鮨舞

午市Omakase有「🌲松」$1088同「🎋竹」$888比大家選擇，2人同行1人半價 食物嘅菜式眾多，大家可以翻看前兩個帖文查看菜式列表。開業半年，木系裝修🪵，室內設有12個吧檯座位及私人包廂房，由近30年高級日本料理及西式料理經驗的總廚鄭國樑師傅主理👨‍🍳，特選用矜貴的白神山地下水煮壽司飯🍙，食材新鮮。今次嘅福島核處理水排海對於餐廳雖然影響不大，供應相當穩定，事關佢哋喺較早之前已經將來貨集中喺北海道同九州一帶🗾。 有好幾個菜式都係用上火炙🔥，可以睇住師傅出神入化地玩火槍🔫，食上去有啲煙燻嘅味道係幾正，如果講最打卡就係蘋果木煙燻油甘魚🐟，用個玻璃盒裝住，一開蓋啲煙散出嚟💨，至於啲貝類都好新鮮，師傅輕輕拍打👏，見佢哋仲郁緊，拖羅食落口好滿足，厚切大大塊，師傅拎起一板海膽，佢嘅包裝就同鬼滅之刃嘅炭治郎如同一轍🔪。能夠品味極上嘅食材，以及師傅嘅巧手製作，已經係相當享受嘅事，再加上師傅風趣幽默🤪，為食客帶嚟唔少歡樂🥳。 地點就有少少唔就腳，喺尖沙咀同佐敦中間，而食嘅菜式都幾多，一個午市套餐，都需要預兩個半鐘時間⏱️。 📍鮨舞 - 尖沙咀金時商業大廈地下8-14號舖 @sushimaihk📮Follow @fm.feed ➡ to discover more appetizing foods …Read More

雖說部份人會擔心日本排放核廢水而不敢進食日本菜，但其實福島週邊地區的食材都已被禁止進口，而問過餐廳他們的供應商也改於日本較南或較北地區(如九州/北海道)取貨，新鮮程度不減下仍可安心食用😊＜松 Matsu＞先付(三品)前菜分別是沙鱚魚天婦羅、海老配味增泡沫及蜆肉真丈 茶碗蒸是日天氣炎熱，廚師特意弄了凍的茶碗蒸給我們，從晶瑩剔透的蛋汁可窺視內容物 - 松葉蟹肉、魷魚片及碗豆，口感有於啫喱卻又能保持到茶碗蒸的嫩滑極上刺身(四品) 薄切真鯛 / 水八爪魚 / 石門貝 / 北寄貝 刺身除了能吃得出食材是否新鮮及廚師刀功，更重要的是廚師的經驗和配搭，每道刺身均配以不同的醬料及處理手法，更能突顯每種食材的鮮味及特性強肴火炙深海池魚配魚骨豉油mousse / 磯燒帆立貝 / 煙燻油甘魚 / 蒿燒鯖魚四款煮物分別用上四種不同烹調風法處理，無論嗅覺味覺或視覺每道菜都能為你帶來驚喜🩷特上壽司(六貫)金目鯛配烏魚籽粉 / 赤貝 / 赤海老 / 江戶前壽司(醃製過鯖魚) / 醬油漬吞拿魚背 / 赤海膽廚師發辦經常會遇到的問題是太多道菜，小鳥胃的朋友一不小心便會吃過龍，想不到來到壽司環節廚師主動問及會否需要少飯，實在是非常貼心吸物鯛魚湯喝得出用上大量新鮮鯛魚熬煮而成，沒有多餘的調味，想人不禁聯想起某知名鯛魚湯拉麵店的湯頭甘味 紅豆水羊羹以傳統日式甜品水羊羹作結，簡單美味又不花巧，大滿足🥰…Read More

