更多
2021-12-11
122 瀏覽
今日就朋友在牛頭角工作,見到有幾間餐廳新開,選了駟馬拖車潮州飯店,我太鐘意食潮州野,呢間仲好正宗咁,裝修都好雅緻,店員服務態度都好好,茶方面,叫了荔枝花茶,味道有啲似玫瑰花香,旁邊有個自動出水沖茶壺,可自行加水。潮州菜館必然有小碟,最喜愛甜酸菜,脆卜卜非常醒胃,還有花生,好香脆。叫了蠔仔粥,每粒蠔都漲卜卜,超鮮甜,完全唔腥、粥底好清甜。韭菜豬紅 $48豬紅口感黏,有質感,韭菜味濃,份量好多,抵食。再叫潮州菜特色粉麵,沙爹牛肉炒牛河,超惹味,好香沙茶花生醬味,汁料剛好,芥蘭爽脆,好夠鍋氣。
張貼