馬辣台式鴛鴦火鍋 (創興廣場)

營業中

休息中

本來我對任食的餐廳無特別喜好，因為本人食量真係戰鬥力唔高。朋友建議食哩間既時候，我好怕食一大堆肉，但佢話哩間係好多配菜既，所以就有興趣試下。點左酸菜白肉湯+麻辣湯麻辣湯幾正，惹味得來辣得啱啱好，又唔係死辣。不過後尾自己傻傻地，加左檯面既清湯，搞到越來越淡味，後尾先叫侍應幫手加翻辣湯。酸菜湯就係未試過，酸菜係好多既，但食落無咩味，建議可以試其他。大量配菜，每樣都係點人頭量，咩都試下，因為怕食唔曬就唔好啦  XDD野食都唔差既，大推-黑色墨丸！！有咬口都有鮮味，入面又有墨魚粒粒，好味上面係落單寫既一份是日海鮮-蜆，蝦同黑毛豬梅花蜆算無咩泥，亦都無咩特別。蝦就幾爽口新鮮，豬肉都唔錯。好多配菜，上面就係各種丸啦。仲有好多既內臟！啱曬我~調味料！對火鍋非常重要！朋友調左碗簡直係酸辣粉既味 XD我就比較鐘意落大量蒜粒同芫茜啦雪糕！主打Dreyer's，我就比較鐘意下面既雪芭，味道幾特別同清新。最好每樣“不”少少，試曬D味。整體來講，我覺得合格有多既，主要係食物新鮮同多款。不過性價比就正常價錢每人185，但門口又標158加一，其實唔知係咪加左無講啦。所以都可以去下，如果係旺角行開，又想食下火鍋既話，

與友人開餐，選擇火鍋放題就多數唔出事，咁多款食物，梗有岩食！先選擇湯底，有辣有唔辣，麻辣湯底果然夠辛辣，用黎烚牛肉至岩味；另有其他丸類/菜/餃子及其他配料，夠多樣化！唔辣係芫茜皮蛋湯，烚菜及菇菌都ok! 任飲任食二小時，仲有雪糕甜品，腰圍多左幾吋先走！勁呀！

完全失望，名過其實，食物平平無奇，全部都系丸、丸、丸，服務員工工作無heart，服務態度差劣，問非所答，理解能力低，禮貌欠奉，香港年青人工作態度就是如此hea住做，連高級嘅員工服務態度也是如此差，做壞台灣嘅大品牌。湯底令人失望，麻辣無麻辣味，祗有香葉味，酸菜白肉無酸味，一句講晒無味，鴨血質素差，太大件，牛肉一般，豚肉還可以，蝦還算新鮮，食品款式選擇不多，無熟食，飲品選款還可以，值得一提系雪糕款式較為多選擇，有雪芭。要去正宗嘅都系去台灣食啦！

近排先知原來馬辣黎到香港喂！點解啲fd 唔同我講㗎去台灣最鍾意嘅火鍋店就係馬辣黎到香港，小弟呢個打邊爐狂熱當然要試下入到去好多人等，好彩早左去，一路食啲人就排晒隊塞爆個電梯大堂入到去都幾搞笑，有部黃色車放滿食物，食物選擇都多有好多菜，連牛柏葉個啲都有而且好新鮮，服務員不停狂fill真係辛苦晒丸類唔洗講啦 仲多添講到肉類，質素可以比得上台灣嘅馬辣而且肉亦好新鮮一碟一碟上可惜我同朋友都細食想食多啲都食唔落最欣賞佢有飯蜂蜜牛奶雪糕 好香滑好好食仲食左兩杯添！

今日有朋友帶我嚟食馬辣台式火鍋我見個價錢都幾平本身都不抱任何期望但點知原來都幾多配料俾我哋選擇最令我深刻嘅配料就係花膠無諗過百幾蚊嘅火鍋任食放題都有花膠食真係養生之選

旺角有很多地方打邊爐，心血來潮想食之際，上openrice發現此餐廳雖然已經是一個月前惠顧，但想起此餐廳質素，我覺得還是要上來推介一下。由於太餓，當天沒有拍任何照片便開動了值得一讚是當天星期五晚上人頭湧湧，雖然很多人輪候，但20mins walk in的我們便已經有位安排任飲任食，價錢非常相宜雖然它們的台式麻辣火鍋不是最正宗最好的，但一分錢一分貨，這個價錢可以任飲任食，又有海鮮可叫，自家制餃子，雪糕甜品雪條很多款式，算是不錯了而且裝修很新，環境不錯這間火鍋店會再來的

