鮨處松戶 (彩星集團大廈)

營業中

休息中

餐廳裝修帶點懷舊日本風格, 好有日本味道✨豆腐沙律前菜叫左豆腐沙律, 蔬菜新鮮爽口, 夾埋冰凍豆腐一齊食好特别, 一爽一滑又有一陣涼涼的口感, 夏天最啱食來到日本餐廳首先當然會食魚生啦.....雜錦刺身, 共有三文魚鯛魚呑拿魚, 帶子, 海膽, 甜蝦及三文魚子幾款❤️三文魚子咬落仲有爆脆口感, 非常新鮮❤️三文魚真係超級新鮮厚切大件，好鮮味充滿油香！so fresh 三文魚正！✨燒魷魚上枱時全部都是剛剛燒好, 魷魚不會燒過火, 口感很仍柔軟✨串燒其它串燒特別係冬菇串燒super juicy亦夠香口✨日式炸雞雞肉夠嫩, 炸完都冇鞋口感覺, 食落有小小微辣酥脆, 做得好出色✨忌廉薯餅因為實在大懷念日本呢種小食, 所以就叫了一份忌廉薯餅作結, 呢餐實在大滿足

病了一段時間，很久沒有外出吃飯，好返當然要約朋友吃好東西來慶祝，選了收藏很久的鮨處松戶，來吃我最愛的日本菜。環境方面寧靜而有情調，相約朋友來聚會聊天感覺不錯。鮨處松戶海鮮沙律 $95先來個海鮮沙律，沙律菜加大量魚生刺身，醬汁在底下，先要拌勻，微涼的口感，醬汁酸微微很開胃，沙律菜和青瓜粒新鮮，各款魚生粒切得大件，口感佳，加上三文魚子粒，感覺豐富，而且份量比想像中多，十分抵食。雜錦刺身(特上)$660我們很多刺身都想吃，不如就來個刺身SET吧，這一款有牡丹蝦、赤貝、赤身、三文魚子、油甘魚、海膽、深海池魚等，魚生都是厚切而刀功利落，更能品嚐魚香魚油的鮮味，比較特別的是有新鮮赤貝，其獨特貝香令人難忘，配上鮮檸汁味道提升。華味雞翼 $48@新鮮燒烤出來的日本雞翼，皮薄薄脆脆的，雞肉特別有雞香味。沖繩苦瓜豬肉炒蛋$88個人頗喜歡的一道日本熱食料理，沖繩苦瓜切得薄片口感爽脆，味道甘香，配上豚肉的香甜，取得平衡，又有芽菜、蛋等配料加持，味道同營養同樣豐富。最後還送上紅豆雪糕，很奇怪的，吃完生冷食物反而咳少了很多，難道美食能醫百病是真的？

今日帶咗仔仔過嚟食依間好多人推介嘅日本餐廳🤤🤤叫咗雜錦刺身、鍋仔烏冬同埋啲串燒同埋炸物🍣🍣啲嘢食真係超好食又好適合打卡 食材都好新鮮🙈🙈員工都好友善👍

早排番工好忙，忙完要慰勞一下自己。所以約咗朋友食餐好嘅。呢間鮨處松戶就喺尖沙咀Apple store隔離，好易搵。環境方面，一入到黎覺得幾日式，日本嘅古色古香咁，感覺都幾舒服。食物方面真係覺得好高質。叫咗個雜錦刺身（上）真係覺得款款都好好味好新鮮。最中意海膽😍都幾大舊，而且味道相當鮮甜，好新鮮好好味呀！朋友一向都中意食得健康，佢點咗個蟹子沙律，一路食一路大讚。蟹子沙律分量十足，上面有好大堆蟹子，下面係青瓜絲切到好幼，每條都沾到沙律醬架！仲叫咗帶子牛油燒、燒鱔肉、鹽燒雞翼同埋鍋仔烏冬。帶子牛油燒有四大粒帶子，粒粒都肥美又彈牙。加上牛油味好惹味呀🤤平時好少食鱔，朋友食過介紹話好好味。鱔肉好厚身好鮮嫩。個皮脆脆地，正！呢度唔只食物好食，仲好好坐，好適合一路食野三五知己一路傾下計。下次想食日本野都會再幫襯😍🥰

