鳴虎 (新城市廣場三期) (裝修中)

📍鳴虎 鳴虎係有好多分店既拉麵店，遍怖新界港九；呢間沙田分店隱藏喺超市入面🍜位置係美食廣場既角落，好易搵～主打日式拉麵同丼飯😍🐽黑胡椒豬軟骨拉麵 $108 ✨期間限定✨期間限定既拉麵有兩款： 北海道蟹肉冷麵🦀同黑胡椒豬軟骨拉麵🐷套餐仲配埋餃子三隻🥟同汽水～夠曬豐富！今次試左黑胡椒豬軟骨拉麵，豬軟骨有兩大架，好厚切，亦都好入味🤩試左個湯底，黑胡椒落得幾多，所以成個湯底個味好濃郁，好滿意🈵️另外餃子🥟煎得幾香脆，餡料算多～🥗四國香蔥油拉麵 $88呢碗又名綠虎既拉麵，因加入左大量既香蔥油而命名～個湯底好重豬骨味，大量既香蔥油提升左麵既味道，啲香蔥多到cover曬成碗麵添；而塊豚肉好大塊！肉質細膩，肥瘦相間～而且亦都有微微燒過，幾香！😍⭐️好味指數：8/10📍鳴虎 (新城市廣場) (沙田)沙田沙田正街18號新城市廣場3期1樓一田百貨#沙田 #鳴虎 #拉麵 #ramen #期間限定 #黑胡椒 #豬軟骨

香港日式拉麵店林立，而呢間《鳴虎》原來都有好多分店。呢晚過嚟沙田分店試試。店舖位於一田超市內，座位唔多，呢日係星期六晚都多算多人。如果唔怕熱其實都可以坐戶外區，嗰度會多D座位。今次叫咗3款小食1款拉麵❇️龍蝦沙律 $38龍蝦啖啖肉，亦帶點鮮味，可以配埋紫菜卷住食❇️肉餃子 $38有5隻，外皮略嫌厚咗D，勝在入面饀料肉質厚實，每隻都脹卜卜❇️胡麻菠菜 $38菠菜爽脆，胡麻醬汁香濃❇️鳴海老拉麵 (蝦味噌豬骨湯拉麵) $88湯底加入北海道鮮蝦及櫻花蝦粉熬製，飲落去有好香濃鮮蝦味，但又唔會死咸。麵質偏向較為幼身，口感彈牙叉燒夠淋夠入味，配埋糖心蛋、木耳絲同紫菜，整體味道都不錯！😋

下午時間刻意到店試拉麵，我們兩人睇完餐牌下單，餐單上寫了「拉麵加15元，可以有沙律和飲品」，當下收銀員戴口罩講左一堆嘢，我完全聽不清楚，直至俾錢後（只是幾秒）我才發現可加15元有套餐，即時查問收銀員（肥女人）可以現在加返15元改套餐嗎？職員態度惡劣囂張，高聲晦氣咁講「無喎！，頭先同你講左啦！你聽唔到啫！」嘩😳什麼態度？心諗在一田果層坐外面食嘢，完全無環境可言，仲要受氣💔😡😡😡😡😡及後拉麵自取，發現湯底唔夠熱，蔥有異味，麵太淋。🤬🤬🤬好失望最失望是我上呢間拉麵店的社交平台 想反映意見，已反映意見，並留言，對方指可以在社交平台 表達意見，之後我表達左，但對方完全無視我的意見，一個多月無回音😡😡😡😠😤😤😤我想問什麼服務態度？有冇專業培訓員工對答？毫無禮貌🙄️⋯⋯無言，公司和員工一樣差差差這次經驗十分不愉快☹️⋯⋯我也不會再光顧🤯🤯🤯🤯

