鳴虎 (已搬遷) 新店位置

成日見到呢間拉麵舖，睇過Menu又覺得幾抵食就試試佢，發現都唔錯。🍜赤虎 $98🍜黑鳴虎 $88赤虎姐係辛辣拉麵，黑鳴虎係黑蒜油拉麵。兩款拉麵湯底都嗌咗濃味✨湯底杰身少少，飲落去會漿住個嘴。辛辣口味第一啖入口都幾辣，但食落又唔會太辣食唔到。黑蒜油就聞都已經勁香！拉麵配料好足料，兩大塊叉燒肥瘦適中。有大量蔥同黑木耳增加香味同口感！溏心蛋又入味，一碗唔同$100嘅拉麵有咁嘅質素，食得過！🥢肉餃子🥢芝士魚條除咗食拉麵仲嗌咗小食～餃子煎得香脆又有肉汁。魚條入面勁多芝士，煙煙韌韌好好食！

同朋友係新都城行街， 行到咁上下，嚟呢間性價比高嘅拉麵店醫下肚先，有個$128嘅鳴虎拉麵套餐，有拉麵有飲品有小食，幾抵，鳴海老 - 蝦味噌豬骨湯拉麵，湯底味道鮮甜，拉麵灑上櫻花蝦粉，更添鮮味，叉燒厚身啖啖肉。套餐小食揀咗胡麻菠菜，睇落好似細細碟，但其實份量頗多，新鮮翠綠的菠菜，淋上胡麻醬，惹味又不會過咸，茉莉花茶，味道清香， 一大杯好抵飲，赤虎 - 特濃辛口拉麵， 湯底味道香辣，拉麵爽口彈牙，勁正嘅原隻溏心蛋， 蛋黃半生熟，蛋香味濃，口感軟滑。總結：餐廳座位寬敞舒適，餐桌和餐具均乾淨衛生，侍應招呼主動殷勤，拉麵湯底濃而不膩，拉麵套餐抵食，性價比高，可以做飯堂。

鳴虎拉麵🍜➕多款小食我鍾意食唔同款式嘅嘢，叫一個拉麵餐，加幾款唔同嘅小食，兩個人share，啱晒我。我叫咗我最鍾意嘅黑蒜拉麵，店員記得走青即刻加晒分💯係屬於幼身麵，佢仲可以俾你揀濃湯同麵與軟硬度。加咗雞翼，餃子，吉列蠔，雞軟骨😍啱晒鍾意三心兩意嘅我😂仲包埋嘢飲添👍🏻推薦度（10👍🏻滿）：8👍🏻滴汗度（10😅滿）：不適用衞生（10⭐️滿）：8⭐️環境（10⭐️滿）：7.5⭐️賣相（10⭐️滿）：7.5⭐️味道（10⭐️滿）：7.5⭐️價錢（10⭐️滿）：8⭐️服務（10⭐️滿）：8.5⭐️地點（10⭐️滿）：8.5⭐️［鳴虎 (將軍澳)］📍將軍澳貿業路8號新都城中心3期1樓161-162,169及171-174號舖#食飯 #推介 #美食 #美食推薦 #美食日記 #堂食 #食好西 #吃貨 #hkfoodpic #hkfood #topcitybiteshk #香港美食 #美食推薦 #食評分享 #美食博客 #美食分享 #美食しい #eeeeeats #foodiegram #instagood #winsomelai

今日收工嚟到新都城附近交收，見時間都差唔多諗住喺附近食個early dinner，就比我見到呢間好抵食嘅日式餐廳🤤呢個套餐超級抵，只係$128就有一碗自選拉麵、小食同埋飲品，再加多份小食都只係加$18，比起而家出邊閒閒地都百幾蚊一碗嘅拉麵黎講，真係性價比極高！首先講一講碗麵，佢可以自選濃度同埋軟硬度，可以用返自己個人嘅口味嘅選擇，因為個人比較鍾意食硬麵，所以有呢個選擇對我嚟講好加分👍🏻碗拉麵都好足料，而且味道濃得來唔會好鹹，今次叫咗辣嘅赤虎，都真係有啲辣，唔食得辣嘅朋友就建議叫少辣，但對我呢啲「辣妹」就覺得好正🤣🤣小食方面，都完全唔馬虎，叫咗一個芝士魚餅、清酒煮蜆同埋菠菜，每樣都唔錯，特別係芝士魚餅，外面煎得好香，入面係半溶嘅芝士，真係講返都流晒口水🤤🤤🤤最後加埋杯玫瑰花茶， Perfect！

拉麵店是我們必食既飯堂,因為成日都會想心思思食拉面,特別係黑蒜味,今次黎到新都城,好近MTR 既新都城三期入面就見到有鳴虎拉面,嘩,原來好味到愈開愈多分店,我食過坑口一田店都係好味,所以就試下。依間既店面大好多,而且食物仲好豐富不同類型,而且仲有套餐,真係必選~黑鳴虎拉面套餐$128 (濃湯、軟)  (可以免費加麵)-湯底真係無得輸,湯底是可以自選的,我當然選最愛既黑蒜啦,仲可以選濃、普通或淡既湯底)、麵質都係可先選,真係好細心。連一款小食:芝士魚餅:最愛既小食,魚餅完全無粉,仲有芝士,真係不得了加$18 就可以追加多一款小食,大部份既小食都可以選,真心吸引芝麻手羽:好香既胡椒味,好食~咖哩豬排飯 ($58)朋友係好愛食咖哩飯的,憑咖哩必試, 豬排炸得好脆身,一D都唔乾~不錯~