由近30年高級日本料理及西式料理經驗的總廚鄭國樑師傅主理呢日好幸運可以見到樑師傅真人主持一餐發辦豐富午餐。尖沙咀高質Omakase「鮨舞Sushi Mai」 @sushimaihk 開業近半年，餐廳主打以日本豐洲市場直送的新鮮時令食材製作菜式，室內設有12個吧檯座位及私人包廂房，👨‍🍳由近30年高級日本料理及西式料理經驗的總廚鄭國樑師傅主理，呢日好幸運可以見到樑師傅真人主持一餐發辦豐富午餐。廚師發辦午市套餐 2人同行1人半價!分別有「松」🌲與 「竹」🎋，選用各種時令食材製作出精巧雅緻的料理!第二位可享5折優惠，低至$444🤗！全單消費滿$1000，更會獲贈$100 / $200 / $300 任何一張現金券💰；滿$2000再送多一張，「松」🌲$1088 「竹」🎋 $888推介:⭐️⭐️⭐️⭐️⭐️包括先付、刺身、煮物、壽司，吸物、甘味。[先付三品]🍱先來一客精緻頭盤，進食先後次序為沙錐魚天婦羅 > 滋煮蝦 > 冬瓜煮物，已調味的沙錐魚天婦羅鮮脆可口。然後吸睛用左份子料理present，將蔥醬油打成泡抺，下面係蝦肉配長芋豆腐，開胃爽口。冬瓜煮物有心思咁將魚肉及大蜆打成魚肉醬煮熟。🥚茶碗蒸選用京都豆乳、雞蛋、松葉蟹肉及魷魚片鮮味組合，係Omakase 少有的凍食茶碗蒸😋[特上刺身四品]🐟薄切真鯛輕輕火炙真鯛精美擺盤上檯，柚子胡椒酸汁調味加入紫蘇花粒清香配搭，香口開胃。🦑水八爪魚🐚石垣貝🐚活北寄貝水八爪魚已用醬油醋麵豉調味，入口彈牙帶嚼勁。再來係當做岩手縣石垣貝十分新鮮爽口，咬落去帶點鮮甜可口。最後係火炙過嘅北寄貝爽口中帶強韌勁，軟熟可口。[強肴]🍤紫海膽天婦羅紫蘇葉酥炸緊緊包裹紫海膽，魚鮮中的香口間奏曲。🐟深海池魚師傅火槍表演將魚皮燒至香脆，令魚肉肉身吸收外層魚油，再細緻將兩星期製魚骨豉油造成慕絲，巧妙日式嘅功夫菜。🦪磯燒帆立貝大大件帆立貝燒至邊邊脆身，再配火槍烤過嘅紫菜同一齊食，非常滿足。🐟蘋果木煙燻油甘魚玻璃盒裝住已三度以蘋果木將油甘魚煙燻，煙燻味完美十足滲入魚肉，香氣尤其濃郁。🐟拖羅魚脂肪特出嘅拖羅，配梅醬增強鮮美感，再配火槍烤過嘅紫菜同一齊食。🐟藁燒鯖魚稻草煙燻刺身級鯖魚，魚味出眾，魚皮被燒香配兩味菜蔬解其油膩感。[特上壽司六貫]師傅放上柚子蘿蔔薑作伴開始壽司環節。🐟地金目鯛烏魚子帶出鮮味咸味。🦪赤貝師傅專為其彈性拍打赤貝，甜美爽口。🐟花竹蝦蝦身鮮艷紋理吸睛，細緻將蝦身、蝦頭肉及蝦膏結合成三味質感。🐟鯖魚江戶前箱押壽司加入白昆布再夾入紫菜中，鮮美又口感豐富。🐟赤身醬油漬吞拿魚加入茗荷日本芝麻，滑溜口感中帶青蔥香口體驗。🦪赤海膽入口即溶嘅指定款式present，完美![吸物]🍲鯛魚湯鯛魚湯有誠意👍🏼 蜆肉及豆腐配濃郁湯頭十分鮮味。[甘味]🍇巨蜂提子🍮自家製紅豆水羊羹甜而不膩balance 返整餐嘅魚油豐富過程，值得讚賞!二人同行真心超值尖沙咀高質Omakase，睇見就想食嘅朋友仔絕對值得即時訂位🥳#鮨舞 #sushimaihk #sushi #omakase #廚師發辦 #壽司店 #刺身 #壽司 #日本料理 #日本飲食 #時令食材…Read More

這間位於尖沙咀的鮨店，主打廚師發板，對食材用料非常講究及執著，特選用矜貴的白神山地下水煮壽司飯，配上來自日本福岡及北海道的食材，造成與別不同的壽司及料理。餐廳最近推出二人同行第二位半價優惠，絕對是品嚐美食的最佳時機。午市廚師發板 松 $1088 （二人同行第二位半價只需 $544）含先付、刺身、煮物、壽司，吸物、甘味先付🦋沙錐魚天婦羅師傅已輕輕以鹽調味，沙錐魚天婦羅鮮而不腥，脆而不膩。🦋滋煮蝦蝦肉結實彈牙，配搭軟滑的長芋豆腐，再以份子料理打成蔥醬油泡泡調味，口感豐富。🦋冬瓜煮物冬瓜煮物上面是大蜆魚肉真丈，真丈是一道功夫菜，用魚肉大蜆做成丸狀，成品的軟硬度十分考驗師傅對食材拿捏的準確度，非常講求功夫。🦋茶碗蒸師傅專誠為炎炎夏天而設的凍食豆乳蒸，選用京都豆乳及雞蛋炮製，豆乳味濃郁，再加上松葉蟹肉及魷魚片，增添鮮味。　極上刺身🦋真鯛薄切真鯛肉質細嫩，火炙過迫出魚油脂香，以柚子胡椒酸汁及紫蘇花調味，清鮮無腥。🦋水八爪魚水八爪魚口感彈牙爽口，觸鬚部分用醬油醋麵豉調味，質地軟嫩帶嚼勁。🦋石垣貝師傅輕拍一下活醒石垣貝，令肉質爽口彈牙，石垣貝頭即時企身非常有趣，咬落去爆出鮮甜。🦋活北寄貝師傅將北寄貝燒到半熟狀態，爽口帶嚼勁，鮮甜討好。🦋紫海膽天婦羅將紫海膽包住紫蘇葉酥炸，外表酥脆，內裡鮮味，風味十足。🦋深海池魚先將魚皮燒至香脆，泊出魚油，再以魚骨豉油造成慕絲，盡顯師傅心思。🦋磯燒帆立貝軟嫩鮮甜的帆立貝，包住香脆紫菜同吃，鮮味非同凡響。🦋蘋果木煙燻油甘魚用蘋果木煙燻方式上菜，煙燻味滲入了魚肉，入口香氣豐郁。🦋拖羅魚脂豐富的拖羅，配搭梅醬提鮮減膩，以紫菜包著一啖放入口，令人尖叫。強肴🦋藁燒鯖魚選用刺身級的鯖魚，以明火燒其魚皮，再用稻草煙燻，保留軟嫩質感，魚味突出。特上壽司 🦋地金目鯛肉質細緻鮮美，脂油甘香，烏魚子帶出咸鮮味。🦋赤貝拍打過的赤貝，新鮮甜美，爽口彈牙。🦋花竹蝦屬全熟壽司，原隻即時新鮮剝殼，一次過品嚐蝦身、蝦頭肉帶蝦膏的滋味。🦋鯖魚以江戶前箱押壽司呈現，用紫菜包住，以白昆布帶出鯖魚的甜味。🦋赤身醬油漬的吞拿魚，口感滑身，配搭日本茗荷，帶來青蔥香味。🦋赤海膽入口即化的赤海膽，餘韻久久不散，叫人滿足。吸物🦋鯛魚湯雪白的鯛魚湯，再加上蜆肉、豆腐等配料，更添豐富。甘味🦋巨蜂提子🦋自家製紅豆水羊羹為完美的盛宴劃上完滿的句號。…Read More

