鴻星中菜 (MOKO新世紀廣場)

營業中

休息中

新年諗住去飲茶，用新鴻基app拎咗飛，所有喺入邊嘅餐廳都可以使用呢一個app拎飛，去到叫到我張飛話唔可以用app拎佢餐廳嘅飛？幾好笑！ 咁做咩叫我張飛？如果唔得，就希望唔好喺個app上邊俾人拎。咁請貴餐廳唔好用商場the point app! 大年初一真係想人同佢開年！大把酒樓唔駛食佢！！！店員服務非常差，店員完全冇禮貌！估唔到鴻星海鮮酒家，而家服務變成咁！非常之差，係一個非常之差嘅體驗！以後都唔會再去！

很久沒有到鴻星飲茶，見下午茶有68折咁抵就黎試下，結果非常失望，以前鴻星點心好有水準，唔知係咪因為68折將貨就價。燒賣一籠只有一隻，雖然有隻蝦係面，但無咩蝦味，性價比極低。牛肉球好多肥豬肉，蝦餃叉燒包馬拉糕算正常啲，帶子腸粉不吃也罷，最失望係「香脆系列」的蘿蔔絲酥餅同芋角，蘿蔔絲酥餅粉厚糊口，裡外都係唔熱嘅，芋角都係，唔香唔脆，仲有啲油益味，比那些點心小店更差！質素咁差嘅點心，幾多折都唔會再幫襯！

疫情以來，未曾踏足這酒樓午膳。今天友人相約在此午聚，當然應邀赴約。這酒樓食客不少，還是預早訂枱會好些，減省等候時間。開過茶後，點過了食物，我們便開始暢談近況。時間過得真快，邊談邊吃，便過了一個下午。～懷舊點心拼盤鹹甜點心，各適其適，任君選擇。鹹點爽口彈牙，甜點是美味紅棗糕，同樣是煙韌彈牙。～碧綠帶子腸粉賣相非常特别，令人不其然要打卡。加了菜汁的腸粉刺激食慾，餡料是迷利帶子，味道不錯呀！～蘿蔔絲酥餅最愛這手功點心，外皮酥脆，餡料的蘿蔔絲是軟軟的，口感極好。～鮑汁鳳爪鮑汁味不濃，雞腳炆得軟淋。～蜜汁叉燒、爽脆海蜇叉燒燒得恰到好處，肉質夠淋。海洋蜇又是另一個口廚，爽口彈牙。～鴻星蝦餃皇果然是蝦餃皇，加了金箔頓時矜貴起來。蝦餃新鮮彈牙，完全不會糊口。～紅燒豆腐煲味道一般，豆腐軟滑。～四季豆牛柳粒一上枱已香氣四射，令人垂涎欲滴。牛柳粒惹味又不會韌，四季豆亦吸收了醬汁的味，同樣味美。～瑤柱蛋白炒飯炒飯粒粒分明，配上瑤柱絲和蛋白，吃起來較乾身。

生日午餐,選此鴻星,之前食過幾次也不錯.以前中午很旺場,現在中午還有很多吉枱,食物沒有以往的好,脆皮焗叉燒餐包和蘿蔔絲酥餅皮很厚,蜜汁叉燒腸粉的皮鞋口,紅豆沙非常甜,其餘食物中規中矩