今日去咗試寶琳新都城三期嘅鳴虎拉麵。舖頭細細，鳴虎嘅服務員好有禮貌；咁啱聽到隔籬枱點錯咗第二款拉麵嘅湯底，服務員都照樣幫佢換過另一碗，態度好好。嘢食方面，我哋兩個人各自叫咗個拉麵套餐（拉麵+嘢飲+一個小食）另加一款小食。拉麵嘅叉燒夠爽，蛋夠溏心，麵嘅硬度都可以自己選擇。鳴海老湯底真心正，好香濃嘅蝦味同鮮味。其實湯底嘅濃度可以omakase，由店長幫你決定，好得意嘅idea，係選擇困難症患者嘅救星。小食方面亦都有驚喜。肉餃子夠熱夠鮮；雞翼夠脆夠辣；魚餅夠芝夠𡁻口（值得一讚嘅係個魚餅有好香嘅魚味）

鳴虎是一間連鎖店，主打拉麵🍜。拉麵有幾款湯底，我哋揀咗用店名命名的鳴虎signature湯底。湯底可以選擇濃淡程度，拉麵亦都可以選擇軟硬程度。至於味道方面：套餐所配嘅餃子同菠菜都幾好味😋尤其菠菜，雖然份量少少，但食落好清甜。鳴虎濃湯🍲嘅介紹話係用四種魚熬製而成。我選擇咗湯底較濃，的而且確味道濃郁。兩塊豚肉味份量夠，另外配一隻流心玉子。不過我最欣賞都係如果選擇套餐，可以免費追加拉麵，咁就夠晒飽，又唔會嘥咗個濃湯。😋

聽講係鳴虎拉麵用親民價就可以食到高質拉麵，所以今晚同朋友去到寶琳分店，一齊試下呢一間拉麵店。一入去感覺舒適，裝潢以木系為主調。拉麵有自選套餐，套餐含飲品同一款小食，而且拉麵仲可以免費追加一次麵！我哋今次點咗兩份鳴虎拉麵套餐，而小食就揀咗肉餃子同芝士魚餅，飲品就係茉莉茶。鳴海老 - 蝦味噌豬骨湯拉麵湯底用心淆製，係招牌濃厚嘅豬骨湯，仲有濃厚嘅蝦味噌味道，一點也不油膩。幼拉麵入口有口感，質感微彈；叉燒肥瘦厚度適中，肉質夠嫩；流心溏心蛋及大量配料嘅配搭，非常豐富，好充足！肉餃子日式炸餃子，一份5件，炸到脆卜卜，入口非常香脆。芝士魚餅芝士迷必點小食！魚餅中間有半溶芝士，超正！😍👍🏻👍🏻

平日都好少食拉麵，多數都好鹹好油！呢日經過見到 鳴虎～個香蔥油拉麵幾特別，仲有老公鍾意嘅蝦味豬骨湯拉麵，就入去食個午餐🤭湯底選擇都幾多，仲有多款小食，套餐仲抵包埋嘢飲。四國香蔥油拉麵/綠虎蔥油味嘅拉麵 我都係第一次食，除咗蔥油都仲有大量新鮮蔥絲，感覺清新唔係草青味嗰隻 唔錯👍🏻👍🏻麵條都幾爽彈，糖心蛋做到流心效果。嗚虎拉麵套餐老公揀咗蝦味噌豬骨湯拉麵/鳴海老，灑上櫻花蝦粉，湯底濃 勁重蝦味好正，平時出街食麵都唔會飲湯 但都不知不覺飲咗幾啖 😁唔鹹 食完之後唔會口渴👍🏻👍🏻👍🏻套餐仲包一款小食，我哋揀咗肉餃子，皮脆肉鬆軟加$18仲可以叫多一份抹茶麻糬。

最近經過好多地方都見到鳴虎拉麵，而且越開越多分店，今日經過將軍澳新都城，見到門口餐牌嘅拉麵好吸引，而且仲有拉麵套餐，一於同朋友仔試吓佢嘅拉麵😍 餐廳雖然裝修簡單，但地方十分寬敞，坐得舒服，而且食物選擇多🫰🏻🍜鳴海老 $88份量十足，有糖心蛋、叉燒、紫菜及青蔥黑木耳，半肥瘦嘅叉燒勁厚身😳而且好好味，蝦湯底帶有濃厚嘅蝦味，而且湯底唔會太油，拉麵係幼身拉麵，口感非常好👍🍜 黑鳴虎 $88同鳴海老一樣，有糖心蛋、叉燒、紫菜及青蔥黑木耳，拉麵用咗濃郁既博多黑蒜油調味，湯底較濃郁，蒜味重但唔油膩，香濃嘢味😋層次豐富🫶