🐯鳴虎 (新城市廣場) (沙田)沙田沙田正街18號新城市廣場3期1樓一田百貨乳豬係拉麵控可能有追蹤我既朋友都會留意到啦😝😝今日乳豬想同大家介紹一間在多區都有分店，口碑很不俗的拉麵店—鳴虎！！🐯🐯乳豬叫左三碗拉麵兩個小食，店家仲溫暖地送上兩個沙律添😊😊鳴虎🐯即日本魚乾豬骨湯拉麵，作為招牌菜，湯底濃稠好夠味，有啖啖魚乾香味滲出，飲唔到有力廿味精，叉燒燒得夠香啖啖肉乳豬推介指數：🐷🐷🐷🐷🐷🐷🐷🐷黑鳴虎⚫️🐯即博多黑蒜油拉麵，相信喜愛日本麵既你不會陌生，黑蒜油夠香濃，不會太咸，鍾意黑蒜油記得要試😉😉乳豬推介指數：🐷🐷🐷🐷🐷🐷🐷🐷赤虎🔴🐯即特濃辛口拉麵，湯底味道應是豬骨湯，但加上特濃辛辣香料調味，辣度👍👍無得彈，要飲返不少飲品降溫，湯底飲到用心熬製，過來挑戰一下辣麵面吖！！乳豬推介指數：🐷🐷🐷🐷🐷🐷🐷🐷🐷

好味又抵食日本餐廳🥰 有多間分店，今次嚟沙田嘅一田百貨分店試吓🤗 餐廳人流多，好受歡迎👍🏻 食物選擇好豐富，有多款拉麵、丼飯及日式小食，款款吸引😍 價格合理，食物質素很不錯，性價比高！今次同朋友試咗兩款拉麵～特濃辛口拉麵 $98✨愛辣人士必點！辣度強 有驚喜，拉麵偏幼身，好喜歡這種麵質 爽滑掛湯，越食越惹味🔥 配有紫菜、溏心蛋、木耳及叉燒，整體口感味道很不錯😋博多黑蒜油拉麵 $88✨推薦！😍 黑蒜油好香濃惹味🤤 十拉麵偏幼身，好喜歡這種麵質 爽滑掛湯，配有紫菜、溏心蛋、木耳及叉燒，整體口感味道很不錯😋Coke Zero $12✨

嗚虎好多地方都有分店，但係一直冇時間是今日同女朋友行一田入貨就見到佢囉，一於今晚就食佢啦咁方便麻雀雖小五藏俱全，拉麵嘅種類都好多選擇仲有都幾多少食炸雞，餃子，沙律講得出都有龍蝦沙律醒神菜，令到我哋胃口大開我哋咁啱我想食飯呀咁呢就叫一個拉麵一個飯一齊食.豬骨拉麵，拉麵口感al dente,個湯底好重豬骨魚介味，好好食湯底濃而不喊好快成碗湯都飲晒.鰻魚飯，估唔到咁好食. 佢唔係喺街市或者超級市場一條切開現成嗰啲鰻魚. 鰻魚食落細嫩柔滑，重點係小骨.下次去完一田再幫襯

琴日係一田行完街，行到好餓😅。遇著食飯時間，四圍都係人，見到呢間拉麵店，仲有2個位，立即當機立斷坐低！估唔到，有意想不到嘅驚喜😊。⭐️綠虎 - 四國香蔥油拉麵湯頭好濃，食落口有一種奶油嘅味道和口感。但佢又唔會好咸，反而口味偏淡，減輕左油膩感嘅負擔。而且因為湯頭濃郁，啲湯汁好掛面👍🏻。唔錯唔錯！⭐️黑鳴虎 - 博多黑蒜油拉麵薄薄嘅黑蒜油，唔會話太油太濃味，但又有黑蒜嘅香味。叉燒都好多，有成三塊。個蛋都好出色！👍🏻係溏心蛋黎，入面嘅蛋黃剛剛熟，好似蜜糖咁，黏黏的，好好食😬。⭐️芝麻雞翼雞翼好加分👍🏻！芝麻好香，外皮酥脆，連雞翼尖都炸到好好食。個面辣辣哋，裏面嘅雞肉仲係好嫩滑，好Juicy 😬。必叫！⭐️肉餃子肉餃子都係另一樣必叫之選。佢比煎餃仲要脆，但裏面嘅豬肉唔會太乾，仲有好鮮嘅豬肉味。個胃有位嘅話，呢個都要照嚟試吓👍🏻。

