馬六

營業中

休息中

今日同女朋友係西環搵食經過呢間馬來西亞菜就被吸引左入去決定試一試餐牌好多選擇，除左散叫亦有抵食既套餐種類很多，有小食，喇沙米線和飯馬六無骨海南雞飯拼新加坡喇沙一個盤裝住我2個願望海南雞無骨，皮滑肉嫩，熟度剛好點上3種醬汁，各有不同風格口感好豐富油飯好香口，同雞味道好夾！喇沙湯底濃厚，好惹味檳城傳統老鼠粉呢個菜好特別，好有特色老鼠粉唔容搵得到地方有得食口感好好，成碗同配料撈均之後好香食到停唔到，推薦！咖吔多士(斑蘭)非常邪惡，有一塊厚切牛油加上滿滿既斑蘭醬好滿足

好鐘意食喇沙, 海南雞, 油飯呢啲東南亞新加坡菜, 但有水準既真係唔多!🤔 喺西環有間 "馬六" 就非常唔錯! 環境好闊落, 服務都好好, 不論小食, 主菜, 飲品都好多款式, 但最緊要係正宗同好好食!😋🍜新加坡魚丸魚條喇沙滲滲-- 味道少少辣, 配料好多, 湯底好香濃, 正!🍚馬來燒雞配雞油飯-- 燒雞非常超級厚肉, 皮脆肉滑, 超好味! 雞油飯唔油, 好想食多碗🐟新加坡咸蛋黃魚皮-- 魚皮非常薄, 好脆口, 咸蛋黃味好濃, 魚皮完全沾上, 非常推薦!🍞榴蓮多士-- 半小片牛油 + 榴蓮醬, 做飯後甜品一流!🧃香茅橙-- 特別既香茅味 + 橙味, 好 refreshing!

意志消沉時，一碗好食既喇沙可以燃燒起你既tamashi。當生活苦悶，連街邊刺鼻既拜神味都可以令你覺得香時，突然覺得要食返d有味道，具刺激性既野。本來想食隔離壽司，但見佢未開，就黎食呢間好耐無黎既馬六。呢個舖位易手多次，上次黎仲食到肚痾（唔記得係上一手定馬六）好彩今次無事。店內好多人叫左海南雞飯，應該唔錯。但目前唔想食飯，所以叫左碗海南雞喇沙+凍馬來拉茶喇沙一上黎就聞到好香，有時生活就需要呢d物質上既小刺激，同時提醒自己要面對現實。好多時我地面對既緊張壓力抑鬱孤寂，都係自己既想像，而食物既香氣正正如當頭棒喝，敲醒你呢點。所以食完係勁精神！好講返碗野，海南雞非常嫩，令我下次想食海南雞飯。喇沙湯底非常香，濃郁既椰汁味，食落又唔會太辣，恰到好處。麵我叫左「掺掺」，即係幼麵加油麵，食落口感都唔錯。奶茶非常香滑，同港式奶茶好唔同。食喇沙呢類食物一定要配凍飲，凍奶茶係好好既選擇。無事我返出去做野先。

朋友說帶我去吃馬拉菜，去到原來是馬六，我去過其他分店，就試試這家吧。.🎈餐牌晚上有自選套餐，大概$90，包主菜、小食及飲品。.🎈食物.我和朋友都選了$92的晚餐，主菜配小食及熱飲，主菜我們分別叫了檳城蝦麵及巴東牛肉椰漿飯，小食方面我們都選了鹹蛋黃魚皮，飲品也同叫了熱桔仔話梅水。.檳城蝦麵 ⭐️⭐️⭐️⭐️湯濃而不鹹，頗多餸。.巴東牛肉椰漿飯 ⭐️⭐️⭐️💫 (3.5分)椰漿味不明顯，牛肉有一點點韌，巴東牛肉汁的味道不是我心中應有的味道，沒有惹味感。.鹹蛋黃魚皮 ⭐️⭐️⭐️⭐️⭐️鹹蛋黃夠多夠味，又脆，讚👍.熱桔仔話梅水 ⭐️⭐️⭐️⭐️餐飲這個特別一點，有東南亞的感覺，不用只限平時的咖啡、奶茶、檸茶等。有兩粒小話梅，甜甜的幾好味。.食完晚餐覺得想加塊多士，太吸引的餐牌相😊.咖央多士 $26⭐️⭐️⭐️⭐️⭐️咖央是什麼呢？好奇心驅使下去搜查資料一下，咖央的馬來語kaya，這個味道在東南亞食品十分普遍，材料大致是椰漿、糖、斑蘭葉、雞蛋或鴨蛋。咖央多士實在有點邪惡，太好味，我還嫌牛油不夠多，因為打開塊多士看，才知道牛油只有半小塊，我實在太愛牛油🧈