今天與友人到寶林探朋友，離開時友人提議到新都城搵食，於是找來鳴虎拉麵一試。餐廳位置不算多，裝潢簡單，但人流不算少。我們看看餐牌，餐廳主打鳴虎拉麵，但也有其他飯類小食。我們點了一個《鳴虎拉麵》套餐，配一個肉餃小食，鳴虎拉麵有湯底和麵質選擇，麵質和湯底我們都選擇了普通，湯底是日本魚乾豬骨湯，看上去很濃味，但入口不會死咸，帶點濃而鮮的感覺，配上一個糖心蛋和三大塊日本叉燒，賣相吸引。麵質入口較乾身同不算淋身，與湯和木耳絲配菜一起吃口感較佳；叉燒脂肪分佈均勻，入口也不錯。另外《浦燒鰻魚丼》份量多，鰻魚肥美多汁且燒得不錯，吃上口啖啖肉幸福感滿滿；肉餃子小食賣相一般，入口卻有驚喜，餃皮挺脆口。最後配上一杯玫瑰花茶，淡淡的玫瑰清香帶點甜味，是吃完濃味拉麵和飽足的鰻魚飯後的解膩之選。

新都城三期開咗間靚裝拉麵店餐廳都多選擇，有拉麵又有丼飯仲有好多小食可以選擇通常又想食拉麵，又想食小食但係拉麵再加小食呢，就好似好貴呢度就有好好嘅選擇 因為有一個拉麵套餐，裏面有小食又拉麵有嘢飲仲有得追加小食，完全啱晒貪心嘅我豬骨拉麵湯底濃個溏心蛋都好正加左肉餃子同埋芝麻雞翼全部都熱辣辣上檯芝麻雞翼外脆內軟又大隻餃子好脆好juicy最後札幌香蔥豚肉丼呢個飯份量好足，豚肉係遠遠多過飯加埋香蔥，好香好惹味

一個叫套餐一個冇叫套餐，套餐包一碗拉麵加一款小食同飲品！拉麵叫咗鳴虎同黑鳴虎，我以為搞錯咗我食兩碗都係鳴虎，因為平時食開黑蒜油拉麵，正常湯面會有一層黑色嘅油，呢碗係攪勻左，一食落黑蒜油味幾濃，當時可能係燈光問題，依家睇返相都明顯見到兩碗嘅顏色係唔同！😎拉麵湯底濃稠，我都鍾意，豬骨湯入面有魚味, 但如果唔係鍾意咁濃嘅朋友就有留意番!因為同行朋友係鍾意薄身啲湯底🫢口味各有不同😆我特別鍾意係原隻糖心蛋，因為啲拉麵通常都係半隻，有啲仲係冇要自己加錢，對於我來講拉麵有蛋係好重要🫢呢隻合格，流心！好食麵底係幼麵，有得揀軟硬，我永遠食拉麵都係揀硬身！食到尾啲面都唔會淋！最後叉燒來講都算唔錯，係好肥仔🫢叉燒太瘦係好難食，所以佢肥係正，加上有燒過，加重油味，食起嚟就唔會鞋😆岩我！加上佢有三片唔係少，因為我有食過有啲店係得兩片! 最後，小食叫肉餃子！係好食，係平時正宗日式嘅餃子味，但留意番呢個係炸餃子🥟！不是煎的，如果有煎更好！

一向都好鍾意食日本拉麵，見到新都城中心開咗鳴虎，一於同朋友試吓先！拉麵套餐包一款日本拉麵、小食及飲品，我就揀咗：嗚虎佢其實係日本魚乾豬骨湯拉麵，湯底香濃，上面鋪滿洋蔥及木耳，溏心蛋好好味，豚肉煮得夠淋又入味，麵質爽口啱啱好胡麻波菜切得好整齊，配上麻醬，清清地幾好味除咗拉麵，呢度都有唔同嘅丼選擇。和歌山汁燒鯖魚丼魚嘅份量都幾多，厚實鮮甜，加埋燒汁送飯一流另外仲加錢叫咗兩個小食～章魚小丸子：上面鋪滿紫菜、木魚及醬汁，食落唔會好粉，裡面有粒粒章魚吉列大蝦：炸得好脆，蝦夠彈牙我仲叫咗杯玫瑰花茶☕️，充滿蜜糖及花香味，清甜滋潤。

懂得善待自己，不算孤單寂寞上學前吃得豐富，不怕放學又吃宵夜🤪-HK$88四國香蔥油拉麵～ 香蔥控 必食😍拉麵上鋪滿了青绿色的蔥花，中間還有一座青蔥的小山丘，我看見頓時心花怒放。山丘下便是肥美的日式叉燒。麵條軟硬適中，還有一顆 吃拉麵一定要有的半熟蛋，這是我心中日本拉麵最好的配搭。-+HK$10配日式沙律及汽水～日式沙律菜，可以減低肥美叉燒的脂肪。汽水配芝麻雞翼是最佳的伴侶。-HK$48芝麻雞翼～一口咬下去,皮脆肉嫰，肉汁在口腔中溢散出來。