—惠顧午市/晚市omakase 同行嘅第二位只需半價記得要訂位先有限時優惠  午市分別提供松 Matsu($1088) / 竹 Take($888)先付天婦羅沙錐魚 /旨煮蝦伴分子醬油泡沫/冬瓜煮物配大蜆真丈真丈將蜆肉加入魚糜混合 蒸得軟身富彈性京都豆乳茶碗蒸凍食食法頗特別 豆味份外濃郁清爽可突顯松葉蟹肉同魷魚嘅鮮美刺身真鯛薄切 配柚子胡椒酸汁輕輕炙燒過皮下油脂突出其甘香水八爪魚二食水八爪魚肉身 磨上酢橘皮較清新觸手醬油煮 配酢味噌 很入味石垣貝 師傳拍打手法令貝類收縮 口感會爽d加上鹹度較低嘅淡雪鹽 顯現鮮味活北寄貝另一個加強貝類鮮甜嘅方法就係用火槍燒到半生熟狀態 果然!!紫海膽天婦羅酥脆綿滑 多了紫蘇葉嘅香氣深海池魚 燒到咁上下魚皮 印一印油份直至燒到脆身配魚骨醬油mousses(將魚骨浸泡醬油並熬煮)味道醇厚 就咁食都好鮮磯燒帆立貝炙燒咗表面 拎上手有份量肉厚甘甜滑身 配柚子胡椒蘋果木煙燻油甘魚 一開始就見到師傳預備到上枱時加埋視覺效果馥郁蘋果木香氣跟甘郁嘅油甘魚很搭配大拖羅以酸甜南高梅醬和紫蘇葉包裹著頓時不感油膩 反而更為鮮甜藁燒鯖魚 以稻草炙烤魚肉帶有極其濃郁燒草嘅煙燻餘香地金目鯛 灑上鹹鮮烏魚子粉赤貝爽身 加入酢橘提鮮花竹蝦 蝦頭飽滿 肉質彈牙多汁醃漬鯖魚棒 甜甜白昆布味 芝麻香口赤身醬油漬配茗荷絲利尻礼文赤海膽 油潤甘甜鯛魚湯 熱騰騰 入口奶白黏黏很足料最後以紅豆水羊羹同巨峰提子作結——————————————鮨舞尖沙咀漆咸圍2-4號金時商業大廈地下8-14號舖…Read More

夏日炎炎，廚師特意安排凍食茶碗蒸，冰涼涼。粟米蓉混入蒸蛋，加入松葉蟹、魷魚，好鮮甜。先付：旨煮蝦配枝豆豆腐、冬瓜真丈，真丈富彈性，味道香濃；沙錐魚炸得香脆可口，魚味香濃極上刺身：間八，肥美鮮嫩，配上紫蘇花，淡淡既香氣，柚子胡椒帶出魚既鮮味北寄貝，輕輕燒，撒些淡雪鹽，半熟，嫩滑清甜油甘魚，用蘋果木煙薰，淡淡煙薰味，魚肉甘肥，好食！金目鯛，兩邊輕炙，加上烏魚籽粉，香鮮美味印象好深係天然吞拿魚（中拖羅），魚味鮮濃、甘香，口感綿密，加上了梅子醬，酸酸甜甜，一試難忘！立鱗燒好特別。金鯛魚，保留魚鱗，經過特別處理，半煎炸脆，食既時感到格外酥脆！加上南瓜魚湯的鮮甜，層次豐富壽司有赤貝、赤身、帶子等，新鮮味美白海膽，好味！份量飽滿，味道清甜，口感幼滑結尾係熱熱既鯛魚湯，魚湯濃香；加入了富貴蝦肉、菠菜，好飲甜點係自家制，茨城縣胡麻醬奶凍，胡麻味香濃；紅豆雪糕，有沙冰口感，透心涼師傅專業、很熱情、健談，同我哋娓娓道來不同海膽既種類，閒話家常，好愉快！…Read More