以前每逢到大閘蟹季節都會到鴻星食大閘蟹套餐🦀， 但都有幾年冇食了， 今年再次出擊🙌🏻， 睇下水準有冇唔同先😙！皇者大閘蟹四位餐$1888（煙鴨胸拼青瓜、鮮拆蟹粉小籠包、 蟹肉芙蓉羹、 清蒸大閘蟹(兩皇一后) 、 杏香炸蟹鉗、 紅燒乳鴿兩隻、 竹笙杞子浸菜苗、 窩心薑茶湯圓、 四杯橙汁或汽水) ， 另外加福建炒飯和花雕酒。 🔸煙鴨胸拼青瓜 ～ 開場先來個鴨胸青瓜🥒， 味道正常。 🔸鮮拆蟹粉小籠包🫓 ～ 夠熱，湯汁飽滿，但蟹粉味淡。 🔸清蒸大閘蟹(兩皇一后)🦀 ～ 乸比公爆膏得多，公的軟膏黏口軟滑，乸的膏硬身香口和肉身較甜，兩者都有捧場客。 🔸蟹肉芙蓉羹 ～ 淡淡地🤏🏻， 味道普通。 🔸紅燒乳鴿兩隻 ～ 每人半隻，燒得香口入味🤤。 🔸杏香炸蟹鉗 ～ 口感方面我比較喜歡用麵包糠炸🤔， 蟹鉗啖啖肉夠Q彈。 🔸竹笙杞子浸菜苗 ～ 套餐一定會跟碟菜，但我本身不太喜歡吃白菜仔。 🔸福建炒飯 ～ 四個人套餐食唔飽🤣，所以點多個福建炒飯。 🔸窩心薑茶湯圓🥣 ～ 薑味夠濃郁， 甜度正常。 🔸花雕酒🍶 ～ 入口甘香醇厚， 大閘蟹都屬於寒涼， 所以要飲返幾杯花雕酒祛寒😊。 套餐如果可以跟多一個飯或者麵會比較好

食大閘蟹既時候黎喇，當然要約朋友去食，佢有個皇者大閘蟹1人餐，我地7點入坐，3位就叫左3個1人餐。落完單好快就上左個蟹肉芙蓉羹味道剛好，每啖羹湯都食左小小蟹肉之類，口感唔錯。19:23 煙燻鴨胸拼青瓜呢道味道都ok，3人份量，每人每樣2件19:25 蟹粉小籠包1人1件，個樣非常唔錯19:35主角出場🦀🦀1人2隻大閘蟹公，睇落都好似爆炸膏咁，食落1隻普通，另1隻比較香甜20:40大閘蟹母出場，1人1隻黎到呢到，時間已經系21:15酥炸廣島生蠔，呢個蠔，至少1/3都系粉黎…等左好耐好耐……21:48d野未黎哂但上左個窩心薑茶湯圓😅我幾鐘意食，所以即刻平復返心情🤣🤣過左幾分鐘，上個竹笙杞子浸菜苗最後22:03分先上埋個肉黑醋霜降肉大家都等到呆了，側邊枱d人個個都追話d野未到，得到既回覆同之前睇其他評價一樣，廚房要等埋一齊煮😅😅

約咗兩個朋友喺旺角呢間鴻星諗住食個午餐，但個個都諗唔到食咩，一於就嚟兩個點心拼盤😂😂再另外加兩個點心，鍾意去酒樓飲茶可以飲好多茶，又可以坐得舒服啲，雖然普普通通飲個茶但係見到蝦餃上邊有金箔粉😍感覺上有驚喜😆😆！下次呢個點心拼盤可以encore😎😎

作為大閘蟹嘅忠粉，每逢都秋天一定四處覓食！今次小試鴻星「皇者大閘蟹」1位餐，有得食兩公一乸，每位都係$468！3人同行，一人點左一個1人餐，加多份半隻脆皮片皮鴨，冇得彈！ 一個套餐包括：🌟「大畀蟹」兩皇一后 – 今季既甜都幾鮮甜多膏！🌟「煙鴨胸併青瓜」 – 作為食蟹嘅前奏係幾適合！🌟「蟹粉小籠包」- 食蟹有埋蟹粉小籠包就啱晒，食落熱辣辣！🌟「蟹肉芙蓉羹」 - 啖啖蟹肉，食完蟹中和番都唔錯！🌟「酥炸廣島蠔」 - 炸到好脆，食落唔會成口粉，出色！🌟「黑醋霜降肉」 - 肉質唔錯，不過可能擺得耐，冇左個香脆口感🌟「竹笙杞子浸菜苗」 - 份量都幾充足🌟「窩心薑茶湯丸」 - 真心想讚下，薑味好重，可以中和番食蟹太涼，湯丸有3粒，每粒都唔會太厚粉！總括，呢個一人餐性價比幾高，唔單止有3隻可以食，其實小菜份量亦相當理想。