呢日過黎拎完i phone就同朋友過黎食埋晚餐，餐廳就係隔離上樓舖餐廳裝潢幾有日本風格，環境亦舒適餐牌有主餐牌，亦有店長推介餐牌全部都有晒中、日文先送上餐前小食辣味帶子裙邊，辣辣地幾開胃鮨處松戶海鮮沙律入面除左有幾款角切魚生，豆腐粒，青瓜粒之外，仲有唔少天婦羅炸醬脆脆食落口感幾好叫咗個雜錦壽司(特上），食得出好新鮮海膽勁鮮甜，甜蝦肉質細綿，味道甜美非常滿足！燒魚翅送啤酒一流，口感幾好雜錦天婦羅炸槳唔會過厚，入口鬆化雜錦串燒唔會燒到好乾身，最愛燒雞皮，脆到好似食薯片咁最後來碗牛肉喬麥麵作結

星期日同老公出尖沙咀食餐好既。餐廳格局好有日或既感覺。池魚碎切我地第一次食，將池魚刺身撈埋薑蔥一齊食，我老公鍾意食薑蔥，覺得好正。雜錦壽司(上)有吞拿魚腩、油甘魚、三文魚、鯛魚、帶子、池魚、海膽、三文魚籽、青瓜卷，壽司已加芥末係入面，魚生無雪味，吞拿魚腩最好食。雜錦天婦羅有3隻大蝦、紫薯、冬菇、魚、茄子，炸皮卜卜脆，炸得好香口。日式炸雞雞應該用左薑同黑椒去醃，好濃味，而且即炸既好夠熱。吉列黑豚肉炸粉薄薄地又夠脆，黑豚肉都夠厚，幾多肉汁。鹽燒小鯛魚肉嫩滑，無乜魚刺，好食。牛肉網燒牛肉唔鞋唔韌，好軟腍，個汁同牛肉好夾，好出色。燒白鱔白鱔肉質結實，燒得岩岩好。帶子牛油燒同鴻喜菇一齊燒，帶子好新鮮，食到有酒味。

朋友推介喺尖沙咀apple store同一座商廈有間好食日本菜，係啲日本人嘅聚腳地，反正咁就腳就去試下。商廈私隱度比地舖高，仲要佢係需要搭到5樓再轉𨋢，好在有保安員提醒，大家幫襯嗰陣就唔駛比部剩係去到5樓嘅𨋢嚇親😂😂餐廳好有日本風格，和紙嘅卡位屏風、石雕、木籬笆等等都令你有置身日本嘅感覺。餐牌有主餐牌，亦有店長推介餐牌，全部都有齊晒中、日文，適合唔同食客。叫咗個特上刺身拼盤，食得出好新鮮，尤其係海膽，十分鮮甜，配埋三文魚子超好食。炸薯餅外脆內軟，有海量沙律醬可以點。魷魚一夜干保持到魷魚軟嫩嘅質地，唔會過乾。黑松露醬牛肉他他幾有特色，牛肉薄片生得嚟唔會覺得好血淋淋，個醬汁亦令到成個菜式好開胃，如果墊底洋蔥預先有撈到醬汁會更正。蕃茄豆腐沙律幾清新，都係開胃之選。食完呢幾樣就到熱食喇，叫咗沖繩苦瓜豚肉片炒蛋同埋牛肉鍋，沖繩苦瓜真係只有回甘冇苦味，難怪成為到沖繩名物；牛肉鍋比預期清淡，牛肉量幾多，食完超飽。舊式居酒屋仲會送埋雪糕，今晚係薄菏雪糕，食完即刻消滯🤣

