鴻記極品雞蛋仔

營業中

休息中

過黎西灣河順便試下好出名既雞蛋仔, 係落左單即叫即整, 明明係啱啱整起, 但食落唔夠熱, 可能佢吹得太勁. 個皮係脆既, 粒粒雞蛋仔都完整好挺身, 咬落去係軟既, 每粒都有餡. 食落唔甜, 有少少蛋味.

不好食！！！新鮮整出嚟都可以唔熱，蛋醬又冇味，即時取消咗剩返嘅訂單 👎 👎 👎 返到屋企仲要腸胃炎，得不償失早知唔貪方便貪佢冇人排隊 大把食物何必食中呢間！！唉！！！$23一個格仔餅又貴又唔好食，得個大字

好多年前已經聽到人哋話太安樓好多嘢食 ，但係就一直都未去過， 其實佢只係太古城幾分鐘路程， 今日買完嘢就過去試下啦。一去到就見到地面嗰層差唔多全部都係食店， 有選擇困難症嘅話真係唔知揀咩好呀， 好似一個小型夜市咁。 我就已經有目標㗎喇， 我今日要去食雞蛋仔， 上網見啲人話呢間鴻記雞蛋仔好正， 就即刻過去買一底試下啦 !我要咗一底原味嘅雞蛋仔， 等咗大約七至八分鐘左右啦， 一拎上手熱辣辣，影相都有啲難度呀 ! 一咬落去係我鍾意嗰隻蛋糕形雞蛋仔呀 ! 唔係“空心老倌“呀! 成個雞蛋仔真係好唔錯，不過如果佢個蛋再香啲就100分啦 。成份雞蛋仔唔細份㗎，我一個人食曬都幾飽，如果兩個人share就啱啱好喇。

這一天下班，專登到西灣河的太安樓掃街，各項美食當中絕對唔能夠唔識呢一項美食！從長長的人龍已知他是10分受歡迎！每一份雞蛋仔都是即叫即做，外脆內軟每一粒都真材實料， 蛋味香濃。

香港地道小食之一既格仔餅，太安樓的人氣雞蛋仔鋪，之前黎過都係排長龍，今次見唔洗排隊就決定買格仔餅試下食，成個格仔餅真係好脆口，比其他鋪頭既格仔餅香脆很多而且佢地既花生醬是混有粒粒花生，一口香脆格仔餅加粒粒花生醬，完美組合

話說太安樓真係好多野食但係兩條長巷人流真係差一截🤔身為一個地道香港人對雞蛋仔格仔餅呢啲港式小食已經有一定準則😂今次嚟到鴻記極品雞蛋仔 睇門口放出嚟嗰兩舊雞蛋仔格仔餅就認真唔吸引😂好深色又乾乾地咁😅放工時間5點幾去到無人龍不過都不斷keep住有客🤔°°°°°°°°°°°°#原味格仔餅 ($23)即叫即整一路見住呀姐倒漿倒到滿瀉哂出嚟真係好興奮😍花生醬煉奶花生粒一啲都唔手軟令我期待指數標升☺拎上手熱辣辣小編好小心放平咁拎😂免得啲醬漏哂落底😘格仔餅餅身偏厚身 好脆頭幾啖食係會覺得好正食半份就啱啱好再食落去有啲界口同乾😣花生醬小編私心希望可以傑啲🤗總括嚟講 中規中矩格仔餅唔會諗起佢一試無妨，未必再訪😅

今次黎到廣告同報導時有介紹的鴻記極品雞蛋仔，一過到黎，見到佢明顯比起另外一間係多d 相同介紹，睇到佢貼喺出面的報章訪問同照片，原來呢間小店仲上埋cnn, 果然不能小看！今次冇order 到雞蛋仔，因為特然想食格仔餅$20，好欣賞d 舖頭係會即叫即整，因為有d 店會整定好多，你要就比你，咁樣又唔夠熱又唔夠脆，但呢間就唔會，佢d 格仔餅好厚身好脆，咬落去好有蛋味，好香，入面d 料好足料，粒粒花生醬好食。下次過黎一定會試埋佢個雞蛋仔！

一向都知西灣河太安樓出名多野食今日就黎試鴻基雞蛋仔果然無失望雞蛋仔好脆好香 而且非常足料咬落去脆得黎好似蛋糕咁 唔會太甜 而且唔會得空氣以咁足料黎講 真係好抵食 只不過西灣河對我呢d新界人黎講 實在係遠咗啲有機會經過就再嚟食啦!

