馬辣台式鴛鴦火鍋 (創興廣場)

營業中

休息中

老媽話想食任食邊爐，上網搵到呢間餐廳，見食評都幾好所以就試下。一坐底卡位都叫舒服，有任拎既醬汁可以自己調味，唔錯   豬肉、牛肉同海產要寫紙叫既，其他食物例如丸類、菜同甜品就唔駛，可以出去任拎。先講湯底，叫左雙拼既芫茜皮蛋湯同蕃茄湯。兩款湯底都唔係好濃味，食唔出分別。灼左幾片肥牛同豬肉片，切得好薄，無咩味道，肥鴿食左一兩片就無食    反而海產有鯇魚、蝦同蜆，食落算係幾新鮮，清清地都唔錯頭先都講過自助區有丸類同菜等等，好在款式夠多，連花膠仔、湯丸呢D比較少見既食材都有，菜都唔係只得大路既生菜菜心。野飲除左有一般既汽水橙汁，仲有沙冰，甚至可以自己沖熱花茶，肥鴿就沖左一杯熱玫瑰花茶    甜品既話除左雪糕，仲有雪米粚、MOUSSE、布甸等。另外仲留意到佢有一些熱食，例如台式鴨血，真係好多選擇，但係味道都唔算特別出色。其實$158加一呢個價錢都唔貴，今時今日去得放題都預左唔會太計較質素。唯一肥鴿比較在意既係覺得佢既餐具比較污糟，而且地下有時都幾跣，老人或者小朋友行路都要比較小心  之前睇過有D評論話佢地職員態度一般，但今次去到又唔會WOR，反而幾有禮貌同耐性，值得一讚  

第一次去旺角呢間食火鍋，叫咗麻辣味同沙嗲味鴛鴦鍋，兩隻味食落無乜大分別，都係好淡。不過呢個價錢食物質素都唔會預好高，所以都可以接受。環境一般，服務一般。連筷子都比漏咗一條，仲要聽到其他食客都係咁。不過都算，最不能接受係間餐廳完全無通風系統，食餐飯好似去做蒸臉treatment咁！食過咁多間邊爐，真係第一次比煙薰到躁，嬲到特登上黎打劣評！打過邊爐嘅人都知道食完個身會有一大陣味，平時都習慣，洗完頭沖完涼就會無味。但今次比啲煙薰足個幾兩個鐘，完全唔見有通風系統，但啲風就完全吹向我嗰邊，連隔離位個邊爐啲煙都一齊飄去我到，大煙到連鍋入面啲餸係咩都見唔到。仲要返屋企洗完頭沖完涼第二日仲係有好大陣味！以後都唔會再幫襯！

第一次寫食評，因為真係好嬲之前食過幾次覺得好抵食除夕夜特登叫屋企人過海食4/5日前book左4位但家姐唔得閒所以2日前打去改左3位兩個鐘頭前佢再打黎confirm點知話冇mark低改左3位，幫我mark翻低我諗住實ok la點知屋企人上到去佢話3位或以下唔俾book仲話同事「應該」有同我地講我同你同事講左兩次電話佢都隻字不提如果你有同我講冇得book我會唔會叫屋企人上去攞位咁傻我呀媽仲係本book位簿上見到我個booking肯定係嫌3個人賺少個所以話冇位la除夕夜搞到成屋人掃興，幾好食都假

#LuBie旺角#LuBie火鍋#LuBie台式呢度最少都黎左五六次 因為一大班人多數都係搵個就腳既地方 坐低 食自己想食既野 吹下水咁啦。要就晒咁多人口味 打邊爐就應該係最可以fulfill到大家，想食咩就拎咩 呢度絕大部分野食都係自由 得一啲鮮肉類係要剔紙落單既姐。🔽火鍋湯底呢度都有近十樣選擇，我地就揀左鴛鴦鍋 要台式麻辣同埋胡椒豬肚湯湯底。湯底正正常常 夠味既。要用紙仔揀既既肉類同海鮮 都ok既 色水幾靚 味道都可以 無咩點漏單 呢方面要讚一讚。🔽其他火鍋配料既選擇都幾多 質素正常 唔會有太大驚喜，飲品選擇都多 仲有幾多項既甜品同雪糕選擇。鐘意食飯既朋友可以食下佢地呢度提供既 魯肉飯，我就食唔到咁多野 無試到啦。🔽總結黎講 如果唔洗等好耐位的話 呢個價錢同質素都ok 食得過既。📍馬辣台式鴛鴦火鍋📍旺角彌敦道601號創興廣場14樓#hkig#hkfood#foodpics#foodblogger#instafood#foodies#cuisine#foodshare#foodgasm#foodphotography#hkfoodie#foodseekerlu_bie#吃貨#相機食先

