馬祖台灣養生湯麵館 (V Point)

營業中

休息中

呢幾日涼涼哋，最好就係食返d熱辣辣嘅嘢，湯麵就係最街之選！呢間餐廳嗰名仲要寫明養生，懶健康嘅我無理由唔試吓佢有幾養生。Lunch時間都唔算太多人排，餐牌上選擇好似好多，但其實只係一款菜式分咗辣同唔辣😂 叫咗個牛腩米線，d牛腩望落都幾大舊，不過食落就有少少鞋口，味道方面都唔錯嘅，令我覺得驚喜嘅係個湯底，竟然好清甜仲有少少藥材味，唔似平時食牛腩麵嗰種濃湯味，我仲係個湯入面發現真係有藥材定湯料(紅棗嗰類)🤔 我好少食湯麵會飲埋個湯，因為成日覺得都係味精多，但今次真係飲得過，食完覺得真係幾養生😳

見到銅鑼灣大熱 ，所以就嚟試吓話說冬天又就到，係時候要養吓生要咗墨魚丸，餃子養生米線🍜-餃子有兩粒，係灣仔碼頭水餃，同屋企煮一樣，完全沒有驚喜，感覺好失望-米線好大碗，不過米線煮到好林，冇乜咬口 -墨魚丸係特別，驚有啲似燒賣咁前菜要咗個菜，係有驚喜，因為湯底喺養生湯，變上可以飲多一碗湯 但其實你食完一大碗米線🍜，米線自己都有湯，未必會飲得晒。在場冇見到有人可以飲得晒米線嘅湯，所以只有開心🥳沒有實際用途而米線湯底比較啖，所以唔好諗住好濃郁嘅藥膳味，淡淡的清香而已本人比較喜歡食辣，所以米線湯底太清淡，加辣又變到沒有意義，所以不是十分喜歡嘢飲普通正常，有無糖嘅選擇適合養生人士總結：每一個餐都大概要$100性價比- 飽肚- 讚不過性價比二食物質素來講，應該有更好嘅選擇

本身諗住去食刺身既，但見天氣轉涼🌪去到又唔想食生冷野，就行個轉睇下附近有咩岩食🚶🏻‍♀️。見呢間餐廳係cwb黎講價錢算相宜💰，望入去都多人食（個時12點左右🕛），就揀左呢間😆。入到去，成版menu有好多雞🐔🐣既湯麵或飯既選擇，藥膳雞、蟲草花雞、醉雞、黑蒜雞，全部都係雞🐓🐓🐓。我就點左藥膳農場醉雞米線🍜，朋友點左花枝丸米線，再加個鹽酥濃汁手打牛丸。話明養生，點會至得雞。上到枱見到碗麵都嘩左一聲🗣，份量唔少，仲有好多紅棗，杞子，同木耳。試下啲雞，就算浸左係碗湯度都仲有酒味🍶，質感都好嫩口，唔錯。濃汁手打牛丸外皮炸得有啲硬，但內裡一啲都唔乾，仲有汁。湯底都唔太咸同濃味。對得住個價錢💲💲。行開cwb又想食得清啲，價錢化算啲，可以考慮下馬祖😋。

米線有很多種，我自己最常吃養生類。其實就是養生湯底當中 #馬祖台灣養生湯麵館 便吃過兩次囉吃過中環店，今次就來到銅鑼灣店。星期六下午過來大概要排10分鐘才有位。不過這邊有卡座，坐起來比中環店舒適。✦ 藥膳養生湯墨魚春卷拼白菜豬肉餃米線 ($65) - 湯底有杞子、紅棗，味道超甜的喔!!我加了$10轉手工麵，其實有點少貴喇不過麵條質感很彈牙，是滿好吃的。墨魚春卷沒什麼特別驚喜，豬肉餃的話調味幾濃，另外皮有點厚就是。✦ 藥膳桃膠農場雞米線 ($67) - 朋友點的這個～桃膠頗多啊！而且聽說很養顏護膚，所以不少女生喜歡吃。✦ 香辣藥膳牛肉湯米線 ($77) -已經選了一隻辣椒還是十分辣！如果本身只能吃到微辣的話大概吃不了喔

桃膠除了煮糖水，原來還可以加紅棗，雲耳，子，配上主打~農場雞和米線混合享用，別有一番台式風味，值得一提，吃完沒有感覺口渴，湯底清甜，米線彈牙而不會太韧，值到各位試試。😛😄👌👌清湯農場雞泡飯，講下農場雞，鲜嫩軟滑，不肥不膩，落幾棵芫荽，令整個感覺更清新。👍👍👍

