馬拉公公

營業中

休息中

屯門一帶雖然美食都算多，但係馬拉嘢食就唔係十分常見。今次黎到屯門新墟一帶既gogo mall搵食，間野叫馬拉公公。呢間餐廳位於商場入邊嘅food court裡面，周圍嘅環境都算舒適乾淨，不過有個唔好處就係點餐要自己取餐。諗唔到食乜好問問店員推介，就叫咗個咖喱雞配白飯，同埋檳城福建蝦麵。兩個菜式既賣相都靚，首先試咗個咖喱雞，望落好似細細兜，但食落都幾多料，咖喱汁夠香辣同濃郁，啲雞啖啖肉，同埋薯仔有夠粉同入味；蝦麵又有相當濃郁嘅馬拉風味，湯嘅辣味同咖喱汁嘅立美截然不同，相比起咖喱汁辣一點，而入口時會食到濃濃嘅蝦湯味。另外加配左兩杯野飲，桔仔話梅冰同凍薏米水，兩杯飲野各有不同，桔仔同話梅既配搭非常醒胃，飲完仲可以食埋粒甜話梅；而薏米水都算係足料，味道清新甘甜，相比之下比起話梅冰清淡一點，而兩款野飲都同食品既辣非常配合。總括來講，自己其實都唔算係十分之食得辣嘅人，但呢間餐廳嘅辣都算易接受同入口，相比起辣味，我覺得辣椒嘅香味更突出，而價錢確實唔算貴，所以喺屯門新墟一帶，如果諗唔到食咩，又想食下馬拉嘢的話，馬拉公公都算係一個唔錯嘅選擇。

今日離開屯門行街 新墟睇戲最平就係人都知 隔離呢個雅都商場上面竟然翻新咗做一個food court 我就揀咗呢間馬拉公公去做我嘅午餐啦下午時間人都幾多不過唔太難等位 餐廳採取自助形式 先點餐畀錢 然後就可以自取啦我就揀咗個檳城肉骨茶湯同埋飯係分開上非常貼心湯底係深啡色一嚟已經聞到濃濃嘅藥材香同埋胡椒香味 入面仲有冬菇 支竹 一字排等等嘅材料 超級豐富 一字骨炆得又淋又入味 用筷子一夾就散 而且唔會太乾湯底撈飯食非常開胃 感覺上好滋補另外加錢叫咗個檳城白咖啡 咖啡味香唔太甜 不過略嫌有啲淡

以往沒有察覺到這個商場原來有個美食廣場😃與朋友在附近看完電影後，朋友說這邊的美食廣場有不同國家的菜式，價錢也較平民，便在這裏找吃的。台灣、泰國、馬來西亞的都有🥰真是花多眼亂🤪最後選擇了這間～🔶檳城福建蝦麵配豬頸肉+滲滲被這個👉🏾滲滲👈🏾吸引，所以點了它😂原來是👉🏾油麵+米粉👈🏾😯沒吃過這個組合！以為會很奇怪，可是粗粗的油麵夾雜着很幼的米粉，不會滿口都只有滑嘟嘟的油麵口感👍🏾增加咀嚼時的口感度～ 湯有濃濃的蝦味，很鮮啊！湯的辣味在口中不斷徘徊，讓人醒神🙌🏾豬頸肉超厚超大塊，蝦也彈牙，啖啖肉～超好食的😚🔶咖喱雞+白飯這個除了雞之外，也有炸豆卜，十分香脆😋即使浸了湯也不會變軟軟的👍🏾雞肉很滑嫩，更令人意外的，是雞腿😱很少食店會有雞腿的！多數都只有雞胸🤩超正！這個汁料有少許辣，辣味不會太厲害，很適合不太吃辣的人，而且用來拌白飯一流😋🔶桔仔話梅冰有大大粒話梅，鹹鹹的，又帶一點甜味，真醒胃！也很解辣🤩吃完辣的東西喝這個一流啊！🔶泡沫咖啡這個是帶甜味的凍咖啡，也是解辣不錯之選🤪就算吃了辣東西，喝完這個中和了一點，罪疚感也少了點啊😉⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️檳城福建蝦麵配豬頸肉（滲滲）$47桔仔話梅

新墟嘅Go Go Mall越來越多食肆聚集喺個商場入邊，所以今日決定去掃一掃街可以一次過食好多唔同嘅嘢呢個地方真係好正。今次最主要就食咗呢一間，《馬拉公公》叫咗呢個馳名檳城呀參喇沙米線同凍檸茶😋😋材料都十分之多有大蝦🍤魚蛋，魚片，雞蛋仲好特別咁有菠蘿🍍都係第一次食有菠蘿嘅喇沙米線🍜個湯底酸酸辣辣😋😅😅好好食😋真係要食辣先至好叫🤭同埋湯底充滿左肉絲口感幾豐富😋檳城白咖喱雞絲滲滲配青檸梳打白咖喱充滿咗三濃濃嘅椰香味😋大大嚿嘅炸油豆腐吸晒啲白咖喱汁真係好味👍😋仲有好多嘅雞絲同埋雞蛋，麵底係油麵再加米粉😋😋