經過一星期忙碌嘅工作，星期六當然就係品嚐美食嘅最佳時候。嚟到尖沙咀內街嘅鰭舞，旺中帶靜、餐廳裝修和風味道豐盈，絕對係享用Omakase嘅最佳配置。前菜先有香脆炸沙鎚魚、蝦膏份子料理配豆腐，已經可以章顯廚師處理食材嘅功架，以及冬瓜蓉、蜆肉、魚肉配味噌醬，絕對適合喚醒味蕾。接著夏日特別版嘅冷茶碗蒸，清涼口感配以新鮮蟹肉，滋味一流！接著係一連串刺身系列，真鯛以火槍輕輕燒過，加油脂香味迫出，加上胡椒汁和柚子汁，滿足非常。水八爪魚，以煮過嘅醬油配酸醋麵豉，將鮮味突出，半生熟嘅口感，非常之有咬口。岩手石垣貝加上少少淡雪鹽，無須額外再加豉油，已經有足夠味道提鮮；而半熟北寄貝同樣出色，有著貝類應有嘅口感同鮮味，果然用料新鮮。沙池魚魚油豐富，用火槍燒過魚皮香脆，再加上魚肉豉油mousse，整個配搭非常合拍。吞拿魚配以梅醬都係第一次品嚐呢個配搭，吞拿魚魚油豐盛，加上紫蘇葉同脆身紫菜，絕對係美味之選。而壽司系列同樣出色，甘木鯛壽司較濃味，魚皮配身；花竹蝦口感結實、魚漬吞拿魚、赤海膽同樣令人難忘，尤其用上豐富嘅海膽，視覺同味覺同樣震撼。最後仲有鯛魚湯，以及紅豆水羊羹配巨峰提子，提子甜味十足，而紅豆水羊羹帶有傳統日式甜品嘅感覺，絕對令人非常滿足。…Read More

投資賺咗一小筆💰，都要獎勵吓自己。手機、玩具乜都買過🤖，今次不如帶埋細妹，齊齊食好啲。佢話成日想試吓TST間鮨舞，我話OK吖👌🏻，最緊要妳鍾意。一試，發覺妹豬同我，原來一樣咁有眼光😎✨兵庫縣津田宇蠔🦪配酸汁鮨舞師傅專登保留返啲原生蠔汁，所以食落特別夠味！蠔肉鮮甜同天然海水鹽味完美混和，一齊喺味蕾上散發升華，加埋冰涼開胃嘅檸檬刨冰，食完到而家仍然非常回味。中拖羅🐟刺身未上碟，妹豬已經細細聲話好Pink！我見到脂肪同啲肉紅白相間，油花白裡透紅咁，就知一定好食。咬落果然非常甘香柔軟，而且入口即化，成件魚腩都滲透出濃厚嘅鮮甜味。車海老🍤二味壽司一次過歎到兩種風味嘅車海老=花竹蝦！先將蝦膏搽喺表面，再用火輕輕炙燒，最後加上烏魚子粉或蝦油，配合份量啱啱好嘅醋飯，惹味得嚟唔會過鹹，係一道有花過心思嘅Omakase絕品。輕燒🔥青柳貝壽司肉質爽脆，淡雅得嚟夠清甜，輕輕燒過之後嘅微焦，大大引出貝肉獨有嘅海洋風味。妹豬扮專家，話青柳肉質寧舍嬌嫩，所以火候要控制得宜，否則會加熱過度而影響口感，因此鮨舞師傅手藝真心高超！箱押松葉蟹肉🦀青瓜我哋全家都係蟹痴，所以對呢一道菜印象特別深刻，同有驚喜！原條松葉蟹棒打孖上，連埋上面嘅蛋黃醬一齊食，蟹味濃烈到好似喺口度爆開咁！妹豬仲醒，第一啖，就識得連埋下面嘅青瓜碎放入口，撞出更有層次嘅海鮮鹹香。提拉米蘇配🍓士多啤梨今次個Omakase，每道菜都好出色，最估唔到壓軸呢個意式甜品，都係呢間日本料理嘅自家製品，勁！提拉米蘇奶、酒、咖啡芳香渾然天成，入口柔軟嫩滑；而嗒落甘甘哋嘅可可粉，同嚟自香川縣嘅超甜士多啤梨好夾。妹豬自己食完，仲想猴埋我嗰份……哼哼哼，真天真！下次投資再有斬獲，會再帶佢過嚟開餐嘅，不過到時先講啦😜~…Read More