Silver needle noodles are one of my favourite noodles and Malacca is totally capable of making them in the style I like. I couldn’t vouch more for the Penang Silver Needle Noodles ($88) and in the past, they only offered smaller portions but surprisingly this time they offered me a big portion and I was ecstatic when I saw the large amount of dried fish, minced meat and peanuts on top. The sauce was palatable and I have no idea what they used to make it. Remember to stir everything before eating

好耐無食星馬菜，今晚就同屋企人黎食下。之前都黎過，幾鐘意佢個白胡椒肉骨茶，但係以架轉左餐牌，無左以個😭今日就試下新加坡大蝦喇沙米線😉喇沙有香濃既椰香味，但對於唔係好食辣既我有d太辣😅不過好野味，我都係食哂😂 大大碗，有豆卜，蝦，魚蛋，魚片😝 好鐘意米線既質感，同我平時食開既有d唔同，煙靭d，掛湯d😋

學生午市85折，下午茶就比午飯平10幾蚊，但餐單係一樣嘅。食左兩次，所有食物都好滿意！必定會做回頭客！例如喇沙，係香港食過最有東南亞味道嘅湯底。斑斕沙冰，好飲到不得了😁食左巴東牛肉飯，又係好香d汁又好味😋

南洋食物有獨特風味，亦係香港常見既異國菜，馬六算係其中一間口碑唔錯既連鎖店門面光鮮，店內裝修以簡約舒適風格為主，座位闊落舒服既餐牌相當吸引，款款都有樣睇既，至南洋既海南雞、娘惹、喇沙、蝦麵、巴東牛肉、椰漿飯都有，算係幾足下可惜我只得一個胃，盡試馬六無骨海南雞飯拼巴生肉骨茶，依個實在係太吸引既貪心之選上枱一盤整齊吸引，海南雞細細舊一件，油份充足口感好嫩滑，完全符合南洋海南雞風味油飯唔算太香，飯較硬身，一舊雞點齊三個醬再配啖飯就係要咁食！好味得黎唔會膩，不錯巴生肉骨茶，藥材味唔算太濃，多啲人易接受啲，但仍有藥香肉香，連一條肉骨上，肉腍湯正好好味，小食配個豆卜蝦，相對無太特別，好似炸釀豆卜咁娘惹茶燻鴨喇沙米線，好期待因為娘惹真係好南洋，食落味道好好既不過就真係無咩娘惹風味，係一舊幾好食既煙鴨胸喇沙湯夠濃，唔太辣，相對如果椰味濃啲會更正份量足而賣相、味道都吸引既估唔到唔使加錢都係配風味飲品，桔仔話梅水，好飲既，加左啲咸檸，個人認為唔加仲好，切開埋啲桔仔就更有馬拉味香茅橙茶直情有枝香茅俾你，真係好細心同細緻，大讚睇價錢同諗住連鎖店本身係無諗過原來有依個level，性價比高之餘真心欣賞細節做足，餐

燒雞配雞油飯🐓燒雞超好食٩(˃̶͈̀௰˂̶͈́)و雞油飯似椰漿飯多啲海南雞飯配喇沙🐓海南雞就麻麻，不過可以拼多碗喇沙仔，一次食兩樣ʕ •ᴥ•ʔ玻璃通菜🥬有幾塊魷魚，不過冇咩味