去睇戲前食個快飯， 知道雅都有個food court, 一直未去過就諗住一試，一向中意食馬拉嘢， 就揀左lee間店員介紹下， 試左白咖喱豬頸肉滲滲及檳城肉骨茶飯， 另有一杯薏米水及白咖啡，food court相對都係抵食， 百零蚊就攪掂先講白咖喱豬頸肉滲滲， 一黎到好香咖喱味， 食喇沙就多， 有白咖喱未試過，原來咁食又真係幾香， 加上湯好濃， 豬頸肉亦好嫩而係份量都多， 有意外驚喜肉骨茶湯飯比想像中油， 但好香口的， 睇得出用心之作，味濃肉又多， 兩個人一齊食都爭d食唔哂， 加埋個飯食， 最後都係飲哂d湯，因為真係好香好好味最後講埋兩杯飲品， 夠大杯。 仲要用環保紙飲管， 咖啡夠香， 薏米水我就無飲， 朋友話唔太甜， 確係性價比好高既餐廳，會再黎食

每次黎Gogo Mall都試唔同嘅餐廳，今日就寵幸呢間馬拉菜。選擇好多，有飯有麵。辣死你媽仁當牛坑腩睇個名都可能唔知係咩，之前食過「辣死你媽」所以知道係椰漿飯，而「仁當」英文翻譯係curry。店員好好，會提示我飯要等一陣先有，但由於真係好想食飯，所以繼續等。椰漿飯，白雪雪。食落令我好有驚喜，有淡淡的甜味出嚟，點解飯都咁好味！飯係比較張口，唔係粒粒分明，更加令到佢有少少似甜品。辣死你媽有青瓜、蛋、小銀魚、辣醬做配菜，成個飯都好層次、口感豐富。仁當牛坑腩，食完其實唔係好知道同普通咖喱有咩分別，總之好味。佢啲咖喱係乾身，醬嘅質地，微辣香口，送飯一流。牛坑腩有4-5舊，煮得岩岩好，又夠好入味。最後記住要加$5，就有杯拉茶！拉茶唔會過分甜，有茶香。好開心屯門有間咁好味嘅馬拉菜！！

行經雅都商場，聽朋友講過話上面有個go go mall,是個food court, 傍晚時分唔多人，就搵下有無好野食。見到一間叫馬拉公公既，就去試下。同朋友叫左檳城肉骨茶飯、白咖喱豬頸肉摻摻。先講白咖喱豬頸肉摻摻，色澤算唔錯，係感覺幾油下，不過呢款菜式係偏油，明既，聞落都幾香，至於食落口就都算可以的，豬頸肉略嫌乾身左少少。至於肉骨茶飯，可能之前飲過勁好味的肉骨茶，覺得呢間既肉骨茶一般，味道偏淡，肉的份量ok, 反而奇怪在有好入味既油炸鬼，不過呢，唔知點解個肉骨茶都係有成層油在面。而飲品方面，個薏米水是偏淡的，無乜特別，個白咖啡就幾好飲咁。有兩樣野想讚下，一係張單在肉骨茶旁加忌孕婦，好貼心；二係薏米水用紙飲筒，環保。

喜歡食馬拉嘢嘅朋友注意啦！其實我黎咗屯門好多次但都好少行雅都商場近排走過去睇發覺原來佢開咗個美食廣場入面仲有好多嘢食添！當我行咗一圈之後發現有間舖頭好得意叫做馬拉公公咁要試下呢一間啦我哋嗌咗佢哋兩個餐分別係一個辣一個唔辣嘅！一個係檳城白咖哩豬頸肉滲滲另外一個係雲吞黑醬干撈麵先講個豬頸肉滲渗,個喇沙湯底非常濃郁,遠處已經聞到一陣香噴噴嘅咖哩,而且豬頸肉好好爽,但又一啲都唔硬！加上個湯底唔會太辣,而且好味！另外雲吞黑醬乾撈麵,佢嘅雲吞唔係一般鮮蝦雲吞,係鮮肉雲吞,一啖咬落去已經feel到啲成個口腔,都係啲肉汁而且啲肉好新鮮！而黑醬麵,好爽口彈牙,好好味,再加埋啲酸汁酸酸甜甜的,好少食到啲咁特別嘅雲吞撈麵！！得閒再去食下。

