馬辣台式鴛鴦火鍋 (創興廣場)

馬辣台式鴛鴦火鍋，位於旺角，人氣度都幾高😎能夠係美食齊集既創興屹立咁多年係有原因既✨今年8周年做優惠，身份證數字有「8」就有折👍🏻2.5小時任飲任食百幾款，自取區多野食到眼花撩亂，點既肉款式都好多，仲有手工甜品區😻1664生啤都有得斟，太豐富太吸引！🫶🏻花雕醉雞鍋🐓煮滾左就好香花雕味，足半隻雞，又鮮又嫩滑，好高質既鮮雞件，加埋濃得離奇既酒香🤩即刻加埋雞子同出面拎既醉雞，滑到爆超好味🤤胡椒豬肚鍋，帶咸鮮味，淥咩都啱，海生蝦，爽身好味，沙白好鮮👍🏻脆鯇又係另一個必食，堅脆彈又濃魚味🤗鮮製既旺菜牛肉餃，足料皮滑，韮菜豬肉餃好濃味好正😌牛魔王駕到👺放題套餐B，牛肉升級有埋極尚無骨牛小排，油脂好靚好味😋手切肥牛，鮮味同牛味都正，一口牛，有咬牙帶肉汁👍🏻其他選擇都好唔錯，安格斯牛肉大大塊，口感好滿足，精選牛五花都好好味，啲牛肉加蛋汁滑一滑咁入口，好爽😻仲有手工甜品區，真即叫即做無預製，好味又貼心🤤真係超超超多選擇既火鍋放題，食材飲品都零次貨，好高質🥺仲支持留港消費有香港收據就有優惠，每晚開到凌晨1點，有咩辦法唔支持！🤞🏻…查看更多

創興呢個地方真係好神奇，由細到大佢都係一個搵食既地方。而家嘅創興有多家放題嘅餐廳，其中呢間主打火鍋放題。要突出自己，佢哋有好多唔同優惠 : 身份證有”8”就會有折扣，憑全港消費票尾每枱-$20，生日優惠6人入座一人免費，聽落都幾著數。直接比鴛鴦湯底，不另收費，唯一係每位加$30升級醉雞煲。本身佢哋主打台式麻辣鍋，麻辣味幾刺激，另一邊花雕醉雞煲，好香花雕酒味，一大碟雞又多肉。直接揀B餐已經有晒極尚無骨牛小排，手切肥牛、一口牛頂級牛梅花、特選安格斯黑牛、精選牛五花、黑豚五花肉、黑毛豬梅花、頂級小肥羊肉、白鱔片、海生蝦、脆肉鯇魚骨腩、是日海鮮、雞子、紐西蘭青口，同埋脆肉鯇魚片，淨係食晒呢度都夠做。自助區都有好多唔同嘅丸類菜類。酒水方面，任飲1664都幾吸引，亦有其他啤酒汽水。想食甜品，有專人即製甜品，格仔餅，棉花糖，焦糖燉蛋都有得食。…查看更多

