麥當勞

營業中

休息中

由細到大食極都唔厭最鍾意食佢嘅脆香雞翼餐加大再加大薯條走鹽 最緊要係配埋一杯大可樂多冰！佢嘅大薯條走鹽係新鮮即炸熱辣辣又脆 然後仲要自己加鹽超好食 脆香雞翼一定要配埋泰式辣醬！

長假期度度都多人，但m記反而冇排隊🤣脆香雞翼冇得輸，突然想食求其搵間M記坐低，純粹想分享吓親子會優惠， $28送免費細薯條，所以用咗$25買四隻脆香雞翼，再加$3買包shake shake粉返屋企用🤣

中午去的，人不算多但也不算少，环境还算是可以，因为有券需要走人工点餐，很快就点上了餐并且拿到了餐。餐品味道不错，但还没到惊艳的程度，点的鱼柳堡套餐，个人觉得鱼肉比较健康就点了鱼肉，薯条感觉略微有点潮，可能已经炸出来一阵子，堂食人有点多，有时候可能需要等一等。

麥當勞既雪糕出名好好食 間唔中會出一啲特別既味道雪糕 每次既味道都好吸引 而且個價錢又好平 唔洗十蚊已經可以食到杯好好味既雪糕 今次麥當勞又再一次推出珍珠奶茶系列 記得上一次食都唔係好耐既事 對上次係第一次食 果然冇失望過 真係好好食 今次都唔例外 一見佢出左即刻要去試下 始終個味道會隔一段時間就會轉下 同埋佢唔係間間既麥當勞都會有 只係得有甜品站既麥當勞先會有賣 所以都唔可以話周圍都有 可能一個地區有四至五間麥當勞 但只有一間係有甜品站 今次同朋友照舊食返珍珠奶茶新地 雪糕大大杯 雪糕有好重好濃味既奶茶味 呢點真係好重要 仲有好多粒煙煙韌韌既黑糖珍珠 食落甜甜地 再配埋奶茶雪糕呢個配搭真係好夾 呢個味道果然係冇失望過 有機會既會再食多次 絕對係值得一試

今日點幾鐘嚟咗呢間餐廳食午餐，叫咗個原味麥炸雞配BBQ 蜜糖shake shake薯條同凍奶茶多奶因為得我自己一個人，見餐廳入面又未有座位，我就企左喺度等位，諗住等到坐低先至用Apps落單，點知有個男人一入嚟，見到有人走即刻俾佢坐咗個位，已經着咗火個人，好啦再等，有一個女人已經買咗嘢食，跟住佢叫個清潔工趕走咗一個坐喺度唔係食野嘅男仔走，跟住我走埋去同佢講我等位先嘅，好彩後來有一個已經食完野嘅人讓左個位俾我打尖嘅男人喺我同另一個女人食完野都仲坐喺度打緊機，唔知係咪等食二手餐定係點，本身疫情座位得一半，一張枱最多只可以坐四個人，所以座位真係好有限，繁忙時間仲比呢啲人霸住晒，食客真係唔知點算麥炸雞食過晒三隻味，都係覺得原味最好食，個皮夠脆，肉質嫩滑，薯條叫咗走鹽，所以夠熱夠脆，加埋shake shake粉超正🥰👍🏻👍🏻凍奶茶都係正常水準好味👍🏻👍🏻用Apps買超過$40，用payme俾錢有九折好抵❤️

今日半夜5點左右去買咗兩個餐(一個扭扭粉餐同一個珍寶早晨全餐)仲加多塊薯餅，外賣自取，點知，返到屋企發現得兩塊，錢就收咗，薯餅就少咗塊，蝕咗$12.5，都算啦，諗住怪自己無睇吓有無少咗嘢，點知打開個扭扭粉，食咗一啖，嘔咗，隻蛋🍳壞嘅，我真係覺得好過份囉，隻蛋壞嘅都唔知，仲要照出俾客，仲有佢哋好污糟囉，無帶手套，真係唔使旨意有下次，唔會再去呢間買嘢食，我個肚宜家仲有少少唔係好妥，諗緊去唔去醫院🏥，我一定要投訴呢間麥當勞囉🤬

今日放假一早去左中環，同朋友食完lunch行左一陣，之後因為約咗人係旺角玩，朋友話大把時間，不如去坐船出尖沙咀，跟著再坐巴士出旺角，但出到去仲有半小時先夠四點，最後我地去左麥當勞坐下飲杯野hea下。門口有好大個牌寫住$15餐，包一杯紅豆特飲（大）、兩隻脆雞，超級抵，咁梗係要買這個餐啦。朋友就叫咗一個兒童開心樂園套餐，$17包一個漢堡包、細粟米杯、熱朱古力、仲有最重要嘅開心樂園餐玩具！雖然係下午茶時間，但我哋都勉強可以搵到兩個位😊，好好彩。