今晚來到Go Go Mall1樓的Food Court食晚飯，貪這裡的價錢夠平民。商場已經大裝修，都坐得很舒服。我們揀了這家「馬拉公公」，看看餐牌，主打馬來西亞檳城著名美食，特色沙嗲、冬陰功、椰漿飯都應有盡有。套餐都會跟一個白飯和飲料薄荷咖哩奶炒大蝦一碗滿滿的咖哩，咖哩的味道帶甜味，有椰奶的香滑。味道不會太辣。滿滿的蝦肉和豆卜咖哩奶撈勻後，每一口都很美味。咖哩牛坑腩這個咖哩就相對比較辣，喜歡辣的可以試下。而牛坑腩和牛筋都很新鮮，與咖喱汁一起拌飯一流。涼粉西米冰不會太甜，解辣相當不錯。柚子蜜清甜可口，不過不失。 Go Go Mall有這麼多的食店，確實花多眼亂，而這家「馬拉公公」質素到位，價錢相當之平民，下次再來可以試試幫襯不同的小店。

對上次入屯門已經係幾年前既事，今次有機會再入一次已經唔同曬，新起既Go Go Mall林立左好多唔同種類既食物，而我最有興趣既就係呢間馬來西亞餐廳，呢間餐廳主打檳城食物，例如肉骨茶，咖喱，椰子雞，叻沙呢類既野食，除左有辣之外，都有唔辣既食物俾食唔到辣既朋友試下，而我好推介食得辣既朋友黎試下，因為都辣得十分過癮！今次叫左兩個唔同既麵黎食，有辣有唔辣。❣️雲吞叉燒蝦醬干撈麵 （$40）凍飲➕$4雖然係撈麵但一啲都唔干，麵上面有汁配埋，另外仲俾左個酸汁黎撈麵，成個感覺好清新，又開胃而唔油膩。雲吞同叉燒既份量岩岩好，雲吞好爽口，叉燒唔會老過頭，整體黎講係唔錯！❣️馳名檳城亞參叻沙米線（$48）凍飲+$4呢個係呢間餐廳既必食之一，如果鍾意食辣既朋友一定要試。首先個湯十分濃縮，睇得出用足材料煲，試一啖已聞食到有好多海鮮既味道，加埋辣椒，完全配合。而米線上有魚蛋片，白魚蛋同蝦，所有食材都好新鮮同彈牙，十分不錯！❣️美祿&Latte两杯野飲都係正常水平，唔會話死甜，而且好解辣！

礙於各國地區氣候環境既不同好多植物或者香料都係產地獨有因此要做出正宗既馬來西亞菜式就必需嚴格選用當地既食材店主家族於馬來西亞從事醬料生意正好為大家帶黎馬拉原味道🔸檳城福建蝦麵食蝦麵湯底簡直就係靈魂湯頭用蝦頭、蝦殼、辣椒爆炒而成🦐味道濃而不咸卻香氣撲鼻而且配料方面一d都唔馬虎有腩肉、魚片、雞蛋、蝦球、芽菜、四季豆當然仲有最重要既吸湯神器豆卜索曬d湯汁麵底係油麵溝米粉呢個組合不單令掛湯力加倍煙韌既油麵同軟滑既米粉一剛一柔口感更見豐富🔸檳城阿公咖哩雞飯阿公咖喱好食在於用當地既香料調製味道層次較豐富而且香氣獨特薯仔雞肉更煮到入曬味送飯一流🍚🔸怡保芽菜芽菜係由馬來西亞新鮮直送𤆥得半生熟卻沒帶半點草腥味肥嘟嘟爽脆既質感確實有趣簡簡單單配搭豉油就能食出原味道值得一提既係店主親切健談會主動晌客人介紹食物感覺好窩心🥰🥰🥰聽佢介紹埋另一招牌菜亞參海鮮叻沙係香港較小有既叻沙以魚湯為主已經心郁郁打算下星期再幫襯

講起馬來西亞第一樣諗到肉骨茶，不過香港人將肉骨茶演變出好多不同做法，因此亦有不同味道。馬拉公公用既係豬軟骨，唔洗吮骨，食曬佢都得！仲有一隻蛋，帶點茶葉味。配白飯很不錯，略嫌湯汁不夠喝雞絲冬炎湯滲滲 $48 ，冬炎即係冬蔭公湯，呢隻係馬拉版做法，將麵條浸落冬蔭公湯，帶點辣勁好開胃，配搭雞絲和青瓜絲食落好爽口😋薄荷咖喱魚柳飯 $48，脆炸魚柳食果陣竟然仲係熱既😯😯 蘸上咖喱汁好夠味，薄荷味就食唔出，不過感覺清新開胃！咖喱汁配白飯都好好味😋配美祿都唔錯(跟餐+$7)

