鳳城酒家

營業中

休息中

If this place isn’t closing soon, it probably should. The restaurant is dirty, the food is bad and the operation is mismanaged. When we saw a cockroach crawl pass our table and the manager didn’t even seem surprised, you know you are in for a ride. The manager’s first explanation was “it’s normal” (no, it’s not normal where I’m from) and his second try was “we just had an exterminator visit, so they are running around”. Anyway, we decided that we wanted to live a little last night, so we decided

家有老人生日，為遷就他行動不便，我們特意選擇了地舖的酒家方便出入。在open rice 上搜尋到上環鳳城是座落在地舖，故打了電話去訂位。在訂位時已講明老人家要坐輪椅，結果到達鳳城時，在 open rice 上所列明的地址地舖其實只是酒家的接待處，要到達酒樓裡面，我們還要另外行10多級很𨺗峭寬度只可容納2人的樓梯（上落皆是）。接待訂位的職員其實有責任通知客人，好讓我們能為 行動不方便的老人去選擇適合有輪椅家庭的食肆。

沒有想過鳳城酒家的服務態度是這樣☹️，本來家人生日想帶他們吃一間定位中上的酒家，點知一黎到就已經比佢地嘅服務，令我唔係好開心，仲要係同家人慶祝☹️食物份量偏少，但價錢都中上，一隻蟹鉗都88（+1服務費），味道合理不過不失，沒有太大驚喜，但以這個價錢，感覺似茶餐廳服務態度，真的令我失望。——本來我地6個人，問佢攞酒杯，只係比5隻我地，我問咗3次，最後一次問經理先攞得到最後一隻杯。——然後上菜時，我地叫了6個茶壺上嘅湯，佢一上就倒咗一兩啖湯係枱，我家人唔太開心，因為碗湯都只係細細碗，仲要倒瀉一兩啖，個上菜姨姨仲唔知講咗啲咩，我家人個樣就唔太愉快☹️家人生日，然後因為服務態度令家人唔開心，我都真係唔太開心，最後成餐飯食咗2600蚊。——食物味道其實唔算差，菠蘿咕嚕肉同炸子雞都ok，但服務真係令我成餐飯都唔太開心。

適逢假期，之前帶同長輩去食中菜，特別來到這裡，地方好近我家，選擇多，款式又有特色，跟一般中菜酒樓不同，而且整體味道不錯，值得一食再食同家人想去食傳統中菜，在上環挑選了鳳城，酒家裝潢新簇，備有卡位特別坐得舒適小食金磚豆腐外脆內軟，入口即溶。燕窩羹啖啖燕窩用料十足；京式片皮鴨，皮脆肉香👍🏻👍🏻，半隻份量剛好；甜品必點蓮蓉西米布甸，香滑蓮蓉配西米暖笠笠配搭舒適環境加上優質美食，家庭聚會一流👍🏻👍🏻

呢個餐廳都幾旺場眼見有好多人幫襯裝修都光猛企理係個地下比較滑少少老人家同小朋友真係要小心個地下好似有浸油面朋友仔們去嘅時候要睇路嘢食方面都可以鍾意順德風味嘅朋友這裏嘅出品都做得唔錯海鮮有驚喜整體嚟講啲嘢食合格

鳳城酒家 上環與期待雖然有落差，但能體驗一些傳統方式的點心，對現代人來說是一個不錯體驗，而且終於能嘗試到傳說中的罐湯餃。價格算係有少少貴中上價位。鳳梨酥：鳳梨香口有迴香，外皮有點厚，算係鬆脆，開頭只係貪得意見佢似雀仔同有鳥籠算係有驚喜。 金光炸粉果：入面有蝦肉，外皮煙靭，但味道較淡。有少似咸水角又唔似，太淡了。龍蝦湯鮮竹卷：鮮竹光多蝦膠彈牙，湯汁好吸引，真係有龍蝦味的湯，性價比個人覺得值了。炸鮮奶：炸醬皮算係有點厚唔夠鬆脆，奶味唔重亦唔甜，太淡味，唔值呢個價錢。絕對可以唔駛試。鍋貼大明蝦：蝦多士咁，賣相嘛嘛地，多士唔多油，但無咩驚喜。特搜蒸籠：鮑魚燒賣、彩虹鮮蝦餃、櫻花蝦燒賣、宮廷紅棗糕、熔岩流沙包。燒賣正常，蝦餃大隻多蝦，但唔夠好食都係竹筍蝦餃會好食點。紅棗糕味唔重有淡紅棗香味。熔岩流沙包無驚喜唔夠流沙，唔食佢無損失。古法罐湯餃：上桌時已經穿左漏汁😖入面口感似糊狀好多粒粒，可能湯膠未熔晒，湯粒碎加材料脆，整體口感太碎濕濕，唔能夠認真品嘗到味道，我還是食浸的罐湯餃好些。蜜汁火方配蝴蝶包：蜜汁火腿個汁唔夠濃唔夠甜，但肉唔肥膩易入口，蝴蝶包鬆軟。鳳城水餃：皮薄，餡料厚身，正常驚喜都係無。鮮

