馬六

營業中

休息中

第一次來，中午1:15來到門口有很多人在等位，2人枱不過等大約10分鐘就有。坐下見到很多人都點這的馬六去骨海南雞飯拼肉骨茶，本來想試試魔鬼魚的我立即轉軚，諗住跟大隊實冇死。去了骨的海南雞很滑，油飯很乾身粒粒分明但又不硬，非常好吃。白胡椒肉骨茶非常重胡椒味，湯裏有一條排骨，但不是很入味。餐還包一杯熱飲，我點了馬來手工拉茶，跟新加坡當地的一樣，本身已加糖，對於我來說有點太甜。題外話有一隻小昆蟲係我兜薑蓉度浸親呀～

食完第一次馬六之後就上網睇下有無邊間近近地比我再食多次，點知原來香港大學站都有間馬六，一於搵左日去試下啦。一入到去，店內既裝修同上次果間類似，普普通通無咩特別啦。馬六既芝士拉茶真係好正😋同上次食既一樣，芝士味好香濃! 我同男朋友都一致認為呢杯值得再叫多幾杯！今次試左新野飲：生薑拉茶，薑味濃，不過如果叫熱飲會更加好飲！蛋黃味咖央多，中間夾住塊牛油，食落又唔會膩，蛋黃味都好香，值得一試！呢碟碟豆花椰漿飯都令我幾失望，因為上次食果陣話賣哂，我仲好期待會好好食椰漿一啲都唔濃，食落小小怪，都係白飯岩我多啲。呢碟沙嗲汁都幾出色，巴東雞肉都ok嫰既👍🏻總括黎講，食物唔錯，飲品出色！馬六未食過黎食下都幾有特色👍🏻

入座20分钟非繁忙时间无人理，12:31拿到号，没过两分钟就入座了，但店员一直看别桌客人，招收叫人都不来我们这桌下单直到12:50分实在很过分平时叫外卖一下就拿到了

今天是第二次到這裡吃飯，（第一次是有點失望）今天同上次一樣點了個海南雞飯、星加坡喇沙，凍青檸檸檬茶及棷汁冰，主菜來了，有點驚喜，海南雞的飯是油飯，湯，飯熱辣辣，雞都很滑，唔錯，喇沙好大碗，料則是一般魚蛋，豆腐卜，但好彩是味道及湯汁配合得好，可接受。要讚的是青檸檸檬茶，有很片檸檬及半個青檸，清香，好飲。埋單是$159。下次會吃第二款主菜

揸住架車喺附近搵嘢食，見到皇后大道西街邊拍左好多車，就係呢一段搵餐廳。個餐牌選擇都好多，先來一個海南雞飯拼新加坡喇沙，海南雞唔夠滑，見到都用咗一部份嘅雞脾肉唔知點解都係唔係好滑；喇沙味道都算正宗，唔算好\都幾香口。檳城叉燒賣相黑色唔係好靚，但叉燒肉係半肥瘦，好淋身，有口感，味道啱啱好唔算好鹹。星州金絲蝦丸幾大粒，咬開發現原來入邊有幾隻原隻嘅蝦肉，但啲蝦唔算好新鮮，質素還可以。馬拉盞通菜都算合格。飲品跟餐加$12，所以決定試下芝士拉茶，芝士味唔算重，味道其實都可以，但係就唔知似芝士奶蓋定係馬來奶茶。呢度上菜嘅速度仲快過快餐店，但其實啲菜都係熱嘅， 好明顯唔係整定擺喺度；如果搵到餐廳對出嘅停車位置，可以一路望住架車一路食飯安心啲。

新開夜晚晚飯時間經過都要排隊，所以一直未有機會試到，今日行開可能都成8點幾見等兩個號碼就試下巴東牛肉飯，味道幾好，略嫌牛肉燜得唔夠淋，少辣好送飯價錢72蚊。另外叫左喇沙，試下d招牌野，果然唔錯，都幾足料，湯底亦都夠味，附有青檸吊下味價錢只係68.咖央多士要趁熱食，凍左唔好食，加上佢面包過厚，叫左班蘭味，食唔到d班蘭味🙊🙊價錢23，都可以試下嘅。。。另外仲叫左個菜，參峇芥蘭，38蚊有一碟份量足夠2個人食。重點係無加一之下，覺得抵食過其他舖頭🤣🤣

