鮨月

响香港首次一齊食 Omakase, 感覺好好喎, 細節感 誠意滿滿, 要記錄 分享一下~前菜就已經好驚艷, 由淡食向濃, 食材同搭配都出色, 令我哋對今餐滿滿嘅期待~ 第一啖 白茄子就開始比驚喜我地了~ 輕身感 清甜多汁, 原來 茄子可以咁水果;板粟極香甜, 鍾意啊! 跟住嘅 烏賊秋葵 同 赤水母 都讚讚的!果然 前菜係個好開始~日本生蠔配上紫海膽, 夾得黎唔會蓋咗雙方嘅味道, yum!跟師傅嘅推介, 先食一半海膽(可配鹽) 再海膽生蠔一齊食~ 嗯, 2種食法嘅味道口感各有特色, 都好味啊! 鮮甜creamy 幸~福!睇住文師傅游刃有餘咁處理食材, 知識技滿; 談笑風生中嘅細心認真, 深深感覺到 台上一分鐘 台下十年功呢~松葉蟹 蟹膏我最愛嘅免動手 啖啖肉!蟹糕甘甜甜 蟹肉鮮甜甜, 好滿足~秋刀魚刺身師傅話 而家秋刀魚當造, 特別肥美呢, 油香鮮味恰好 配上薑豉油, 喜出望外 超級match!鮮甜中 滿滿初秋氣息~清森鮑魚原隻鮑魚 用昆布同埋蘿蔔包住蒸六個鐘, 軟彈林甜; 配鮑魚干醬 食完個鮑魚 撈埋啲飯嚟食, 口感味道 好 rich啊~ 北海道白海膽鮮甜香軟 配青瓜絲同紫菜, 加小小師傅現磨嘅wasabi, 讚啊~ 最中餅 配酒煮鮟鱇魚kawaii超級 “打卡able” 呢!!!大拖羅 . 黑睦鯛 . 喜之次 . 醬油漬吞拿魚 . 右口魚邊…師傅準備嘅壽司們都質優抵讚, 我地嘅心靈口腹都滿足呢~ 自家制嘅日本子薑 極深得我地心~平時怕食薑嘅我, 因為信心而嘗試, 一試 就感動了! 脆嫩 清新 多汁, 唔辣 完全唔嗆! 有水果feel, 我食完又食, refresh 味蕾同心情~呢個晚飯旅程 成為我地嘅好經歷之一一路食 一路睇師傅準備 聽師傅介紹, 特別記得 網燒北寄貝 被師傅拍醒, 連叔叔級客人都被surprise 到呢~ 金箔吞拿魚蓉手卷望落食落感覺都咁deluxe啊~拖羅筋 師傅真好, 又請大家食嘢~味濃 口感佳, 特別得嚟 好食呢! 食埋個雞白湯素麵 同甜品, 就幸福滿滿咁返屋企喇~…查看更多