睇住佢哋上環店左舖搬右舖，亦都係我開始寫上環食記嘅時間，鳳城呢個經典老牌名聽過多年，在於佢選址都唔係我活動區域，要不是嚟咗上環返工，基本上唔會㨂嚟飲茶。同事話呢間酒樓都幾貴，食物都不錯，今日我有幸嚟試下。真心而評，個人覺得點心水準一般，都係叫貨級數，無乜驚喜。炒飯和炸子雞比較好食，但都不見突出。見到燉湯用紫砂茶壺上菜，幾吸睛，但我哋無叫。作為一個土生土長香港人，好希望有百年老店繼續穩站香江，請好好經營提升水準。

老字號順德菜酒家，上環分店曾因疫情而停業，舊年重開後，終於今日約咗舊同事在此飲茶敍舊。酒家位處上環西港城隔離地庫，裝修幾有特色，有卡位有貴賓房，私隱度頗高。三個人叫了以上食物紅燒乳鴿，特價42.8一隻，雖然係特價嘢但製作絕不馬虎，上檯一刻就感覺佢係剛剛炸好，熱度十足，乳鴿好夠味，唔需要任何調味，真係抵讚！蜆介鯪魚球$68，味道有啲唔新鮮，應該係再翻炸過！招牌鳳城炒飯$148，飯都炒得粒粒分明，但蝦同叉燒粒份量唔多，味道較淡。金光炸粉果$34、西米焗布甸$36，炸粉果屬酒家推介，但似乎較失色，粉好厚，入面餡料少。另外西米焗布甸就幾好味，其他地方好難食到。鮮蝦腸粉$48，賣相較特別，蝦都夠鮮及爽，都唔錯。彩虹鮮蝦餃$48，只不過係蝦餃皮有幾種顏色，其實都只係一般蝦餃，味道還可以。金藏牛肉球$39，係用腐皮包住個牛肉球，牛肉都好實淨，唔錯。

裝修:地方光猛，枱同枱擺位都尚算闊落唯一缺點地下有啲滑和老人家同行要小心有幾間房有大電視其中一間房仲有私人廁所都容納到相當之多人職員服務態度好嘢食中規中矩對得住個價錢酒水到合理👍

位於上環的鳳城酒家已經重開, 如果喜歡懷舊點心, 又多一個選擇😋推介它的上湯煎粉果, 酥脆的外皮包着豐富的餡料， 口感十足👍其他點心例如：玉桂蘋果叉燒酥$42、 蓮蓉西米布甸$36、 蜜糖蛋散$32, 也是不妨一試。除了點心之外, 今次還點了午市孖寶, $398：片皮鴨半隻和豉汁蒸鱔, 白鱔十分肥美, 豉汁入味, 好吃👍 片皮鴨質發揮正常質素，不過份量偏小， 不過以這個價錢來說，還是可以的。如果可以提升一下服務質素會更好， 例如主動下單。

今日放假，做完要做嘅嘢就去食啲嘢，知道有間鳳城（新舖），好耐冇食過鳳城咪去（早知去北園／海港／竹園好過）……環境整潔乾淨，因為太耐冇堂食飲茶，都知價錢吾會平，果然……都係志在歇一歇，吾係嘆茶……所以只點了好普通而又吾應該吾好食嘅嘢……糯米鷄～原來係叫鮮竹葉鮑魚糯米鷄，但吾係用蒸籠上，吾熱……一粒鮑魚仔，一粒潤腸，冇乜香氣，比“糯米鷄“三個字呃咗，應該叫迷你珍珠鷄就差不多……39元一小件3D車仔腸粉（混醬腸粉）～呢個簡直混帳，賣相係ok，但好心閂除這個點心，差過在街邊食……腸粉漿口，邊皮蒸到乾硬了，吾知係咪keep在櫃內一直蒸住，似一“pat“粉漿放入口……吾知用咩方法整得咁難食🤔……鳳城水餃似番啲樣，豬仔叉燒包樣靚都ok……環境、服務係ok，不過今日點的食物麻麻……應該冇下一次……大門入口養了兩隻水魚在魚缸內，大大隻，但缸細，有虐畜之嫌……

