馬拉公公

營業中

休息中

荃灣啲food court好唔得掂，搞到大胃要遠赴屯門去尋寶，上次經過雅都見到有food court，但因為太匆忙所以冇食到，今次去返就試吓馬拉嘢落完單搵定位，繼續既短暫又漫長嘅等待終於等到喇，好快就有餐攞果然我嘅眼光係冇錯，非常之有驚喜，蝦麵係辣但好刺激，麵嘅份量又多又彈牙，配料又豐富，係馬拉嘅味道呀仲有第一次食亞參叻沙，同一般叻沙好唔同充滿魚香同肉絲嘅南洋風味湯底，配上米線係好夾呢度果然係聚寶盆，大家可以發掘吓

自從雅都商場二樓做了美食廣場後，多了很多人流。現在間中都會過去覓食，今晚試了馬拉公公，又有驚喜啊！先介紹這間馬拉公公，主力做馬來西亞菜而已，不像其他餐廳會混合星馬泰的東南亞菜。小本經營也有好處，就是專注，所賣的食物都精心挑選食材，專注做好各款菜式和飲品。點了兩個餐，大蝦乾撈麵$50,跟餐配凍桔仔柚子蜜加$10。另一個餐，辣死你嗎配炸小雞腿$46,跟餐加$5配熱cappuccino。價錢是比其他東南亞菜餐廳便宜的。大蝦乾撈麵，先說說大蝦，原來是用鹹蛋黃炸過，外層香脆之餘，蝦肉大隻爽口，鹹蛋黃味極香，就像在茶樓食黃金蝦一樣，但沒有殼，啖啖肉，吃得更過癮。乾撈麵，是粗麵，醬油入口覺得齒頰留香，味道很特別，跟其他東南亞菜式很不同，問問店舖職員，才知道是黑汁，馬來西亞黑豉油，從馬來西亞精挑細選到港的。下底墊有芽菜，非常特別，也是從馬來西亞運到的，肥厚而長身，十分爽口，沒有草青味，與黑汁非常相配，估不到平民價小店，用料也很嚴格挑選哦。辣死你嗎配炸小雞腿，雞腿有4隻，份量不少啊。先說辣死你嗎，味道跟我在檳城吃過的很相似，當然要不怕辣，因為辣死你媽就是香辣的醬料伴魚乾花生，撈勻白飯來吃，食落香辣惹味。

上次食過一次，覺得味道唔錯，所以encore。肉骨茶呀，冇得去馬來西亞都食到馬拉既味道呀！加上超級貼心嘅包裝，好似啲湯包咁，外賣番到屋企唔夠熱可以再加熱，熱熱又足料既肉骨茶冇得輸呀。有濃厚的藥材香，加上一咬即爛既腩排，可惜要同人兩份分，下次要 一人叫一份。咖喱雞🐤(其實咖哩雞肶🍗)，好香椰香味，有層紅油喺面，以為有啲辣，食落去原來都唔係好辣，反而令我想繼續食落去同埋撈飯一流。gogo mall有好多野食，但下次都會再揀馬拉公公。

呢日我同男友都放假，通常放假都會呢埋係屋企做廢條。一般都係男友煮嘢俾我食，但呢日佢懶得煮就話不如去買外賣返嚟食。我係一個鐘意周圍走既人，所以成日都自動請纓去做外賣仔☺️.由於前幾日男友話試左呢間好食，所以我決定要試吓。我去到發現其實都幾多選擇！但我決定要食男友話好食既白咖喱🍛我係揀白咖喱豬頸肉，男友揀白咖喱牛坑腩。.呢日去其實都幾多人，我由落完單都拎嘢大概等左20分鐘左右，佢哋話牛坑腩要等耐少少，但20分鐘都可以接受嘅。.包裝部分我覺得都包得幾好，乾乾淨淨拎到翻去都冇漏汁。嘢飲方面我叫左熱美祿，仲諗住係馬來西亞🇲🇾既美祿，但飲落去感覺係一般美祿。因為之前讀書嗰陣，有個馬來西亞室友請我飲馬來西亞既美祿，我覺得好好飲。男友嗌左凍既白咖啡，我覺得好好飲👍🏻👍🏻.總括嚟講呢間都係好好食既！下次我會想試辣死你嗎系列，而且佢有一個外賣app,可以order定再去拎真係幾方便。