朋友食過呢間位於廣東道100號彩星集團大廈8樓嘅鮨處松戶,覺得吾錯, 於是同另一半去慶祝週年紀念🎉。餐廳除有特色嘅塌塌米外,裝修亦雅緻,柔和嘅燈光令人感到平靜舒服！日籍師傅主理刺身,十分專心又專業！鮨處松戶海鮮沙律🥗份量十足、色彩鮮豔既沙律,除咗新鮮嘅沙律菜外,仲有多款刺身粒、魚籽、同天婦羅脆脆,多重口感,先開開味蕾。雜錦刺身🐟🐡主角拼盤有吞拿魚、三文魚、立魚、油甘魚、帶子、魚子配海膽7款。服務員溫馨提示我哋「從白到紅,從淺到深」食起,亦即係味道上從淡到濃,咁先可以食到每種魚生嘅原味道。食材好新鮮有彩光,每件都切得厚身,美道鮮甜,口感柔嫩。和風松露牛肉他他🥓賣相似富士山,輕薄而油花平均嘅牛肉,脂肪少又無筋,卷住洋蔥絲加蔥花一齊食,口感鬆軟,富有黑松露香、洋蔥加蔥花獨特香,但又不失肉香味。喜愛生嫩牛肉刺身嘅朋友值得一試。花魚鹽燒🐠簡簡單單,只用鹽花燒烤過嘅花魚肉質細緻、油質豐富,而且肉多無咩幼刺,無需加點其他醬汁,鹹香原味道,非常健康！原來花魚燒烤前已經過曬乾,難得味道仍保持同新鮮魚嘅鮮雜錦天婦羅🍤🍆薄薄炸粉包裹著冬菇、南瓜片、辣椒、茄子、甜蝦同小魚,即炸即上檯,外香脆內新鮮,記得趁熱食

位於尖沙咀 廣東道 鮨處松戶，傳統日本居酒屋🏮風格，店內深啡色木系裝修，莊嚴中帶點傳統氣息，店內有幾間廂房，同幾個朋友暢聚，私隱度極高。先來幾個小吃 ：🦑魷魚一夜干，蘸點檸檬汁，更加釣出鮮味，入口煙韌彈牙，非常濃郁嘅魷魚鮮香，送酒一流。🍗炸雞，並唔係韓式果種卜卜脆口感，呢個係酥脆鬆滑，肉質好有水份，蘸些小沙律醬再夾埋沙律菜一齊食，可以減去油滯感，接住唔停一件接一件食。🍡黑椒豬腩串，肉質鬆軟林滑，黑椒味都好出位。（特上）刺身盛 - 整體極之新鮮有光澤，牡丹蝦蝦頭緊連蝦身，非常新鮮，入口彈牙，後帶黏滑，咀嚼越哨越甘甜；油甘魚肉質結實爽口，味道較淡，魚味清鮮；深海池魚味道都係較清，但魚皮微微炙燒過，另帶一份薰香；三文魚腩我極之喜愛，油花爆發力極之強勁，入口油花四濺；海膽色澤金黃，入口creamy鮮甜。🥩和牛他他，份量好多有驚喜，入口軟軟的，牛味非常豐厚，夾埋洋蔥🧅絲一齊食，味道辛辣帶點甜香。🥘食埋個鍋仔烏冬就非常飽肚完美，烏冬係我鍾意嘅煙韌口感，而且份量都唔小，兩個人share食岩岩好；天婦羅蝦就要快啲入口啦，鬆脆香口，爽口彈牙👍🏻。呢餐同朋友慶生飯，埋單都係一千蚊鬆啲，非常有睇頭👍🏻。