喺屯門呢頭返工，周不時都會嚟GoGo Mall呢度買Lunch返公司食，今次就同咗個同事試吓買呢間馬拉公公外賣！🥡唔好睇佢店仔細細，但原來都幾多選擇吓！咁今次就簡咗個常餐【手打蝦餅拼雞小腿飯】$42+$7凍飲🥤個手打蝦餅真係好好食😋咬落去係有少少爽嘅口感，味度都唔錯！至於雞小腿就有3隻，雖然望落細細隻，但其實都幾多肉，調味都啱啱好❣️至於我同事就叫咗個【馳名檳城亞參叻沙米線🍜】$48我見佢果個咁吸引都痴咗幾啖嚟食🤣佢個湯頭極之濃郁，少少酸辣咁好惹味😋相信係用咗秘製叻沙醬整，隻味出面好少有！而配料亦都好豐富！有蛋、有蝦、有魚蛋等等..！啲蝦好爽口❣️另外+$10馬拉特飲【桔仔柚子蜜】咁飲品我就無痴嚟飲嘅🤣不過問返同事，佢話酸酸甜甜咁好開胃！而且桔仔有豐富嘅維生素，都不失為一杯健康飲品！我諗我下次食都會想試吓佢哋嘅特飲🥰Lunch都可以食到咁平又咁好食嘅馬拉菜真係好開心，好多選擇都只係$4x–5x，真心好過食茶記！推薦推薦比大家❣️

今日去屯門探個朋友，晚飯時間佢帶我去一個叫Go Go  Mall嘅商場買外賣。原來嗰度有個food court，有唔同種類嘢食，都幾特別。唔熟悉屯門嘅我完全唔知有呢個地方， 我哋行咗兩個圈，決定幫襯呢間叫馬拉公公嘅馬來西亞餐廳， 因為我同朋友都係馬來西亞菜嘅粉絲。餐牌都好多選擇，價錢相宜，我哋叫咗怡保芽菜雞絲湯河粉，同埋咖哩豬軟骨飯，店家話啲芽菜係由馬來西亞運過嚟㗎，同平時香港食嘅芽菜唔一樣，非常推介。 我哋外賣拎到返去，仲好夠熱，一打開就聞到好香。怡保芽菜雞絲湯河粉　（HKD44）個河粉本身比較清，所以我哋跟店家建議，加附送嘅魚露落碗河粉度，味道即刻提升咗又幾夾喎! 芽菜粗身， 勁爽口好正，果然冇介紹錯！芽菜今次絕對唔係配菜！ 咖哩豬軟骨飯　（HKD48）辣度方面，對我嚟講都算小至中辣，剛剛好，個豬軟骨整到好林，可以吸到咖哩嘅味道，而軟骨好林之餘仲保留到少少爽口，口感唔錯又美味！加埋白飯好快就清曬。好開心搵到間CP值咁高嘅馬來西亞餐廳 

午餐同同事黎左GoGo Mall食，自從變左做Food court都幾想黎食野㗎，貪呢度多選擇嘛。是日試下馬拉公公，見佢幾有人氣，同事又鐘意食辣野，加上咁啱佢對面又有吉枱，哈哈。落完單會比個牌仔，響就可以出去攞，有無人覺得個公公樣好有Southpark feel？哈哈。一人一碗粉同飲品，大約人均60元左右。同事碗檳城福建蝦麵，紅紅的好似幾辣喎。麵條揀了滲滲，油麵加米粉雙重口感。湯底鮮味帶辣勁，飲多幾口後反而覺得無咁辣了，啲海鮮味帶返出黎，好味呀，同事食完仲飲哂成碗湯。豆卜係吸湯恩物，吸飽湯汁超正，其他配料仲有蝦球，蛋，魚片同肉片，鹹香鮮味，好食。自己點左白咖哩海鮮滲滲，淡淡的椰香飄埋黎啊。湯底濃郁鮮味，微辣對胃，雖然唔似同事咁飲哂成碗，但都飲左四份三㗎，我覺得好好味呀，鍾意佢個咖哩香。配料有魚蛋魚片，爽口彈牙。蝦球也是十分爽口，而且處理得很乾淨，同樣有豆卜同雞蛋，另外仲有大量芽菜，啲芽菜肥嘟嘟的不是本地貨啊，整體黎講樣樣都好味，不錯吃。飲品加了怡保白咖啡同桔仔話梅冰，咖啡好香但略微甜了點。話梅冰第一啖飲落去覺得好鹹，攪混後再篤下塊青檸就好飲多了，清新鹹鮮，是適合夏天的飲料。唔錯唔錯，有