前言：公司大佬Sick Leave，我做細嘅臨時頂上💪🏻，帶個客嚟呢間「鮨舞」食住傾生意，結果……我寫咗人生第一篇食評，都算峰迴路轉🍥~🌊鹹香~ 淡雪鹽、岩鹽帶子帶子好厚肉，鮮甜彈牙又爽口，淨食都已經無得輸~而家師傅再分別灑D淡雪鹽同岩鹽上去，前者嗒落帶有米香🍚，後者就Feel到天然嘅礦物鹹香，兩款都引出咗帶子嘅鮮味，但又唔會搶味，效果啱啱好呀👍🏻~🎉爆鮮~ 真鯛魚湯從未飲過咁有驚喜嘅吸物﹙湯類﹚🍲~趁熱逐口逐口咁呷，由得D魚湯慢慢Sir過條脷，等每粒味蕾感受吓佢有幾清甜嫩滑~個客一試都大讚，話碗湯鮮而不腥真材實料，連D菠菜豆腐都好好食喎😋~🔥惹味~ 燒銀鱈魚壽司經過師傅悉心灸燒，令銀鱈魚嘅油份變得更加芳香，聞到已經心動，一食果然超級濃郁，而且入口即化，加埋個蛋黃醬特別惹味🍳~﹙而家諗返起，有少少嫌自己食得太快，應該趙多兩啖先，嘻嘻🤭~﹚ 如果你都鍾意食銀鱈魚西京燒，呢個真係不能錯過~💎矜貴~ 赤海膽配右口魚邊壽司右口魚即係鰈魚，今次食到嘅魚邊特別矜貴好味，係因為鰈魚喺游水果陣🏊🏻‍♀️，背鰭同臀鰭會隨住波浪晃動，附近嘅肌肉運動量大，所以油脂含量同口感都係一流嘅🥇~經過灸燒嘅鰈魚，連同鮮甜飽滿嘅赤海膽一齊食，正到連黐喺碟上面嘅飯粒，都俾我哋Lam埋~🧂脂香~ 鹽燒梭子魚咪睇少佢好似得果兩格仔，查實咬一細啖，濃香已經攻晒入口~梭子魚肉嘅油分相對較少，豐富油脂主要蓄喺魚皮度，就咁加鹽燒香都夠照~我同個客一致認同🤝🏻，識得享受呢種原汁原味，先叫識食~﹙自High模式啟動🥳~﹚ 🍶絕配~天祿光臨大吟釀真係越食越High~個客話，D Omakase道道都咁正，唔開支酒飲吓，總係爭咁D~﹙同意，收到，反正開公數🤑~﹚ 拋吓Spec扮專家先：酒精度16%、味道辛口、帶清新花果香、精米步合50%……總之無論生熟食物🍣，都一樣咁夾啦~總結：個人覺得支酒真心OK，而「有人」事後分析💁🏻‍♂️，話呢餐個客咁enjoy，簽得成張單，主要因為「有人」夠眼光😎，揀啱呢間師傅手藝好嘅Omakase，喎~…Read More

成日俾人笑我食嘢重口味，我都懶得反擊，心諗其實呢啲叫做追尋鮮味呀🏃🏻！好在身邊仲有志同道合嘅朋友，久唔久陪我一齊發掘高質嘅日本菜🎎！今次呢間鮨舞，佢冇介紹錯喎，大家都食得好稱心滿意，下次肯定會再嚟👌🏻！🦪北海道生蠔配檸檬刨冰🍋大大隻生蠔，食起上嚟之所以特別濃郁甘甜，全靠師傅開殼時將蠔汁保留，等清洗好蠔肉之後放返入去，Keep返原產地嗰股天然鮮味！上碟前，師傅再刨啲檸檬沙冰上去，等果香同海水鹹香完美結合，食落冰涼透心，順滑無比🧊！🗾日本宮城針魚冷麵🍜呢個係師傅Omakase一大得意之作，果然非同凡響，必試🎉！師傅先以精湛刀工將針魚切成幼絲，我哋就連同秘製嘅開胃日式冷麵汁，o雪o雪聲咁送入個口，體驗非常過癮獨特！成個食法，配合埋麵汁入面嘅薑蓉、香蔥同芝麻，的確大大提升咗針魚嘅爽滑同清甜度！🍑中拖羅配蜜糖南高梅子醬🍯肥美又新鮮嘅中拖羅，都好厚切吓，加埋紫蘇葉、蘿蔔苗、梅子醬，成份用紫菜夾住，再一齊放晒入口，又鮮又爽又香又脆！主角中拖羅本身好高質，脂香豐富入口即溶，但更令我欣賞嘅係，嗰個由店方自家製嘅醃漬南高梅子醬，可以話完美咁Balance咗拖羅嘅濃郁魚油⚖️，Like！🍦炙燒白子Risotto撈飯🍚用整意大利燴飯嘅手法，去呈現一道日本美食，妙絕👍🏻！用醬油醃過嘅白子，份量好足！外表經過輕微炙燒，變得乾身而微焦，入面Texture又保持到豆腐咁滑，而且一啲都唔會腥！撈吓撈吓，越食越想食，完全停唔到口！🐟天然真鯛配烏魚子🍇師傅專登輕輕咁燒吓佢，目的係活化中間嗰層油脂，令到表面嘅魚皮加倍脆口，帶出恰到好處嘅天然焦香🔥！同時間，下面嘅魚肉喺半熟狀態下，亦變得更有咬口！更正係師傅灑咗少少烏魚子上去，食落鹹鹹香香咁，鮮味到不得之了🧂~🎲燒宫崎A4 和牛粒粒🍖的的骰骰，外脆內嫩，見到已經狂流口水🤤！一口Size啱啱好，一咬肉汁爆晒出嚟，牛油芳香攻到上鼻，啱晒我呢啲食肉獸！至於伴碟嘅配菜，都不能忽略，尤其係梅漬蕃茄，酸酸甜甜咁，同惹味嘅和牛一齊食，簡直夾到無懈可擊🍅！…Read More