相信雅都商場Go Go Mall既foodcourt已經成為左唔少屯門人既飯堂🙃我都當然唔例外...食物種類多到你有選擇困難症，價錢都好經濟👍 今次介紹主打檳城美食既馬拉公公😋白咖哩海鮮滲滲 $48滲滲係馬來西亞既特色麵食，即係油面溝米線，食落有雙重口感😍 依碗海鮮滲滲真係好足料，有蝦、魚蛋、魚腐、魚片、蛋等等😋本身見到個碗唔算大，仲怕會唔飽，點知食到一半都已經飽飽地😂好喜歡白咖哩有好濃既椰汁味，輕微辣，加埋炸蒜真係好惹味!! 咖哩雞配白飯 $45依個咖哩雞撈飯真係💯 見到層辣油以為會好辣，點知又唔會喎，仲有陣好特別既香料味🤩 椰香味好濃，中和左咖哩既辣，撈飯一流!! 最欣賞係啖啖肉既雞，全部都係雞髀肉😱 肉質鮮嫩得黎好結實💪🏻大舊到我要好小心翼翼地夾起佢影俾大家睇(揸筷子勁差😂)馬拉拉茶 (跟餐+$7)拉茶係奶茶既一種，絕對係馬來西亞特色茶飲😉原來馬拉拉茶係咁好飲，無奶茶既澀味，但又唔會好甜!! 淡淡既茶香慢慢係口中滲出，黎多杯呀唔該✌🏻☺️

放工後，來到屯門雅都商場GoGo Mall Food court，環境明亮，座位寬敞舒服。自己好鐘意食辣野， 所以來到呢間馬拉公公。點了檳城福建蝦麵$49和凍薏米水$10， 好快取餐鐘響振動後便可以取餐﹗店員多次問我食唔食得辣，看來呢碗檳城福建蝦麵辣度十足。檳城福建蝦麵:入面材料豐富，賣相不錯，包括:蝦隻、魚蛋片、腩肉、半隻蛋、芽菜、豆角等。湯頭用檳城白蝦熬製而成，所以充滿蝦鮮味，淡淡的椰香，配上辣椒等不同香料，刺激惹味，忍唔住飲左一啖又一啖湯。滲滲粗油麵同幼身米粉混合，掛湯力很強，雙重口感滋味﹗ 魚蛋蝦肉爽口彈牙，第一次食長身形豆卜，一咬爆晒濃郁湯汁。 凍薏米水$10:底部有足料薏米，解辣一流﹗

雖然自己本身住屯門，但都好少黎呢邊食嘢～聽朋友講宜家商場裝修變左food court，今日收工就同男朋友黎睇下有咩食，就決定食呢間馬拉菜🤤💕我地叫左個：酥炸魚柳配冷凍當乾咖哩配白飯🍚— $46 佢個魚柳外脆內軟，唔會炸得太老，岩岩好，佢仲配埋個汁比你😍酸酸辣辣好開胃！🤤而我就叫左：白咖喱雞絲滲滲🍜—$46佢個麵好彈牙，湯底相當濃郁😍本身見到咁細碗我咁大食會唔會唔夠食，但最後食到勁飽😂最欣賞就係佢勁足料比勁多雞絲😋超滿足呀！而飲品我地就叫左杯 桔仔話梅冰🥤—$10佢飲落咸咸地，有啲酸，越飲越開胃🤣另外叫左杯 美祿恐龍🍫—$10面頭有超多既美祿粉😍超濃既朱古力味，又唔會勁甜，濃度岩岩好😋

平日返工lunch搵嘢食次次都要諗爆頭🤧💆🏼‍♀️，放假就輕輕鬆鬆搵啲風味野食下啦，樓下商場開咗好多間格仔小食鋪位，見到呢間門面有個得意公仔就嚟買個takeaway！🚶🏼‍♀️🚶🏼‍♀️-檳城福建蝦麵（$49）用左油麵，材料有半隻蛋🥚、豆芽、豆角、豆POK、細蝦球🍤、魚蛋片同埋腩肉，濃濃微辣嘅蝦米湯底，正，碗麵份量好多，小女子都食唔晒呀！😅🍜🤰🏼-馳名檳城亞參叻沙米線（$48）有兩塊菠蘿、生菜絲、細蝦球🍤、魚蛋、魚蛋片、洋蔥、半隻蛋，配合埋米線，叫得叻沙就一定係辣㗎啦🌶，亞參呢個名詞就代表左有酸味。辣辣食辣辣🌶，好惹味啊！有我最鍾意嘅辣味，配埋紅色的辣湯底真係好完美啊。🍲🤝