因為好多酒樓最近攪婚姻，比人book左場見上環鳳城重開，餐單好多選擇，所以帶74歲阿媽去幫襯諗住坐得舒服，點知隔離枱3個香港人；一直係隔離高談闊論，把口未停過；嘈音指數爆燈遠遠有個阿伯&老婆係度嘈交真心交響樂，立體聲嘈音～講返食物～蘋果肉桂叉燒酥好味！～焗西米布甸，好味！～蜜汁火腿夾包，好味！～杏仁露，OK！～潮洲粉果（皮好厚，料唔足；味淡；係我食過既粉果，數一數二差）～春風得意腸～賣相OK，炸物黎講，未食過咁失敗的；第一啖，一口都係油；我地只係食左白色腸粉皮，無食的涵）因為太嘈趕住走（錢都廢事找，但多謝都無聲） 因為因趕住走（無叫佢地退返呢碟野既錢）～間野餐牌雖然選擇夠多，但無湯粉麵、粥以及茶樓一般有的蒸飯，想食飯一係叫炒麵、一係叫炒飯，一係叫大份既籠仔蒸飯《敗筆黎》～食左$295, 其實未食夠，太太嘈；食得唔安樂（想叫多個鳳城水餃、焗布甸、蘿蔔榚）咁啱媽噚日喉嚨痛⋯好多野想叫無叫；見侍應拎上手既炸物都炸到過火過油～真心唔推介我媽話為左個甜品&蜜汁火方，會有下次我下次帶耳塞先敢落去食

鳳城酒家係香港老字號，最近佢係上環重開，除咗保留以往傳統酒樓面貌，仲加入左啲新元素🌝茶介 $13/位除咗有平時見開嘅傳統茶，仲多咗白桃烏龍同荔枝紅茶，揀咗荔枝紅茶味，有清香荔枝味幾好飲又唔假🌝紫砂茶壺燉螺頭湯 $88/位燉湯係用紫砂茶壺裝住，燉得味道清甜又足料，好多湯渣，真材實料🌝鍋貼大明蝦 $26/隻即係蝦多士，蝦肉彈牙，多士又酥脆🌝風味釀蟹蓋 $78/件 鳳城招牌之一，味道濃郁，配飯食一流🌖京式片皮鴨半隻 $200半隻片皮鴨處理得幾好，皮脆肉嫩，油脂豐富，而薄餅皮再薄啲就更好😂🌖大良炒鮮奶 $138鮮奶炒得滑溜，調味清淡可以解解膩🌝紅棗糕 $38/4件岩岩蒸好熱辣辣上枱，紅棗味幾出仲煙煙韌韌拉絲好正

在上環食肆林立，餐廳們要做到客似雲來絕不容易，用客似雲來來形容鳳城，就絕不為過，今天我這個饞嘴的人，又要再到鳳城吃個飽。鳳城酒家創於1954年，係傳統酒家嘅佼佼姐，佢地主打傳統順德菜同河鮮。首先點了我最愛的東星斑，烹調方式可以選用欖角豉汁蒸，煎焗等等，成條都幾大條啊，入口魚皮仲係好爽口彈牙，魚肉好鮮嫩，非常之好味。銀湖雞茸燕窩羹呢個燕窩真係好足料啊，有唔少雞肉係入面，仲有燕窩碎添，每一啖湯都可以飲到香濃嘅雞肉香味。龍袍大虎蝦每一隻都好大隻，蝦肉爽口彈牙，入口鮮甜，加上有鹹蛋黃醬，就更加惹味。清炒菜苗菜苗入口好嫩滑，唔會炒得太過老，入口非常之鮮甜。招牌蓮蓉西米焗布甸呢個西米布甸做法比較傳統，表皮焗得好香脆，又唔會太過甜。雪燕楊枝甘露楊枝甘露用咗好多芒果粒製作，令到芒果味非常之濃郁。我們點了芒果布甸，芒果布甸透心涼，又香又滑，又有芒果肉，好味。我們都很滿意今晚的菜式，大家相約之後再來一聚。

最近我發現位於上環嘅鳳城酒家裝修完畢，經過裝修之後嘅酒家有時尚嘅風格，成間店舖都裝修得好靚好光猛。鳳城喺香港都有唔少分店，而鳳城酒家就走較傳統嘅酒樓路線。嚟得鳳城梗係要使佢哋嘅當紅炸子雞啦，炸子雞外皮非常之薄啊，脂肪唔會太過多，雞肉非常之嫩滑。龍袍大虎蝦虎蝦外皮好香脆，加上師傅已經佢除咗虎蝦不必要嘅部分，令到入口更加容易食。招牌西米焗布甸呢一個甜品係一路比較傳統嘅甜品，布甸嘅表皮覺得非常之香脆，入口有香濃嘅奶味，再加上有粒粒嘅西米，令到口感更加豐富。整體來講，我覺得今餐嘅質素非常之唔錯，加上酒樓裝修得好靚，所以成個用餐嘅過程都好開心。