麥文記麵家

營業中

休息中

今日唔舒服想食得清點。去到佐敦的麥文記諗住食碗招牌雲吞麵。門口好多遊客。好彩唔使等。一碗雲吞麵$34叫做大圍價錢。就叫一碗！一上檯，嘩好細碗。一般麵家應該用大湯碗，佢用飯碗。一著麵四粒雲吞。麵無梘水味。雲吞都有蝦彈牙無臭。整體OK。但真係覺得唔合理細。好難會再幫趁。

33度攝氏踏著拖鞋穿上街坊衫行落麥文記雲吞最少38$水餃34$一時貪平的教訓⋯⋯原來麥文記麵家水餃是注重豬瘦肉大好友只有些少鮮蝦少量幾乎十分之一⋯⋯的份量不過米芝連的威信也不是浪得虛名因為麵條上等彈力帶蛋味寶貴的資產🤗我要求走油更見其湯底清澈乾淨真的童叟無欺下回來訪，要食38$的著名雲吞麵一定一定😌Ps 😊雖則麥文水餃用大量豬肉但有合比例的筍大量冬菇味道很酷

入到門口，就比收銀阿姐喝”你行返出去啦!” ...........阿姐，我知你客多好生意，有客人出緊黎埋單，你都唔係咁咀臉對人吧？語氣平和D不成嗎？ 還是隔離叔叔好聲氣，問”你幾位呀？” 坐位你背頂我背，通道都幾乎沒有。好啦，落雨帶傘又拎住一袋，終於逼到入去埋邊卡位，個屁股一坐落去，又比另一個阿姐叫住”你一位呀？去門口個度有個位呀,我有兩位入緊！”........ 妖，又唔係我話要坐入角落，又要逼返出去門口！叫咗豬手麵，40蚊，三嚿小豬手加兩啖麵用一個你屋企食飯嘅飯碗size裝，可想而知幾咁扺食#曲。唯獨係味道不錯，當然濃味到食完會口渴啦！食完，又要同西面收錢阿姐交手！你西面時我都唔洗同你好禮貌，大家一言不發，一眼唔望咁了結。總括黎講，未食過嘅去比人西吓面都可以一試嘅，最好袋都唔好拎！

這是一間老字號的店，相信冇咩人未聽過，而呢間店月都係懷舊店舖之一!亦入選了米芝連！今日嚟開附近的醫院開會，突然想到食懷舊嘢，於是再次入去幫襯！以這間入選米芝連的店鋪來說，食物唔算貴！不過如果你們食午餐又平平地，我會提議大家叫撈麵！因為份量比碗麵大，比量飽肚！如果大家係細食或是食下午茶就可以叫碗麵啦！今次我叫咗雲吞撈麵，只是$44，佢嘅麵好彈啊！好正！但係又唔係頂胃！而十分讚的係雲吞，裏面的蝦大大隻、鮮甜丶爽口！味道唔會太濃，豬肉又唔係太肥個啲，而雲吞皮厚薄適中，唔係浪得虛名，我也忍不住用＄52買了一打生雲吞打包！我的超級推薦的香港特色食品!不過提提大家午餐時間很多人，想慢吃就下午茶時間來吧！

佐敦「白加士街」一帶附近，有不同種類的食店，食店也不乏名氣，例如「麥文記麵家」也算是出名的中式麵家。只是「麥文記麵家」附近有裝修工程在進行，以致「麥文記麵家」招牌「不能見光」，只能以橫額代替。我幫襯試食完「麥文記麵家」的招牌雲吞撈麵之後，發現現在的「麥文記麵家」受制於現實很多不利條件，尤其是外牆的裝修工程棚架，還有「麥文記麵家」隨着時間發展，而被迫作出的遷就和轉變。不過很肯定的是，「麥文記麵家」侍應的服務態度，也屬於我可以接受的水平，儘管「麥文記麵家」現在的服務環境，跟旁邊的「澳X牛奶公司」都是差不多，以「澳牛」的評價，我的食評應該不難找到「讀者」跟「回應」。儘管「麥文記麵家」的外表被裝修棚架覆蓋，但是麵家內裡部份的設備用品，都仍然保留了昔日麵家的風格，例如釘在牆壁上，卻不能拿下去觀看的餐牌，就是「麥文記麵家」最有趣的地方之一。雖然「麥文記麵家」只有比較懷舊的餐牌跟樓面，賣的粉麵亦只是一般的「雲吞麵」、「魚蛋粉」、「炸醬麵」等一般中式麵食，但是我最後還是發現了，「麥文記麵家」招牌菜「雲吞麵」還有它的吸引人之處。於是我立刻呼喚「麥文記麵家」的侍應過來，立刻點了一碟「麥文記麵家」的招牌「雲