跑步是為了讓自己吃更多！大家係運動場練完跑，就齊腳去「馬辣」食過痛快！由於我地跑完沖埋涼都已經10點幾啦，所以係唔需要排隊ga，一坐低大家已經好有共識，各自去做自己要做既野，拎野飲既就去拎，攞野食既就去攞，好有默契。 本身自己對馬辣既印象唔錯，款勁多！整係醬料區都有成20款比你慢慢揀。䜴油、蔥粒、蒜頭、辣椒...等，依啲一定走唔甩，但佢仲有花生醬、白醋、黑醋、花椒油...等等，任均選擇。但我最欣賞馬辣既係，佢啲「肉」！！唔會好似出面個啲餐廳咁，食完都唔知自己食緊咩肉。絕對係宵夜最佳選擇！！

夜晚同左好耐冇見既朋友去左打邊爐，佢揀左呢間，好抵食既任食打邊爐👍🏻👍🏻我地叫左馬拉沙嗲鍋，同胡椒豬肚鍋（我朋友食，唔係我口味🤣）佢有得雙拼既，所以就揀2款！好似喺屋企打咁🤣🤣我地係一路係咁叫肉類，係咁叫，所以覺得好值！佢啲牛係好薄身，一放入去鍋就已經熟哂咁滯！牛好新鮮，唔唉身～ 尤其係安格斯牛👍🏻👍🏻 推介！佢既海鮮都唔錯，唔會壞左，雖然唔係生猛，但唔係腥既味道！👍🏻整體算幾好，抵食既👍🏻

環境擠擁，地方污穢，等候時間極長，完全沒有服務。同朋友一齊黎慶生，完完全全無晒mood，叫左野食好耐都無黎，要三吹四請，唔想受你就最最最好唔揀呢間啦。費事一肚氣咁走。

去過2次都要等位，於是轉食了其他，今次專程訂了位品嚐佢了，麻辣湯底好正，唔算好辣，内有鴨血，通常都係猪紅多，有鴨血好驚喜大大舊食落去好juice,唔騷，超鐘意食，追加了一次再加上配菜味道岩岩好，唔使點醬都正👍🏻配料都唔差，新鮮蝦同是日海鮮都好新鮮牛五花我最鐘意食，半肥瘦飲品款式都多，就是沒有啤酒🍻雪糕味道好多，榴連味都有，正呀 ！另外仲有一邊是即整既banana pancake勁好食，食了4個甘平既價錢食到甘好既質數，唔怪得甘多人等

真係嬲到特登要開ac上黎寫食評！新開張時還好，去過幾次，印象都還好，但依家多人食之後，服務員大部分都態度差。由其門口接待個女人同埋短髮女經理，兩個態度差到不相上下。話說琴晚同朋友慶祝生日，book左食飯，點知接待個個做野做到好似鬧人咁，態度差樣又黑口黑面咁，已經搞到心情不太好。入座後個女經理最不得了，帶人入座帶到叫狗咁，朋友行錯枱，佢竟然大力拍手叫我朋友兼大聲講：「喂！呢到！」，咩態度依家？對客人唔叫先生/小姐不但止，仲用咁差既態度，食個生日飯食到一肚氣！以後唔會再黎！

今日約咗幾個老友出旺角食飯，去到創興中心樓下，看見很多不同的食店，但見到這間叫[ 馬辣台式鴛鴦火鍋 ]，個名好似幾特別，所以便上了去一上到去見到門口有三大個楊桃燈籠，另外在電梯旁邊也有一個度高度的電燈柱一望向店內，便見到一架大的火車頭，兩面原來是放滿了火鍋食品，環境也很寬闊 除了外面的食品外，也有很多肉類可提供選擇撰來一個鴛鴦鍋底❨台式麻辣鍋+胡椒豬肚❩，麻辣湯底不算太辣，但仍帶一點麻香味講島肉類選擇也很多，內裏包括牛*豬*羊等，特別以牛有4款選擇❲ 分別有小梅花#無骨小牛排#安格斯黑牛#牛五花❳，豬就有黑毛豬梅花及五花肉兩款，羊就只有小肥羊肉一個選擇，想不到已飲食的價錢，也能提供這樣的優質肉類，但看相片已知道，美味肉質與脂肪分佈均勻，而我最喜歡都是這個小梅花， 牛味濃郁脂肪，肥但不會油另外也有本地牛肉鵝腸及雞件等其他肉類，雞件方面嫩滑爽口魚也有數款之多肉質也新鮮， 鯇魚片還是脆口的也提供多款蔬菜籃場內除了汽水也有很多飲品及甜品供應其中內裏也有一款懷舊的飲品沙示當然唔少得五花八門的醬油其實真係以一百多蚊的價錢，便能夠享用多款的美食及甜品，絕對是性價比高的選擇