近半年恆指一直造好，上衝兩萬七，老友話大有斬鑊，點都要食番餐好嘅，是夜就揀嚟銅鑼灣嘅「鮨月」。小弟亦都好耐無食過廚師發板喇，數番對上一次，已經喺2021年5年前嘅事，今晚就同老友一起大快朵頤，一於「脂」味無窮。有別一般食廈樓層，一出電梯就喺餐廳，餐廳入口明顯專登縮咗入去，增加整體私隱度。而踏入用餐區，以一貫和風淺木色為主，裝修簡約，配以柔和燈光，感覺舒服。一張L形板前席，目測所見，大概有14個位，喺食「廚師發辦」嘅指定最佳位置，因為可以睇到師傅切魚生嘅刀功、揑壽司嘅手勢，又可以跟師傅交流。另一邊挨窗嘅喺4人座嘅卡位，最欣賞喺以大屏風前後隔住。吧位櫈下備有竹盤，讓客人可以擺低背包、手袋等隨身物品。晌呢啲高檔餐廳，除咗環境，餐具及服務都喺值得留意嘅一環。一碟、一杯都好古雅，餐巾更繡埋店家名字，之後盛菜嘅器皿亦都賞心悅目。而服務方面，好熨貼，師傅例必先問問有無嘢唔食得，或食物敏感嘅指定動作，店員又不時為我哋添茶及收拾餐具，態度有禮:)。師傅上菜嘅速度，亦喺恰到好處，令人用餐感到悠閒唔急促。店內有兩款廚師發板套餐：「月」、「兆」，前者包括前菜、刺身5點、季節の一品、壽司8貫、卷物、椀物及甜點，定價$1,680；而後者則包括前菜、壽司15貫、卷物、椀物及甜點，定價$1,180。食廚師發板有趣嘅地方喺好似開盲盒咁，唔上到枱都唔知有咩款式，往往都帶嚟驚喜。師傅亦好好人，將兩個套餐打勻，等我哋可以試到多啲款式:)。如果鍾意飲兩杯嘅客人，咁就啱晒，店家提供好多唔同產地嘅清酒，仲有紅白餐酒、香檳、啤酒，當然，為要照顧喺其他客人嘅需要，有提供果汁、汽水、啡茶……等等非酒精飲品。香烤鱈魚乾晌等朋友期間，店員額外送上鱈魚乾作為餐前小食，口感超脆，脆到咯咯聲，好似食薯片咁，沾少少沙律醬、七味粉，更具風味。新鮮即磨山葵、沖繩海鹽見到師傅擺上山葵同海鹽，就知今餐美宴就快開始。前菜3點打頭陣喺前菜3點，分別有新鮮水茄子、北海道魷魚配秋葵、赤水母，食嘅次序都喺跟呢個，由淡至濃，外觀就非常之精緻靚仔，貫徹日本菜一向亮麗嘅賣相。新鮮水茄子口感清爽，中間夾住一片板栗甘露煮，顯示得寧舍香甜；魷魚口感彈牙，上面嘅豉油脆脆喺豉油、炸蒜、芝麻混和，令味道更豐富；赤水母做成醋物，底下佐以青瓜絲，酸香醒胃，口感爽滑。北海道松葉蟹跟住上場喺刺身5點，打頭陣喺松葉蟹，單睇賣相已覺得好正啦，將蟹身、蟹腳拆肉，再加埋蟹膏，先試原味淨食，味道勁鮮甜，蟹味濃郁，之後再唧啲蟹醋，亦可以再沾點豉油提鮮都得，味道層次確喺升一級，更突出蟹嘅鮮甜味。最開心喺拆晒肉，唔晒自己郁手嘛，食得夠爽。北海道生蠔北海道所出嘅生蠔向來甚有保證，而睇見呢隻大過小弟手掌嘅生蠔，色澤亮麗，自然更有信心。入口果然肥美高質，口感綿滑，有淡淡海水嘅天然鹹味，唔過重，好啱食。間八薄切友人就試間八，賣相甚有意境，十分之靚，魚肉薄切透光，肉質爽口，味道屬淡味，另一件捲住海膽，當然更正啦，鍾意嘅可以摘啲紫葉花佐食都得。平靜魚小弟試嘅喺另一款刺身，平靜魚以蘋果木煙燻過，入口有陣陣煙燻香，而肉質帶點爽口感，亦可以以紫葉葉捲住一齊食，別具風味。青森縣黑鮑魚師傅話喺心機菜，因為要以昆布包住蒸6小時，先做到軟腍彈牙，佢更捧出一大盆黑鮑魚，話好受食客鍾意。而作為刺身，更佐以自家製鮑魚肝醬，並配一口白飯。的確，件鮑魚軟腍好有咬口，肝醬濃香甘腴，所以，就用埋啲飯嚟沾上剩餘嘅肝醬，一啲都唔好嘥。北海道赤海膽個小盅好精緻，橙黃鮮艷嘅海膽滿滿鋪晌上面，而下面墊有青瓜絲。師傅話食法可以先試咗少少鹽調味，想重啲就山葵加豉油，海膽口感極之幼滑，味道濃郁甘甜，最後可以加上清新嘅青瓜絲，用紫菜包住一齊食。秋刀魚以為「刺身5點」要完，師傅追加多一道時令秋刀魚俾我哋試，佢話呢期貨特別肥美，魚味特別濃郁，更一片一片砌出橄形，甚有心思。並特別搭配薑蔥豉油，令其味道食起嚟更鮮，超好食。季節の一品品嚐過多道刺身後，呢一道帶刀魚天婦羅亦甚有驚喜，炸得金黃，外層脆漿又薄又脆，入口完全無油膩感，外脆內嫩不在話吓，最心思喺魚肉中間夾住啲蝦膏，好別出心裁嘅一道天婦羅。見侍應送上子薑同濕毛巾，就知喺食壽司嘅時候，前者就作為一道壽司與另一道壽司之間嘅間場，用嚟清清味蕾，而後者就俾客人抹抹手之用，用手直接拎起件壽司嚟食。其實，由開始至今，已見到師傅不時切定啲刺身放晌砧板一旁之上，為做壽司作好準備，將切好嘅攤暖備用，更不時以手背去量吓溫度，盡量攤至最合適嘅溫度俾客人享用，甚為細心。今晚試到嘅壽司款式實在太多，真喺逐樣寫有啲難，再者，壽司唔喺小弟強項。不過，整體而言，高質之外，有啲魚種甚少食到，就算常遇到嘅種類，亦會供應唔同部位俾你試，各有特色、亮點，而且，每件做到啱啱好一口過，飯粒搓得緊致而鬆軟。以下就喺我哋合共所試到嘅款式：鮟鱇魚肝配熊仔威化餅乾：魚肝用咗紅酒慢煮，上面加咗少少青瓜所做嘅奈良漬；左口魚：加咗啲柚子皮；深海池魚：大部份壽司己加咗豉油同山葵；赤貝：師傅會拍打一吓赤貝，好似叫醒佢咁，令其肉質更爽口；北海道帶子：師傅話新鮮貨色就會有一絲絲嘅條紋；黑鯥：火炙過；真鯛：色澤雪白晶瑩；筋子：即喺三文魚籽，喺季節性食材，有埋塊膜，所以叫筋子，攞到返嚟要洗，又要醬油漬；鰈魚裙邊手卷：好重油份，加咗木魚花，包埋紫菜食，無咁膩；銀鱈魚：平時多見西京燒，急凍貨，只有刺身級先可以生食，經醬油漬咗一晚；喜知次：輕輕火炙，逼出油香；醬油漬赤身：醬油可突出到赤身嘅鮮甜味；中拖羅：近背嘅部份；中拖羅：近腩嘅部份，線紋比較突出啲；大拖羅：少少火炙，目的都喺逼出油份，滿口油香；拖羅蓉手卷：卷內有拖羅蓉、芝麻、醃蘿蔔及紫蘇葉，加片金箔即時貴氣晒；布丁蛋師傅預備咗一件焦糖、一件原味嘅自家製布丁蛋，入口蛋味超濃郁，又嫩滑喎，而焦糖口味有一層薄薄焦糖，又脆又有份焦香，自不然更加好食。椀物接近尾聲，怕你唔夠飽（其實食完晒啲壽司，確喺好飽吓），奉上雞白湯配素麵，奶白色嘅雞白湯好香濃，飲落舒服暖胃，尤其上一段時間食咗咁多生冷嘢。甜點、生果最後，以日本哈蜜瓜及抹茶蕨餅作結，前者爽口清甜，而且，甜度十分之高：後者口感軟糯，抹茶味濃，為今餐廚師發板劃上完美句號。雖然唔喺第一次食廚師發板，但每一次無論在食材上，製法上都有驚喜，亦都學咗唔少嘢！…查看更多

