馬六

餐廳：馬六地點：炮台山電氣道菜式：馬拉野餐牌：茶餐12選一，有多款飯粉麵小食，配冷熱飲品6選一，凍飲加$3，另外仲有小食追加同加$8升級飲品。仲有地道推介茶餐。豬頸肉喇沙摻摻 $48豬頸肉有5件，唔會太燶，都頗瘦，似叉燒。摻摻即係黃色粗麵加幼身粉絲，前者有咬口又滑溜而後者幼滑吸汁，加埋係好正嘅口感，極度掛湯。可以揀一款粉都得。個湯又香又滑，梛汁又夠，辣度剛好。其他配料有半隻糖心蛋，豆角，豆卜4件，同少少爽口芽菜加香口脆脆，材料豐富，呢個價錢超抵食。海南雞喇沙摻摻 $58海南雞雞肉算嫩，皮滑溜，都有好幾件。班蘭咖央多士 $28 班蘭咖央多士係一客兩塊麵包切開四件，好養眼綠色多士烤得香脆，入面係一層厚厚牛油加一層咖央，醬汁豐富，好邪惡。食落外脆內滑，味道帶鹹香牛油平衡返咖央甜味。連呢個餐都有跟餐飲品。街頭雞肉串燒 跟餐加$22街頭雞肉串燒一客兩串。雞肉啖啖肉，好重咖哩味。伴青瓜同車厘茄，另上參巴醬。酸辣鳳爪 加$26酸辣鳳爪一共有6件鳳爪，爽口醒胃。伴有西芹，紅蘿蔔絲，車厘茄同洋蔥絲，味道酸酸辣辣。古仔路芒果冰 跟餐加$8古仔路芒果冰用杯裝，芒果味好香唔假，好抵飲。跟有獨立包裝粗身飲管。老街椰汁冰 跟餐加$8椰汁冰係好香滑椰汁味。都跟有獨立包裝紙飲管。桂圓紅棗茶 跟餐桂圓紅棗茶好足料，有紅棗又有杞子、桂圓、菊花等，味道唔甜，非常熱。總括而言，今餐食物質素唔錯！茶餐似正餐一樣大大碗，非常抵食！座位舒適，地方光猛，今日坐到卡位私隱度十足。服務員態度友善。平日午市茶市好滿。…查看更多

北角超抵食星馬菜！$200有找二人餐，海南雞飯+咸蛋魚皮正到爆！人均$70-90（晚市套餐平到笑，仲要夠飽！） 亂入呢間星馬菜，本來冇期望，點知一試馬六無骨海南雞飯，哇～雞肉滑到識發光，油飯好香，仲要唔會太油膩，啖啖肉冇骨，懶人恩物！馬拉盞通菜，炒得蝦醬味濃但唔會咸到飲水，送飯一流！ 最驚喜係咸蛋黃炸魚皮，脆到「索索聲」，咸蛋黃多到黐住晒個口，邪惡但停唔到口！食完飲返杯桂圓紅棗茶甜度剛好，暖粒粒好舒服～最後仲有叫左美綠哥斯拉（即係美綠恐龍？🤣）超濃朱古力味，飲完成個人開心晒！ 環境方面：小店格局，坐得闊落又乾淨服務方面：員工個個都好快手，落單5分鐘左右就上菜！見我影相仲主動話：「後生女，趁熱食啊！」人情味加分～ 🌟 必點推薦咸蛋黃炸魚皮**（脆到癡線，必叫小食！） 美綠哥斯拉**（朱古力控會瘋狂～） 200有找食到捧住個肚走，仲要樣樣高質，北角街坊有福了！如果嫌茶記悶，呢間絕對係平民星馬菜首選，性價比爆燈，回頭率100%一個人去食的話，建議叫1人套餐，$90有交易，仲平過茶餐廳！😎…查看更多

餐廳：馬六地點：炮台山電氣道菜式：馬拉野餐牌：茶餐12選一，有多款飯粉麵小食，配冷熱飲品6選一，凍飲加$3，另外仲有小食追加同加$8升級飲品。仲有地道推介茶餐。豬頸肉喇沙摻摻 $48豬頸肉有5件，唔會太燶，都頗瘦，似叉燒。摻摻即係黃色粗麵加幼身粉絲，前者有咬口又滑溜而後者幼滑吸汁，加埋係好正嘅口感，極度掛湯。個湯又香又滑，梛汁又夠，辣度剛好。其他配料有半隻糖心蛋，豆角，豆卜4件，同少少爽口芽菜加香口脆脆，材料豐富，呢個價錢超抵食。馬六無骨海南雞飯 $65馬六無骨海南雞飯有十件雞肉食。雞肉算嫩，皮滑溜，伴有四條青瓜，跟有大大碟三色醬汁。雞油飯大大碗，非常黏口。仲有一碗蟲草花蔥花雞湯，雞味好濃。加$10可以轉脾位。班蘭咖央多士 $28 班蘭咖央多士係一客兩塊麵包切開四件，好養眼綠色多士烤得香脆，入面係一層厚厚牛油加一層咖央，醬汁豐富，好邪惡。食落外脆內滑，味道帶鹹香牛油平衡返咖央甜味。連呢個餐都有跟餐飲品。街頭雞肉串燒 跟餐加$22街頭雞肉串燒一客兩串。雞肉啖啖肉，好重咖哩味。伴青瓜同車厘茄，另上參巴醬。酸辣鳳爪 加$26酸辣鳳爪一共有6件鳳爪，爽口醒胃。伴有西芹，紅蘿蔔絲，車厘茄同洋蔥絲，味道酸酸辣辣。古仔路芒果冰 跟餐加$8古仔路芒果冰用杯裝，芒果味好香唔假，好抵飲。跟有獨立包裝粗身飲管。凍香茅橙茶 跟餐加$3凍香茅橙茶叫左走甜，係香橙味溝適量茶味，好清新唔苦。跟有獨立包裝紙飲管。桂圓紅棗茶 跟餐桂圓紅棗茶好足料，有紅棗又有杞子、桂圓、菊花等，味道唔甜，非常熱。總括而言，今餐食物質素唔錯！茶餐似正餐一樣大大碗，非常抵食！座位舒適，地方光猛，今日坐到卡位私隱度十足。服務員態度友善。平日午市茶市好滿。…查看更多