酒樓，始終仲有生存空間，如果唔係難食到回吐，始終唔多限時坐位闊落方便吹水依然係有回頭客。九十年代去鴻星用餐係有感去高檔次嘅酒樓，點心亦明顯比坊間酒樓造型精美具創意。日復日，當其他酒樓啲食品價位都起勢飆時，反而拉近咗同鴻星嘅距離。相對係侍應態度始終比一般酒樓殷勤，起碼啲夥計講嘢斯文啲。望住假期嘅餐單都係選擇困難，手指一篤都係指向套餐。$328兩位用都夠3位食。「脆皮燒肉拼蜜汁叉燒」叉燒俾瘦叉，覺得麻麻，而且厚切唔啱瘦叉，變相又硬又嚡口；燒肉就每舊都脆皮，肥瘦每層相間。預咗「鮮果咕嚕肉」都冇幾多間真正整到酸甜有緻、外脆內軟、肥瘦有道，呢碟亦流於平庸，酸味佔咗最大篇幅，肉質略瘦唔得豐腴。「四季豆牛柳粒」都似用包裝雪藏一口牛，不過好多舊都最少兩口先咬得哂。搜尋一下，原來執剩呢間同觀塘分店，不禁感覺無奈要隨波逐流。

行街行到腳軟又攰又無力，點算呢？一定要坐低飲嘢同食嘢啦星期日的MOKO新世紀廣場人頭湧湧，多數係三五知己的青年人或帶着小孩的父母，安寧的食店難求呀！《 鴻星 》酒家就是繁忙商場中的綠洲了它出品的點心馳名已久，用料質素有保證，在逆市中生存至今也表現到它的實力近期下午茶市價格非常吸引，真是益街坊大贈送。只要打開點心紙，內裏各款小食和點心都有75折早晨時段還有點心價格低到（一蚊）金箔蝦餃好特色，但是也是蝦餃喔溫馨提示： 晚飯兩餸特色套餐加個湯， 一定要幫襯

前幾日book咗呢度，一家人同嫲嫲補祝生日食飯，點知換來極差嘅體驗😤👎👎.食物方面，除咗一開頭嗰個乳豬係最好食之外（乳豬需要一早預訂），其他小菜等等都係非常之一般～片皮鴨直程差到一個點，啲肉超老好鞋，嗰個侍應切片皮鴨切到係好厚一塊塊，好求其，完全唔係平時薄身嗰種切法，我哋12個屋企人一致都覺得好失望～龍蝦伊麵，龍蝦份量少，仲要啲殼多過啲肉～叫咗個花菇海參煲，呢個仲離譜，成個煲得幾片海參，仲要貴，超級無敵唔抵食👎.食物普通都算，最差嘅體驗都係來自於佢哋嘅服務，幫我地嘅一位男侍應由一開頭其實態度已經好差，問佢乜嘢、有啲咩要求佢全部都會Say左 no先！（如果係有好嘅服務，其實應該係可以按着客人需求睇吓會唔會幫到手）片皮鴨都係佢切，完全冇心機片，出嚟嗰啲根本唔係片皮鴨而係一件件嘅鴨肉囉！.態度差都唔緊要，好戲在後頭！片皮鴨剩返嘅鴨殼，我屋企人想拎走返屋企，然後我哋同嗰個侍應講可唔可以幫我哋斬件，首先佢已經一口話唔可以斬件，（但係其實片皮鴨嗰把刀同埋張枱都仲響度，點解唔可以幫我哋斬開幾件方便拎走呢？就算係點解唔可以拎入廚房處理呢？！）😤.然後我哋要求用外賣盒幫我哋pack起拎走，佢竟然走去搵個