呢間餐廳由資深日本料理職人文師傅主理，以每日空運直送食材製作廚師發板👨🏻‍🍳有唔少明星，例如陳嘉樂、裕美、馮瑩瑩、陳曉東都有到訪🌟🥢Chef Omakase Set ($1680/ 位）💗前菜1️⃣羽太大根：羽太肉質較厚實，魚皮特別有彈性，配上汁煮大根蘿蔔2️⃣石川小芋配胡麻味噌醬：石川小芋滑順黏糯，帶淡雅芋頭香，配上胡麻芝麻醬，非常開胃3️⃣赤雞沖繩苦瓜沙律：沖繩苦瓜清脆帶少許回甘，配上赤雞肉同沙甸魚苗做成沙律，味道清新💗刺身5点1️⃣松葉蟹：松葉蟹預先去殻拆肉，食起嚟啖啖肉好方便，加上蟹膏同馬糞海膽，佐以蟹醋，酸香提鮮2️⃣間八：清爽帶脆嘅薄切間八捲住鮮甜嘅馬糞海膽，佐以魚子醬、青檸皮同紫蘇花，味道好豐富3️⃣平貝·赤貝：師傅會拍打平貝同赤貝，令其肉質更爽脆，加上青檸汁突顯貝鮮味4️⃣青森縣黑鮑魚：鮑魚用昆布蘿蔔包住蒸6小時，肉質軟腍彈牙，仲有自家製鮑魚肝醬配一口白飯5️⃣北海道赤海膽：赤海膽幼滑Creamy，味道濃郁甘甜，可以加上清新嘅青瓜絲，用紫菜包住一齊食💗季節の一品燕鰶魚用鹽醃過後風乾再燒，魚皮脆到好似薯片咁，魚肉保持緊實鮮嫩，食起嚟帶鹹香，配上芥末籽美乃滋，更添風味💗寿司8貫1️⃣鮟鱇魚肝：鮟鱇魚肝柔滑甘香，加上熊仔最中餅，享受外脆內軟嘅口感2️⃣喜知次：喜知次肉質柔軟細緻，輕輕火炙魚皮激發魚油香3️⃣銀鱈魚：火炙野生銀鱈魚細膩即化，魚油香四溢4️⃣黑鯥：火炙黑鯥肉質滑嫩，魚肉鮮味5️⃣筋子：醬油漬筋子味道鹹鮮，一咬下就有爆漿嘅感覺，加上柚子皮中和鹹味6️⃣右口魚邊：火炙右口魚裙邊油潤爽脆，入口即溶7️⃣中拖羅：中拖柔軟帶少許嚼勁，魚味濃郁之餘帶恰到好處嘅魚油脂8️⃣大拖羅：火炙大拖肥美豐潤，魚油香充斥整個口腔💗巻き將醋飯拌入吞拿魚蓉、千本漬、芝麻同紫蘇葉，再用紫菜包成手卷，最後以金箔點綴，更顯奢華💗椀物魚湯用上大量立魚熬煮，加上湯葉、豆腐同鴻喜菇，湯品充滿濃郁魚味，但唔會腥，暖一暖胃好舒服💗デザートQ彈香甜嘅焦糖雞蛋布甸，加上北海道蜜瓜配抺茶蕨餅，為整場盛宴劃上完美句號…查看更多

走進「鮨月」，燈光柔和、木香盈盈，師傅專注的眼神用雙手織就一場味覺盛宴。這晚的 Omakase，以旬鮮之美為主題！前菜：低語的序章 🥢🐟 石川魚細膩開場，魚肉清甜、入口漸化🥔 小芋佐胡麻醬，醬香柔和🥒 苦瓜配魚干與雞肉，苦甘交錯，層次分明刺身：海域的盛景 🐚🦀🦐 白蝦 × Caviar：鮮甜與鹹香的高級對話🐟 深海池魚：緊緻油香🦀 松葉蟹：濃厚的蟹甜味，伴蟹膏甜味更加強烈🐚 平貝：脆嫩爽口🦪 鹽水海膽 × 室津蠔：甘香綻放，濃甜醉人🦪 蘿蔔蓉室津蠔：微暖鮮美🐚 南非鮑魚：厚切彈牙🔥 煙燻魚：幽幽木香🌅 北海道羽立白海膽：金色雲朵般的極致鮮甜季節一品：火與魚的藝術 🔥🐟 金目鯛立鱗燒：鱗片香脆，脂香四溢壽司：築夢的高潮 🍣💫🐟 安康魚肝：店家名作，如海上鵝肝般濃郁絲滑🐟 醬油漬深海池魚 & 金目鯛：鮮味高峰🐚 平貝 & 赤貝：爽脆與鹹香接力🦐 甜蝦：綿密鮮甜🐚 岩手石垣貝：濃甜彈牙🐟 金目藍 ：魚肉香甜味道出色🦐 醬油漬牡丹蝦 + 蝦頭膏：濃厚甘醇🐟 半肥拖羅 → 全肥安拖羅 → 燒拖羅：油脂漸漸提升，溶化幽香湯品：溫暖收尾 🍲🐟 立魚濃湯：香濃暖心甜品：四重尾聲 🍰🍈🍍🍰 蛋糕配布甸：香軟微甜🍈 日本哈蜜瓜 × 抹茶蕨餅：甜潤清香，抹茶味濃🍍 菠蘿雪糕：一抹清爽總括而言，味道極佳，食盡每道精緻，值得推薦！…查看更多

