馬六

營業中

休息中

就快過年，要辦年貨忙咗成朝，好彩有姐姐幫手拎嘢。係北角電氣道街市買完嘢，忙裏偷閒食個下午茶先！ 呢間餐廳嘅下午茶都幾抵食，仲可以追加小食和飲品!蘿蔔餅兒時小食，用切條白蘿蔔絲拌粉漿，放圓形鐵兜脆炸，香脆可口！唔係好多地方有得食，童年回憶即刻返曬嚟！雞肉串燒香烤美味，焦香撲鼻，雞肉嫩滑多汁，乾身唔油膩，點上沙爹醬甜甜辣辣，濃郁郁惹味！新加坡魚片喇沙摻摻喇沙湯底 清甜微辣，鹹度適中，魚蛋魚片，爽滑彈牙有魚味，豆卜索滿喇沙湯汁，非常惹味! 摻摻是麵條，類似油麵和米粉，煙韌有口感！無骨海南雞飯無骨雞 選用皮下脂肪較少雞隻，啖啖肉大快朵頤， 剛好是雞髀肉位置， 肉質細緻嫩滑，散發清淡鹹香! 配油飯入味!椰汁冰椰汁味香濃，飄香撲鼻，冰凍解渴怡人！ 套餐加8蚊非常實惠 ，性價比甚高！芒果冰芒果肉 和冰塊 打成 細碎冰汁 冰點極緻 芒果味道清甜果味濃鬱！ 伴上原隻芒果 擺盤精緻吸引，又可一嘗芒果實肉！

平時好少見嘅高質特色平民馬拉餐館🇲🇾星期六Lunch set，有得優惠價追加小食，成餐大份又抵食。😎以下排名分個人口味先後：1️⃣馬六無骨海南雞飯👍🏻拼巴生肉骨茶 $82 招牌海南雞飯，薄肉但夠嫩滑，油飯入味而且粒粒分明。；巴生肉骨茶藥材味可以更濃，但湯唔夠熱2️⃣南洋咖央多士（班蘭）$18 烘底多士中間夾左一片牛油再加一層薄班蘭醬。雖然邪惡，但食落香口唔膩。3️⃣馬來芝士手工拉茶（熱）+$6👍🏻經理推薦除左原味拉茶以外最受歡迎嘅飲品。一上枱已經有陣陣奶香傳出，飲落口感順滑，小小芝士味，唔會太甜又唔會膩，超好飲！值得一試！4️⃣新加坡喇沙摻摻 $68用正宗嘅油麵混合米粉，用半熟蛋有驚喜，湯底唔食得辣都食到；但味道屬普通，湯同樣唔夠熱。5️⃣熱南洋白咖啡 👍🏻正宗馬拉手拉咖啡，甜度可以自由選擇，香濃幼滑，同我去馬來西亞飲嘅味一樣6️⃣參岩燒魔鬼魚配蝶豆花椰醬飯 $78 👍🏻魔鬼魚表面塗上一層惹味嘅參岩醬料，細條軟骨可以連骨食，但都好易拆曬成排骨，魚肉好嫩滑。旁邊仲配上好味脆口炸魚仔。椰醬飯加左蝶豆花染成藍色，食落每啖有明顯椰醬味7️⃣熱吉仔檸檬茶 👎🏻8️⃣獅城蝦春卷 +$16 👎🏻9️⃣娘惹椰絲班蘭糕 +$16 👎🏻 —

Did you know Malacca in Greek means wankerThis was a good bowl of noodles. Broth was really thick and flavorful. I asked for less noodles (nocarb) and more soup. I came during 下午茶 so it was like $42 with drink so pretty good deal. I guess there’s a lot of cholesterol bec they must have put a lot of coconut milk in the soup, it was pretty milky opaque lookingI also ordered the kaya toast as add-on ($18) but didn’t have time to eat it bec the car was here so put in takeout container. Wasn’t as goo

馬六 網址: https://s.openrice.com/QrbS079u900~uZBsBAA地址: 北角電氣道264號地舖電話: 22742999=====================唔錯嘅咖喱雞飯！咖喱係馬來西亞式咖喱，香濃好味又唔太油膩！雞件portion唔少，雖然多雞胸（我麻麻！），但大大件又唔會太乾，事先煎香再撈咖喱再煮，無雪味、唔嚡、肉質仍 juicy，很好餸飯！其實佢海南雞飯、叉燒黑甜豉油撈麵同喇沙更加好食，不過食得多想轉下口味，呢個咖喱雞唔錯！跟餐拉茶夠茶味，不過記得叫少甜，茶味先出啲，香滑好好味！另外有特色馬來西亞吉仔茶或薏米水，平靚正又幾地道正宗！好過坊間唔少馬拉店。

this place is quite close to work and always packed during lunchtime. walked past today for late lunch and it's quite empty past the peak lunch hour so decided to give it a go.there are quite a variety of dish selection and obviously all are malaysian / singaporean food (depending where you are from) and all looks good in the menu! seatings quantity and arrangement are acceptable.we ordered the lunch set which comes with a main dish and a drink. we ordered the hainan chicken rice and the traditi