咁啱行完一田有啲肚餓，見到有間拉麵就坐低咗，店面唔大，因而有種傳統日式小店feel。博多黑蒜油拉麵🧄🍜 $88超香濃嘅蒜味，有兩塊叉燒同一隻糖心蛋，叉燒肥瘦適中，糖心蛋咬開亦呈流心狀態，非常唔錯👍🏻蝦味噌豬骨湯拉麵🦐🍜 $88配料同黑蒜油拉麵一樣，唔同嘅係佢多咗一啲調味粉喺上邊，食之前需要撈勻，更突出海老味，不過湯底偏鹹，適合重口味嘅朋友。肉餃子🥟 $38有成五大隻餃子，表皮炸到脆卜卜，餃子皮雖然偏厚但勝在餡多。

行完一田留意到有幾間餐廳，見呢間拉麵個樣幾吸引，仲有bar枱座位，決定試下，試完發現有驚喜，平日晚上都幾多人食。原來鳴虎有好多分店，土瓜灣、將軍澳、北角、沙田等等。拉麵有幾款湯底，魚乾豬骨、黑蒜油、香蔥、辛口、蝦味噌。除咗拉麵，仲有日式丼飯，牛雞豬魚都有，好多選擇。當日叫左一款拉麵，一款飯。。日本魚乾豬骨湯拉麵 $88呢碗係招牌拉麵，叫鳴虎。有兩塊叉燒、溏心蛋、紫菜、木耳絲、蔥花。叉燒肥瘦均勻，入口即溶，叉燒經過炙燒帶有焦香，好加分。拉麵軟硬度適中，份量好多。湯底濃郁得黎唔會太咸，有少少魚介味。最驚喜係有溏心蛋，原本以為係普通蛋。。饅魚飯 $68饅魚肉質嫩滑，饅魚汁嘅甜度適中。呢個價錢有唔錯嘅質素，抵食。。吉列大蝦 $38一份有3隻，蝦算大隻，正常質素。

尋日難得放假又唔洗湊囡， －於約埋朋友一齊出沙田行街shopping, 好耐冇咁自在咁行街， 所以要盡量爭取時間買嘢， 我哋lunch 都係係－田搵咗間拉麵舖快食🤣🤣叫咗2個主食+1 份小食鳥取照燒雞扒丼： 雞扒都幾大塊， 肉質鮮嫩，唔會好多醬汁，飯份量適中👍另加咗d 蔬菜， 有菜有肉有飯， 健康之選日本魚亁豬骨湯拉麵： 好香魚乾豬骨味， 拉麵彈牙， 煙煙銀銀， 口感唔錯😋芝士魚條拼魚餅： 超多芝士， 咬落去啖啖都有芝士， 溶溶地， 夾埋魚條魚餅一齊食， 正整體味道唔錯， 價錢合理， 平靚正❤️

⏩️黑胡椒豬軟骨拉麵呢碗期間限定既黑胡椒豬軟骨拉麵既湯頭色澤深沉，散發著濃郁的香氣。湯底採用豬骨同各種香料熬煮而成，口感濃郁豐富，帶有微妙的豬骨甜味，同時伴隨著黑胡椒的辛辣感，給人一種獨特的味覺體驗。豬軟骨內部嚼勁十足，質地較為彈牙，吸入左湯頭既汁更增加了整體的口感層次。拉麵條彈性十足，口感細軟，能夠完美吸附湯汁的滋味。總的來說，黑胡椒湯頭好特別，絕對值得一試。⏩️札幌香蔥豚肉丼豚肉切成厚粒，經過煮熟後，保持左肉質的嫩滑和鮮嫩口感。豚肉既味道同醬汁完美融合，讓每一口都充滿濃郁的肉香。一絲絲香蔥的清爽和豚肉的鮮味形成了完美的對比，提升了整個丼飯的風味。⏩️波子汽水

