馬辣台式鴛鴦火鍋 (創興廣場)

營業中

休息中

前幾日撞返個舊同事，話不如一齊食飯，咁我哋就約咗係旺角！經過見到創興有馬辣台式打邊爐可以任食， 岩晒我同餓底fd 上去拆返餐。我哋六點鐘就上到去冇咩人，可能因為太早， 一出電梯門口都有地方可以等位，而且感覺睇落去都好乾淨，位都唔駛等即刻就入得可以食。一坐低就發覺個位置都坐得幾舒服，夠晒闊唔會覺得迫，就算同隔離枱都有返一定嘅距離。 跟住拿拿林叫個湯底，叫咗個鴛鴦湯底，台式麻辣鍋小辣加西紅柿洋蔥海王鍋。我同舊同事都好鍾意食牛肉！所以有牛字嘅我哋都會叫黎食。 湯底同埋肉一叫就基本上已經即刻到，海鮮都係任叫蝦同蜆都好新鮮同乾淨又無沙。 牛肉一睇落去個顏色好吸引。 推薦梅花牛！ 牛味夠晒重！再嚟呢就有兩款餃子都好有誠意，其中韭菜餃非常足料！其他配料種類超多都食唔晒咁多款， 好小見會有打邊爐有咁多款野食，而且好乾淨衛生！最值得講嘅就係飲品方面， 一般打邊爐嘢飲都係10款左右， 呢度多到數都數唔晒，實有幾款啱你飲。甜品方面種類都唔少， 我自己食咗六款， 雪條糯米糍都有， dryers 雪糕任食。 兩小時每人都係百零蚊超抵食， 下次一定會再嚟。走嘅時候爆曬場！

便宜又有質素@馬辣台式鴛鴦火鍋 這個質素的牛肉任食才不過$160左右，來過幾次了，每次和朋友食完都感到好滿意~ 台灣控想必聽過馬辣，馬辣在台灣是一家非常出名的火鍋店，出名平而且食材豐富連明星都會去的，香港也開了分店，當然台灣食還是最正宗，但香港的馬辣也是令人非常難忘的一家 來馬辣食飯一定要有等的心理準備，除非好似我今日未到6點就上到去~早食就沒有那麼多人，招呼也更加周到呀 人要食飯，手機也要充電!我們的桌有充電插頭可供客人免費充電 飲料都幾十款呀 下火涼茶~最正就是五花茶不太甜，飲起來頗濃郁的 卡位好舒適 花茶都有好幾款 湯底可以免費雙拚，而部分肉類和海鮮類要在點單紙下單 而其他生料則是自助形式!款式多到一個點!!! 水果~蝦沙律~ 水餃是鮮製的。個人很喜歡洋蔥牛肉餃,食起來很香洋蔥味又多汁，很特別 生料架令人眼花撩亂，丸類、午餐肉、、菜類和即食麵等 ，一不小心就會拿了好多食物， 混醬區!都非常精彩!醬油款式很幾多，其實湯底本身己經好夠味，混醬只是給大家多一個選擇吧 即點即整的甜品~好香呀 要留空間食這個PANCAKE，我很喜歡那個皮，有點Q彈，味

幾位好友從美國回歸探我，當然要同好友吃飲一番，她們最愛食火鍋，上網尋找那裡有好味的火鍋去品嚐，發現旺角開了一間特色火鍋「馬辣台式鴛鴦火鍋」，座落於旺角創興廣場，地理環境尚算方便，是一個談天說地的好地方。 地點位於14樓全層，佔地面積很大，感覺舒服開揚，充滿台式的格調，很適合與姊妹前來共渡開心浪漫的一個晚上。 店內空間感很好，人多也不感覺侷促，環境整齊優美，舒適很寫意，乾淨整潔，氣氛輕鬆。馬辣台式鴛鴦火鍋任飲任食2小時，每天都有火鍋提供，分三個時段入座。 馬辣的包裝是一架列車，提供不同的火鍋食材，火鍋材料是自助形式，包括芝士丸、龍蝦丸、菜類、午餐肉、豬肚、滑牛、牛筋等，多不勝數。 蔬菜區，選擇十分多，菜心、生菜、蓮藕、粟米等，可隨意選取。 醬油區都有多款選擇，應有盡有，你鐘意那款任君選擇。 飲品區，汽水及飲品全部都是任飲，選擇多多。另外有橙汁、洛神花茶及竹庶馬蹄水等提供，一應俱全。 甜品區，Dreyer's及fruttato gelato雪糕、布甸及蛋糕等。 免費選兩款湯底，我們喜愛清清地，選擇鴛鴦湯底，分別是蔬菜清湯鍋及芫茜皮蛋湯鍋。 肉類及海鮮用落單方法，同樣可以任