馬袓養生米線藥膳養生湯墨魚春卷白菜豬肉餃米線 $65首先湯底好養生，真係會有紅棗丶龍眼肉呢啲！所以成個湯都好甜，好清新，感覺好健康😆👏🏻👏🏻墨魚春卷係一粒粒咁樣，都幾好食！墨魚味都食得出 份量雖然唔算多，但都可以接受☺️😝白菜豬肉餃都幾好食 不過個皮就比較容易散，午市如果加$8就有嘢飲，特飲同普通餐飲一樣價錢☺️所以揀咗杯金橘檸檬特飲！酸酸甜甜都幾唔錯😄呢個價錢銅鑼灣食晏晝都可以接受，位置都幾闊落！

🍴🍜養身湯米線 馬祖養生湯面主打養生湯底米線，米線連湯都可以飲用。📍藥膳桃膠農場雞米線 $67 🔸評分：4.8/5剛好筆者的一碗被分到一件雞翼和一件雞腿，開心🥳 雞肉嫩滑啖啖肉。米線中附大量元肉、木耳、杞子和桃膠，桃膠軟綿綿像啫喱般，湯底鮮甜美味，滋潤養顏。米線爽滑不易斷，是高質的米線。店中提供的辣椒醬充滿辣椒絲，勁道十足。📍愛文芒果茉莉花茶 （跟餐價$10）🔸評分：3.5/5這杯芒果特飲有點讓人失望，原因是有點像藥水味，味道亦頗甜。🔸小總結：米線份量足，物有所值，乾淨企理，味道好，會再回訪。👅 味道：4.7/5💰CP值：4.7/5🕴🏻服務：4.8/5🔰餐廳環境：4.8/5👀回頭率：4.8/5🍽 餐廳：馬祖台灣養身湯麵館🌐地址: 銅鑼灣登龍街18號V Point 地下2號舖

馬祖台灣養生湯麵館喺銅鑼灣登龍街附近搵食，見到呢間主打台灣米線，相當吸引，我同朋友決定試一試，果然好有驚喜😋，大家可以試下😍一人套餐~$98有一碗米線，有一款小食再加飲品，我揀咗藥膳麻油雞米線，再配麻辣鴨血三塊，藥膳麻油雞米線，湯底非常清甜，入邊會有啲紅棗同埋紅棗，真係非常養生啊，啱晒女生食💓正，雞都非常之嫩滑，好香嘅麻油味配埋一齊好好食，麻辣鴨血亦都相當唔錯，好似返咗台灣咁，懷念嘅味道，嗌咗個無糖茉莉花茶，幾好飲喎，唔係好甜，好清嘅茉莉花味😊藥膳養生湯農場雞米線~$65朋友叫左呢個藥膳養生湯農場雞米線，都非常之好食，少咗麻油味，佢話反而個湯更加好食，啱晒啲唔係好鍾意食重口味嘅嘢凍檸茶~$23正正常常😍馬祖台灣養生湯麵館🏠：銅鑼灣登龍街18號V Point地下2號舖☎️：56030500

雞肉分量充足，每舊都很嫩，有淡淡麻油香味，十分好吃！米線份量也很多，有咬口，同樣好吃！另外配料有雲耳、芫荽。藥膳湯底很清甜，有龍眼、紅棗、杞子，湯底好味！馬祖值得推介。

今日去咗銅鑼灣做facial由於時間比較趕所以就去咗附近睇吓有咩食記得之前同朋友都嚟過一次同埋最緊要坐得舒服所以就決定咗再嚟一次快快食完就好開心做facial la~.去到因為得半個鐘頭時間食好彩lunch time都唔算多人.我就order jor1. 香辣農場雞米線2. 凍奶茶 走甜少冰.佢哋都做得好足規矩如果兩個人唔識嘅一齊搭枱都會再用分隔嗰個膠.杯凍奶茶嚟到嘅時候我忍唔住叫侍應比隻杯我幫我筆晒所有冰出嚟有啲懷疑佢究竟係咪唔記得咗幫我少冰.佢個香辣農場雞米線米線都幾多嘅味道都相當濃亦都好有養身嘅味道而佢嘅雞飯起碼都有四五舊大大嚿嘅但係唔知係咪因為想啲雞滑d有一件入邊仲有少少紅其他都OK佢仲有啲紅棗啊喺面都OK啦

去到銅鑼灣係想食米線啦，本身想登龍街有間雞湯米線係好食嘅，行個圈又見到呢間食台灣米線，望入去空間幾大，咁啱又唔洗等位就入左去食啦menu選擇多，一入到去都會聞到少少藥材湯味，見藥膳米線似乎係主推，叫左碗香辣牛肉湯手工麵，同埋藥膳麻油雞米粉，餐廳可以叫set,會配埋台式特飲，我地就飲左愛文芒果茶牛肉手工麵，牛肉湯唔算好濃，外面有試過普通啲台灣面餐廳，未入去已經好大陣牛肉湯味，自己就唔係咁中意嘅，呢度個味道個人覺得合適，牛肉入味，腍而唔鞋口，麵就食得出唔係外面機制果類，口感少少煙韌，蘿蔔，就不嬲係肉湯精髓，甜又夠腍麻油雞轉左新竹米粉，一出黎已經見到果層麻油湯底甜甜地又有麻油香，如果個麻油味道再多啲會更加好，雞不過不失，份量足夠，特意轉新竹米粉因為唔係周圍有得食，個人最中意呢個藥膳湯底價錢黎講我地冇叫其他野食人均70左右喺銅鑼灣呢個位置好合預算，想食米線可以再黎過