这是一家去过一次还想去第二、第三…次的店，即使店面狭小，座位较少，品种不多，可是还是要给大大的麦文记有着40多年的老店，是香港首创全虾云吞的店铺，这么多年以来，店里依然坚持以鲜虾云吞、牛腩、猪手这三样为主打，再搭配碱水面的组合，却丝毫不失原始的味道。进门左手边就是空间甚小的厨房，下面，下云吞的过程尽收眼底，透过布满水蒸气而略显模糊的玻璃，看着老师傅熟练的手势，咽着口水等美食上桌。先来看一看墙上的餐牌，前面提到了主打的三大特色，不全部来一遍，太对不起自己了，一行三个人分别点了，净云吞、云吞面、牛腩面，再加单点的南乳猪手，哇咔咔咬开云吞，扎实饱满的虾肉，像是要冲破薄皮的包围，跳入嘴巴。碱水面，够弹牙，不烂也不硬。再咬一口的猪手，肉质滑嫩，胶质浓厚，不顾形象地直接上手，啃完一个，由衷大叹好正！P.S 建议吃云吞可以蘸他们家的醋，绝配哟。       感觉他家的醋很不一样，酸味并不厉害，跟白醋、米醋这种都不同。      看到图中右下角大大的醋字了吗？

麥文記呢個名真係好細個就開始聽，媽媽話好好食，但每一次嚟到呢度，都忍唔住俾澳牛吸引咗。今次終於的起心肝嚟試下！看到賬單也不知叫了什麼(笑)，跟一般麵家無異，雲吞水餃牛腩牛筋豬手炸醬全部都有。全部都是麵食，沒有粥。因聽說水餃和雲吞是最出名的，所以我和男朋友一人一款。我比較餓，所以選擇了撈麵，而我比較喜歡粗麵，所以就選了一碟水餃撈粗^_^份量不算多，吃完一碟認為還可以再多吃一碗食物質素非常高。先說粗麵，大部份面家的粗麵也有鹼水味，但非常驚喜這碟並沒有，還有一點麵香，忍不住一口接一口。再來說說水餃，一碟會有四個，一咬下去並沒有坊間水餃的油膩感，換來的是爽口蝦和肉的感覺，皮不會厚，好吃！然後就是男朋友叫的雲吞麵，是經典幼麵～我嘗了兩口，相當彈牙，也是沒有鹼水味，不過私心還是比較喜歡粗麵的口感。不得不提雲呑！不 得 了。有一段時間沒有吃到如此喜歡的雲吞，上次吃過銅鑼灣的池記，我會形容為垃圾😂😂，但這個相比是神級。跟水餃一樣，爽口而不油膩，材料很足😍😋必點，一碗也有四五顆！對面的客人吃了些豬手撈麵，有大概四五塊豬手，沒有欺場！老店果然十分利害，我定必再來光顧^_^ps 份量方面真的比較少，我覺得如

今日去開九龍公園游水，就去附近搵下野食，醫下肚先去起動💪💪對舊式店鋪有特別情懷，見到佢門面舊舊，再加上門外有啲名星照，就入去試下啦😄呢啲舊式老店，你都唔好指望招呼好好，不過感覺阿姐態度又唔差 (起碼對香港人係)點左個雲吞麵，一黎上枱嚇死人， 因為真係太細碗😂😂 不過咁岩我食完游水，都唔可以食太飽，咁就無咩所謂啦。不能，雖然好細碗，但食落質量唔錯，啲麵爽口彈牙，鹼水味唔重，而雲吞亦都皮薄，入面鮮蝦份量十足。

雲吞撈麵@麥文記麵家- 大地魚湯清甜甘香，切得幼細均勻的蔥段添爽脆清香外，亦很雅緻- 雲吞蝦鮮豬肉甘香，齒頰留香- 麵幼細輕盈，彈牙，豬油及微量甜豉油添甘香，濕潤度適中