天氣開始轉涼最好食火鍋又來到旺角搵食嘢今次試另外一個台式火鍋馬辣麻辣火鍋 之前在台灣食過充滿期待的去食座位寬敞舒適食物選擇都好多 而且感覺很新鮮飲品又多款，又有花茶，甜品除了雪糕雪條，也有布丁慕絲等等，水果都有，好正喔我們當然選了一個麻辣湯底另一個就清清地的芫茜湯底香噴噴的火鍋上來，牛肉都好快來到朋友選了三款牛肉全部都好靚好吃，不斷再點牛肉肉又嫩又滑，沒有很大的雪味我們仲食了好多火鍋配料 好多都好好食推介雪櫃的烏冬，好滑好味食埋雪糕就完美了

性價比超高的台式火鍋店今日天氣終於凍，同朋友去打邊爐，朋友話係荃灣食過馬辣好好味，見旺角有分店就同我去食下😍😍😍朋友真的無介紹錯👍🏻真心好高水準的火鍋店。我們排左一個鐘先有得入座，不過都值得等待首先，佢個火鍋湯底有得揀2款我們揀左胡椒豬肚鍋+台式麻辣鍋（小辣），2個鍋底都好入味，胡椒豬肚鍋可以當湯來飲，好岩冬天👍🏻肉類都好高質，有7款不同的牛肉，豬肉和羊，頂級牛梅花和安格斯黑牛好重牛肉味，黑豚肉都好出色👍🏻😋仲有海鮮類都好新鮮，食左生蝦同白鱔片，我們不停甘叫白鱔，實在太好味另有，餐廳中間有個拎丸，菜和其他火鍋配料的巴士櫃。其實選擇都好多元化，不過我們專注食肉類，就好少拎另外，飲品真的不得不提，因為好多高質的飲品！居然有Hoegaarden ，道地烏龍茶😍😍😍仲有好多款甜品雪糕🍦假日仼食2小時都係$168加一真心性價比好多，而且食物飲品的選擇都好多，質素又好👍🏻

之前淨係係台灣間馬辣食過但淨係去台灣先食到 見香港都開左分店 梗係要去試下啦 去左旺角度食 我地6:30左右到 等左唔係太耐已經有位 揀左皮蛋同胡椒豬肚湯底另外叫左啲牛肉 質素可以接受。丸、菜同醬料都設為自助吧！可自行揀選自己鐘意嘅食物 我覺得種類數量都好多 有兩大個凍櫃放滿唔同食物，甜品水果櫃都有兩個。飲品任飲，有兩個雪櫃嘅飲品 仲有一啲自助針嘅，有夏枯草 雪梨茶🍐茶包⋯最吸引係食飽仲可以黎個dryers 雪糕🍦個肚真係滿載而歸。

同事聚餐揀放題，火鍋放題就岩哂，唔洗煩又唔會太貴，依間位於旺角既火鍋放題就相當抵食晚飯時段都爆場芫茜麻辣雙拼鴛鴦鍋，就返有食辣同唔食辣嘅同事主要都係肉類，海鮮選擇不多，將貨就價，有蝦有蜆算係甘主要都係肉類塞飽你，食下豉油味就一餐，如果著重質素既朋友未必岩

排好耐隊但都好值😇😇😇😇😇雖然無台灣馬辣咁多野食 但係香港黎講性價比算好高👍🏻👍🏻👍🏻👍🏻下次應該要book位先去唔洗等咁耐🙇🏻‍♂️🙇🏻‍♂️🙇🏻‍♂️🙇🏻‍♂️🙇🏻‍♂️ 食物好新鮮同埋出得好快😋😋😋😋😋但同其他放題一樣會按量比 所以大食嘅人就要分開幾張紙去落單啦🤣🤣🤣🤣🤣個湯底都好夠味夠辣👅👅👅好正🙌🏻🙌🏻🙌🏻🙌🏻🙌🏻

