鳳雛燉雞

營業中

休息中

餐牌有多款韓式料理，份量亦都似足韓國一貫風格，全部大大份，share食就最啱！芝士醬汁無骨炸雞，大大件全部去晒骨，方便一口接一口係咁食，芝士濃郁好creamy,呢個醬汁有啲辣，不過幾惹味～～人參雞湯，上枱熱辣辣，煲到好濃縮，啖啖精華，口感軟綿～雞肉煲到軟爛但仲係嫩滑唔鞋口～清甜好飲～海鮮煎餅材料豐富，加咗蛋煎，更香口，多層口感，點醬汁甜甜地幾好味，呢個推薦～～飲品有燒酒飲，有六款水果口味，我今次揀咗百香果燒酒，幾香甜又清爽！

這間韓國餐廳我之前來過一次，上次嘅餐點令我印象深刻，今次再來，是想品嘗一下當時沒有點的一道菜式，因為上次來見很多枱客人都有點到。就是這裏的招牌菜鳳雛燉雞啦~~我還加配了飯焦，一探究竟這裏的燉雞有何魅力之處！這裏的前菜可以不停refill，而且味道還不錯。主菜上來啦~~燉雞的份量十足，2-3人都夠食，主材料的雞肉燉的時間足夠，濃厚香醇的醬汁完全滲入雞肉當中，但又沒有令到雞肉變柴，也不會令人覺得口渴，充分顯示出這道菜色的出彩之處；配料有馬鈴薯，青瓜，紅蘿蔔和冬粉，廚師有好好處理材料分別放置的時間，一方面能吃出材料本身的質感，同時又能令到材料本身融入醬汁當中，如此出色的燉雞，難怪差不多每枱客人都會點選，確實是這間餐廳的生招牌。另外加配的飯焦同樣也令人驚喜，飯焦是特別烹調的，飯身焦脆，內裏酥軟，再澆上燉雞的秘製醬汁，味蕾和口感能同時兼顧，我完全食到停唔到口。這道燉雞絕對能夠進入我嘅美食記憶，相信好快我就會再次光臨。

二訪韓國餐廳好耐之前食過一次當時仲係黑布街白布街果邊而家搬左係彌敦道近左地鐵站 空間又大左裝修都靚左好多呢☺️🔻鳳雛燉雞-無骨 ($248)一如以往咁大碟2個人其實真係食唔哂除左雞件好多之外 仲有薯仔紅蘿蔔等蔬菜底下仲有好多薯粉🐷味道方面雖然揀左小辣 但會愈食愈辣🥵後勁很強 如果食唔到辣要留意返燉雞唔會好老 仲係好嫩滑醬汁唔會好咸 薯粉吸哂汁好入味整體係好豐富既🔻西柚梳打 ($32)又係大杯裝既🤣🤣裡面仲有好多片西柚味道偏甜小小 用嚟解辣一流呢個價錢算係咁啦 手搖都可能更貴可惜我飲唔到soju佢有好多選擇架🥹 總括來講很適合一班人share食物飲下野又可以試多幾款食物🤭

朋友早排介紹我食呢間呢間位於旺角鬧市中嘅樓上韓式餐廳，主打燉雞同炸雞🐓 亦有多款韓國料理，如醬油蟹，部隊鍋，人參雞湯等👀 由韓國人主理，味道可謂夠正宗😺 餐廳有卡位，環境都唔逼幾闊落，適合同朋友聚會👭🏻點餐前我都諗緊叫燉雞定炸雞好，問咗朋友意見我就決定試試個炸雞～ 點餐後店員就會放低幾款前菜，前菜有泡菜、芽菜同青瓜😏♥ 辣味炸雞 $98即叫即炸😉 佢哋嘅炸雞係無骨嘅，半份嘅份量都唔少，仲有香脆炸薯條，份量都夠2-3人share😏 炸雞外皮較厚，炸得香脆乾身👌🏻 我揀咗甜辣汁，甜味比辣味出，炸雞上面淋上大量醬汁，每一嚿都沾滿醬汁，但依然保持到脆度👀 叫炸雞仲會配埋個沙律🥙♥ 煙肉泡菜煎餅 $98煙肉+泡菜煎餅呢個配搭真係未食過，有別於傳統泡菜煎餅～ 煎餅唔會太厚，邊位同表面酥脆，中間位置餅皮較有彈性，啖啖都食到泡菜！加埋醬油幾開胃😛♥ 青提梳打 $32 & 百香果梳打 $32解膩之選😸 青提梳打有新鮮青提果肉喺底，幾清甜🥤 百香果梳打入面有加柚子蜜，比青提梳打相對甜啲👀💬 總結呢度午市免加一，價錢合理～