今日食Omakase係位於銅鑼灣亨環6樓鮨月Sushi Tsuki，當晚為我地主理既係Man師傅，師傅都幾健談，成餐飯都唔會悶🤣月｜$1680/人🌟前菜估唔到前菜一黎就有雉羽太🥰係日本石班魚，魚皮充滿膠質，另外仲有日本苦瓜同沖繩赤雞🌟刺身有鹿兒島間八魚包住海膽；北海道毛蟹配上唧唧醋，極有蟹味；兵庫縣生蠔配紫海膽，海膽為鹽水海膽，保留了海膽最原始的鮮甜；青森縣黑鮑魚，用昆布蘿蔔包住蒸6小時，肉質柔軟稔滑🤤仲有鮑魚肝醬配一口白飯；北海道白海膽配紫菜，疊得好高，師傅勁大方～🌟季節一品日本馬友魚風乾後再燒，之前已經醃左一晚，所以好入味，外皮脆到好似薯片咁🤣魚肉冇骨緊實，豐腴香口🌟壽司安康魚肝、平貝、赤貝、深海池魚、醬油牡丹蝦、金目鯛、醬油漬吞拿魚、中拖羅、燒拖羅，我幾喜歡壽司調味，唔會樣樣都炙燒或者加柚子胡椒蓋蓋魚身味道，食材全部都係客人面前處理，都係新鮮！最後有玉子燒同自家製布甸🍮🌟卷物重頭戲來了！就是金箔吞拿魚手卷😍第一次食金箔味道，極奢華🌟甜品菠蘿雪糕同日本哈蜜瓜…查看更多

We went there for a little celebration — the kind of night you dress up for and tell yourself, “Hey, it’s Restaurant Week, what could go wrong?”At around HKD 1,380 per head, and under the Dining City promotion, we had expectations — maybe not fireworks, but at least a little culinary romance.Instead, we walked into a full and rather noisy room, the kind of atmosphere more suited for a bistro than an omakase counter. It was neither calm nor intimate, and certainly not the quiet, focused experience you’d expect from a proper omakase meal. The head chef was busy charming his regulars, while we, the new faces, were passed to another chef. Let’s just say the service had all the warmth of a tax audit.The food? Standard, small, and sadly forgettable. The sushi and sashimi were bite-sized to the point of invisibility, and though we knew the menu had ended, it still felt like the meal had barely started. Each course was so tiny it could have qualified as a tasting for toddlers. If minimalism were a dining concept, this place nailed it.For HKD 1,380 per head under the mentioned promotion, you’d expect a story on your palate — we got a footnote. Honestly, the experience felt worth half that price, and that’s being generous.If your money is hard-earned (and whose isn’t?), and you’re looking for even just fair quality for your splurge, my advice is simple: don’t fall into this snare. There are plenty of omakase spots in Hong Kong that serve heart, hospitality, and actual food — not just a checklist.…查看更多

週末想俾自己少少儀式感，去咗銅鑼灣試呢間 Omakase。菜色豐富不花巧，食材每日空運，水準穩當😉• Chef Omakase Course $1680/ppl- 山水茄子配甘栗、北海道石魷魚、醋漬赤水母- 北海道松葉蟹蟹肉甜度幾明顯，處理得好乾淨，食落就係松葉蟹嘅原汁原味🙆🏻‍♀️- 薄切間八魚配海膽及魚子醬間八魚油脂分佈平均，配上海膽同魚子醬兩款高級食材，令味道更豐富同層次分明🫶🏻- 仙鳳趾生蠔配鹽水海膽生蠔嚟自北海道，勝在味道濃郁，鹹鮮同礦物味突出，同鹽水海膽嘅甘甜疊埋一齊，好奢侈🥰- 煙燻平政魚刺身魚肉結實帶彈性，煙燻味重之餘唔會蓋過魚味，提升咗香氣同層次😌- 秋刀魚刺身秋季必食嘅秋刀魚刺身，油脂感十足兼且魚味濃郁，而且份量慷慨，相當滿足🧡- 青森縣產鮑魚伴肝醬鮑魚爽彈，特製肝醬為靈魂所在，香氣突出，有少少海水味同奶油感，兩者配合得好好😋- 北海道紫海膽餐廳用嘅紫海膽新鮮度極高，入口即溶，用紫菜包住食冇得彈，係當晚其中一個highlight👍🏻- 太刀魚天婦羅新鮮炸起，炸漿透薄，口感鬆化。中間夾著一層蝦膏以增添鹹香感🫡- 鮟鱇魚肝最中餅綿密幼滑嘅鮟鱇魚肝，同香脆嘅最中餅，形成口感上嘅強烈對比😗- 深海池魚- 金目鯛- 野生銀鱈魚- 真鯛- 喜之次- 中拖羅- 大拖羅壽司由清到濃味逐件上，配以微暖且偏清爽嘅醋飯，口感鬆而不散。其中喜之次脂香最突出，銀鱈魚外香內嫩。至於拖羅嘅部份就重油香，以醋飯嘅酸度平衡返油脂感🫡- 金箔拖羅手卷最後以拖羅手卷作結，金箔就純粹視覺加分，味道穩陣好食✨- 原味及焦糖布甸蛋- 雞白湯素麵- 日本蜜瓜及抹茶蕨餅…查看更多