物價一路係咁升，格仔餅都已經升左做$20幾😢不過好耐冇食所以就想一嘗童年嘅回憶~太安樓入邊有兩間雞蛋仔，呢間貴啲但係都有好多報導，各有各出名今次試咗原味嘅格仔餅，好厚身所以有口感👍🏻表面脆入邊就好鬆軟💕老闆好好，俾咗我哋多花生醬，有粒粒花生好正😋😋作為小食都幾飽肚，兩個人share都夠食~可以同老闆講你想分做兩份，有禮貌啲老闆就好樂意幫你另外仲有朱古力味同士多啤梨味，下次可以試吓🤣🤣

太安樓美食有2間雞蛋仔 諗左好耐 終於揀到.勁濃蛋香味 睇住老闆娘整 好幸福倒左好多蛋漿 但外脆內軟 有驚喜！入面唔會得空氣 反而似食緊海棉蛋糕好飽肚 難怪甘出名 (好多人買格仔餅

對於香港的各類街頭小食，每個人心目中都有各不同的至愛商舖。單就以街頭小食而出名的太安樓已有兩間雞蛋仔舖。以前見過這間雞蛋仔店不以為意，只覺較貴，直至住在東區的朋友誠意推介這裡的格仔餅，今天終於有機會一試。主要有原味、朱古力味和士多啤梨味供選擇。要試真工夫，我當然點了原味。果。然。好。味！！厚身的格仔餅外脆內軟，因為厚身，絕無「呃秤」的感覺，牛油、煉奶、砂糖再加花生醬，還要是粗粒花生醬，食落確是一流！因為我們二人share食，同店主講聲，他就會幫忙切開，再附上多一個紙袋。雖然較同場的另一檔費幾元，但絕對物有所值！

我們已是第二次光顧，兩次也是點了原味格仔餅。鴻記的格仔餅比一般的厚，雖然厚但外層仍然做到很香脆，醬料份量也很多，而且還放了粗粒花生，令口感提昇。鴻記的格仔餅會是我回太安樓的原因之一。

出西灣河辦事，完事後等過馬路時，見到前面個肥仔攞住包雞蛋仔，係咁邊行邊食，抽起我條為食筋，即刻折返，走去太安樓個度有兩檔賣蛋仔，去間比較多人提嘅。祇得個靚女老闆娘，無人排隊睇價錢賣到$20底，問佢点解比北角利xx貴？佢竟然答我果度啲係假嘢，佢哋至係真，又話佢哋嘅同人唔同，好食好多。咁我就幫襯買底試試睇住佢將蛋漿，倒入模內，驟眼睇已感覺蛋漿好稀薄，而且落得好孤寒，無填满成個模。我無計時，唔知等咗幾耐，但感覺唔係烘太耐老闆娘跟著攞出底蛋仔，攤凍一陣放入袋我俾錢後急不及待即試，蛋仔即時食係脆口，但蛋味極淡，欠缺咗雞蛋嘅香濃味，無北角利××咁脆同熱辣辣，入口尚算鬆軟，祇能講可以，但唔係極品我在一分鐘內食咗小半，另外大半返到屋企已經腍咗，前後唔到十分鐘感覺有啲偷工減料，價錢又收得比人貴，祇能俾分OK，始終覺得北角間先至係我個杯茶☕自稱係香港品牌雞蛋仔首位，真係大言不慚

久聞太安樓既大名，睇youtube同雜誌都介紹唔少，呢日終於黎潮聖一下~食左好多唔同既鋪，呢間係其中一間!好多人介紹呢間既雞蛋仔同格仔餅好好食~我去到又唔算好多人，點知叫完之後再望下後面已經成村人😂今次試左朱古力夾餅，但一路等一路都聽唔到人叫呢款，全部人都係叫原味夾餅都覺得有d奇怪~但都叫左就冇辦法啦!😔等左3個字度有得拎，新鮮出爐好熱辣辣!不過一試入口就知點解冇人叫朱古力味，因為個朱古力醬係果種有d假既化學朱古力醬味!個餅底係好厚好香既，可惜在個醬度~下次都係跟風要番個原味黎食先!😋

第一次嚟到太安樓朋友話雞蛋仔一定要試 所以嚟咗鴻記食佢即叫即整但整得好快 個皮係脆嘅而且係裏便係超級足料係我食過最足料嘅雞蛋仔足料到好似食緊雞蛋糕咁難怪咁多人推介 必食！