18/3/2023同朋友慶祝生日🎂Dinner at 鳳雛燉雞 （其實選擇呢間係想食韓式豬手）感覺上好似冇以前咁好食（印象中我喺香港呢間食過三、四次）燉雞份量好似小咗豬手一上枱，我哋嚇一嚇感覺上好似燒燶咗咁但係食落又冇乜嘢（唔知係咪因為啲滷水嘅問題）不過佢好鬼熱，其實豬手如果好熱嘅話啲肉會收縮、同埋啲皮會黐住🫠（我哋大家都認同喺香港好難食到好食嘅 韓式豬手🙈🙈🙈）我飲芒果梳打，好甜糖水味🙈🙈

今日同朋友去旺角行街，好想食韓國嘢，上網一search，搵到呢間專食鳳雛燉雞既專門店😱 原來係來自首爾既過江龍🐲 喺韓國都有唔少分店㗎🥳我地兩個人叫左最出名既「鳳雛燉雞」🐓$272一上碟，我哋兩個都呆咗，好大碟，份量好多呀😍 裡面有薯仔🥔、紅蘿蔔🥕、小黃瓜🥒、洋蔥🧅、蔥，超多配菜！蔬菜部份都燉到好軟淋，薯仔幾乎係入口即溶。仲有半透明既麵線🍜，咬落去有啲似紅薯粉，咬落去煙煙銀銀😋雞肉🐥：加左自家醬汁，用燉煮既方式烹調，因此食落非常嫩滑好入口，一啲都唔老唔乾👍🏻 重點係醬汁好有層次，調校得啱啱好。辣度🌶️得簡：不辣、小辣、大辣；不過個人建議有少少辣度會更豐富🤩最後，我哋仲叫咗個牛肉kimbap🐂$85件數都好多，材料足夠，紫菜飯卷包住烤牛肉、沙律菜、醃蘿蔔，開胃又好味😝

💜 雖然係樓上鋪，但係都幾旺場😚 韓國老細處理，所以食物都好正宗👌🏼 我去食嗰晚仲見到有幾個韓國男仔一齊去食😆💜 一坐低就有前菜食😍 有青瓜，泡菜同埋芽菜~ 份量都唔算少，食落仲幾好食添！😋💜 原味炸雞半隻 $88最驚喜係除咗炸雞，仲送咗好多薯條🤩 好邪惡，好正 😈炸雞🍗非常香脆！雞肉嫩滑可以點埋附送既沙律食😁 幾個人share都可以~💜 石頭鍋飯 $98Bibimbap!! 好鐘意上面有隻脆邊太陽蛋😝入面已有牛肉配料醬料另上，可根據自己嘅喜好加入去有飯焦！😙 值得一讚👍🏼💜 海鮮煎餅 $98好大個，煎得香脆~ 厚薄適中，餡料有魷魚, 雜菜, 蝦仁等😆 點上魚露更滋味🥳

Not really crowded on a random Monday night.Came with my friend and ordered two dishes:Braised chicken with cheese - $278Ox bone soup with rice - $118The ox tail soup was great with a very strong flavour of garlic.Nice braised chicken!! with a huge portion!! I think you should come to this restaurant with more friends or family members as I spot other tables - able to have a greater variety of dish choices.Would really recommend the braised chicken with cheese, very tasty and generous amount of

