馬拉公公

營業中

休息中

今日去屯門探個朋友，晚飯時間佢帶我去一個叫Go Go  Mall嘅商場買外賣。原來嗰度有個food court，有唔同種類嘢食，都幾特別。唔熟悉屯門嘅我完全唔知有呢個地方， 我哋行咗兩個圈，決定幫襯呢間叫馬拉公公嘅馬來西亞餐廳， 因為我同朋友都係馬來西亞菜嘅粉絲。餐牌都好多選擇，價錢相宜，我哋叫咗怡保芽菜雞絲湯河粉，同埋咖哩豬軟骨飯，店家話啲芽菜係由馬來西亞運過嚟㗎，同平時香港食嘅芽菜唔一樣，非常推介。 我哋外賣拎到返去，仲好夠熱，一打開就聞到好香。怡保芽菜雞絲湯河粉　（HKD44）個河粉本身比較清，所以我哋跟店家建議，加附送嘅魚露落碗河粉度，味道即刻提升咗又幾夾喎! 芽菜粗身， 勁爽口好正，果然冇介紹錯！芽菜今次絕對唔係配菜！ 咖哩豬軟骨飯　（HKD48）辣度方面，對我嚟講都算小至中辣，剛剛好，個豬軟骨整到好林，可以吸到咖哩嘅味道，而軟骨好林之餘仲保留到少少爽口，口感唔錯又美味！加埋白飯好快就清曬。好開心搵到間CP值咁高嘅馬來西亞餐廳 

午餐同同事黎左GoGo Mall食，自從變左做Food court都幾想黎食野㗎，貪呢度多選擇嘛。是日試下馬拉公公，見佢幾有人氣，同事又鐘意食辣野，加上咁啱佢對面又有吉枱，哈哈。落完單會比個牌仔，響就可以出去攞，有無人覺得個公公樣好有Southpark feel？哈哈。一人一碗粉同飲品，大約人均60元左右。同事碗檳城福建蝦麵，紅紅的好似幾辣喎。麵條揀了滲滲，油麵加米粉雙重口感。湯底鮮味帶辣勁，飲多幾口後反而覺得無咁辣了，啲海鮮味帶返出黎，好味呀，同事食完仲飲哂成碗湯。豆卜係吸湯恩物，吸飽湯汁超正，其他配料仲有蝦球，蛋，魚片同肉片，鹹香鮮味，好食。自己點左白咖哩海鮮滲滲，淡淡的椰香飄埋黎啊。湯底濃郁鮮味，微辣對胃，雖然唔似同事咁飲哂成碗，但都飲左四份三㗎，我覺得好好味呀，鍾意佢個咖哩香。配料有魚蛋魚片，爽口彈牙。蝦球也是十分爽口，而且處理得很乾淨，同樣有豆卜同雞蛋，另外仲有大量芽菜，啲芽菜肥嘟嘟的不是本地貨啊，整體黎講樣樣都好味，不錯吃。飲品加了怡保白咖啡同桔仔話梅冰，咖啡好香但略微甜了點。話梅冰第一啖飲落去覺得好鹹，攪混後再篤下塊青檸就好飲多了，清新鹹鮮，是適合夏天的飲料。唔錯唔錯，有

屯門新墟GO GO MALL上的半層美食廣場內，有不少隱世特色小店美食廣場環境清潔舒適，裝潢都幾精緻食物煮好就會響起領取提示🌅檳城福建蝦麵摻摻 $49 + 怡保白咖啡+$7🌅白咖啡出產地就係馬來西亞，怡保白咖啡香濃易入口，咖啡味道慢慢回甘，甜中帶香👍🏻紅卜卜的湯底衝突視覺，原以為會非常辛辣，但食落又唔係太辣，而且調味剛好，滲滲底以油麵加上米粉，呢種粗加幼的組合完全吸收哂湯底精華，大蝦彈牙鮮甜，加上芽菜選用肥粗品種，咬口更有層次，然後配料有豆卜，雞蛋及魚片，很足料👍🏻🌌馳名豬頸肉滲滲 $47 +美祿+$7🌌這個椰香湯底的椰味非常濃郁，椰子味道突出，加上甜而不膩，個人比較喜歡這個湯底的口味，而豬頸肉是香茅醃製，香茅極之突出，非常正😁總括而言，作為晚餐呢兩碗滲滲都非常足料及飽肚，味道很不錯，值得再次光顧😄👍🏻

