麥文記麵家

營業中

休息中

這是一家看起來相貌平平，其實菜品很讓我驚喜的店家。和大部分香港的店一樣，門面都是不怎麼起眼的，在排隊超長的澳門牛奶公司旁邊，但是其實人家是有大來頭的，米其林推薦。蝦子撈面是我回來以後還一直念想的,本身撈面就很Q彈，蝦子增加了爆破感，整個蝦子撈面像在嘴裡跳舞一樣。南乳豬手，像我這種不喜歡吃複雜的東西的人都覺得好吃，豬手處理的很乾淨，吃起來特別的酥，柔柔滑滑，雖然知道吃皮不能補皮，但是人家真的好吃啊。南乳很入味哦。全蝦雲吞用的真的是那麼大的蝦，一整個就是一個餡，蝦仁非常有彈性。對雲吞也是真愛，特別是有那麼大的蝦仁的。

#麥文記麵家佐敦白加士街51號地下---😋麥文記其實最出名係雲吞麵 但B仔最愛係佢地ge豬手河（$40）豬手大大件 炆得好淋 南乳味好香 滲曬落豬皮同豬肉到 🐷 真係好味到不得了🤤之所以叫河粉 係因為河粉好吸味 吸曬d南乳湯底 令人忍唔住 一口氣食到碗底 與其慢慢排係隔離ge澳牛 其實我寧願食麥文記🤭—B仔整體評價：9/10個👍🏻B仔抵食程度：8/10個👍🏻B仔環境評分：7/10個👍🏻B仔味道評分：9/10個👍🏻B仔回頭機會：9/10個👍🏻 ……

今晚10點係尖沙咀收工, 想食少少野先返屋企, 咁岩今日同事講起食雲吞麵, 於是就約埋一齊收工行落佐敦去麥文記了。行到落去差不多10點半, 呢個時候店入面仲係好多客人!我與同事坐到最入的卡位, 我選擇困難症左一陣終於都係叫左雲吞麵雲吞麵好快就黎到喇, 雲吞好似有4粒?! 哈哈, 我掛住食冇認真咁數過.....好喇, 講返味道! 雲吞依舊係好味, 入面既蝦好爽口、而麵一樣係好似以前咁彈牙、湯底味道剛好!!至於同事就叫左豬手撈麵, 撈麵會跟埋一碗湯送上~同事比左一舊豬手比我試, 其實我本身就麻麻地食豬手, 不過佢係都要我試就食一次喇!不過估唔到呢度既豬手又幾好食喎!! 唔會有一陣怪味, 而且整得好林, 搞到我有少少對豬手改觀今次一食, 下次又唔知幾時先會掛住細蓉了!

專程黎試下佢既細蓉同豬手麵，不禁有啲失望，最出名既細蓉啲麵靭咗啲，食落仲淡得濟；個湯好大陣鹼水味；雲吞好一般，無大地魚既鮮味，兩隻細蝦、少少豬肉，唔特別反而個豬手麵仲好食少少，因為個麵沾咗豬手啲南乳，所以無咁淡味，豬手做得不過不失，炆得夠淋但唔彈牙，南乳味稍嫌唔夠入味晚飯時間餐廳好多人幫襯，兩位要搭枱，佢既卡位比一般茶餐廳細，坐得幾唔舒服，食野要就住就住，真係一食完就想走我相信呢間野應該係換咗師傅或老闆，因為咁一般質素既出品一定唔會咁出名

鮮蝦雲呑麵一上枱的時候，麵上的油光令人印象深刻，麵條一入口爽口彈牙而不黏膩。不過要趁熱食，否則表面的油光就會失色了。很喜歡湯的鹼水味，不加醋去中和也很可以。鮮蝦雲呑一口咬到的是原隻的爽口蝦，豬肉份量很少。不過我就是喜歡這種純粹的感覺，至少它不會用一大堆的豬肉騙你。麵、雲呑、湯，加起來跟小時候回憶中的雲呑麵一樣，比起劉森記，我更喜歡麥文記的(當然每人口味也不同)。雖然份量很少，但樂觀地想，我吃完後可以再買我喜歡吃的，不是嘛？

好耐冇食好好彩 過左lunch time先食冇乜人排隊 即有位叫左觧蝦雲吞麵 宜家好少見用鮮蝦做餡 雖然份量細左啲 但味道搭夠豬手炆到好入味好膠質好正撈麵比湯麵更好味配埋佢碗湯食完唔驚口乾

已經好耐冇黎過麥文記，對上一次大概2年前。店內環境依舊，不過可能米芝連既名氣，店內擠滿的盡是遊客。座位依然擠迫，朋友第一次黎覺得店入面環境坐得唔舒服。既然黎到就當然必點招牌麵 – 鮮蝦雲吞麵比起一般雲吞麵店不同嘅係麥文記雲吞麵非常細碗。師傅沿用正宗做法，將雲吞放底並用湯匙托起，再放幼麵上面。幼麵不會全個浸在湯中，以免濕了破壞口感。幼麵爽口彈牙有蛋味，但不復當年口感。雲吞皮薄，鮮蝦入口鮮味十足，蝦肉比例約8:2。另外點左碟油菜，真係好油！雖然細蓉確實退步，但仍是我心中細蓉店頭幾位。