本來純粹朋友話想食韓國菜😂我隨便搵左間，但一試難忘🫶而且份量都大大份，食到好飽，但又樣樣都好想試😬而且座位好寬敞坐得好舒服，建議大家早啲嚟霸定位🤣鳳雛燉雞 $248餐廳招牌菜，唔食得辣嘅朋友仔都可以食，個人覺得辣就惹味啲👍🏻雞肉係無骨食落好方便，而且好嫩滑，而且有好多蔬菜配菜同埋冬粉🤩其實兩個人好夠飽。芝士雞蛋卷 $88真係超級無敵大份，蛋香味好重🫶而且好滑，配埋醬汁調味不得了👍🏻芝士煙肉泡菜煎餅 $108上枱已經好吸引😍芝士鋪滿係面，而且可以拉絲好勁💪🏻芝士都係偏濃味，唔會甜絲絲咁油膩😛老闆比芝士份量都好足。水果米酒套裝 $128到最令我覺得吸引嘅米酒😛米酒套餐可以簡3隻味，我簡左青提、芒果、百香果😬不過上枱時有少少失望，因為佢地顏色一樣樣無分別，可能我香嘅味道問題。每款都有果肉浸係裡面，成個感覺好fresh，不過佢就唔濃米酒味，所以我地都自己溝左啲酒😂📍 旺角彌敦道726號10樓🍗 Korean Japan • 🆁🅰🅽🅺🅸🅽🅶🥇 虎鐵鐵板燒 銅鑼灣🥈 鳳雛燉雞 旺角🥉 Pizza Maru 元朗 4 Seoulmate 將軍澳 5 Bingo n Cook 銅鑼灣 6

鳳雛燉雞 (旺角)旺角彌敦道726號10樓辣味炸雞Sweet and Spicy chicken $98未食已經好吸睛，顏色鮮艷，芳香撲鼻，胃口大開，大大件，外脆內嫩，肉滑多汁，辣辣啲，非常嘢未😋😋😋牛肉紫菜包飯Beef KIMBAP $78牛肉鮮嫩，青瓜菁脆，蛋香嫩滑，紫菜包飯，食落口感非常清新鮮甜，超正😋😋😋芝士雞蛋卷Cheese Egg Roll $88芝士夠香濃，雞蛋嫩滑，外型精美，味道美味，食過回味無窮🥳🥳🥳青提梳打
Green Grape Ade $32新鮮青提，打碎，睇得見，吸得到，清甜清新，超級好飲，必飲推介🍹🍹🍹

鳳雛燉雞,有三種辣度,我哋揀佐小辣,無骨嘅雞真係懶人嘅首選,,個雞燉得好入味, 都有好多舊雞,而且下面仲有D冬粉,其實就係類似紅薯粉,比較薄索曬啲汁,好入味,除咗雞之外仲有薯仔青瓜,紅蘿蔔,洋蔥佩料,啲薯仔,紅蘿蔔都燉得好淋,好入味,,我推介好好食😋