中伏！俾佢嘅好評騙咗入去， 好後悔！專誠過黎晚餐，初初打算食附近另一間餐廳，但經過見到打算去試吓，睇吓食評，以為ok， 點知發覺食物麻麻，但都唔緊要，重點係員工態度差勁👎🏻！ 叫海南雞諗住都穩陣，點知海南雞肉唔滑，菜又老又硬，叫咗其他嘢食味道都一般， 食物麻麻，但都唔緊要， 重點係員工態度差，令用餐不愉快， 男員工態度差勁，服務質素差，實在有待改善，女員工黑面。 食物麻麻可以體諒，但連員工服務質素都差呢樣真係唔得，期待員工態度改善，否則食客試咗一次都唔會再幫襯！食嘢係開心唔係受氣。附近大把餐廳選擇，想食得好d開心d大可以選其他餐廳。一間舖嘅前線員工態度真係好直接影響到舖頭生意好壞。呢間試咗一次，覺得有待改善！

是日同朋友溫完書，見到呢間有海南雞飯我未試過，個排好似上左海南雞飯癮咁，一見到就即刻拉左朋友陪我試🙊我同朋友分別叫左無骨海南雞飯同海鮮喇沙😎無骨海南雞飯一望就知份量好足！比左好多雞脾肉超嫩滑😽而且雞皮夠薄食落唔覺油膩👍🏻至於油飯撈了三種醬料一起吃也超下飯🤤最後喝一口附送的冬瓜湯，超暖胃超滿足😚雖然在我心目中最佳油飯還是泰船666，但這裏的海南雞飯絕對屬於kongu附近的高質之選😽至於朋友的海鮮喇沙看起來亦十分足料，朋友評價也很好，下次絕對可以再戰❤️

餓底幾年前去馬來西亞旅行，品嘗過當地的燒魔鬼魚，那種滋味真是教人念念不忘，間中都會掛住，今日無意中發現這間連鎖食店竟然有得食！參峇燒魔鬼魚配蝶豆花椰醬飯：試了主角魔鬼魚先！它的肉是一梳梳的，很容易就夾到一條魚肉出來，口感跟餓底在馬拉吃到的一樣幼滑，而且只有軟骨沒有魚刺(除了邊邊有舊骨不可以吃之外)，整塊魚都可以吞掉，魚扒似的，是怕啃魚骨人士的福音！另外的蝶豆花飯餓底想試已久，因為藍色實在是太靚！未吃之前懷疑有椰醬的飯會否很膩，嚐了一口後反而幾清香，搭配非常有馬拉風味的參峇醬燒魚，一絕呀！一口魚，一口飯，吃到餓底欲罷不能！馬拉手工拉茶：即使走了甜，拉茶仍有陣焦糖香，並非一般奶茶的味道，值得一試。吃完今餐後對這間馬六的印象不錯，下次再來試其他野食😋

下午茶menu 都有好多款揀，我叫咗白胡椒肉骨茶配雞油飯，雖然係輕量版，但都好大碗，白胡椒味好香好濃郁，個人鐘意胡椒味重的肉骨茶多過藥材味，雞肉好嫩滑，點黑醬油好好味，雞油飯亦都油而不膩，成個set 60蚊有找，好抵食呀