侄兒這個搗蛋鬼使媽媽忙到不可交加，連買菜煮飯的時間都沒有，故她打電話給我，叫我買她的晚餐之餘，也買自己的份回家吃。最後我去了Gogo Mall的馬拉公公買外賣，下雨天特別想吃點辣的暖暖身體。媽媽素來喜歡吃撈麵，我特意為她點選了南乳雞翼黑醬干撈麵。南乳雞翼吃起來不但不油，且口感酥脆，南乳醬香突出，媽媽覺得南乳雞翼口味與咬感均出色，大推這南乳雞翼。黑醬乾撈麵沒有太大負擔，馬拉公公的麵條真的有夠彈勁，富有十足的勁道，不是一般麵食可比較。黑醬油味帶鹹香，乾撈麵有著自己獨特的風味，拌入蔥花，芽菜一起吃，可提升黑醬乾撈麵的清爽度。至於無辣不歡的我則吃檳城白咖哩豬頸肉滲滲，檳城白咖哩滲滲配料組合相當豐盛，大量豆卜，豬頸肉，雞蛋，芽菜等，白咖哩湯頭濃郁，有著咖哩和椰奶的香氣，加上適中的辣度，喝起來超級開胃，挺好喝的。豆卜吸飽白咖哩湯汁，滋味無窮。豬頸肉處理別出心裁，先以黃薑醃漬，然後再拿去酥炸，豬頸肉外脆內彈，香味撲鼻，不錯的吃。滲滲即是米粉配油麵，一次過可以吃到兩款粉麵，跟我在馬來西亞旅行時風味相似。

今次食嘅係呢間馬拉公公，主打正宗檳城美食。同其他餐廳一樣，佢哋都出咗個抗疫晚市套餐，$40內都有好幾款選擇，非常抵食。不過我今次叫咗其他，食嘅係白咖喱吉列豬扒飯($46)。女友就叫左檳城亞桑海鮮叻沙($48)!!仲叫左份雜錦囉吔☺️☺️😋白咖喱吉列豬扒飯呢個配搭真係冇得輸，叫外賣返到屋企，塊吉列豬扒都仲熱辣辣，脆卜卜！！白咖喱汁香濃，香料好足，真心推薦✌🏻✌🏻 檳城亞桑海鮮叻沙十分足料，湯底同喺馬來西亞食嘅喇沙都非常相似，椰奶味濃，搞到我哋連湯底都差唔多飲晒👍🏻

疫情影響下gogomall變咗死城都係外賣回家食阿公介紹檳城美食白咖喱雞絲滲滲 $46佢個色水有啲似叻沙但我本身唔鍾意食喇沙唔抱有希望 因為平時食既咖喱唔係咁嘅而食落咖喱味反而有驚喜佢真係咖喱味啲配料其實都幾多呢個咖喱汁愈食愈開胃而且同個面幾夾晚餐來講呢個價錢其實唔貴薄荷咖喱奶炒大蝦配白飯$52呢個我超推介佢個咖喱奶係超級香因為有奶嘅關係 佢個咖喱唔會太辣個汁撈飯係一流而且啲蝦唔會話好細隻個汁真係可以撈兩碗飯食

好耐冇入屯門探朋友了，朋友帶我來雅都商場，原來go go mall入面咁多野食我都唔知呀！之後我比呢間店名吸引左我去買來食，佢叫馬拉公公 😄😄😄。 冇得去旅行周圍發掘美食， 唯有係香港食返唔同國家地方的菜式補償返。馬拉公公係食檳城美食：✡南乳雞翼黑醬乾撈麵 ～ 超鍾意佢地的南乳雞翼好入味好香， 而且仲要用我最鍾意的黑醬來撈乾麵，簡直一流。✡檳城白咖哩豬頸肉滲滲 ～ 好香咖哩味，有dd辣，但辣的程度可以接受到的， 豬頸肉燒得好香口， 米粉加油麵的配搭好夾好掛湯。🥤涼粉西米冰 ～ 甜甜地好涼爽的感覺🥤怡保白咖啡 ～ 好香滑，果然白咖啡係好飲d。我見都好多人排隊買外賣， 等我下次路過再買撈麵回家食先。