馬辣火鍋去親台灣都會食，但登陸香港後就未試過，今日去try try睇吓咩水準。湯底可以叫兩款，揀咗麻辣一椒同芫茜皮旦，麻辣一椒唔算太辣，適合普通人，好辣之徒可選兩椒。肉類同海鮮要落單order。prime 頂級牛梅花最好食，薄切。其他火鍋配料都好多選擇，盤栽型菜好得意，丸類亦好食，尤其蟹子丸。飲品選擇充足，比市面一般任食火鍋多。環境方面，以卡位為主，2-8人食一流，又方便吹水。重點係有插頭或USB充電，真係無得頂。總結：環境、食材、飲品都係高質，價錢只係$158+10%位 性格比高。唯一雞蛋裡挑骨頭係湯底入面嘅鴨紅太大舊同比較硬，除此之外就一百分！

成日都問一班人最岩食乜野，答案得2個。一係放題一係打邊爐。今日就約左training個陣既一班同事打邊爐，經過創興廣場見到有間係台灣好出名既打邊爐餐廳~馬辣。所以我地就決定係香港試下。講真一入到餐廳有啲失望，環境麻麻地同普通既旺角任食邊爐無乜分別，亦無好濃郁既湯底味道，選擇亦都唔算好多，比較好既只係佢有提供Dreyer’s雪糕，如果有得簡下次都未必會再選擇呢間邊爐。

4個大食人約GATHERING有咩好食,任食打邊爐不二之選今晚去左創興廣場馬辣台式鴛鴦火鍋 ,一去到入座就點左個湯底先打邊爐無個爐點打,唔好急最緊要快台式麻辣鍋拼芫茜皮蛋鍋台式麻辣鍋因為我地點左一隻辣所以都唔算好辣,仲幾野味之後就點左同拎左大量食物,分開個別評論海生蝦,脆肉鯇魚腩.白鱔片,蜆,白鱔片D海鮮好新鮮,蝦唔會梅咬落彈牙可口,白鱔片魚油既香口淥完後完全出晒黎美國頂級牛梅花,美國無骨牛小排,美國安格斯黑牛,美國牛五花,黑豚五花肉,黑毛豬梅花豚肉香得黎好重豚肉味,而牛質素都幾高,脂肪比例上都唔錯,仲重牛香味美食都要加下醬油提升一下同樣飲野都好重要,有大量飲品可以選擇仲有個食第架有大量美食任拎,我D朋友丸皇黎,佢地無丸不歡岩晒佢地,仲有雲吞...食咁多肉都要食下菜,D菜都好多種類質素都唔錯另外仲有甜品櫃同雪糕櫃,岩晒個甜品胃種類又多

今日同幾個朋友約左出去食飯,派下手信..就去左馬辣台式鴛鴦火鍋因為都抵食重點同大食既朋友一定食任食去到就望下有咩食先叫左個台式麻辣鍋加芫茜皮蛋鍋.有辣有唔辣任君選擇,我地叫左一隻辣所以岩岩好,唔會出晒汗另外,叫左美國頂級牛梅花,美國無骨牛小排,美國安格斯黑牛,美國牛五花,黑豚五花肉,黑毛豬梅花,海生蝦,脆肉鯇魚腩.脆肉鯇魚片,是日海鮮係蜆,白鱔片點左D食住先先講海鮮--海生蝦,脆肉鯇魚腩.脆肉鯇魚片,是日海鮮係蜆,白鱔片蝦好實肉,好新鮮,白鱔片都好香鱔味有鱔香味,海鮮都算新鮮美國頂級牛梅花,美國無骨牛小排,美國安格斯黑牛,美國牛五花,黑豚五花肉,黑毛豬梅花--D牛好正,好香牛味.豬就唔會有臭豬味好好食,亦都唔會好肥咬落去油香入晒口另外個櫃都有大量美食任拎拎左好多野,有魚,午餐肉,魷魚大量丸,芝心丸,貢丸,花枝丸,蝦丸等等飲品櫃都有好多野選擇另外雪糕櫃兩大個任食焦糖蛋個皮脆甩幾正

原來食齋嘅朋友都可以去火鍋店同食肉嘅朋友一齊享受打邊爐嘅美味㗎 同呢位朋友食晚飯我通常都係淨係搵齋舖，估唔到係一個巧合嘅情況下睇到openrice一間馬辣鴛鴦火鍋，竟然有兩款齋湯底可以畀我朋友去揀。 而且素食亦都好多，有時令蔬菜、 雜菌、木耳、芋頭、蓮藕、年糕等…朋友仔開心到每樣攞一兩嚿都已經非常飽足同滿足，仲可任飲任食都只係百多蚊!而我呢個無辣、無肉不歡既人亦都大把美味選擇。今日我揀咗馬辣湯底少辣，因為想食到痳辣既同時又食到食物既真味! 果然選擇冇錯醬料方面超誇張，應該有成十幾款俾你揀，我自己就混咗三碟醬:白醋芝麻油花生醬、 花椒蘿蔔蓉、正常火鍋醬料。Yummy!食物方面牛肉種類好多，我每一樣都點，全部都切得好薄，最重要係有唔同既牛味同質感:爽、滑、林、香另外，特別D既食物有花膠、鮮鵝腸、沙猛、火箭魚、甜不辣、北海翅等等，大家真係要去試試!