第一日返工果日，有位同事話想帶我去食哩間，傳聞好好食既雲吞麵，無奈當日人太多（佢表示平時都無乜人哈哈），我地先轉戰其他食肆。而家位同事都離開左，無人再同我食哩間麵檔，難得見到無乜人，就去完一完夢。唔知點解，明明出名雲吞麵，但我望多兩望，都係揀左牛腩麵.柱候牛腩麵 $36老實講，哩個份量要36蚊我覺得有啲唔抵食...少到一個點......基本上五分鐘都唔駛就可以搞掂，而且我諗我男朋友要叫四碗先叫做有野落肚既感覺吧🙄不過講真，個牛腩真係好好食，仲有牛筋，一啲都唔攝牙，幾易咬斷，味道又濃，唔錯個湯都唔錯，雖然量唔多，飲兩啖就無了，唔怪得佢有標價話加湯幾多錢啦....不過我諗我都唔會下次黎試下個雲吞麵了，我唔想食完個麵比未食前更加肚餓，但又唔知食咩好😔無理由去第二間餐廳食lunch架嘛🤷🏼‍♀️

Customer service was better than I expected as this kind of restaurants usually give you some attitudes. Food was bomb but the portion wasn't big (I ordered a bowl of their famous noodles and I think all their noodle dishes are the same size). I had to order a side dish of dumplings, which was great too. However, it's a very small restaurant with loads of customers. I had to sit very very closely with other customers. I'll go back some other time.

又嚟雲吞麵大比拼，上次介紹咗麥奀雲吞麵世界嘅雲吞麵古係讚不絕口。所以今次試下麥文記麵記。唔好問我點解兩間餐廳個名咁相似，係咪巧合定另有內情，呢啲嘢我就唔清楚，我淨係識分邊間好食啲。 雲吞麵 ($34) 都係咁大粒，麵質都係爽口彈牙有韌度。但係麥奀做得更岀色好味，另外嗌咗碟芥蘭 ($22) 全走，好翠綠爽口呀～

早就聽聞麥文記麺家的大名，是香港數一數二的雲吞麺世家。在同一條街有兩個以「麥」家命名的雲吞麺店，據說是同一個家族兩兄弟因為意見分歧，而另起爐灶。這家麥文記麺家門庭若市，麥奀記卻不用排隊，想想後還是跟隨人潮，去麥文記試一試。在週五下午1點半左右，我們等了10分鐘才有位，被安排坐在典型的圓形桌子和其他食客搭臺，全程不只要自己抱住背包，還時不時要起身讓位給其他人過路，即使是港式麺鋪，也顯得過分狹窄和不舒適。點了招牌雲吞麺和一碟菜心，蠔油要另外收費。也許是期望越大、失望越大，大名鼎鼎的雲吞麺一上來已經沒有熱氣，可能是太多orders，服務員來不及馬上遞上，上面的雲吞麺在沒有湯的保溫下，被冷氣吹冷了，第一口吃下去，麵條已經失去彈性，因為沒有熱度，梘水味湧現。第二口再喝湯，嚐得出有蝦殼和大地魚的鮮香，不錯，但不至於優質。單點的油菜更遜色，菜心很油，不爽口，另外收費的蠔油更是平平無奇，也許比李錦記舊裝特級蠔油更差。簡單說，這是一間在油麻地（廟街）附近名氣大、食物麻麻地的麺家。

朋友嚟香港，一定要帶佢地去食雲吞麵！可惜朋友酒店在尖沙咀，附近啲麵家，表演未如理想 (仲話係米🐷蓮喎⋯⋯), 所以都係去返食開嘅好！呢間由細食到大，搬家之後少食咗，但今次食翻，水準依然係噤好！一口一粒，無誇張嘅Size，全蝦餡無豬肉，麵條Q彈，湯頭鮮香⋯⋯ 傳統嘅美味，真係永遠都噤好食嘅Ps: 1. 67年只此一家，唔似其他，開到成行成市，質素保持唔到，做壞招牌，所以佢嘅細蓉真心無得輸！2. 食飯時間落單阿姐好忙，表情好嚴肅好兇噤，其實係假像。話說想order碟油菜，要翻譯俾朋友知可供選擇的菜類，忽然唔記得芥蘭點講，姐姐好醒目，即刻搭口補上，我即時俾個佢，佢腼腆地笑一笑，好鬼可愛

入咗去啲位密麻麻，想搵條路入去都難，仲要帶住個細佬入去仲難。我向度諗緊點入去企咗向度10幾秒就比收銀個女人喝，示意我做咩仲企向度唔行，嬲到我即時行番出去！未見官先打五十大板！以後都唔會幫襯！宜家得你一間有雲吞麵食呀！