位於銅鑼灣亨環嘅「鮨月」由文師傅主理，坐吧枱位可以近距離欣賞師傅手藝同埋互動🥰 每道菜式擺盤精緻，食材高質新鮮，為視覺及味覺帶來雙重享受❤️✨ Chef Omakase Course ($1,680pp)♡ 前菜 🥢❀ 水茄子: 茄子清爽多汁，中間夾住香甜嘅板栗❀ 魷魚: 口感彈牙，炸蒜蓉令味道濃郁且帶芝麻香❀ 赤水母: 入口爽滑，配上青瓜及酸汁酸爽開胃♡ 刺身 🐟❀ 松葉蟹 師傅將松葉蟹拆晒殼，啖啖肉好正😍 伴以濃郁蟹膏及蟹醋更能提鮮✨❀ 間八薄切間八搭配紫海膽，爽脆又香甜，加入魚子醬及紫蘇花作點綴，不但賣相精美，層次感仲好豐富🥰❀ 北海道仙鳳趾生蠔生蠔肥美鮮甜又creamy，表面更鋪上雙層鹽水海膽❀ 青森縣黑鮑魚鮑魚用昆布醃過，再汁煮超過6小時，質感爽彈入味😍 加上濃郁嘅鮑魚肝醬及壽司飯，別具滋味❀ 北海道白海膽超級滿足❣️ 師傅堆滿海膽杯，底部墊有青瓜絲，再用包紫菜食，非常鮮甜呢😚❀ 秋刀魚 時令秋刀魚特別肥美，魚味濃郁，搭配薑蔥豉油平衡鮮味☺️♡ 季節一品 🐟❀ 帶刀魚天婦羅外脆內嫩，熱辣辣勁香口✨ 魚肉口感軟嫩，中間夾住香濃嘅蝦膏👅♡ 壽司 🍣❀ 鮟鱇魚肝 熊仔最中餅造型可愛😍 鮟鱇魚肝用紅酒糖煮，絲滑般口感，配上最中餅食香甜又酥脆❀ 深海池魚: 肉質肥嫩鮮甜❀ 真鯛: 外皮經輕輕火炙，肉質柔嫩❀ 喜知次: 炙燒後逼出魚油香，細嫩鮮美❀ 醬油漬筋子: 鹹香爽脆，灑上柚子皮更顯清新❀ 銀鱈魚bb: 經醬油漬醃製，魚肉鹹香軟滑❀ 醬油漬赤身: 醬油嘅鮮香帶出赤身嘅鮮甜❀ 大拖羅: 火炙後更加肥美，入口油香滿溢♡ 卷物 🍣金箔手卷勁奢華😍 咬開係滿滿嘅餡料，以拖羅蓉、芝麻、醃蘿蔔及紫蘇葉碎製成手卷，口感好豐富♡ 湯物 🍜雞白湯麵♡ 甜品 🍨甜品有原味及焦糖脆脆布甸蛋，蛋味香濃，香甜可口🥰 另外仲有哈蜜瓜配抹茶蕨餅或抹茶雪糕❤️…查看更多

想飛轉日本食壽司但係連續幾個禮拜都行唔開，朋友介紹下去左鮨月，開左差唔多一年先第一次嚟，彌補去唔到日本嘅感覺今次食restaurant week 嘅menu $1380，下次試下signature月$1680嘅menu/兆$1180嘅menu，感覺同上星期去食米芝蓮一星嘅鮨わだつみ Sushi Wadatsumi @K11 MUSEA性價比更高北海道紫海膽5/5，鮟鱇魚肝最中餅5/5，北海道鳳趾蠔5/5，牡丹蝦5/5，秋刀魚十年來最肥美的一次5/5…查看更多