記得小時候在家吃火煱的機會不多，因為爸爸在酒店工作，每天上班的時間也不一樣，很少機會可以一家六口聚餐，每天三餐都由媽媽一手包辦，也許習慣照顧我們四兄妹，所以偶然一次的火鍋機會都由媽媽來照顧，媽媽事事小心，食物一定要煮熟才給我們吃，所以在家吃火鍋的程序都是媽媽放下一些食物，如丸類，然後就將鍋蓋蓋好，全部食物煮熟了，就開蓋將食物都夾起來放在大碗裡，大家想吃甚麼就夾甚麼，老實說，這種絕對安全的火鍋其實跟媽媽躲在戈厨房裡煮沒多大的分別，言而我們甚少外出用餐，所以一直不知道如何享受火鍋⋯⋯長大了，成家立室，有時回娘家吃火鍋，依然是小時候由媽媽操作的模式，對Nosir來說絕對不習慣，雖然多了帶父母出外用餐，但原來從來沒帶過他們吃火鍋放題，這個不孝女終於記得要帶他們認識一下真正的火鍋是甚麼一回事了，所以今天帶他們來到馬辣來吃一場火鍋放題⋯之前去過荃灣馬辣，地方大，食物又多，印象非常不錯，而旺角店面積都不少，食物款式稍比荃灣少一點，座位仍然舒適⋯火鍋食物集中在巴士造型的櫃內，另飲品的種類也非常多，汽水、果汁、涼茶、花茶應有盡有⋯湯底可以免費選2款，我們選了胡椒豬肚鍋及蔬菜清湯鍋，一邊辣辣地夠刺激，另一

昨天晚上7點同朋友一行2位去試旺角的馬辣，不用排隊直接入。食物方面: 整體食物質素不錯，湯底也不錯，醬料正常，甜品水果雪糕種類也很足夠，飲品種類可以比得上日式放題，各種丸類肉類都很新鮮， 種類都比其它火鍋放題店的都多，這一點值得贊一下。環境方面一般，2人用餐餐桌比較峽窄，對比3/4人用餐餐桌比較宽闊。唯一就是員工的態度很有問題，特別是某位比較年輕的侍應哥哥態度極差!轉菜的姐姐都比佢還好!下次會再去光顧, 希望貴公司可以改善一下員工態度的問題!!!!

馬辣早已聽聞過，在台灣是很好名的麻辣火鍋，在香港開了以後一直都很想試，終於因為連假就選了這裡慶祝一下。我們訂了6點的位置，到達後便可以馬上安排入座，時間尚早還未有太多人在餐廳裡。餐廳大致上都很寬敞，座位與座位之間的空間充足。這裡是任食的，食物及飲品全部都在門口位置，一目了然。食材種類非常多，而且新鮮，基本上我每樣都拿了少量☺️吃到最後肚子真的飽到不行。飲品除了普通的汽水還有其他果汁/涼茶/熱茶，這樣十分貼心👍🏻枱面上還有一張紙是讓你選牛肉及海鮮。湯底我們選了鴛鴦鍋，麻辣火鍋不用說是必點的，朋友怕辣就選了沙嗲。只能就麻辣的味道做得很好，十分之夠味，且不會太辣，讓人吃的很過癮。基本上我只吃著麻辣，都沒有嘗過沙嗲那邊。不斷地顧著吃火鍋，最後都只能吃到一球雪糕，飽到撐不下再多食物。以這個價錢來說，這類真的非常實惠，比起其他任食火鍋，這裡食材種類繁多已經勝人一籌，下次也一定會再來😋