旺角創興中心真係好多嘢食，今次嚟左14樓呢間打邊邊，除左因為佢就腳方便，仲因為佢有自製洋蔥牛肉餃同埋韮菜豬肉餃，兩種餃子都包得飽滿結實，最重要係冇乜味精同埋唔會覺得咸，洋蔥切粒做餡料，入口之後洋蔥嘅甜味充滿口腔，而韮菜豬肉餃同樣冇乜味精及唔會一味得個咸字，結結實實的餃子𥚃面充滿好多韮菜，入口咬左一啖之後，嗰啲韮菜獨有嘅香味四溢口腔之中，啱晒喜歡食韮菜嘅我。當然呢度仲有其他打邊邊嘅指定動作，鴛鴦鍋底丶海鮮丶豬肉片丶牛肉片丶肥牛片丶各式肉丸丶菇菌、蔬菜丶瓜類丶韓式公仔麵丶烏冬丶鮮牛肉及各式冷熱飲品(沒有酒類飲料)等等都算有好多樣嘅選擇。另一原因我揀嚟呢度打邊邊就係呢度有好多款靚雪榚雪條，特別係芒果雪榚同埋士多啤梨雪榚𥚃面有真材實料果肉唷！

平時食開日式放題，食黎食去都係個幾間無咩新意，今次有友人指點帶我去呢間台式火鍋任食舖，黎個新體驗。餐廳座位好夠闊落，走廊同座位都有足夠空間走動，俾食客可以舒舒服服咁行出行入夾野食。餐廳設計裝潢亦十分獨特，將自助bar設計成台灣火車，十足十去左九份十份咁，台灣情懷認真濃厚。放眼望去，自助bar可供自行挑選嘅火鍋料應有盡有，仲有專人定時定候送上補給，保證夠曬新鮮。餐廳亦十分貼心，除左一般飲品之外仲有涼茶，消暑得黎解火鍋既熱氣。湯底可選兩款，我地揀左麻辣湯底同芫茜皮蛋，另外肉類係任點既，我地主要試牛、豬。兩種湯底味道亦好濃郁，有辣有唔辣，岩曬食唔到辣既朋友仔；最值得嘉許既，係湯底料好足，湯底絕非水賴賴既感覺，豐富既湯底味令人愛不釋手，忍唔住開動！睇下幾豐盛，有各式各樣既火鍋料，仲洗得非常乾淨，令食客好放心。肉類亦好新鮮，厚薄度剛好，一落鍋無耐就食得，認真夠鮮味。最後仲食左個蜂蜜味gelato，估佢唔到係出奇地好食，唔會太甜，罪惡感都少啲！同場加映仲有dreyers雪糕，非常高質。

最近”友人”同朋友食過馬辣，仲予以好高既評價，就決定親自去試下係咪咁正。2人被安排坐側邊卡位，幾舒適。5點幾已經有幾枱食客食緊，時間尚早，食客比較少都唔算嘈(“友人”話上次8點幾食超多人，好嘈，傾計都要講到好大聲)。馬拉沙爹鍋&台式麻辣鍋(2隻辣椒)馬拉沙爹鍋，”友人”認為馬拉味好突出，有一陣好特別既香料味道，類似豬骨湯既馬拉味，幾惹味，唔錯。而我就更傾向普通既沙爹湯底。至於我最期待既台式麻辣鍋，2隻辣椒既麻辣湯底望落好辣，但食落又唔算好辣(個人覺得大約等於三哥3小辣)，連唔食得辣既”友人”都食到。馬辣既麻辣並唔係雲南米線、三哥或雞煲既麻辣。之前買過2款台灣麻辣火鍋醬(寧記同狀元)，馬辣都唔係個隻麻辣。我可以話馬辣既麻辣鍋係有好足料既湯底，但我並唔鐘意尼個麻辣(好失望)。主要係唔鐘意入面既一陣味，但又唔知係咩湯料有尼種味，似係藥材? 嗜好麻辣既我都寧願食隔離既沙爹湯底。不過應該有其他人識欣賞。醬油配料選擇多，唯豉油好似唔夠咸。另外仲有白飯同滷肉蛋供應。馬辣有4款牛提供。“友人”覺得4款牛都好食，佢最鐘意美國牛小排，我就最鐘意牛梅花。溫馨提示：每個盤上都有顏色標示屬於邊款牛。紅色：美國p