今日約左個好耐無見既朋友出街，諗住試下啲新野，一搵就搵到呢間新加坡野，去到係門口見個招牌都整得幾靚，入面裝修都好似唔錯入到去見食物選擇都多，價錢都合理，我地就叫左個馬六咖哩麵、檳城醬油叉燒麵、雞肉串同娘惹洋蔥蘿蔔餅首先個咖哩麵真係幾唔錯，原本以為都會辣辣地但一啲都唔辣，個湯底反而好有椰香味，而且都有好多唔同既材料例如雞絲、扎肉、豆卜等，以呢個價錢有咁既質素十分唔錯另外個蘿蔔餅都好值得一試，炸得幾惹味，亦都有少少似係蔬菜餅最後值得一讚既係服務質素真係幾好，見到我同朋友自拍緊又會主動話幫我地合照，我地無叫到飲品又主動比水我地，有機會會再幫襯

黎到北角搵食就同個舊朋友試下新野，餐廳位置近炮台山地鐵，大約行三分鐘就到，環境夠光猛同有空間，唔會話太逼狹，職員一入門口就幾好招呼同幫手帶位，我地無出聲佢都主動比兩杯水我地。我地每人叫左一個主菜同小食，檳城黑醬油叉燒拌麵幾好味，麵質有咬口同彈牙，醬汁份量足夠，叉燒有微烤過條邊脆，朋友揀馬六咖哩麵，大大碗，特別中意佢呢個咖哩椰香味重，唔會話好辣，配料包括魚條扎肉同雞肉絲，好多料，小食就有娘惹蘿蔔餅，炸得夠香口同脆，雞肉串個沙嗲汁都幾好味，食完超級飽！

我鍾意食星馬泰等東南亞美食，之前經過馬六，都已經想試下。今晚冇煮飯，就同囡囡去馬六嘅北角分店。因為我哋早食飯，所以仲係下午茶餐牌，價錢好抵。叫咗一個雞絲扎肉湯金邊粉，同肉骨茶配油飯。雖然係下午茶餐，但係份量超多，而且套餐仲包嘢飲，凍飲加三蚊。另外可以追加小食，價錢都好抵，我哋就點左柚子沙律，班蘭糕，同埋蘿蔔餅。雞絲扎肉湯粉嘅雞絲係海南雞，好嫩滑，湯粉好大碗。肉骨茶口味正宗，裏面嘅排骨都好食，唔會鞋，油飯好香有雞油味。蘿蔔餅炸得香脆，柚子沙律有少少辣，酸酸甜甜幾開胃。最後食埋班蘭糕真係超級飽，但係埋單都係百幾蚊，抵食呀！

今日放工同朋友係炮台山附近搵食，見到呢間啲menu 裝修都好似唔錯，就決定左食佢！入到去裝修都幾靚，企理又光猛。Waiter 都好快畀水同menu 我地睇。我地叫左最出名嘅馬六無骨海南雞飯、馬拉盞通菜同千絲蝦卷兩份share，野飲方面叫左青檸梳打。上菜好快手，嗌左唔夠十分鐘，啲野食就上齊曬。最驚喜嘅係個無骨海南雞飯，用一個托盤裝起曬啲野，有油飯有冬瓜湯同一般海南雞飯嘅醬料，海南雞好嫩好滑，份量都唔少。冬瓜湯都唔係好似出面咁好大陣味精味，對於鐘意飲湯嘅我黎講好正！馬拉盞通菜夠味又唔會煮到老曬，份量夠曬我地兩個人食。千絲蝦卷大大條，炸得好脆，又唔會好油！好味！整體黎講，份量都幾大份，又幾好食，性價比都幾高！夠曬我地兩個人食！有機會會再去食！

新加坡喇沙滲滲仲記得第一次食滲滲覺得好得意，點解會有兩隻麵底，以為整錯左🤣🤣原來本身滲滲係咁喇沙湯底濃郁，入面有四粒大豆卜，有半隻糖心蛋，仲有d魚片，海南雞肉起哂骨，雞肉嫩滑檳城黑醬油叉燒配葱油拌麵一睇餐牌就好想簡呢個，上到台當然無失望喇叉燒肉質較淋身，加上用左黑醬油烹調過，呢個叉燒相當岀色，拌麵有小小葱油撈埋，唔會太乾身班蘭咖央多士麵包烘到好脆口，入面有濃濃既班蘭醬，見到有咁大舊牛油有d膩，但食落原來好襯，如果唔鐘意太多牛油可以減小一半，但連埋牛油係好好食唷手工拉茶黎到星馬餐廳，一定要嗌番杯拉茶星馬拉茶同港式有d唔同，茶味好濃郁食左咁多濃味茶式，飲番一杯就岩岩好馬六既tea set好抵食份量都好大碟差啲唔記得講個馬拉盞通好夠鑊氣啊！