旺角呢間麻辣台式鴛鴦火鍋超多人，都排左好耐隊🫣試下究竟好唔好食？間餐廳由中午12:00開始去到凌晨1點，開放時間都幾長～今次我哋晚上入座，我哋揀咗$228的B餐，包火鍋任飲任食2.5小時！時段由lunch到宵夜都覆蓋到，慢慢歎都有充裕時間，啱晒一大班朋友聚會🍻我哋嗌咗花雕醉雞鍋同埋佢哋最出名嘅台式麻辣鍋湯底～花雕醉雞鍋根據食客每位加$30，有半隻雞花雕生雞自己放落去～煮幾分鐘就食得啦！雞肉都幾滑，而且酒味濃郁，都值得一試💪花雕香撲鼻，熱氣升起嗰陣酒香更明顯另外麻辣火鍋係佢哋招牌，唔算太辣，辣度都幾友好，帶有小小藥材味，入邊仲有鴨血，都值得一試～藥材香同辣感平衡到位，鴨血滑溜入味，啱晒唔食重辣嘅朋友🌶️如果飲酒嘅話仲有生啤飲任飲～另外仲有多款汽水茶飲，飲品種類都多！啤酒控可以盡情暢飲，唔飲酒都有汽水同茶飲揀，配辣鍋好解膩🍺肉類都非常豐富，呢個餐有極尚無骨牛小排、手切肥牛、一口牛、頂級牛梅花、特選安格斯黑牛、精選牛五花、黑豚五花肉～牛羊豬款式一應俱全，落鍋秒速吸湯，肉香即刻彈出嚟～個人覺得牛小排比較嫩滑同埋腍D，牛梅花相對牛味濃郁啲但係就冇咁腍～可以先試牛小排感受嫩滑，再用牛梅花追返濃郁牛香，兩款交替食更滿足👌B餐仲多左白鱔片、海鮮蝦、黑毛豬梅花、頂級小肥羊、脆肉鯇、雞子、紐西蘭青口～鍾意食海鮮可以直接揀B餐，其實都係貴$20🤤海鮮同肉類一次過兼顧，$20升級換嚟更多選擇，CP值幾高🦐如果嫌唔夠食，外面仲有近百款火鍋配料～蔬菜、丸類、炸物都應有盡有！食飽之後仲可以去甜品區，有麵包布甸、窩夫同埋棉花糖～鹹甜收尾都有照顧到，食到最後都仲有小確幸🍮🧇間餐廳都非常得意，如果攞住任何香港嘅消費單，喺晚市惠顧仲可以減$20，記得帶齊消費單，小小優惠都係錢，埋單更開心～…查看更多

真係會一年四季都想打邊爐㗎😮‍💨今次嚟到一間晏晝有無限時任食嘅火鍋店夜晚時間都好平 只需要消費低至$208加一就有兩個半鐘任食加多$20 姐係$228加一 仲可以食到更多高級啲嘅材料添包括手切肥牛 極尚無骨肥牛小排 頂級小肥羊 白鱔片 黑毛豬梅花 脆肉鯇等另外店舖非常良心 只要曾經喺香港消費 憑單消費單據尾票每台可減$20都做緊啲限時生日優惠 六人入座 一人免費😍❤️只要叫一個鴛鴦火鍋 從枱每位客人只需要加$30 就可以轉做花雕醉雞煲雞嘅份量都有成半隻咁多 價錢真係想當實惠🫶講緊任食任飲嘅係包括所有飲品 連生啤都有 仲有甜品雪糕雪條 熟食 水果啫喱 格仔餅都有🙌🏻 而其他肉類一樣可以任食 只需要掃QR code最緊要職員服務態度好 環境又坐得舒適 食物質素又唔差 又多款選擇絕對啱晒一班朋友嚟吹水打邊爐😆.…查看更多

最近約朋友去旺角馬辣打邊爐，記得以前這裡食材超豐富，今次去多了些新變化，順便同大家分享下真實體驗～ 先講最加分的環境！餐廳空間夠闊落，座位之間唔會逼到貼身，坐得好舒服，冷氣溫度亦啱啱好，打邊爐唔使食到成身汗。裝修簡潔光猛，桌面同周圍都好整潔，加上QR code點餐够快，唔使等服務員落單，朋友傾計食嘢都好自在，家庭聚餐或者朋友敘舊都好適合。 食物方面要提下新改的套餐：而家分A、B兩款，A餐價錢平少少，但配料選擇相對簡單；B餐貴啲，但火鍋料會豐富啲，果然一分錢一分貨，大家可以根據人數同喜好揀。鴛鴦湯底依然在線，麻辣夠香、清湯夠鮮，涮肉涮海鮮都好惹味；新鮮薄切的牛肉片、彈牙的蝦同飽滿的蜆，食材新鮮度冇走樣，炸腐皮、豆腐這些經典配料也唔少。 不過同以前比，確實有幾樣可惜：自助配料區少了几款舊日有的食材，雖然補了新款，但始終少了啲熟悉感；甜品最鐘意的香蕉班戟冇咗，換成格仔窩夫，口感同味道都遜色一截；飲品款式亦比以前少，選擇冇咁多。整體算落，而家價錢貴咗少少，但食材同飲品選擇反而減少，有啲唔抵。 好在2.5小時任食時間夠充裕，食材補貨快，味道亦保持到水準，如果你著重環境舒適，又唔太執著舊款食材，呢度依然係旺角打邊爐的一個選擇。…查看更多