聽同事說西環馬六餐廳有紫色的飯食，問我吃過沒有。我問是不是薰衣草味，他又不說故作神秘。 只是相約晚上一起去試試便知一二，坐下看餐牌原來紫色的飯是用蝶豆花椰醬造成的。 有參峇燒魔鬼魚或沙巴燒雞可以配搭，魔鬼魚比較少有，所以我揀選了魔鬼魚，而同事就選擇了無骨海南雞飯。 後來看見隔鄰枱的客人叫了一碟千絲蝦捲，蝦卷賣相吸引，於是我也點了一碟。 不消兩分鐘時間無骨海南雞飯便送上，想不到那碟雞的份量也不少，雞肉十分嫩滑，平時我不喜歡吃雞皮的也忍不住吃了數塊。 海南雞飯的味道覺得剛剛好，有雞湯味但又不咸。 至於那碟魔鬼魚更是值得一讚 ，紫色飯賣相特別之餘，配上淡淡的椰漿味道，混合炸花生和炸魚仔一起吃，非常可口 。 至於那碟千絲蝦卷炸得非常鬆脆，用嚟佐酒一流。

如果係街坊都知，呢個位好奇，好多間都做唔長⋯真係唔知點解🤷🏻‍♀️之前佢係叫「喜意」（唔知有無記錯）做西日菜，都不錯的，但都做唔住～勁快轉左手比@馬六～但開左無耐呢排又裝修個門口？？叫左海南雞飯$62 ，加$8加杯桔仔水～有人話佢鞋，但個人就覺得岩岩好（特別鐘意食無骨，hehe) 平唔係極平，但Ok ar!另一個叫既係「胡椒湯骨飯」，個湯反而好有驚喜，好好飲喎！不過咁，個人就麻麻地食骨既，所以就無試骨～上次食好食一D,但都還好，無記錯好似係$38 蚊，有菜有水油魚！呢個價錢唔貴啦大佬～第一次試既鑲雞亦！最驚喜哦！好食又夠味～下次會再叫～好多人話佢份量細⋯但特又覺得佢既份量都合理既，希望佢唔好咁快又轉啦，我鐘意食佢個雞飯啊😆

阿姨因為跌親隻腳要去睇鐵打，經過香港大學站。這間餐廳是馬來西亞特色，從地鐵站走過嚟唔到十分鐘。對老人家嚟講唔算太辛苦。我跟嫲嫲特別喜愛海南雞飯拼肉骨茶，最主要海南雞飯他們用特別處理可以做到皮香綿滑，非常有雞味。白飯煙韌鬆軟，飯有甘香咪又甘香。配上他們有特色的馬拉盞通菜可謂做到色香味俱全。而且唔辣，而且唔太鹹。當日覺得裏邊比較安靜而且環境舒適，是適合一家大細去的地方。😊😊老人家喜愛一家大細自然歡喜。

港大好去處其二 （半新）作為住系港大附近的居民，今日推介系campus 附近其另外一間高質抵食餐廳- 馬六。 首先，講講個location, 系b2 出口 同 c2 出口中間基本上出左地鐵站5分鐘左右就到。系港大由centen 或 haking wong 行過去大概 13 - 15分鐘。基本上餐聽位置系以前華星個個位，2018 年 11 月先啱啱開張。餐廳主打馬來西亞菜有肉骨茶，喇沙，海南雞飯同其他東南亞菜色。款式十分豐富而且主要食品都有相關圖片十分吸引。今日試左生肉骨茶飯，椰香飯燒雞腿同斑蘭糕。肉骨茶十分打碗基本上系3個肉份。燒雞都幾香口但可惜椰香飯就無乜椰香。 而最失望系個斑蘭糕，雖然賣相十分吸引但個糕竟然系熱的而且無斑蘭同甜味。整睇來講呢講餐廳價格合理 （100 以下）,食物款式多，雖然有d 菜色不如理想但整體而言都值 3.5-4 分。

係西環行下行下就揀左呢間食，地方還算寬敞，食呢類星式餐廳都係想試下海南雞，不過食完都唔係想像中既味道，唔係難食不過總係覺得無海南雞味道。點了：海南雞套餐配白胡椒肉骨茶。頭先都講了，始終欠缺海南雞既味道不過雞肉都算滑，因為只係白飲味道不是油飯所以就更加欠缺星加坡風味。肉骨茶只係飲到好重既白胡椒味道，沒有中藥味道，感覺本身都沒有中藥味，有點失望。總結地方環境還算是可以，夠大的不過食物就沒有吸引點。試一試無妨不過唔會吸引再幫襯。