麵屋一平安 (已結業)

男朋友係日本福岡食過正宗猪骨湯拉麪, 念念不忙那碗肥爆但係好甜嘅猪骨湯底, 佢返嚟仲上網搵邊度有得食, 但係搵唔到.有日我哋係美麗華商場行行下街見到有間食拉麪, 咪走入去試下.有幾個侍應係日本人, 佢地都好有禮貌. 叫咗個長崎拉麫, 簡直以為返左去日本食拉麪, 湯底無日本正宗咁肥, 但係好濃好甜, 唔係一般出前一丁貨色, 完全唔口乾 (無味精), 叉燒軟度剛好.炸雞好好味, 唔 '鞋'口, 好香但味唔太濃.環境好有日本風味, 裝修簡單踏實, 給人平易近人的感覺, 唔會令人覺得好貴唔感食.價錢合理, 食物好有水準, 非常地道.