👨🏻老公問我，為何迷上Omakase？我答，吃好東西嘛，誰會抗拒？再打趣地多補一句：加上用您的錢結賬，我吃得份外開心！🌠那晚，我帶他來到尖沙咀這間「鮨舞」，本來較喜歡鑊氣中菜的他開始明白，一頓好的廚師發辦，吸引力到底有多大。😘故事的重點是，這餐最後由我來請客，成功給他兩個生日大驚喜。[刺身]🏅煙燻寒鰤魚金箔刺身﹙黃金之奧義﹚寒鰤魚肉質甜美、脂膏豐腴，巧手的師傅先用金箔將之包住，再3度以蘋果木細心煙燻，因此極度入味，芬芳撲鼻！一向不太愛吃腥的老公，試後高度品評，說無論味覺或視覺上，都是絕頂享受。[強肴]🐮宮崎 A4 和牛粒脂肪分佈均勻的A4和牛，經過悉心燒烤後外焦內嫩，肉香四溢入口即化，切成粒狀的橫切面煞是好看，蘸上師傅特別調製的醬汁，更能帶出和牛的天然肉香。[刺身]🦀北海道海膽 配 蟹內籽自己早就嚐過以味道鮮濃聞名的北海道海膽，鹹甜甘味兼而有之，本身已是海產中之上品；現在更特地加上蟹內籽﹙即蟹殼裡呈橙色而未成熟的蟹卵﹚，進一步強化了海膽的風味，效果超讚！[強肴]🍳白身魚玉子燒白身魚肉質清爽不油膩，混進味道濃郁的日本蛋漿，煮出的玉子燒味道當然更上一層樓，口感也別具彈性，令我們一咬傾心，相視點頭而笑。[吸物]🍲鯛魚湯清甜鮮美的鯛魚，從前多數以刺身方式生吃；現在師傅用牠熬煮成奶白色的高湯，並加入海鹽與海帶等調味，簡直跳昇到另一個全新層次。﹙不知怎的，老公捧著整碗鯛魚小湯慢慢喝下的畫面，很有一種熱暖的幸褔感🥰﹚[甘味] 🍨開心果雪糕/夕張蜜瓜/自家製甘芋燒三款甜品都非常可口，味道更互有加乘：綿密濃郁的開心果雪糕、清甜解渴的夕張蜜瓜、鬆化粉香的自家製甘芋燒，款款甜而不膩，為一餐生日盛宴，畫上完美句號。…Read More

