鴻記極品雞蛋仔

營業中

休息中

想試左呢間雞蛋仔好耐難得今日有時間終於扚起心肝過海搵食去到已經有幾個人排緊隊等左十零分鐘終於拎到啦未食第一啖已經知道我無黎錯，非常易摵，證明夠脆即叫即整係唔同啲，新鮮滾熱辣一咬落去好鬆脆而且粉唔會過多，最緊要係時間較到岩岩好，唔會好似某啲舖甘整過左龍，搞到硬又乾連平時唔食雞蛋仔既男朋友都食唔停口值得一試再試

-▫️原味格仔餅 $23有好一段時間無去太安樓啦之前已經食過依間鴻記既雞蛋仔 果陣已經覺得唔錯但估唔到格仔餅更加好食😳 即叫即製 大約等5分鐘就有得食啦格仔餅照舊係好脆口 重蛋味🥚再加埋花生醬 煉奶 花生粒 牛油 砂糖D醬係多到流哂落個紙袋到 食每一啖都食到滿滿既花生醬同煉奶味 十分真材實料 食落好滿足☺️☺️下次黎太安樓一定會再encore!🔻評分: 9/10————————鴻記極品雞蛋仔西灣河筲箕灣道57-87號太安樓第二街A34C號舖

I was walking around Tai Koo Shing over the weekend and walked inside Tai On Building. For something underground, the delicacies inside this place is somewhat like a hidden gem to those unfamiliar with this district. I arrived in this district around 11am looking to find some good-tasting egg waffles because I heard that it's popular in this building - and I love a good egg waffle to cheer me up.I might have arrived a little early because when I got there, it was closed. So I waited and walked i

鴻記極品雞蛋仔 西灣河筲箕灣道57-87號太安樓第二街A34C號舖-----係太安樓見到呢間雞蛋仔好多人排隊 熱愛雞蛋仔geB仔又點可以放過佢 原味雞蛋仔（$25）大概等10分鐘就有得食 唔會太耐 粒粒雞蛋仔都非常飽滿 非常熱辣辣 超級超級脆 可惜 真係非常可惜ge係 d蛋漿質素唔夠好 d雞蛋仔雞蛋味極淡 一d蛋香都無☹️☹️得個脆字 味道真係唔係好掂 B仔寧願行多個站去筲箕灣ge低調高手大街小食到食蛋味香濃ge雞蛋仔.....-----B仔整體評價：6/個👍🏻B仔抵食程度：6/10個👍🏻B仔環境評分：外賣B仔味道評分：6/10個👍🏻（個分係比脆同熱）B仔回頭機會：6/10個👍🏻-----#swallowsaiwanho

原味格仔餅($23)格仔餅即叫即製，等咗10分鐘先拎到個格仔餅。佢個口感外面脆，入面鬆軟綿密，比一般嘅格仔餅厚身，亦夠蛋香。格仔餅配上花生醬，煉奶，牛油，砂糖，花生粒，啖啖都好滿足好邪惡🤤不過食完都有啲飽肚，同人share食一人一半啱啱好👍🏻⭐️: 7.5/10

食完午餐後仲有少少口痕想食甜嘢，就諗起太安樓嘅鴻記極品雞蛋仔。食過好多間雞蛋仔，就係鴻記嘅最脆！可能已經係午餐時間嘅尾段，所以無人排隊。唔好以為無人排隊就唔使等，因為呢到嘅雞蛋仔係即叫即製，所以都要等至少八分鐘！整完之後，店員會將熱辣辣嘅雞蛋仔攤涼，應該就係呢個步驟令到雞蛋仔脆口！最後，店員將雞蛋仔放入紙袋就完成。每份雞蛋仔都認真製作，所以都要等大約八分鐘先食到！即場製作嘅雞蛋仔香噴噴。最令人滿意嘅係佢極脆口，完全係外脆內軟，仲要粒粒都實心，真材實料，所以八分鐘嘅等待係值得嘅！

朋友來香港玩樂數天，詢問有什麼地道小吃推介⋯我二話不說就帶他來太安樓吃雞蛋仔呢！$20一底的雞蛋仔是大眾價錢，大約有二十五顆吧！不算太貴，這𥚃賣的雞蛋仔新鮮製作，蛋味香濃又脆口，外脆內軟，難怪這麼多人來排隊等候哩～

今日經過太安樓，所以一定要入去食我最喜愛既雞蛋仔！鴻記既雞蛋仔比其他好味，因為佢勁多料，外脆皮內多料！單張又唔太甜！價錢二十蚊！當日係星期日四點，但都無乜人，晤使點排隊，但等雞蛋仔等左10分鐘！

舊聞鴻記之風，今日第一次試，食咗原味格仔餅，見到之前食評話店員雙手接過錢，又再掂食物，今日留意咗，佢係用食物夾去放入袋， 同埋店員都有笑容對我同其他客仔， 果然係有改善。星期六都唔多人排隊，等咗4至5分鐘左右就有，原味即係落咗牛油，花生醬，奶，糖，花生粒，外相不是很好，餅皮唔夠細緻，望落好粗鞋，食落係脆的，有少少口感，因為有粒粒沙糖，但原全食唔到有花生醬同花生味，一個人食晒一份，食到最後都係冇味，真係好失望，唔怪得知冇人龍....真係冇下次