踏入銅鑼灣亨環大廈6樓的「鮨月」，彷彿瞬間穿越到日本隱秘的料理亭。餐廳的環境設計令人舒適，精緻的和風美學貫穿每個細節。淺米色的木質牆面散發自然溫潤的氣息，搭配柔和的暖黃燈光，讓人感到放鬆。即使在繁忙的銅鑼灣，這裡也像一處與世隔絕的靜謐綠洲。窗外的城市夜景被輕紗簾柔化，高樓的燈火若隱若現，與店內輕柔的日本傳統樂曲相得益彰，營造出讓人沉醉的氛圍-坐在吧台前，能近距離欣賞師傅們行雲流水的技藝——每一次切魚、捏壽司的動作都精準而優雅，彷彿在觀賞一場無聲的藝術表演。職員態度親切，每道菜上桌時都會細心介紹食材的特色，讓整個用餐過程充滿儀式感與期待-Omakase套餐，菜單如同一場精心編排的味覺交響曲，從前菜到甜品，每一道菜都展現了師傅對食材的尊重與創意🇯🇵 前菜🔸山水茄子入口軟糯，搭配板栗的香甜，開啟了味蕾的序幕；🔸北海道鯣烏賊佐蒜醬，鮮美中帶有微妙的辛香，讓人驚喜；🔸赤水母刺身配醋漬小黃瓜則清爽開胃，為接下來的刺身盛宴做好準備-🇯🇵刺身🔸 深海池魚薄切的深海池魚搭配紫海膽與紫蘇花，入口即化，鮮甜中帶有花香的餘韻🔸鹽水馬糞海膽｜北海道仙鳳趾濃郁的海洋風味令人陶醉🔸日本帶子🔸平政魚🔸紫海膽日本帶子和平政魚同樣新鮮，展現了食材本身的純粹魅力。紫海膽的細膩口感更是令人回味無窮，每一口都像在品嚐大海的精華-🇯🇵季節小菜🔸松菜蟹蟹膏 松菜蟹膏的濃郁與微酸的醋汁形成完美平衡🔸秋刀魚刺身 秋刀魚刺身則是季節限定的驚喜，搭配薑醬油，鮮甜中帶有淡淡的秋季氣息🔸黑鮑黑鮑經昆布包裹蒸煮六小時，質地軟嫩卻不失彈性，搭配鮑魚肝醬，濃郁的風味在口中綻放-🇯🇵壽司🔸鮟鱇魚肝鮟鱇魚肝搭配可愛的熊仔最中餅，口感細膩且層次豐富；🔸深海池魚🔸喜之次深海池魚與喜之次壽司展現了師傅對火候與刀工的極致掌控；🔸 北海道牡丹蝦配魚子醬鮮甜與鹹香交織，堪稱味覺的奢華享受；🔸筋子🔸醬油漬吞拿魚🔸中拖羅🔸燒拖羅醬油漬吞拿魚、中拖羅與燒拖羅則各有風味，尤其是燒拖羅，入口即化的油脂香氣令人難以忘懷-🇯🇵卷物🔸紫蘇葉拖羅金箔手卷視覺與味覺雙重享受，紫蘇的清香與拖羅的濃郁完美融合-🔸原味｜焦糖布甸蛋香甜而不膩，而兩者比較，更愛焦糖風味-🇯🇵燒物🔸燒讌鰶魚魚皮微焦的香氣與柚子的清新相輔相成-🇯🇵湯品🔸雞白湯素麵湯頭濃郁卻不膩，素麵滑順，為整餐畫下溫暖的句點-🇯🇵甜品哈密瓜🍈的清甜、芝麻雪糕的濃香與綠茶蕨餅的Q彈口感，三者各具特色，為這場味覺盛宴增添了甜蜜的餘韻-從環境的細膩設計到每一道菜的用心呈現，整個用餐體驗超出預期。無論是為特別的日子如生日慶祝，還是單純想犒賞自己，這裡的Omakase都絕對值得一試…查看更多

生日冇返鄉下✈️係香港食番餐高質日本菜補數😎揀左可以近距離欣賞師傅製作既Omakase👨🏻‍🍳~•~•~•~•~•~•~•~•~•~•~•~•~•~•~•~•~•~•~• Omakase 月 ($1680)▪前菜3品🥢▫️水茄子配板栗 : 前者清清🍆 • 後者甜甜🌰▫️北海道石烏賊🦑 : 秋葵 • 芝麻脆脆 / 麻油 / 醬油▫️赤水母醋白 : 口感比海折更爽 • 青瓜🥒 .▪刺身5點▫️松葉蟹 • 蟹膏🦀 : 拆晒殼起埋肉，先撈均食原味，後可加(唧唧)醋▫️秋刀魚 : 今年早左肥美(約200g/條)，魚味濃郁🐟▫️磯煮黑鮑魚 : 用昆布蘿蔔 • Sake • 包住蒸6個鐘，表面加濃郁肝醬🤎▫️鹽水海膽配北海道仙鳳趾蠔🦪 : 海水味中帶鮮甜 ▫️北海道白海膽 : 不得了🧡疊左幾層，用紫菜包住食.▪季節一品 ▫️太刀魚天婦羅 : 魚肉🐟中間夾左蝦膏🦐，脆脆唔油膩💥.▪壽司8貫🍣▫️深海池魚 ▫️真白鯛▫️醬油漬原條筋子▫️喜之次▫️銀鱈魚BB▫️醬油漬吞拿魚▫️大拖(魚腩位)▫️拖羅(魚鮫位)件件都好正😝同朋友仔一致最鍾意銀鱈魚BB係肥美得黎細嫩滑滑😋其次就係比較罕有既拖羅(魚鮫位)，魚油油份 • 油香勁足😳.▪卷物與椀物▫️拖羅蓉紫蘇葉卷物 : 用紫菜包住吞拿魚蓉 • 千本漬 • 芝麻 • 紫蘇葉。重點❣️金箔唔係點綴係遮蓋🤩▫️雞白湯椀物 : 乳白色湯底，濃郁唔油。底仲少少有素麵🍲.▪甜品▫️無麵粉魚蓉蝦蓉蛋糕🍰 • 焦糖布甸蛋🥚▫️富良野蜜瓜🍈 • 抹茶蕨餅 • 抹茶雪糕🍨.~•~•~•~•~•~•~•~•~•~•~•~•~•~•~•~•~•~•~• 🔺晚餐另有一款Omakase 兆🍣15貫壽司 ($1180)🔺以上價錢 💁🏻‍♀️需另加𝟏𝟎% 服務費 ~•~•~•~•~•~•~•~•~•~•~•~•~•~•~•~•~•~•~• …查看更多