走在佐敦的街道上，揀選了中式麵食為今天的晚餐，來到餐廳門口，時間尚早，無需等候直接入座，餐廳是一般中式老麵檔風格，裝修比較樸實，店員態度尙可，我點選了＂首創全蝦雲吞（剩食）＂及＂柱侯牛腩撈麵＂。首創全蝦雲吞（＂剩食＂同價）＄38，看到薄薄的一層雲吞皮包裹著鮮蝦，每一粒大小適中，吃一口，蝦肉爽彈，吃得出新鮮。一個小碗子盛著的＂剩雲吞＂竟然有八隻之多，雖然份量十足，可是味道不至於令人驚嘆。柱侯牛腩撈麵＄46，撈麵上枱的時候，看起來比較乾身，需要即時添加附帶的上湯撈著來吃，吃一口麵條，乾爽而有彈性，略嫌鹼水味過重；牛腩是偏硬身的質感，入口不鬆散，牛味不俗，而且非常入味，啖啖柱侯醬料的咸香味。原來點選牛腩是附帶牛筋的，牛筋炆煮得非常腍滑，滿滿骨膠原的好滋味，這個我很喜歡。支裝可樂＄11，食物質素不俗，吃的是香港中式老麵檔情懷，味道予以保留。

一直都好鍾意食麥文記麵家因為佢維持食物嘅質素真係維持得好好由我第一次食到今晚再食一直都無變過唯一變個嘅係呢個面嘅價錢今日食牛腩撈粗同往常一樣麵身係爽口彈牙牛腩嘅質感又唔會太靭我最鍾意就係飲佢呢度個湯雖然佢個湯係俾人撈麵但係就咁飲都好好味

一入到餐廳，就覺得好光猛。全店以白色調為主，設計簡潔，環境企理乾淨。基本上已經客滿，如果有卡位坐會舒服d。雲吞撈麵($44)+蠔油($1)雲吞撈麵有6粒雲吞(湯麵只有4粒)。平時食既雲吞都會夾雜肥肉，蝦味少，肉味重。麥文記既雲吞係全蝦(2隻蝦，無肥豬肉)，食落好有蝦既口感，好食。唔算係好大粒，我一啖都可以食得哂。麵條非常幼身，同平時食既有d唔同，算高質。麵質煙韌，就咁食有d乾，一定要配湯或蠔油一齊食。精髓係碗湯，撈麵既湯有好濃郁既蝦味，喜歡。(個人口味: 3.6/5)京都炸醬撈麵($44)+豆漿($8)平時食既炸醬多數都係肉碎，而麥文記既炸醬係一條條既肉條(豬肉?)，帶有少少微辣。炸醬撈麵同雲吞撈麵都係$44，感覺雲吞撈麵抵食d。”友人”就麻麻炸醬撈麵。(個人口味: 3.1/5)整體而言，麥文記係速食之選。全蝦雲吞確實高質。雲吞撈麵比雲吞湯麵貴$10，除左多2粒雲吞，好奇湯麵既湯同撈麵既湯係咪一樣？麵既份量係咪都差唔多？感覺雲吞湯麵($34)比雲吞撈麵($44)抵食，下次唔會再試撈麵。見好多食客都有叫南乳豬手麵(好大件豬手)，有機會都想試下。如果要排隊就不列入考慮。

的確是老字號，由跟著父母去吃的孩堤時候，到現在反過來做了父母後帶兒女一起品嚐的美食，已足夠久不久心思思想來了。而且雖然要成$38一碗淨雲吞，但能一直能堅持keep 住食物質素已很難得的。因本身喜愛吃佢嘅雲吞和麵，一碗雲吞麵是唔夠喉的，太少了。所以必叫淨雲吞，每粒的餡都是全爽脆彈牙的蝦，一啖一粒，共有8粒，咁至過癮。再加𦍑葱撈麵，除可吃到多些麵外，麵因無梘水味，加上𦍑葱一起吃還令食到的麵爽上加爽，並帶有清香的葱味添！但唔喜歡吃葱的話，可吃豬手撈麵的。

假期同朋友出咗去high tea,由於個high tea實在太豐富,所以晚餐根本食唔到飯,路過佐敦發現呢間雲吞舖有好多人排隊,所以我哋又排埋一份試下,十分鐘終於輪到我哋入去,但環境實在太過擠迫,開頭以為有得坐卡位幾好,點知原來要同人哋share坐,仲要個位置非常之細,我見對面兩個男人都坐得比較辛苦menu好簡單一係湯麵一係撈麵,我揀咗雲吞湯麵,朋友揀咗雲吞撈麵,我哋再加多碟油菜,不過原來蠔油係要另外收一蚊,我嘅雲吞湯麵首先嚟到,估唔到原來係一個飯碗咁大,而朋友既撈麵對比之下比較大（其實都唔算好大）的確雲吞幾好味,咬落去蝦都幾新鮮,始終都係可惜份量比較細,同埋價錢都算貴,如果真係肚餓嘅話,我諗我都要食多一碗先夠,朋友話佢嘅雲吞撈麵幾好食,個湯r得唔錯, 但油菜就不似預期,份量唔係好多而且都比較油,整體上如果呢餐當下午茶的話都可以入去一試

麵同雲吞都唔同左了。以前一口雲吞仲好食，大粒左反而一般，粗麵同幼麵都轉左。只係覺得以前好食，而家同普通麵店一樣。唔會想再去食。收銀老板娘唔休做的面口。😂味道同服務態度欠奉。今時今日。。。

There is very crowded ,but having a good service. I ordered a wonton noodle.The soup is full of flavor and the noodle is very chewy. Wontons are quite small but the meat filling is just wonderful and good taste.

上完堂，見到呢間面店成九點幾十點都咁多人，就入去睇佢有咩咁好食。我叫左個蝦子撈麵，面係彈牙，但蝦子好似唔係好感覺到。。。坐我對面個女人，不停問我好唔好食，蝦子彈唔彈牙我都唔知點答佢。。。我見好多人係雲吞。。下次有機會我食雲吞。。但其實好貴。。應該無下次