去一田購物完，買咗一大袋嘢，所以決定快食再搭的士走人。見到一田內有一間拉麵店，啲菜式都比較特別，就決定食拉麵做晚餐。黑胡椒豬軟骨拉麵～湯底可以攞咗黑胡椒嘅獨特香味之餘，並沒有刺鼻、嗆既感覺，件事非常協調且有驚喜。豬軟骨亦都非常入味，糖心蛋更加冇令我失望！依然係流心狀態。肉餃子～只係用用來做餡料比較少見，咬落去啖啖肉原來別有一番風味，一口一個非常方便。九州雞白湯鮑魚拉麵～白湯比我想像中濃郁，而且質地較為濃稠，每條拉麵都可以掛湯嘅效果，麵條質地非常彈牙具有彈香！鮑魚尺寸亦都合理！整體嚟講，都非常滿意😀

突然拉麵癮起，先發現原來一田都有好食嘅拉麵。蝦味噌豬骨湯試咗一啖湯，好濃嘅蝦味，面上仲有好多櫻花蝦粉，成個口感好豐富，湯底唔會過咸。叉燒肉質厚實，肥瘦分明。面質係幼面，可以做到掛湯！溏心蛋十分之出色，睇圖都見到中間流心嘅情況。博多黑蒜油拉麵呢款湯底俾蝦湯更加濃厚，湯底都比較杰身，適合重口味人士。黑蒜油味突出，再加上香蔥，好好食！呢個湯底亦都比較掛湯！餃子香脆嘅炸餃子，上枱時仍然係熱辣辣，值得加分！

⭐️【沙田】一田超市隱藏拉麵店⭐️\前幾日在沙田一田百貨shopping，行到累又不想周圍去，就選了在一田超市內的〔鳴虎拉麵〕店吃晚餐，鳴虎拉麵店位置非常就腳，基本上吃完麵還可以在一田超市內再逛，非常適合愛逛街又肚餓的朋友。【日式魚乾豬骨湯拉麵】(HK$88)用魚乾及豬骨熬製的湯底，入口有陣陣濃郁的魚乾香味，魚乾跟豬骨湯的味道平衡得很好，拉麵的煙韌度煮得剛好，配料的日式叉燒有兩大塊，更有流心溫泉蛋、蔥花及紫菜，溫泉蛋味道很入味，半流心口感很好，豐富又飽肚。【黑胡椒豬軟骨拉麵】 (送餃子三隻及汽水) (HK$108)選了期間限定的〔黑胡椒豬軟骨拉麵〕，豬軟骨很足料很大舊，裡面的豬軟骨比例很高，不會只有很多豬肉，拉麵上亦放了很多蔥花及木耳絲，更有流心溫泉蛋及紫菜等經典拉麵配料，入口湯頭的豬骨味較突出，亦有少少黑胡椒味道，拉麵麵條較幼細，顯得更易掛湯，這款拉麵更送上3隻餃子及汽水。餃子餡料內有滿滿的肉及椰菜絲，餃子用油鑊炸成，所以外皮很香脆，但一定要趁熱吃。〔鳴虎〕@nakitoraramen香港新界沙田沙田正街18號新城市廣場3期1樓一田百貨YATA Department Store, 1/F

竟然係超市入面都有拉麵同日本野食呢😆😆 雖然舖頭唔大，但拉麵／飯選擇都算非常之多呢👀🍜嗚虎 日本魚乾豬骨湯拉麵 $88招牌拉麵！日本魚乾豬骨湯濃郁得黎有淡淡魚乾既香味而且無腥味，好好飲（半熟蛋係真係流心的！蛋味好濃，日本蛋果然係日本蛋🥚麵方面係幼麵，份量剛好，唔會太多太膩，讚讚🍜赤虎 特濃辛口拉麵 $98 鮮紅色湯底，辛辣味十足！而湯底鮮味與豬骨香濃互相陪襯，叉燒反而相當有驚喜，肥瘦剛好，食落去唔會太淋，有咬口之餘肉味都非常濃，估佢唔到呢～