呢日約咗朋友上屋企玩，樓下就係雅都商場，一樓就係gogomall food court，都幾多唔同美食選擇，我想食撈麵，但又唔想凍撈，所以最後揀左呢間食馬拉食物嘅店，點左個雲吞叉燒撈麵；佢地嘅撈麵係可以揀麵底嘅，有粗麵、幼麵、油麵可以揀落單後大約等10分鐘就有得拎；你會睇得出麵量好多，相信男士都會夠食；雖然係撈麵，但唔會好乾，有用到一定份量汁黎撈👍🏻另外配左個酸汁，好酸想開胃d嘅可以自行再加酸汁撈；餸菜都唔少，目測同麵各佔一半；叉燒幾片、雲吞3粒，半隻蛋、芽菜，賣相都算豐富

去完一田買水果後，便去附近的Go Go Mall覓食😋最近都偏好食辣，所以就外賣了甚少食的馬拉菜一試：🥢檳城白咖喱豬頸肉滲滲問過店員，滲滲即是油麵和米粉的混合，平時已甚少食油麵，油麵加米粉這配搭更是未嚐過，而且餐牌上的白咖喱系列又有皇冠圖案👑，就決定一試😋白咖喱的椰奶味很香，除了有豬頸肉外，還有雞蛋、豆角、芽菜、及豆腐乾，豆腐乾吸收了濃郁的湯底，入口爆汁真的正👍🏻湯底少少辣，很惹味開胃，非常適合只能接受少辣程度的我😆🥢檳城肉骨茶食馬拉菜怎能不點肉骨茶？！肉骨茶份量都幾多，有豬軟骨、冬菇、雞蛋及油炸鬼，豬軟骨及冬菇非常入味，湯底雖然幾香，但若味道鹹一點會更好！🥢桔仔話梅水話梅味重，味道酸酸甜甜，幾清新開胃，非常適合夏天解渴👍🏻值得一提的是湯底與麵是分開盛載，由其是肉骨茶，更以食物袋獨立包裝及封口，非常方便我由屯門外賣回元朗享用，抵讚👍🏻

屯門雅都商場有個 gogomall food court, 有台灣、東南亞、各種小吃 ， 總有一款啱食 ，可為美食天堂 🤗"馬拉公公" 餐牌款式多多,店員姐姐話食材來自馬拉，肉骨茶、喇沙就食得多，今次就來一個馬拉撈麵啦🍲雲吞叉燒黑醬干撈麵估唔到馬拉有呢款，幾港式😆擺碟尚算靚仔，瘦义燒，有口，雲吞啲蝦彈牙👌麵既份量唔少， 冇港式鹼水味 ， 麵質都唔錯 👌肥美爽甜馬拉芽菜好好食、夾埋特色醬汁撈起食😋😋😋 飲埋桔仔話梅水， 夠曬消暑呀😚

這次去了屯門雅都商場Gogo Mall的美食廣場覓食，裡面有很多不同款食的菜底可以到。 這次我們去了一家吃檳城的美食，主打馬拉菜式的。 我們點餐後就搵位置坐坐，然後再去取餐吧🤤。💥檳城肉骨茶配白飯 HKD$52，第一次肉骨茶，湯底味道挻香不會很咸，裡面的肉是豬軟骨，肉質挻腍身有咬感。 配有蛋和豆卜，配合醬汁來吃味道較惹味，份量不過不失吃到飽飽的。💥薄荷咖哩奶炒蝦配白飯 HKD$52，首先就吃吃咖哩汁吧，發現味道很濃郁，感覺咖哩的味道是小辣。 裡面有數隻大蝦，肉質爽口不會腍身，這個咖哩用來拌飯確實不錯🤤。另外可以有跟餐加HKD$4有熱飲，選擇了熱奶茶和熱柚子蜜。 熱奶茶味道挻特別，奶味較重一點，但不用放糖已經帶點甜味挻好。