食完火鍋行過呢間麥當勞，而家麥當勞會開一個甜品外賣櫃臺，唔使入店都買到甜品，食完火鍋習慣食杯雪榚降溫（藉口😆）呢排做緊芒果主題系列，我同朋友各買一杯，店員爽手唧好比我哋！呂宋芒果新地🍦（$9）透明膠杯，鮮黃色賣相幾靚，可惜芒果醬太太太甜，雖然夾雜有芒果肉，但一啲酸味都無，淺黃軟雪榚軟滑，仲要芒果味唔假，如果唔落醬應該仲好味！店員爽手唔多說話，最好笑係我影食物相嚇親佢！即刻定格唔敢郁！😆試過就算

24小時的麵包店係講緊「麥當勞」，凌晨時分肚餓的時候 ,總有一間在你附近。而家出咗電子點餐牌買飽，十分方便快捷 ,都要試用學點餐，就節省好多排隊嘅時間。最初都不太懂 ,試下試下又okay，原來時代同科技都進步，我哋都要學習及適應.豬柳蛋芝士漢堡包11元仲有好多套餐仲有可以用手機點訂餐 ,即刻有得取,不用排隊.學識用電子餐牌就方便又快捷.要舒服享受一D，可以去Mac cafe嘆杯咖啡食件蛋糕。睇下如果仲係要叫人落單,就要排呢條啦。大家都好熟識呢個m字喇!

每次想平都係食瀦留蛋漢堡宣傳成日都講豬柳塊塊鮮嫩多汁；配上香滑農場鮮雞蛋，營養美味給你同時兼得。食落都真係唔錯嘅不過包面就乾左點😂十幾蚊個包又可以係24超值套餐仲有超值選優惠價只於早上11時後生效，全日供應之「超值選」食品，於早上11時前則以標準價發售。 $24超值套餐及「超值選」之供應地點並不包括山頂、海洋公園、香港國際機場離境大堂及抵港大堂、沙田馬場及跑馬地馬場之麥當勞®餐廳。好彩小係呢啲地方食麥當勞 如果唔係就食唔到平啲嘅餐啦

本來一早就想試三文魚堡, 但因為太忙沒時間去買, 結果等到$24三文魚堡餐同$28三文魚菠蘿堡餐! 未試過三文魚菠蘿堡, 所以試這個~三文魚菠蘿堡基本上和三文魚堡是一樣, 多了一片芝士和菠蘿, 感覺上豐富了, 但個人覺得本來的三文魚堡比較好吃! 本來的三文魚堡加了明太子醬, 還能吃到三文魚的味道, 這個的明太子醬比較少, 而菠蘿的酸甜和芝士, 蓋過了三文魚味, 感覺上像吃魚包而已, 好可惜! (也可能因為件三文魚扒不是很熱, 微暖, 所以感覺更普通! 明明上年吃的三文魚堡和三文魚牛堡都很好吃的呀!)$8 有2個古古力批真係抵! 雖然裡面感覺似飲杰了的巧克力牛奶, 但冬天有點古古力落肚真的好滿足! 不過古古力批的熱力嚴重不足, 只可以說是微溫, 要回家放微波爐叮熱才好吃!

牛油果芝士雞雞包！純粹試下，因為太多負評，所以一開始就知道要叫多醬！第一次o係油麻地買，買多醬都係正常份量　(買兩個包，兩個多醬，竟然一個多牛油果醬，一個多沙律醬！) 第二次o係太子荔枝角道那家買多醬，一打開已經見到勁多醬，多到咇晒出嚟！每咬一口都勁多醬！好味好多！不過個牛油果醬有青椒(深綠色那些點點)！所以食落辣辣地！第二次食仲有紅椒！不過個人覺得椒的味完全cover咗牛油果的味！所以只係辣辣地的芝士雞包！但$11都食得過嘅！

麥當勞今次出第二次之前俾人話只係食到朱古力味，今次試下有無改進其實我都係食到係濃濃既朱古力味，但雪糕好滑今次阿華田既脆脆比較幼細，無上次食落咁乾同介口份量每間麥當勞都唔同，我就中意多啲脆，會叫佢加多兩更

食完晚飯，時間又尚早，諗住食埋甜品，咁岩醒起麥記出咗阿華田新地，咁就快快脆脆食杯平雪糕算。扭紋新地係由雲呢拿同阿華田兩溝，再灑咗好多阿華田粉喺面，味道同預期一樣，所以無失望同無驚喜，$8.5 一杯可以過下口癮仲想點?不過唯一要彈嘅係杯新地唧得好少俾我囉。

見到Facebook d朋友話好好味，跟住就衝咗去買，邊個話麥記新出嘅親子蛋飯Tastic好食架?!一啲都唔好食囉!啲飯好霉!仲好咸!我記得以前啲Rice burger都好好味，啲飯又脆，無諗過麥記可以出哩啲垃圾包，蛋王哥都係啲gimmick嘢吸引人去食，我完全中晒伏!😒😒😒