♡ 韓國🇰🇷正宗｜鳳雛燉雞 ♡-今日喺旺角行街，朋友好想食韓國嘢，於是我就帶咗佢嚟呢間正宗韓國餐廳。呢度嘅主理人都係韓國人， 而且餐廳最特別嘅係有得揀炸雞同燉雞。不過今日好朋友想食炸雞 燉雞就留返下次先食啦😌🤤。- ♡ 海鮮拉麵 & 紫菜包飯 ♡ $68同朋友仔都好鍾意呢個拉麵真係充滿韓國嘅風味～ 加埋韓國正宗嘅紫菜包飯紫菜飯入面有好多配料有蛋、青瓜、蘿蔔同酸瓜～ 呢個Set 性價比高 真係好抵食👍🤭-♡ 辣味炸雞 （半隻）♡ $98半隻炸雞份量都幾多而且仲有好多薯條，辣雞雖然有淋上醬汁，但一啲都唔林 仲好脆口 🤤外皮脆 雞嫩 ～～ 令我諗返起幾年前喺韓國食嘅炸雞呢度嘅炸雞真係好正宗🍗～ -♡ 炒年糕 ♡ $70年糕入面有好多配料 有魚腐、洋蔥🧅等等～ 年糕口感好煙韌 仲辣得好過癮🤣 -❥#⇢店鋪資料：鳳雛燉雞 (旺角)旺角彌敦道726號10樓#-#香港炸雞 #鳳雛燉雞 #炸雞#hkig #hk #hkfoodie #hkgirl #foodie #hkfood #foodstagram #foodblogger #foodgasm #香港美食 #香港好去處 #香港小店 #相機

朋友說想吃韓國菜好多年前吃過鳳雛不錯所以晚上就帶朋友來平日晚上人也非常多 都滿座記得要訂位呀～～叫了石頭鍋飯飯焦脆脆好吃伴飯必點！！！再來是燉雞 多加一份冬粉（寬粉）2個女生吃其實就很多了非常大一盤 我們叫小辣愈吃愈辣我們都懷疑辣度是不是給錯了 雞肉很多 其他配料比較少薯仔燉得很軟綿 好入味～不過我覺得咸了一點整體都是不錯的

呢間餐廳之前都同朋友食過，對於個味道真係念念不忘，唔再係平時食韓國菜經常食到既炸雞，超級推薦比朋友去食!! 係韓國老闆主理，經常坐無虛席，通常我都會book左位先黎!😬〈鳳雛燉雞〉🐣🥘就係呢樣招牌菜，同餐廳名一樣，都係叫鳳雛燉雞，唔係度度都食到韓國燉雞，可以自選辣度，之前食開唔辣已經覺得味道好出色，今次係朋友要求下試左小辣，原來都好正，不過小辣都少少偏辣，所以想試下辣味既朋友要注意一下喇! 份量黎講我已經唔會比佢一大盤既賣相嚇親🤣依舊都係好多材料，包括有巨量既無骨雞件，啖啖肉真係好過癮，仲有薯仔同紅蘿蔔，超淋超入味，最推介既一定係入面既冬粉，索哂成鍋既醬汁，真係100%好味! 🫣我地兩個人都幾乎清哂，始終真係好大盤，但真係好食既!😍

#聽聞旺角有間樓上韓式料理非常抵食，仲要係韓國人主理，今日就帶埋朋友嚟試下，睇下會唔會搵到韓國既味道🙈鳳雛燉雞(無骨) $248超有份量既燉雞，可以選擇辣度，今次就揀左唔辣，可以試到原汁原味既燉雞🙈個底仲有冬粉，索哂汁既冬粉好惹味，仲好煙韌，而且薯仔燉到淋哂、入哂味，食完一啖又一啖！芝士炒年糕 $88唔止炒年糕，仲有魚板同雞蛋，年糕唔會有煮太耐既感覺，韌度適中，好有咬口。甜辣口味既醬汁愈食愈辣，同喺韓國街邊食既味道一樣正宗。睇落好似唔係好多，原來又係份量十足，食極都仲有！海鮮煎餅 $98海鮮煎餅不嬲都係我既最愛，嚟到由韓國人主理既餐廳就緊係唔少得試下呢道菜！唔止煎餅既邊邊煎得金黃香脆，每一啖都好香口仲啖啖海鮮，真係無揀錯！蘋果特製調酒 $68呢杯特調酒真係唔係講笑！超大杯，同朋友share就岩岩好，甜甜酸酸既味道，食辣野都唔怕啦！嚟到鳳雛燉雞真係唔好亂叫野食，眼闊肚窄，因為樣樣都超有份量，包保你食得超滿足！