有日工作完，懶得煮，就來西鐵站附近的Gogo mall搞掂，貪佢小店多，選擇多，今晚來試這間馬拉公公。 南乳雞翼黑醬油干撈麵看起來不錯吃的樣子，雞翼大小適中，看色澤就知夠味道，一吃，外皮微脆，內裡入味，是有水準的雞翼！再來麵，醬汁濃淡得宜，麵爽口，也有生菜及芽菜中和一下，不錯不錯。 咖喱什錦海鮮個蜆好吸睛！是新鮮蜆！正呀！仲有蝦及魷魚，配料有豆角、薯仔及豆卜，都幾多料！味道非常正宗的馬拉咖喱味，跟餓底在馬來西亞吃過的味道一樣！呀～太懷念馬拉的美食！ 美祿＆薏米水馬拉人鍾意美祿，見好耐無飲過就飲下，另外薏米水不會太甜，飲得舒服。

無飯mood again‼️放完工好攰💤又要買餸又要煮埋有時真係要偷下懶🤣廢是做死自己🥰所以又拉咗男友出去食啦☺️唔知係未涼涼地好想食啲辣辣地嘅嘢🧐見到呢間都幾多人排隊一於試下先❣️反正平時少食馬拉嘢😂入正題❣️🔺檳城福建蝦麵➕怡保白咖啡❣️我地兩款麵底都係滲滲呀🤤油麵加米粉一個價錢雙重口感❣️湯底都幾紅🧐開頭以為會好辣下🥺但食落又唔會太刺激仲有少少鮮味😛麵不可貌相🤣豆卜好正吸哂啲湯汁🤤精華嚟👍🏻仲有魚蛋同蝦都好彈牙爽脆👍🏻咖啡好香濃😋唔會太甜❣️🔺白咖喱海鮮滲滲➕馬拉拉茶❣️男友唔食得太辣‼️所以食白咖哩就啱啦🙃幾香椰奶味🥰同埋甜甜地🤤當湯飲都得❤️馬拉拉茶有啲似阿華田加奶嘅感覺❣️幾好飲搞到我係咁偷飲😂

好耐冇去gogomall搵食，自從冇左yoga班上，好少去果邊，原來好多餐廳都轉左手，要搵時間逐間試下先得！今次試呢間馬拉公公平民價錢食到正宗馬來西亞娘惹口味，原來老闆爸爸係馬拉西亞人，餐廳嘅醬汁湯包都係馬拉西亞製造！酥炸魚柳配當乾咖哩 $46✨馬拉咖哩好有椰漿香味，餐廳體貼地將個咖哩醬另上，迎合唔同人喜好加多定少，又唔會浸啲飯同魚柳。魚柳雖然已經凍左略腥，但個炸皮仲脆口，咬落唔油膩，點多啲咖哩汁味道其實幾好味。馬拉拉茶(跟餐+$7)✨餐廳用嘅係粉沖馬拉拉茶，奶味較重，本身怕會好甜，但意外地一啲都唔甜，大大杯，怕辣必叫。不過我都係中意飲南洋咖啡多啲。白咖哩海鮮滲滲 $48✨滲滲係油面加米粉，呢間油面比例多過米粉好多，我個人中意食米粉，因為唔中意油麵果陣鹼水味，不過配咗更濃味嘅白咖哩湯底又唔覺有鹼水味，整體都唔錯，性價比高，如果個湯可以多少少就更好。馬拉無糖黑咖啡 (跟餐 +5)✨我的最愛！！南洋咖啡，黑咖啡夠濃，加埋煉奶，絕配！！雜錦囉吔 Rojak $32 👍✨原來我第一次食馬囉吔，算係水果沙律，材料有青瓜、菠蘿、沙葛、豆卜同油炸鬼，撈埋佢地啲囉吔醬，個醬味道有啲似腸粉果啲甜醬有少少

今日係新墟買完野經過gogo mall 上去睇下個food court好乾淨企理座位又大又舒服行左個圈揀左馬拉公公我地都好鐘意食辣野由其係馬拉野餐牌有好多野揀 目不暇給😂😂揀左好耐先揀到揀好左比左個機仔就搵位先等左一陣好快就響今次有咖哩雞好香椰味唔太辣 雞肉好滑送飯一流好快就成碗扒哂另外炸豬扒配干撈麵豬扒炸得岩岩好撈麵下面配左好多馬拉既芽菜 肥肥短短好爽口份量都幾多加埋杯青檸柚子冰飽到捧住個肚離開囉下次再黎試下其他野食先👍🏻