點了一份「晚市一人商務套餐」，小食選了鹽酥墨魚春卷。根據餐牌表述，小食份量為三條。由於店員傳上一份看似一條被分成三粒的春卷，存疑情況下，向該名店員了解是否出了什麼錯誤。期間，一名態度極度惡劣的女店員走過來表示該店開業至今一直以此標準上菜，更提議本人如有需要可以提出投訴⋯ 😤食品明顯與餐牌表述不符，該名女店員何以如此理直氣壯？！餐廳有這樣的一個員工實屬不幸⋯ 但願這餐廳能夠加強員工培訓、好好經營下去～

馬祖在銅鑼灣的分店主打藥膳米線，每碗都夠哂足料，養生又健康😆養生組係時候起行啦！🔆藥膳農場醉雞米線$𝟞𝟟醉雞的香氣與藥膳湯底互相融合，酒香四溢😋湯中加入不少紅棗、杞子，飲落清甜。已經分不清我到底係食米線飽，定飲湯飲到飽🤣醉雞有4件，不算滑嫩，但大件多肉🐔整體份量充足，男生👦🏻吃都會好飽黑糖冬瓜茶(跟餐加錢)野飲都很大杯!食滋補嘅藥膳米線，個身都會食到熱，飲番杯冰涼飲料就岩岩好😎

銅鑼灣登龍街是條有名的食街，餐廳食肆林立，幾乎甚麼菜式都可在這條街上找到，而這一天，我與老婆仔夫妻兩人，就在這條街上的這間「馬祖台灣養生湯麵館」 吃了一頓健康又好味的台灣米線午餐。「藥膳麻油雞米線」（$66）是我的午餐選擇，麻油雞是台灣的特色菜式，這裡的麻油雞皮光肉滑，藥膳湯也相當清甜，配以滑溜的米線，我覺得比配白飯還要好。老婆仔的午餐比我更加健康，她的「藥膳養生湯白菜豬肉餃米線」（$59）湯中因為沒有麻油關係，味道更加清甜，白菜豬肉餃的味道也不差。兩碗米線的共通點是這裡的藥膳湯，湯中下了大量的木耳、紅棗、圓肉、杞子、芫荽等藥膳食材，甚為健康，怪不得這天在這裡吃午餐的，大部分都是女顧客呢！還想吃點菜，便加了一份「上湯浸時蔬」（$22），這菜雖只是營養價值不算高的西生菜，不過上湯中有不少紅棗、杞子等有益健康的食材，就貫徹這間台灣館子的養生主題。至於飲品，兩夫妻都揀了「無糖茉莉花茶」（跟餐價 $10），十分大杯的茉莉花茶，沒有下糖，沒有甜味，只有茶味，清而不澀，絕對是健康之選。可惜這間在香港島和新界區已有數間分店的「馬祖台灣養生湯麵館」還未在九龍區開分店，要是它在油尖旺等九龍鬧市開分店的話

馬祖台灣養生湯麵館 (V Point) (銅鑼灣)銅鑼灣登龍街18號V Point地下2號舖藥膳養生湯農場雞米線 $95 (MENU SET)藥膳湯底真的很濃郁～🎵🎶湯底入口舒服，飲得出煲嘅材料十足😋除左碗上眼見嘅紅棗，湯頭屬甜甜地，應該有用蟲草花做其中一款材料去煲湯(?)😋藥膳湯底味道濃郁之餘，係覺得順喉嘅！🤤飲得出無落味精～ 濃湯但一d都唔 “確喉” 👍🏻 湯底清澈，如圖所見，只有十分少量的油分係面，但個人認為，以濃湯加上雞件嚟講，有油分是正常！😋增添香味🤤雞件嫰滑，墨魚丸大粒，紅棗清甜而且入晒d湯味～蘿蔔清甜入味、腍，但咬落有根～最後，大胃小編係飲晒成碗湯嘅～😋香辣藥膳牛肉湯手工麵 $105 (MENU SET)係藥膳紅燒牛肉湯底，相比起藥膳雞米線，藥膳牛肉湯的中藥材味比較重！牛肉件，大件，啖啖肉，腍得嚟有咬口，唔嚡口！唔韌！😋手工麵掛湯，蘿蔔清甜入味、腍，但咬落有根～總結： 回味無窮！健康！會再嚟食 + 飲曬d湯🤤😋