諗住就腳求其去咗MOKO一間未食過嘅酒樓飲茶，佢個價位唔低，但係質素就都幾差，係某幾樣出色B （其實係合格，對得住價錢）環境其實都係普通，不過侍應幾友善熱情！灌湯餃極差！諗住比有人試一口，諗住用匙羹整開個粒搞，執唔到㗎 ！因為太過空心，入面係幾乎冇乜料，除咗兩粒蟹柳，好似冇乜嘢咁超級列評俾呢樣食物，佢仲收$48一粒唔通係粒瑤柱實在貴到爆？雞扎唔錯幾足料！味道調校得OK，而且好多舊。蒸蘿蔔糕我自己好鍾意食！朋友就話點解唔係賤，我自己就覺得正更加難食到燒味係最靚仔最搶手嘅一款！無論叉燒同燒肉都幾出色，佢啲叉燒唔會好肥但係整得夠林又好味！個汁嘅調味都唔錯胡椒豬肚大煲， OK腸粉皮好口，不過不失啦不過呢佢又多款點心都係一籠得壹件，所有包類，蝦餃燒賣全部都係一樣一樣咁嗌，而且都係$18.1件或者咁上下收㗎有啲過高， 不過大粒嘅！因為佢最後俾返個六八折，所以最後都覺得價錢合理啦！侍應服務有熱情，只係某幾樣真係係非常唔推介，不過下次想食有質素嘅時候就唔回禮時間啦

好朋友相聚👫，又想搵啲靜靜地，傾到計，交通又要方便既中菜館🚌🚕🚅，好在朋友推介呢間鴻星，位置交通方便🚅，中心點，環境中上，推出左個低食套餐，唔洗煩，爭取多啲時間傾計，聚舊！我們8人👫👫👫👫，6人套餐再加兩位，每位加$248🌈盛宴菜式包括葵花皮乳豬件（半隻）茄汁煎大花蝦碧綠花姿玉帶黃金百花釀蟹鉗竹笙蟹肉燴生翅古法蒸花尾石斑蠔皇花菇一口鮑脆皮炸子雞福建炒飯鴻星壽飽楊枝甘露🌟🌟有半席$1,488及一席$2,888可選，惠顧再送橙汁及紅酒。🌟🌟*另收茶芥及加一服務費（星期四及五除外）*優惠受條款及細則約束‧不可與其他優惠同時使用鴻星中菜Kwun Tong branch T: 2628 0120 觀塘開源道64號源成中心1樓Mongkok branch T: 2628 0890 旺角太子道西193號新世紀廣場6樓601-601A號舖葵花皮乳豬件（半隻）茄汁煎大花蝦碧綠花姿玉帶黃金百花釀蟹鉗竹笙蟹肉燴生翅古法蒸花尾石斑蠔皇花菇一口鮑脆皮炸子雞福建炒飯鴻星壽飽（好大個）楊枝甘露（忘了影相）總結💝：鴻星一向有質量保證, 食物水準中上，分量夠飽，最後食唔晒仲要打飽！如果下次再需要食中菜，呢個價位真係好合

今日原約了朋友去新世紀「翠園」茶聚，因要輪侯1O9票，就去對面「鴻星」攞輪侯票，實行雙線輪候，誰知，可以即時入座，我們都感奇怪两間酒摟，何解輪候人數相差咁大？後來便明白了平時喜歡打卡(食物和食店環境)，但今日的食物賣相平平不吸引，故沒有食物和環境相片提供。食物除了义燒腸粉好味外，其他都平平，品質跟一般酒樓差不多，但收費偏高，平均每人$164

今日原约了朋友去新世紀廣場「翠園」茶聚，因要等候109票，便去對面「鸿星」取輪候票，採取雙線輪候，誰知「鴻星」可以即時入座，起初都感奇怪。下單點食物，食物都算快送上枱，但因賣相不吸引，没有打卡(平時有打卡習慣)，食物質素除了义燒腸粉稍好，其他都平平。環境一般。