星期日去屯門行完山，就即刻落返去搵嘢食，跟屯門友一齊搵好嘢食佢介紹左我去呢個商場真係有好多嘢食！同時佢都介紹咗呢一間馬來西亞小店，佢話佢已經食過好幾次，今次帶我嚟食！我印象中我好似食過一次😆要再睇吓有咩食先！怡保芽菜海南雞飯老闆娘話用咗怡保嘅芽菜，第一次食試吓咩味先！估唔到咁清爽而且好鮮甜！每一條都肥嘟嘟好飽滿！海南雞啲肉都好滑潤，沾埋個醬汁，雞肉更加鮮味！雞皮唔會好肥食落口非常爽口！唔好睇個飯盒四$50有差唔多成半隻雞，真係好揼本！不過我就嫌啲飯有啲啲硬， 軟身啲就好啦朋友就叫咗個薄荷咖喱蝦飯 佢未食我已經聞到好香濃嘅咖喱味，偷食咗佢一件豆卜，吸滿薄荷咖喱嘅醬汁，咖喱香濃，配埋飯食好開胃，好好味呀！朋友加埋個馬來西亞特產嘅薏米水，佢話可以減低識美食嘅罪惡感😝不過飲落又幾清新解渴而且仲唔會好甜！我飲馬來西亞凍咖啡， 可以一試! 個人重口味啲，鍾意啲重奶味啲🤪見到有咁多款嘢食！其實真係花多眼亂有機會要再嚟！

屯門gogomall一個food court 入面係咁多間嘢食入面揀咗一間馬拉嘅嘢食冇令人失望👍🏻❤️🔺檳城亞參喇沙米線喇沙湯底好濃味 同一般出去馬拉菜館食嘅唔同 湯底好特別 龍得來但係又唔會膩 真係飲晒啲湯底佢都得😍仲有好爽口彈牙嘅蝦 魚片 白魚蛋 豆卜 雞蛋半隻 配料好豐富 🔺檳城福建蝦面呢個下面就犀利啦 一入口湯底清得黎又好濃蝦味 冇諗過佢個湯底咁清澈但係有咁濃既味😍佢個配料同喇沙米線嘅配料差唔多，但係特別在佢有一個系怡保運送過嚟嘅芽菜 特別爽脆 而且又好咬口👍🏻同平時喺出面食馬拉餐廳加嘅芽菜唔一樣因為佢地用普通芽菜會煮到好林身🔺怡保白咖啡🔺馬拉拉茶第一次飲馬拉奶茶 原來都幾好味 同平時嘅奶茶相比佢冇咁濃茶味 成個感覺入口好順好滑整體來講 食馬拉茶式 真係令我有驚喜☺️，因為之前去過其他地方食都會覺得冇咩特。舖頭嘅老闆屋企系馬拉人，佢話貨源都來自馬啦 令人感覺食緊真真正正嘅地道馬拉菜👍🏻佢亦都好切 會特登走過來問我哋好唔好食啊話俾我哋聽用咩材料整呀 點解啲蝦可以咁爽甜等等 令人覺得有賓至如歸嘅感覺之餘🥰下次嚟到呢個food court我亦都唔會再幫襯呢間馬拉公公👍🏻👍🏻

餐廳係位於屯門嘅雅都商場，去開屯門睇戲嘅朋友，對呢個商場相信都唔陌生㗎喇。餐廳位於商場一樓位置，一樓除咗有好多餐廳之外，仲有一個food court area, 而馬拉公公就係裏面嘅其中一間餐廳，直行入去左手邊最後就係佢啦。講到餐廳最大特色，就係原材料係由馬來西亞進口；當日去嘅時候亦都見到老闆喺舖頭，真係好得意㗎，同招牌真係一樣樣，個logo真係將老闆嘅特徵繪畫得出神入化。哈哈！老闆仲同我講咗句馬拉話添，非常nice~.檳城白咖喱配吉列豬扒飯（$46）白咖喱係唔辣嘅，食落都幾香。.雲吞叉燒黑醬干撈麵（$40）三粒雲吞都用係以鮮蝦製成，而唔知馬來西亞所謂嘅黑醬係咪就係香港嘅豉油，而小妹食落就覺得係甜甜地嘅豉油撈麵。.餐廳價格約$4x-$5x，加幾蚊配飲品，$10配特飲，價格親民，不過我見比較多人叫係佢嘅湯面或者海南雞，我諗依兩種菜式會比較出色。