喺嗰度做嘢嗰個女人心情成日好差，面好西，隨時做清潔嘅都好過佢。衛生又唔掂，一路數錢一路整嘢食，食到一肚氣。佢啲格仔餅又唔新鮮，啲料變晒色係個雪櫃拎出嚟照用。間野真係執得。渣宰首選。

記得以前細個果時都係幫襯街邊檔既雞蛋仔, 因為個火侯夠, 但隨住街邊檔買少見少, 好多雞蛋仔檔都入哂舖用哂電子爐. 個味道點都會差少少. 食左咁多間雞蛋仔, 都係呢間最好, 佢係即叫即整, 保証新鮮製造. 所以亦需要等5 - 10分鐘. 整好後又會攤一攤涼先俾你, 保証脆口. 雞蛋仔本身用既粉醬夠蛋香, 而且整既過程落既份量適中, 食落唔會有'食左成團粉' 落肚既感覺. 用黎做下午茶/消夜都一流呀~ 今日揀左下午黎幫襯, 可能因為未放學放工所以人比較少, 平時星期六日, 晚飯時間都會比較多人, 試過有幾次都等左差唔多半個鐘. 呢間舖頭除左有雞蛋仔又點會少得格仔餅, 同一個粉醬但做出黎既口感好唔一樣, 加上佢既醬料真係好好食. 係一間值得推介既小店. 

再次為格仔餅出動了 這次又來到東區 同樣很出名的鴻記雞蛋仔第一次來到太安樓 完全被四周無數的特色食店吸引 掃街模式立即啟動 不停周圍望周圍轉 不知不覺就轉到鴻記格仔餅即叫即製 大概等了5分鐘 。。。原味格仔餅 ($23)🥞格仔餅烘得顏色比較深 一看就覺得是脆的 果然外皮真的超脆 脆得“咯咯”聲 從來沒吃過那麼脆的格仔餅 我吃到最後一口時外皮也是脆的 爆“趣”啊 🥞份量是十足的 格仔餅厚度大概有5-6cm 🥞質感是實在的 沒有空氣感 內裏不是傳統格仔餅的那種煙韌 反而是蛋糕鬆軟的口感 蛋味香濃 🥞醬料是花生醬+煉奶+牛油+砂糖+花生粒 要了多醬 甜度適中 花生醬味特出 花生粒增添了口感 但不會覺得哽牙 稀稠度適中 大部分醬料都能依附在餅上 （因為餅的份量多 建議大家叫多醬來平衡）總結：這個格仔餅神奇的脆 口感很特別 有別於傳統格仔餅的質感 雖然價錢比坊間的高 但也是必試之選  

格仔餅細個成日食， 長大後找尋好食嘅格仔餅，唔要一陣風、有質感、有質量、有口感、食完會飽肚感，好高要求吧？走到太安樓，一定要到訪鴻記雞蛋仔。除了以上要求，仲有脆口軟屬、熱辣辣、足料多醬(牛油、花生、砂糖、朱古力醬、練奶) 打開比你哋睇，真係好足料極重手落料。 同大大塊餅料極配合。叫嘢一定要勇敢，我企係度以為排隊，點知其他食客行埋大叫想叫嘅嘢，叫咗幾個，所以我都胡亂插入大叫出自己想食嘅嘢!等5至10分鐘就整好食得，叔叔邊整亦會邊同你傾計，呢啲咪喺人間溫情！嚟到太安樓掃街喺其他地方唔肯走膠被迫用即棄嘢，鴻記可以放入我嘅器皿，好開心!

黎到第三站。掃街又點可缺少雞蛋仔，鴻記極品雞蛋仔係CNN推介香港最好吃的雞蛋仔。外國人眼中最好吃的雞蛋仔究竟係咩味道呢？不計排隊等候，要原味雞蛋仔，其實全鋪的雞蛋仔也只是得原味。雞蛋仔即叫即製的，之後檔主會用吹風機等候五分鐘，放入紙袋。到手的雞蛋仔還是熱辣辣，香噴噴的。每一粒的皮都好脆，𥚃面不是空心，整個也是滿滿的蛋漿，很有蛋味。不算太甜，吃罷很滿足。不論是否CNN 說的香港最好的雞蛋仔,真心不錯

講到食雞蛋仔，食過咁多檔，輪排名第一名我一投西灣河太安樓既鴻記極品雞蛋仔。唔知係我黑仔唔好運定timing唔岩，幫襯左鴻記咁多年，未試過買雞蛋仔唔洗派隊!鴻記堅持即叫即做，次次都最少係鋪面等5分鐘先有得拎。我竟然為左佢而甘願係熱辣辣既太安樓排隊等，我都覺得好不可思議，但我認為絕對值得。外脆內軟既雞蛋仔，每一粒都有內涵份量，唔似出面既雞蛋仔咁一味得個脆字，或者食完一陣風，入面空心乜都無。鴻記每一粒都係好飽滿好實在。相信係歸因於佢既獨有蛋漿。味道方面，鴻記獨姑一味，只有原味，唔需要D花巧野都可以賣到街知巷聞，你話點可以唔試呢?