番工禁辛苦間唔中都要慰勞下自己。今日又帶母親大人黎到尖沙咀食個高級日本菜。餐廳位置係蘋果店左手邊入口上5樓再轉電梯上8樓。門口好有氣派，師傅處理食材嘅位置係開放式，非常有氛圍。日本凍蕃茄 - 日本直送嘅蕃茄！我母親冇特別中意食蕃茄都覺得好甜！沙律菜係麻油調味好Fresh。雜錦刺身（上）- 有吞拿魚3件、油甘魚3件、三文魚3件、帶子3件甜蝦3隻、𩶘魚3件、海膽。刺身質素好高，我最中意其中三文魚同𩶘魚，新鮮又特別肥美。海膽同蟹子一啖咬落去又濃郁又鮮甜，非常滿足！我地叫症個時令日本魚。都係日本直送，魚燒得岩岩好皮脆肉嫩，魚骨唔多食得好滋味。鹽燒雞翼 - 雞翼開邊燒嘅，火候掌握啱啱得好，皮好香脆，加埋檸檬汁更美味！梅子大葉免治雞肉棒 - 一般街邊貨完全冇得比，雞肉棒裏面有好多脆骨，梅子醬將味道推上一層樓。最後嘅芝麻雪糕梗係估唔到咁好食，芝麻味好香仲有芝麻粒粒，同時又好香奶味。

前菜每個都要$50 都算係居酒屋平均有嘅入場價錢～ 不過質素都會唔同啲，係辣味帶子裙邊，再加上中華沙律。兩者撈埋都幾開胃雜錦刺身刺身嘅種類都幾多，分別有：三文魚，吞拿魚，鯛魚，油甘魚，帶子，而每樣不同嘅刺身都有三切。三文魚嘅味道令人最有surprise～ 入口可以話係非常之冧身新鮮～ 一啲癡牙嘅筋位都冇。吞拿魚亦都係。第三個值得推介嘅係鮮蝦。蟹子沙律🥗 味道唔錯，開埋青瓜絲入口幾清爽～ 另外仲有啲蟹柳絲一品料理：鐵板蒜香和牛粒稱之為一品料理，果然味道係突出一啲。用鐵板再加炸蒜頭片炒和牛粒～ 冇加黑椒，都幾突出到和本身嘅肉汁和香濃惹味。鍋仔烏冬烏冬幾彈牙，應該係稻庭烏冬。仲有一舊天婦羅炸蝦。炸雞軟骨有香港大排檔一般嘅質素，而且基本上每一粒都香脆，有啲咬口。點埋檸檬汁都幾refreshing 梅子大葉免冶雞肉棒梅子嘅味道唔算太重，所以唔會太過酸～ 免治雞肉燒完之後啖啖肉

呢個週末去左尖沙咀尋食日本料理，唔貴兼多元化，私人空間足夠，服務好，值得一讚！雜錦刺身有7款刺身，最抵係呢個刺身拼盤包嘅海膽勁新鮮份量都好多！朋友話呢度要食d出面日本食肆少有嘅料理，第一次食沖繩苦瓜豬肉炒雞蛋，豬肉炒雞蛋嘅甜味中和左苦瓜嘅甘味，有蛋香肉汁，苦瓜帶少少脆口，我幾鍾意食～呢個都好特別，和風松露牛肉他他，牛肉好似好生但食落一d都唔覺得有生肉味，而係有鮮牛肉味，食嘅時候連埋底下嘅生洋蔥食，完全令個牛升華～日式炸雞同鹽燒花魚都好食，炸雞肉仲幾嫩，沾一沾蛋黃醬好美味！個魚好大條，燒完仲好濕潤，但皮就好香口，食落咸咸地非常唔錯～估唔到炒飯係可以咁好食，高菜炒飯係一個酸酸咸咸嘅飯，呢個炒飯係算濕潤個種，但係飯粒粒分明！最後食埋好香紅豆同牛奶味嘅紅豆雪糕，perfect！