創興一向都係火鍋店集中地天氣轉涼就好想打邊爐啱啱開店時食過不錯，就約friend再食點知。。。有少少失望湯底味無以前咁濃胡椒豬肚湯無左胡椒味好的是仍然有湯料-豬肚，豬紅(麻辣湯底)食物方面，丸類，蔬菜，雞，餃都不停有refill可在十分小火車設計的雪櫃自取特別推介醉雞，醃得好入味淥熟後仍有酒香味，酒香不會被湯底蓋過飲品亦不錯，有韓式飲品，汽水，涼茶等等牛肉片，豬肉片係畫紙叫既有安格斯黑牛，不會太肥，薄切唔韌仲有雪糕，雪米糍，即制香蕉pancake朱古力味雪糕夠濃仲有果仁👍🏼

今日身體唔多舒服，一坐低朋友出去睇下有咩啱我飲，沖左兩杯熱花茶比我，好在唔係得罐裝飲品。點咗沙嗲湯同麻辣湯，麻辣湯好小辣，個沙嗲湯蝦味勁重，用嚟打邊爐啲嘢食味道變得好怪。羊肉同豬肉都可以，脆鯇幾好。其他料都係嗰啲大路嘢，不過不失。菜嘅種類都多選擇，打邊爐都要照顧健康。炸魚皮好過樓上，唔會過咸，但響玲就油淋淋咗啲。食咗啖魯肉飲，油到不得了。甜品就麻麻啦，不過雪糕就見到有好多款。埋單實在夠平，飲任飲食，不過同一棟仲有好啲嘅選擇。

今日同女朋友想食火鍋 查到呢間入到黎 2人座等位比4人座等得耐好多首先環境ok既 算係睇落乾淨又舒服食物方面 各種牛 豬 羊 就係無雞 但係好食既湯底 叫左台式麻煩 中藥味有點重 d煙吹到我唔舒服 叫個皮旦湯就最好了 另外d丸都好食 有雪糕自己挖波波食 又有雪條 雪糕波好食 仲有d甜品無心情食飲品罐裝類唔算多 但勝在有好多其他野飲可以倒185一丁友 抵！

轉季口痕想打邊爐，一定會諗起馬辣。今日同男朋友見天氣涼涼地，就想打邊爐❤️ 因為無book位。又係星期日，所以真係等左好耐，reception較常入左walk in既大枱先，所以2人枱真係有排等🤦🏻‍♀️，我地等左個幾鐘先有得入座............湯底方面，我地簡左麻辣+酸菜白肉。麻辣選左較多辣椒🌶️，個人認為不算太辣，但有啲咸，湯底唔香係佢最大的弊端。白肉就較清淡，無咩味。食物、調味料、飲品、甜品🍮等都係以自助形式，自己出去攞。食物款式選擇好多，偏港式風味多於台式火鍋。至於牛肉同海鮮要就寫紙仔落單，值得一讚的是無漏過單，叫幾多碟就俾幾多，等候上枱時間亦唔算好耐👍🏼牛肉就正正常常，牛味係少啲，牛肉質素參差，要睇運氣，有時啲牛肉靚仔啲，有時就差啲。個人認為幾種牛肉分別都唔係太大，牛梅花好少少😗甜品🍮方面有啲蛋糕仔，pudding，雪糕有dreyers，牛奶樂，糯米磁等。有2個鐘時間都好充裕，可以慢慢食❣️當晚有好多枱生日，係度大唱生日歌，好熱鬧，睇到我都有啲羨慕，有一大班朋友真好😭

$170兩小時任食(包埋牛、海鮮、丸類...), 湯底有水準 , 雞肉鮮味👍, 甜品雪糕有特色, 野飲選擇多, 唯一差是味到時間就趕快收枱執野趕人走。下次會再光顧, 熱烈推介!!😋😋

晚上6點入座, 等湯底等左半個小時。想飲啤酒又無, 問佢點解, 佢話無酒牌, 我地明明係網上見到係啤酒任飲, 而家去到話無酒牌, 如有需要可以幫我買, $5一罐, 大家要留意, 網上話既啤酒任飲係假既, 因為佢話"無酒牌"。味道亦非常一般, 又被催促結帳, 趕人走, 呢個價錢, 唔值。