鮨月Sushi Tsuki Omakase🍣🇯🇵今次去左位於銅鑼灣亨環的鮨月食Omakase，由文師傅親自主理👨🏻‍🍳每道菜都展現出食材嘅新鮮同精緻嘅手藝，絕對係高水準嘅日式料理🍴 Dinner 有兩個set選擇分別係「兆」$1180，主打15貫壽司同或今晚我食嘅「月」板前おまかせ$1680有前菜、刺身5点、季節の一品、寿司8貫、巻き、椀物🥢前菜有3小碟分別係羽太煮大根，羽太係石斑魚的一種🐟第一次冷食，口感結實、旁邊有質感軟糯的石川小芋配胡麻味噌醬、赤雞沖繩苦瓜沙甸魚魚苗，配搭新穎😋🥢松葉蟹、蟹膏、北海道馬糞海膽🦀一見到隻蟹已經心心眼😍成個組合都係好鍾意食，鮮甜蟹肉加濃郁蟹膏，仲有馬糞海膽嘅甘甜，一開始就食得好滋味😚🥢平貝、赤貝🐚師傅俾我哋睇原隻平貝勁大隻，好厚肉，兩款貝類都好新鮮，口感爽脆。🥢鹽水紫海膽配北海道真蠔🦪紫海膽浸過鹽水係唔同啲，可以保持到海膽原汁原味🙂‍↕️北海道真蠔肥美，令人回味無窮。🥢左口魚配魚子醬左口魚充滿油分，加上紫蘇花同柚子嘅清香，以及魚子醬嘅鹹香，味道充滿層次感。🥢秋刀魚季節限定的秋刀魚，魚味好濃郁，簡單點薑豉油已經食到魚的鮮味。🥢鮑魚肝醬 黑鮑昆布包住蒸黑鮑魚用昆布包住鮑魚蒸得啱啱好，口感軟嫩，肝醬味道濃郁。🥢金鯛 紫蘇葉七味醬金鯛先炸後煎，造成立磷燒效果，食落去十分鬆脆，配紫蘇葉七味醬，十分惹味😋🥢最中餅配鮟鱇魚肝相信係餐廳Signature，見好多人都影呢隻熊仔🧸最終餅係香脆嘅威化，配搭鮟鱇魚肝，鮟鱇魚肝用紅酒煮出甜味，口感同味道都好獨特！🍣北海道牡丹蝦蝦肉鮮甜彈牙，簡直係北海道嘅味道縮影！🍣北海道喜之次魚肉細膩柔軟，係高級魚之一。🍣醬油漬筋子 柚子皮平時好少食筋子，用醬油漬左一晚，充滿鹹香，同柚子皮嘅清新好match！🍣醬油漬拖羅、半肥拖羅、全肥拖羅 燒過呢個可以話係拖羅三重奏😚三個唔同部位拖羅，口感油份都唔同，比起魚油爆棚的大拖羅，我更鍾意醬油漬拖羅，魚味最濃郁🤤🤤🍣呑拿魚卷呑拿魚卷最特別係用左金箔點綴，相當吸睛，視覺效果大大加分😆🍲椀物食完壽司有鮮甜魚湯，暖一暖胃。🥚玉子 焦糖布甸甜品有自家製玉子布甸，一件原味一件焦糖，充滿蛋香口感又軟滑。🍈日本蜜瓜 抹茶蕨餅蜜瓜香甜多汁，仲有我鍾意嘅抹茶蕨餅為呢餐畫上完美句號☺️🥰📍#鮨月 (#銅鑼灣美食)#銅鑼灣 渣甸街66號亨環6樓…查看更多

這間位於銅鑼灣低調卻備受推崇的日本料理——鮨月，由資深日本料理職人文師傅主理，主打高水準的廚師發板，以匠心獨運的料理節奏，從前菜到甜品層層遞進，為食客呈獻一場視覺與味覺兼備的日式饗宴。廚師發板月 $1680前菜三品🔸羽太大根｜石川小芋配胡麻味噌醬｜赤雞沖繩苦瓜沙甸魚魚苗三品前菜各具特色，開啟味蕾的序章。刺身五點🔸鹿兒島間八卷柔嫩的間八魚卷著鮮甜海膽，佐以魚子醬與紫蘇花點綴，層次分明，驚喜十足。🔸松葉蟹師傅巧手起肉拆骨，佐以蟹醋，酸香提鮮，蟹香滋味令人齒頰留香。🔸北海道真蠔真蠔肥美，入口滑順，海水味恰到好處，配上鹽水紫海膽，並沒有遮掩蠔的鮮美，餘韻中透出一絲礦物質的細膩。🔸磯煮鮑魚慢煮的磯煮鮑魚，口感軟嫩又有咬勁，完美地保留了鮑魚的鮮美與濃郁配肝醬，鮮美升級。🔸北海道白海膽滑順的口感和濃郁的海水味，讓人感受到獨特的海鮮風味，令人垂涎。季節一品🔸金鯛立鱗燒立鱗燒皮脆肉嫩，配上自家秘製醬汁，更添誘人風味。壽司八貫🔸岩手石垣貝、石䲞、銀鱈魚BB、左口魚邊、醬油漬赤身、中拖羅、喜之次、大拖羅食客可近距離欣賞文師傅製作壽司過程，刀工精湛。食材每日空運直送，每貫壽司皆鮮度與美感兼備。卷物與椀物🔸拖羅蓉紫蘇葉卷物脂香濃郁的拖羅蓉配清新紫蘇葉，層次分明，金箔點綴更添奢華。🔸鯛魚椀物雪白的鯛魚湯，溫潤暖胃。甜品🔸玉子｜焦糖布甸香甜滑嫩的玉子跟甜而不膩的焦糖布甸，為整場盛宴劃上完美句號。…查看更多