咖央多係我最愛嘅馬來美食之一，今日就嚟到呢間位於北角嘅馬六，試下佢地嘅出品。南洋咖央多士有三款口味，我就揀左最經典嘅班蘭口味($23)。多士烤得夠脆，塗上甜美班蘭醬，夾起一層厚厚牛油，一口咬下牛油馬上溢出與多士、班蘭醬一同溶和於口腔之中，簡直係味蕾嘅一大享受!娘惹洋蔥蘿蔔餅(兩件)$36洋蔥蘿蔔餅整體炸得十分鬆化，白蘿蔔絲間混入洋蔥、香蔥同紅蘿蔔絲，細細咀嚼能嚐到洋蔥自然甜味。賣相更靚之餘，口感亦很豐富。

最鐘意試新餐廳，岩岩過左 lunch時間唔駛排隊，2點鐘竟然就有下午茶！睇相都見到份量好大，同平時係出面食 lunch既份量差唔多，到上餐黎到既份量果然同 menu一樣啊！.海南雞喇沙摻摻 ($46)個湯底好好味我鐘意「結」身既喇沙湯，好足料，有少少椰香味，同星架坡喇沙湯差唔多，只係相比冇咁辣；配料都足，湯底慘晒入豆卜超好味，個蛋唔係個 D overcook蛋黃變晒黑色個 D。米粉同油麵都煮得岩岩好，唔軟又唔硬；海南雞超嫩滑！.馬六無骨海南雞飯 ($42)叫左兩個「馬六無骨海南雞飯」，下午茶黎講，份量真係大，好抵食！個飯有茅香同椰香味，唯一係個飯乾身左少少有 D硬，但整體仍然可接受；海南雞都係超嫩滑！.馬拉盞通菜 (下午茶 + $26)又係份量都唔錯！通菜嫩口冇 overcook，如果味道再濃返D就更好！.呢次 lunch 3個人食左HK$159，每個主菜仲跟左個飲品，有水準之如，好抵食又好飽肚！！因為普通食 lunch事前又冇唸住寫 post，所以冇特別影相 ….. 但係大家都話一定會再黎食！

今日收左工約左友人見面，係北角搵食，有間馬來西亞餐廳，都好正宗，係香港就可以食到馬拉野啦！友人選左個魚片喇沙摻摻，個湯底好香既椰香味，唔會好辣，味道岩岩好。啲麵底有兩種唔同既麵，口感一流。我就選左我既至愛，馬六無骨海南雞飯。已經去曬骨，啖啖肉食得好放心，有三種唔同既醬油，食落非常之野味，食咪個油飯真係好滿足。重要配埋個冬瓜雞湯，非常清熱。再配多個榴蓮多士，個麵包烤過好脆口，入面有一層厚厚既牛油加上榴蓮kaya,口感非常豐富，值得一試。呢道既服務都好好，服員見到唔使叫就好主動送上水同碗，真係非常之細心。

港島區食馬來西亞菜嘅餐廳唔多，今次去到北角試下有好多分店既馬六。差唔多兩點幾去到，已經有下午茶餐選擇。下午茶餐同午餐的餐牌差不多，只是份量較少。午餐我們選擇了海南雞喇沙摻摻，雖然海南雞份量不多，但雞肉非常嫩滑，而喇沙湯底清甜惹味。小食方面我哋叫咗一份咖央班蘭多士，多事焗到好脆，非常新鮮好味。下午茶我哋選擇了雞髀椰漿飯，估唔到下午茶份量都咁多。雞髀仲大過我隻手掌，皮脆肉滑，超水準。下午茶餐我哋叫左兩隻咖喱角，皮有點厚，味道普通。所有套餐都配有一杯熱飲，凍飲加$3 ，食馬來西亞菜當然要配返一杯凍拉茶，不過煉奶味唔夠重，有點遜色。

來到炮台山約朋友食下午茶，來到馬六呢間新加坡餐廳，真係好味夾超抵食啊。我們兩個人點了好多野食啊，有新加坡喇沙摻摻，蘇東柚子沙拉，娘惹椰絲班蘭糕，凍鮮柚子沙冰，榴蓮味道南洋咖央多士，馬拉盞通菜，凍古仔露椰青沙冰，埋單都唔洗$200，而且食物質素好好。我就好鍾意個喇沙摻摻，啦沙味道好正宗，而個多士也是至愛，剛剛出爐的多士好香脆，班蘭糕也是一個好好的甜品，口感夠煙韌，馬拉盞通菜也炒得好夠味。野飲方面也是抵飲，大大杯的柚子沙冰，還有原隻椰青沙冰，好解暑解渴，抵飲抵食，下次下午茶唔洗四圍中，來返馬六就啱曬。