兒時和妹妹在家中悶極無聊時，都會玩起「煮飯仔」來。最近才清楚記得，原來那套玩具是日系的、在模擬「廚師發辦」寿司店的，刀具和食材的造型製作相當認真！現在大家成熟了，都當人妻了，廚藝卻還是一般水平。這晚，我倆在鮨舞 SUSHI MAI相聚談起此事，不禁驚嘆時光飛逝；另外一大感慨是，入廚這回事，有時還得交回專業人士去辦，自己安坐下來專心大飽口福，豈不更好？無獨有偶，一邊享受每道Omakase珍品，一邊聽取師傅分享相關趣味理料點滴，還真有種「快樂不知時日過」之感。[食之藝術品：醬油漬半生熟車海老 ]車海老出名肉厚爽甜，在鮨舞 SUSHI MAI吃到的，質素明顯再上一層樓！原來師傅用了能將腥味完全去除、熟成程度恰到好處，同時大增蝦肉風味的「半生熟醬油漬」技藝！鲜明的橙紅條紋，加上宛如星光的金箔伴碟，以及晶瑩剔透的爆汁三文魚籽，根本就是一道無懈可擊的食之藝術品。[酥脆芬芳大綻放：甘鯛立鱗燒 配 南瓜鯛魚湯]在完全沒有預期之下，再次邂逅極考手藝的日本傳統「立鱗燒」，既好看，也好吃。閒談間，師傅無私分享箇中竅門，就是刻意不會去鱗，並用熱油淋在上面，令鱗片層層豎起，視覺上加倍吸引，吃時口感也格外酥脆！在鮨舞SUSHI MAI，我們同時品嚐到由南瓜及鯛魚熬成的一口鮮湯，在微潤中細味魚鱗散發的油炸芬芳。[簡單就是完美：墨魚寿司]自己十分鍾情墨魚的有趣口感﹙或者應該直呼為「膠著狀態」吧，哈﹚，肉質厚而彈性好。師傅出色的刀功，還有挑選食材的眼光，早已反映在墨魚薄片呈現的天然半透明色澤。更進一步的巧思是，他還特地把紫菜夾進墨魚與醋飯之間，令味道達致更完美的平衡……我的口一邊咀嚼，心裡一邊叫「好」！[齒頰留香：真鯛烏魚子寿司]外號「魚の王様」的真鯛屬高級食材，個人最常聽到的美食理論是，要品嚐牠的脆彈口感和濃郁鮮味，生吃本已是極理想方式，但開放式廚房內的師傅，又有其簡單而獨到的處理功架：將真鯛先過熱水再過冷水，造就更佳的咬感，上碟前還灑上烏魚籽增添鹹香，吃後果然齒頰留香，回味無窮。[拍案叫絕：昆布漬左口魚 配 左口魚肝 寿司]左口魚油脂豐富，鮮嫩細緻腍滑非常，向來是我最愛的白身魚之一。這次師傅特別用原片昆布及食鹽，將左口魚柳保鮮處理，不但令肉質更富嚼勁，昆布香味亦完全滲進肉內，一咬芳香四溢。至於肝臟的處理亦很講究，魚在放血時因沒受驚，所以血也不會逼到肝臟，令最原本的鮮味得以保存，細心得令人拍案叫絕！[雙份Creamy：白子寿司]補身良品白子，既可刺身生吃，也適合燒烤熟食。來到鮨舞 SUSHI MAI，有幸可一次過嚐到兩款吃法！下層米飯混進拌溶的白子醬，粒粒肥美鮮度滿分；上層則放了經過醬油漬的原份白子，再用火槍悉心輕炙，入口先感到表皮的煙韌，咬破後便是內裡的順滑細膩。兩個層次，同樣Creamy~…Read More

女友是Omakase🍣控，疫情前，每年都要去日本🗾一次，至少。每次旅行✈️的最大洗費，不用說，就是吃。其實呢，我本人並不介意🤷🏻‍♂️，因為我也有份享受，況且我們成立了「聯名發辦基金」💰。有天，她忽然像開了竅💡，又有點情深款款😳地跟我說：「如果喺我哋新居附近，搵到間CP值高，水準拍得住日本當地嘅Omakase🇯🇵，我真係可以考慮以後飛少啲，改為留港消費喎……」😉我猜，我們已經找到了👍🏻，就是這家在尖沙咀漆咸圍的「鮨舞」🕺🏻。單是製作用心的三道👌🏻先付﹙前菜﹚，已夠令我們一試定情；其他山珍海味🎣水準之高，根本就與日本名店看齊。BB👶🏻出世之前，每個星期陪您吃一次，我都願。💖✨先付(三品)✨✅磯粒貝 配 木子芽麵豉醬肉彈鮮甜的磯粒貝🐚，味道跟麵豉醬﹙味噌﹚極度配襯，滲滿海水鹹香與黃豆清香。✅鮮蝦 配 蓮藕波波球鮮蝦🦐柔韌彈牙非常，蓮藕🪷爽脆甚具咬口，是師傅用心營造的美味質感大反差。✅65度慢煮鮑魚鮑魚以65度的火候慢煮5小時🕔，不但烹調出更柔嫩的肉質，更能將當中的甜味充分引發。✨鮫鰈刺身✨細嫩鮮美、緊實爽脆的鮫鰈，就是生長在深海的右口魚，但肉質更為豐潤嫩滑，做成刺身格外爽脆彈牙😁。牠雖然是白身魚，卻有偏高的油脂，經過醬油漬的魚柳，邊緣會以火槍輕輕炙香🔥，配上師傅的精巧刀藝，再佐以開胃的柚子胡椒酸汁，為這鮫鰈刺身帶出多重滋味。✨香箱蟹 配 蟹外籽刺身✨香箱蟹，亦即雌性的松葉蟹🦀，雖然體形較小，只有手掌般大，其甘香味濃的蟹籽及蟹膏卻是一絕！師傅把蟹膏和蟹肉細心拆出，再將牠肚上的蟹外籽🫧齊集一起，我們不用自己動手，只需直接專心享用這些人間美味🤪。配以專屬的酸甜青桔汁🍋，更能吃出香箱蟹的惹味鹹香，跟主力吃肉的松葉蟹相比，的確別有一番吸引力。✨鰯（沙甸魚）壽司✨沙甸魚肉厚肥美結實，鮮美爽甜油香四溢，用火燒烤以外，也適合配上醋飯製成壽司🍣，滋味同樣抜群！今次配料的地位也舉足輕重💪🏻：紫菜惹味脆香不在話下，紫蘇的辛香有助開胃及去腥，微辣的子薑則能引出沙甸魚的鮮甜，還有清爽怡人的青瓜絲🥒，保證魚肉越吃越甜，令人停不了口！✨醬油慢煮鮟鱇魚肝✨鮟鱇魚肝為日本高檔食材，細滑豐腴入口即化，有「海中鵝肝」的美譽。師傅以50多度醬油♨️，將鮟鱇魚肝慢煮50多分鐘，完全捕捉到牠最Creamy🍦的黃金時間，在 Aftertaste 仍在口腔迴盪之際，吃上一顆由師傅謹製的紅酒🍷蕎頭，那種如沐春風的味之變奏，實在驚艷得難以言喻。✨熟成拖羅 配 紫蘇葉 及 紀州南高梅✨嚴選白裡透紅的吞拿魚腩，口感柔軟、油香濃郁、肉厚味甜，經過低溫醬油浸醃熟成，盡吸當中煮酒、昆布及木魚花的芳香🌻。吞拿魚腩上的南高梅，為眾多品種中最高級，特點是果汁飽滿，果肉豐盈柔軟，經過蜜糖🍯醃製成梅子醬，為拖羅魚鮮添加一抹清爽酸甜，配合紫蘇葉的微辣，還有紫菜的鹹香，每啖都是渾然天成的味覺饗宴👄。…Read More