試左 HK$1,680 omakase course，每一道都食得出材料新鮮，唔花巧但講求食物本身的味道。最欣賞係個蟹同鮑魚，今次個蟹係北海道松葉蟹，雖然非蟹季但都非常鮮甜，蟹膏滋味濃郁，至於鮑魚係青森縣鮑魚，配鮑肝汗同一口飯，真想 encore 多碟！其他 course 同壽司都很不錯，整體絕對係有驚喜，仲要唔貴，性價比很可以！下次可以試埋佢地 lunch，有做 omakase, sushi set 同和食等，任君選擇 🍣🍣…查看更多

好耐都冇寫食評喇！前幾日同好朋友慶祝生日，終於有機會試吓銅鑼灣一間隱世日本餐廳嘅omakase，真係驚喜連連！因為工作關係，好耐冇出銅鑼灣，原來銅鑼灣有間咁高質嘅日本餐廳 !!!一坐低，侍應先送上配酒前菜小食, 應該係用魚肉魚漿壓成薄薄一片焗成嘅薄脆，入口勁香脆，海鮮同魚肉香氣四溢，點啲沙律醬，鮮味更突出，配香檳及白酒簡直絕配, 超夾，開胃到不得了！ 來自北海道嘅白粟米，生食好清甜爽脆及多汁，帶天然玉米香，完全無渣，好像吃水果一樣，鮮味突出，咬落去有微微奶香。配埋磯燒大花螺，螺肉彈牙，帶淡淡鹹香，肉質厚實，鮮味濃郁，已經打開味蕾。 而緊接係小帶子配三文魚子海帶，帶子鮮甜彈牙，三文魚子鹹香爆汁，海帶爽口清新，層次豐富。 超大隻日本生蠔：蠔身肥美，入口爽脆，蠔味濃郁但無腥味，帶少少奶香，鮮味持久。 加入日式醬汁，實在回味無窮！再嚟係松葉蟹肉蟹膏冷盤，蟹肉絲絲分明，鮮甜細膩，蟹膏甘香濃厚，配點蟹醋，令味道更清新。 鰹魚刺身厚切， 魚肉切得夠厚，外皮微焦，魚味濃郁，鮮度十足，入口滑溜，帶少少煙熏香，爽!!汁煮大鮑魚厚切真係不得了，鮑魚煮得非常軟熟又入味，鮑魚汁係用鮑魚肝臟熬製出來的，鮮味極致，鮮味提升咗幾個層次，回味無窮。北海道帶子壽司, 巨型帶子大過手掌，片成薄片，入口滑嫩又爽脆，甜美無比，帶有淡淡奶香，口感一流。沢蟹（炸小蟹）炸得酥脆，連殼都食得，香口又唔油膩，鹹香味濃。三文魚筋位炭燒後出奇鬆軟，魚油香氣撲鼻，入口即溶。炭燒後外層微脆，內裡鬆軟多汁，油脂分布平均，吃一口你就會知道什麼是齒頰留香！大拖羅壽司，入口即化，油脂豐盈，魚肉入口即溶，甘香濃郁，餘韻悠長，真係壽司之王。瀨尿蝦壽司鮮甜彈牙，非常矜貴，肉質細嫩，鮮味濃郁，帶有海水鹹香，口感特別。北海道余市海膽壽司，入口即溶，海膽甘甜濃厚，入口即化，帶有淡淡海水濃香，回甘特別明顯，滿口幸福感！北寄貝壽司爽脆鮮甜，貝肉彈牙，鮮味突出，咬落去鮮甜味爆滿。牡丹蝦壽司非常出色，牡丹蝦鮮甜到爆，蝦肉爽彈，帶有靚蝦應有的鮮甜味，真係一試難忘。蝦肉晶瑩剔透，超級鮮甜，蝦膏黏稠帶香，層次感非常強烈。最後，師傅更親自為我哋加添炮製了日本斧飯（乳鴿煲仔飯）：乳鴿皮脆肉嫩，肉汁滲入米飯，配搭多種菇類，飯粒吸盡精華，層次豐富，香氣四溢。師父先用慢火煎香新鮮乳鴿再放入煲內，米飯吸盡鴿肉香及雜菇香，每一啖都令人回味。 整體而言，呢間餐廳無論食材、刀工、火候、環境，都係超級一流，師傅手藝真係冇得頂，係喺香港難得一遇嘅omakase體驗，絕對絕對值得推介！希望大家都可以去試下，喺香港乜嘢叫做一餐大滿足！！特別多謝擁有超級廚藝的文師傅及其他師傅的熱情獻藝！！鮨月Sushi tsuki 銅鑼灣渣甸街66號 AURA 亨環6樓☎️+852 6798 4438https://www.facebook.com/share/1C5HrYWDWW/…查看更多