呢日同朋友出旺角睇戲，諗起朋友話食過呢間任食火鍋ok，於是就去試吓啦! 一去到見到有幾枱人等緊，好彩都係等咗陣就入得去。火鍋湯底我揀咗台式麻辣鍋同胡椒豬肚鍋，麻辣鍋湯底有鴨血，好入味，個人喜歡食辣，揀咗2隻辣椒，辣味剛好呀。胡椒豬肚鍋有豬肚，有淡淡胡椒味。醬料有好多選擇，花椒油、炸乾蔥、芹菜粒同大蒜都有，正! 指定食物(牛肉，豬肉同海鮮)要落 order，其他就係自取。白鱔片、脆肉鯇魚腩都好新鮮爽脆 ，蝦同花甲都好ok。黑豚五花肉同黑毛豬梅花都好腍好香。美國 choice 無骨牛小排好腍滑，牛肉味香濃。 丸類、麵、大腸、雲耳、芋絲呢啲都係自取，自取食物種類有好多，放滿4個櫃。菜嘅款式都有好多，大愛嘅西洋菜都有呀!飲品係自取嘅，有汽水、啤酒、茶等，仲可以自己沖熱花茶。雪糕係 Dryer's ，仲有另一牌子同雪條，好開心呀!!! 甜品有驚喜，除咗焦糖燉蛋、麵包布甸，仲有香蕉 pancake等，本來已經食到好飽，點都要用第2個胃嚟裝甜吓品，呢餐大滿足。

之前食過荃灣間馬辣，覺得抵食又多選擇，所以今次約埋外父外母翻兜，但為左近D，就試下旺角創興廣場呢間啦，夠晒方便。去到樓下，條排隊人龍由室內排到出隔離小巴站，認真誇張。不過好在電梯都好快，只係等左10分鐘左右就上到去啦。上面LOBBY張相係食完先影嘅，唔係點會影到馬辣台式鴛鴦火鍋個名啊。下面張相就反映到咩叫人頭湧湧，太多人嘅關係，就算BOOK左檯都要等多15分鐘呀。呢度每位收$158，任食兩小時，9:30PM後入座就$138，星期五至日及公眾假期就每位加$10，每人連加一都唔駛$180，任食黎講絕對抵食。一入去就比呢架馬辣號列車吸引住，車身兩邊就係擺放各種火鍋食材，包括丸類、菜類、午餐肉、即食麵、粟米等等，以自助方式比大家慢慢揀。連醬油區都擺放得整整齊齊，款式都幾多，其實混醬都係一門學問黎架。飲品方面都有好多選擇，各式汽水、韓式飲品、啤酒一應俱全。另外仲有橙汁、竹庶馬蹄水、洛神花茶及夏枯草等等，就算有老人家或是小朋友都照顧到佢地嘅需要。甜品方面，除左必定有嘅雪糕雪條，熱嘅仲有鮮奶燉蛋白同牛油麵包布甸，都幾吸引架。通常喺外面食火鍋，叫兩款湯底多數都要另外收費，但呢度話明係「台式鴛鴦火鍋」，

係嚟自台灣嘅過江龍呀🐉最平138加一就有得食兩個半鐘啦🤤覺得價錢嚟講係香港都算平🤔麻辣湯底落咗好多唔同樣嘅辣椒係入面🌶🌶🌶食落冇出面嘅湯底咁油膩同埋人工👍🏻一般唔食得辣嘅人都可以試下小辣💁🏻‍♀湯底仲有豬紅/鴨血(?)因為我地都唔食所以分唔到呢🙊馬辣嘅特色係超多食材種類揀🙆🏻‍♀基本上講得出嘅都有得食🤗有款麻吉燒好似湯圓咁出面好煙韌入面就係芝麻餡😱另外仲有薯粉配麻辣湯底超幸福😳口感qq的🤗仲有仲有發現韓國公仔面配麻辣湯底好正🤫同辛辣面係兩回事嚟㗎拿😫真係索到辣椒辣味啲面索哂啲湯會漲卜卜👏🏻肉都有好多選擇但係就厚韌咗啲😧追求入囗即融就要小失望了🤢嘢飲除咗罐汽水外仲有自家沖嘅馬蹄水同洛神花茶等🤟🏻甜品唔只有dreyers雪糕仲有慕絲tiramisu好多款🍦一晚真係試唔哂🙈cp值高‼

之前去台灣已經聽過馬辣任食火鍋，今次開到嚟香港，梗係要食下！馬辣舖面非常大，創興14樓全層都係佢地嘅，座位自然又大又舒服湯底、大部分肉類、海鮮類都係要剔紙！其他配料可以自取，夠哂方便今次湯底揀左台式麻辣鍋 (一條辣椒)、芫茜皮蛋鍋雖然麻辣鍋睇落好紅，但唔算太辣，食得辣嘅朋友可以挑戰兩條辣椒！而皮蛋芫茜湯就好香，清清地都唔錯！食牛肉嘅話，我推薦安格斯黑牛較重牛味、脂肪比例適中，又唔會太多筋！可以點多啲嚟食！另外重點推介蜆 (是日海鮮) 同脆肉鯇魚腩 兩樣都好新鮮，特別係蜆，隻隻都識開口，蜆肉都唔細架！最後梗係要以甜品收尾，有超級多唔同選擇，包括鮮奶燉蛋白、焦糖燉蛋同雪條最吸引係Dreyers雪糕，一共有五種口味，回哂本！