今日又去咗尖沙咀食好西，估唔到喺Apple門市樓上竟然有間日式餐廳。一坐低，侍應就擺咗前菜喺我地面前，仲提供咗熱茶俾我地。前菜 $25/位鮨處松戶海鮮沙律 $95沙律🥗有大大粒既三文魚子，份量好大分，最少都要三、四個人先食得晒。雜錦刺身(上) $450刺身有吞拿魚3件、油甘魚3件、三文魚3件、帶子3件、甜蝦3隻、𩶘魚3件、海膽，材料相當豐富，有我鍾意食既海膽同甜蝦。日式炸豆腐 $58大大嚿嘅豆腐配木魚花，再點埋個醬汁，咬落有啲脆脆地，但唔會太熱氣。日式煎蛋卷 $78蛋卷上面有木魚花，入面有明太子，食落有幾種唔同既味道。燒物 $80燒物喺用咗豬腩肉去燒，配上唔同醃料，簡簡單單都好野味。牛肉網燒 $180牛肉大大碟，而且切到每塊牛肉都手掌咁大塊，對於大食既人黎講係不二之選。明太子露荀炒飯 $98炒飯好夠獲氣，每粒三文魚子都佈滿喺每粒飯到，咬落去既時候會有唔同口感。紅豆雪糕紅豆雪糕甜甜地，亦都食到粒粒紅豆。

好耐冇食過日本嘢但係又唔想食放題 所以就揀咗嚟呢間居酒屋入口喺apple store隔離 需要喺5樓再轉lift餐廳一入到去好有懷舊風味 呢度其中一個師傅係日本人 bar檯位置都放滿咗時令嘅海鮮 仲可以睇住師傅準備食材 不過因為我哋想靜靜地傾下偈所以就揀咗卡位坐 另外佢都有包廂 真係有去咗日本嘅感覺鮨處松戶海鮮沙律 先嚟個沙律 除咗有幾款角切魚生之外再加埋天婦羅脆脆喺面 口感層次豐富雜錦刺身(上)總共有八款刺身 每款有三片 魚生方面 個人認為吞拿魚最好食另外海膽亦好出色 新鮮甘甜 再配埋三文魚子 簡直係perfect match日式炸雞 炸雞作為佐酒物真係一流 醬燒新鮮帶子梅子大葉免治雞肉棒第一次食梅子醬 酸酸鹹鹹咁幾特別鍋仔烏冬最後食返個熱辣辣嘅烏冬作結

近排工作壓力大，另一半話帶我食好嘢，幫我減下壓輕鬆下。佢帶我嚟咗呢間向尖沙咀嘅日式餐廳，未入去已經見裝潢設計充滿日本風味，座位安排亦高私隱度。生蠔 - 先食隻生蠔醒醒胃，好大隻好新鮮，配埋蔥花同埋青檸汁，鮮味突出。三文魚及立魚刺身，同樣入口好新鮮，高質素。柳川風煮鰻魚 - 鰻魚味道濃郁，配埋雞蛋同洋蔥，味道甜甜地，又幾夾。吉列黑豚肉 - 炸得十分之香脆，豚肉有少少脂肪得來又不算太肥膩。炸牛肉薯餅 - 同樣炸得香脆，牛肉味配上薯仔，口感豐富。鹽燒雞翼 - 燒得皮脆肉滑，入口有少少鹽味，必食之選。蟹子沙律 - 分量十足，勁多蟹子，配上味道清新嘅青瓜，好開胃呀。🍚🍚蟹子蘆筍炒飯 - 炒飯分量勁多，應該有四至五碗份量。落咗唔少蟹子，炒得好香。荔枝雪糕 - 好清新香甜嘅荔枝味雪糕，完美嘅一餐。餐廳係好正宗嘅日本料理，唔怪之得見有唔少日本人幫襯，菜式選擇，無論係刺身、壽司及各熟食種類都好多。店員亦親切有禮，部分亦都係日本人，感覺有少少似去咗日本旅行。