 湯底無日本正宗咁肥, 但係好濃好甜, 唔係一般出前一丁貨色, 完全唔口乾 (無味精), 叉燒軟度剛好.炸雞好好味, 唔 '鞋'口, 好香但味唔太濃.環境好有日本風味, 裝修簡單踏實, 給人平易近人的感覺, 唔會令人覺得好貴唔感食.價錢合理, 食物好有水準, 非常地道.