今日同屋企人經過呢間店舖，覺得幾有特色，就入去試吓。😁呢間店防疫😷措施做得唔錯，當然有唔少得嘅量體溫啦。每位客人都獲派發口罩紙袋，尚算衞生。客與客之間有一定嘅距離，感覺唔會太局促。佢嘅下午茶選擇都好多，有飯🍛麵🍜、多士🥪、串燒等等。下午茶套餐附餐飲，不另收費，特色飲品加$8左右。Order 左1份下午茶餐+1份多士😋。雞肉🐔蝦🦐串燒配沙嗲醬，好正喎。雞肉蝦肉新鮮嫩滑，沙嗲醬味道啱啱好，口感唔錯喔😋椰子斑蘭冰🧋味道唔錯呀，濃郁嘅椰香🥥，配搭斑蘭味道，好有馬來西亞feel喔🥰斑蘭咖吔多士幾特別，牛油味夠，但斑蘭醬略嫌不足，味道重一點會好味d，多士唔夠脆，有待改善，要加加油呀💪🏻整體感覺良好，會再幫襯呀😉

I have dined in before and am a fan of their food and portion so I thought ordering a takeaway will give me a more or less similar experience. I ordered the Malacca Specialty Assorted w/ Coconut Rice ($72) with Panama Orange & Sweet Plums Drink (comes with the set). The coconut rice tasted amazing, it had a special green colour and captivating texture. I think the variety presented in the assortment was fine but the number of individual items were not in line with how much I expected, Rendage be

外賣叫咗肉骨茶同蝦麵 肉骨茶偏淡 蝦麵個湯就超鹹要加水 都唔緊要 最恐怖係食第一啖油炸鬼已經覺得好唔新鮮好難食 再望一望原來D油炸鬼發曬毛 好彩即刻lur返出嚟 咁樣都畀得客人食好恐怖 永久blacklist!

唔係住香港區十年都唔會去西環一次，今日陪呀女去西區海濱長廊公園玩所以去左西環，晚上係西環周圍行下睇下有咩好食，就見到呢間馬六，又想食肉骨茶咁就入左去試下，睇餐牌款款野食都唔算貴，可以叫做平，我地一家三口叫左個海南雞餐，白胡椒肉骨茶，同埋一碗巴東牛肉參參，參參係粉絲加米線撈埋一齊咁，有少少辣，味道可以，海南雞直頭一流，雞滑好味，仲叫左款蛋黃醬多士，好食，肉骨茶都好味唔咸，係佢地既拉茶無咩特別，普通奶茶咁唔同出面果D拉茶，但價錢平會再食

喺屋企悶悶哋又係時候喺foodpanda搵啲 新餐廳試下啦一直好想再去灣仔某酒店食海南雞飯但係因疫情關係又覺得佢三百幾蚊唔係好抵見到呢間平平哋又無骨海南雞飯食咁就試下啦 七十幾蚊佢個雞量真係好多仲有一嚿啫喱面嘅 脂肪油飯都好香不過佢個 味精湯 湯嚟嘅唔係雞湯有呢度有少少失望 個 套餐冇 配嘢飲都扣咗分 我呢嗌咗杯媽嚟香茅物都幾好 另外個星加坡坡魚片喇沙覺得佢賣相好似普通魚蛋粉咁個湯底都好足味好香 仲好細心咁面同湯分開上不過啲魚蛋好似好唔新鮮咁散嘅 一啲都唔彈牙一咬的散如果佢可以落嚟落多啲獅蚶就好啦不過勝在佢價錢平都可以一試嘅 旺角有啲貴係有promotion免費我先試㗎 覺得海南雞飯可以一試下次試埋佢個肉骨茶先

最近成日去西環做野，今日揾食時見到呢間星馬菜嘅餐廳，門面賣相唔錯，就試一試。貪心嘅我樣樣都想食，每次食星馬菜都想要海南雞飯，肉骨茶，喇沙面...但自問唔係大胃王，點可以一次食咁多樣嘢。呢度選擇好多，午市套餐仲有無骨海南雞飯加肉骨茶，正係我想要嘅嘢，滿足到我嘅需要，套餐跟飲品，一個價錢，食到我想要嘅嘢，好滿足。無骨海南雞賣相吸引，份量十足👍🏻油飯香味，味道足夠。肉骨茶味道濃郁，湯入面有幾粒蒜頭，吸入了肉骨茶味，都幾好食。飲品，我選擇咗拉茶，香滑，茶味十足，甜度適中。整體來講好好，最鐘意佢地套餐有齊想要嘅嘢，餐廳環境比較迫，但服務態度幾好，而且食物和飲品都不錯，值得一試。