好多朋友試過，都話呢間「鮨舞」啲嘢食水準好得，讚不絕口👍🏻。我初初聽完都有啲心動💓，但就未正式付諸行動🏃🏻。直至有個好耐無見嘅舊同學約食飯📞，我話不如就去試吓「鮨舞」個晚市Omakase啦🍣。反正大家一年先見得一次📅，兩條友直接挑戰最頂級嘅$1,688「御‧舞」套餐，心諗應該值回票價嘅🤔…一試，食物質素果然超晒班💪🏻，師傅又Pro又Nice好好傾👨🏻‍🍳，店員服務態度又殷勤！呢次真係揀啱地方🎉，連自己都忍唔住要讚吓自己🤣！以下重點分享吓，今餐印象最深刻嘅幾道極上珍味💎：🦑螢光魷魚🦑起初以為係刺身，原來已經蒸熟，仲預先挑走軟骨、眼睛同嘴，食起上嚟啖啖肉🍖。師傅仲用醋麵豉醬醃好，一咬鮮味瘋狂爆出嚟🤯！🍥針魚鳴門卷🍥將油香豐富嘅針魚切片，撈入酸汁🍋、細蔥同薑蓉，再捲到好似鳴門卷咁🦊，外型可愛趣緻，入口清新鮮甜。🍮深海池魚配魚骨醬油Mousse🍮師傅將魚皮燒到焦脆，令魚油更顯甘香🔥；點埋由風乾魚骨浸泡而成嘅秘製醬油慕絲，味道驚為天人😇！🎣熟成三星期拖羅壽司🎣嚴選白裡透紅嘅吞拿魚腩，口感柔軟、油香濃郁、肉厚味甜，經過低溫醬油浸醃熟成，盡吸當中煮酒🍶、昆布同木魚花嘅芳香。🐲飛龍頭🐲絕對唔可以睇小嘅精緻豆腐料理，魚肉、蝦乾🍤、木耳、牛蒡、甘荀🥕同尖椒等主要材料，一齊激起咗巨大化學作用，食落鮮味又爽口。🦀箱押松葉蟹肉青瓜🦀用咗原條松葉蟹棒，以箱押手法製成，用料梳爽完全無留手🏋🏻！松葉蟹價值不菲，師傅巧妙咁伴以青瓜碎🥒，提升咗整體食感，鹹香得嚟清爽怡人，手法非常高明🎖️。…Read More

-Omakase is Japanese Phrase means :”I'll leave it up to you ! 👨🏻‍🍳”Which mean the customer leaves it up to the chef to serve seasonal specialties. Ordering omakase can be a gamble, but the customer typically receives the highest-quality fish available at a lower cost than if it had been ordered à la carte.😏The lunch set was HKD588 up, and i got the deluxe sushi set 🍣All sets included appetizer, salad and steamed egg and soup.✨Sushi (12pcs), handroll and inaniwa Udon in soup.北海道帶子、右身魚、深海池魚、金目鯛、鰤魚、中拖羅、牡丹蝦、鯖魚、螢光魷魚、鮟鱇魚肝、赤身醬油漬、馬海膽&中拖羅手卷。My fav is the Toro handroll, the term for the fattier part of the tuna, found in the belly portion of the fish.🐟 Tuna and green onion is a classic combination. Using fatty tuna (toro) takes this roll to the next level, while the green onion adds both flavor and texture.📍鮨舞 Sushi Mai地址: 尖沙咀漆咸圍2-4號金時商業大廈地下8-14號舖Add.: Shop 8-14, G/F, King's Commercial Building, 2-4 Chatham Court, Tsim Sha Tsui…Read More