困住冇得飛，個種鬱悶相信大家都好有同感..一年必去一次馬拉嘅朋友話帶我搵檳城嘅味道..真係咁勁？朋友帶左我去呢間寫住檳城美食嘅「馬拉公公」係商場foodcourt入面，價錢公道，即管一試各點左一個餐！雖然用即棄容器，但份量都算大方好食得辣嘅朋友點左呢碗紅卜卜，滿晒料嘅Hokkien蝦麵呢碗滲滲就係油麵溝米線啲馬拉回憶返緊黎料有：大片豬腩、蝦、豆卜、半粒蛋..麵唔會淋身，有啲咬口，豆卜吸晒啲湯，入口爆汁好滿足！因為佢嘅湯真係抵讚，辣味夠勁，但絕對唔會蓋過濃濃嘅蝦味！朋友估店主係用蝦頭熬湯! 下次返去問下店主係咪先(翻啅指數高)我就點左份Nasi lemak! 加炸小雞脾椰漿飯好香~~畢啖飯，加啲花生魚仔，再加啲正宗馬拉辣醬，nom nom nom認真滿足。炸脾仔熱辣辣唔會話好似擺左好耐咁..food court有咁嘅standard..其實我真係好感動幾啖飯，啜啖凍Milo...哇..夫復何求朋友杯薏米水都好正，清清地，唔會一味辣落去，成個set好滿意講真，掛住馬拉嘅你，一定要黎..(老闆娘話佢真係馬拉人，啲食材真係黎自馬拉..掂啦)

今日嚟到雅都商場，自從呢度開咗food court之後就成日嚟呢度食嘢，今日都諗咗好耐先諗到食咩好，一於就特別啲食下馬拉嘢啦😛😛檳城福建蝦麵($49)🥘一睇呢碗麵感覺好豐富，紅卜卜咁真係有少少辣㗎，而佢嘅面比較特別叫做滲滲，面底係油面加米粉🍤🍤配料有蝦有魚蛋有豆卜有蛋又有豬腩肉，重口味嘅朋友一定會鍾意！墨魚滑釀雞翼配乾咖喱（ $20 ）另外跟餐加咗個小食🍗呢個雞翼真係好特別啊，炸雞翼入釀咗墨魚滑，啖啖肉，點埋乾咖喱嚟食好味😋咖喱豬軟骨飯（ $45 ）佢嘅咖喱椰漿味好濃，比起印度咖喱多咗一份香味，豬軟骨嘅份量都好多🍖而且薯仔炆到好淋好入味，好出色👍🏻👍🏻我哋跟餐叫咗啲特別野飲，馬拉無糖黑咖啡（加$6 ）、🍹桔仔柚子蜜（加$10 ）咖啡係加咗煉奶，所以雖然無糖都有甜味，因為會比較滑，有子物加咗一粒桔仔，感覺比較清爽，最啱夏天飲！

繼續晚上禁堂食.1) 雞絲喇沙2) 海鮮喇沙雞絲撕的比較粗身 而且肉質不乾 個人很喜歡海鮮那款的蝦很爽口彈牙 不錯兩碗都配有半隻雞蛋 更滿足麵底是油麵加米粉兩款配喇沙湯底都很好吃啊湯底微辣 有很香的椰味不油膩.另外配了兩杯飲品凍奶茶和凍咖啡都是馬來西亞式 比較甜的那種但有冰 飲起來也不算太甜吃完少辣的麵 再喝一口凍飲 好正呀😋

因為疫情關係，轉左食外賣多，屋企附近雅都商場轉型做GOGO Mall開小店做foodcourt，選擇多，諗住買返屋企啦，原來呢度啲枱仲有開放，但上限二人，咁岩見有位，就決定堂食。行完一個圈，見到馬拉美食，有種好懷念嘅感覺呢！就揀左馬拉公公，食粉麵最岩我口味。呢間都好多選擇，都揀左陣先揀到心水。我同屋企人最後揀左：檳城亞參海鮮叻沙 - $48亞參叻沙醬味道好香濃，未食已經香氣四溢，食落就覺得好濃魚味添！蝦夠爽，魚蛋同蛋片都好彈牙添！白咖哩豬頸肉滲滲飯 - $46聞到白咖哩嘅椰香味，但唔算好濃，豬頸肉份量多，做到夠爽身，食落唔會一路油食完先發現底部墊左好多芽菜同生菜。😆咖哩馬來酥餅 - $20酥餅外鬆內軟，唔煙韌，配香辣咖哩一齊食夠惹味夠開胃！馬拉拉茶 - $6 (跟餐) 凍飲感覺較甜，食完咖哩解辣係唔錯嘅選擇！整體感覺口味無馬拉咁重，易入口啲，可能係就返香港人口味。