今日同朋友嚟到炮台山電器道呢間「馬六」，餐廳裝修靚，營造出舒服嘅東南亞氛圍，服務方面值得一讚，店員態度親切有禮，上菜速度夠快👏🏻👏🏻🍜馬六海南雞湯米粉 $68簡單健康之選💛 湯底真係一絕 飲落鮮甜，米粉索盡湯汁精華，每啖都係享受🤤 雞肉皮爽肉滑，配埋流心蛋同豆卜好滿足🐮巴東牛肉飯 $75非常惹味🥩燉得軟淋入味嘅牛腩，淋上濃郁嘅咖喱香料，微辣中帶啖啖椰奶香😍 撈埋熱騰騰嘅白飯食，真係食唔停口，好飽肚😋另外加購價叫咗兩款小食同飲品🐔五香雞卷 $22炸得外脆內嫩，腐皮包裹住調味啱啱好嘅雞肉餡，好滋味😋🥗馬拉盞通菜 $22鑊氣十足，用蝦醬炒得鹹香惹味，保持到通菜嘅爽脆🥥椰子班蘭冰清甜解膩，班蘭葉天然香氣同椰奶好夾☕️桂圓紅棗茶真材實料，養生又暖胃🥰…查看更多

************************✨海南雞飯雞肉去骨後切件 皮色淡黃 入口嫩滑點上三色調味更加正雞油飯粒飽滿分明 😍例湯仲有蟲草花✨斑蘭咖央多士多士烘烤得恰到好處外表色澤金黃 口感極致香脆內裡塗上一層斑蘭咖央中間仲有牛油片 係餘溫下微微融化😳✨脆炸鮮奶外層有輕薄嘅粉漿 經高溫快炸 形成金黃酥脆😋內裡嘅鮮奶微暖 唔會太熱氣餐牌內有多種選擇 性價比非常高香港各地方亦設有分店📍************************…查看更多

我約閨蜜去位於北角砲台山電氣道264號地舖的<馬六>食下午茶餐，環境舒適，裝修富有休閒氣息。我哋點咗：🥢海南雞清湯米粉$48：湯底清甜，米粉爽口，雞肉嫩滑好味又好食。🥢班蘭咖吔多士 $28：熱辣辣，班蘭多士香口好味。🥢馬六無骨海南雞飯 $65：海南雞嫩滑好味，配油飯一流。🥢娘惹炸鮮奶（兩件）$16：鮮奶炸得香脆可口。🥢馬來克醬油叉燒$36：啖啖肉，叉燒好好味。🥢古仔路芒果冰 $8：芒果味濃，沙冰好食。🥢熱桔仔話梅水（跟餐）：清爽潤喉好飲。…查看更多

性價比好高嘅下午茶呢間新加坡菜既菜式都整得好好味豬頸肉喇沙摻慘喇沙既湯頭有椰漿既甜味與濃郁亦帶鹹香微辣 濃郁而唔油膩 配上爽脆既豬頸肉吸收晒湯底精華嘅摻摻 好惹味斑蘭咖吔多士多士烘烤至焦香酥脆加上濃郁香甜既咖椰醬同牛油味道甜而不膩 帶有斑蘭葉香氣海南雞飯雞肉鮮嫩 雞油飯粒粒分明亦好香口另外有三款醬汁 黑醬油,姜蓉醬同辣椒醬蘸上不同既醬汁都有不同風味小食加配左惹味既馬拉盞通菜同鹹香脆口並重既咸蛋黃魚皮飲品揀左凍香茅橙茶,凍桔仔話梅水亦好清新…查看更多

馬六北角砲台山電氣道264號地舖經開砲台山，老友推介高汁海南雞飯，正呀喂！😚海南雞飯雞肉新鮮嫩滑，肉汁豐富，油飯口感鬆軟，鹹度適中，加薑蓉、酸辣醬和醬油提升層次，推薦！😍班蘭咖吔多士即叫即製，外層香脆，趁熱食好正！😻街頭雞肉串燒雞肉口感煙韌，醃製得恰到好處，醬汁惹味！😋馬拉盞通菜通菜新鮮爽口，炒得好勻循，鹹度適中，健康之選。😁香茅橙茶香茅鮮橙又香又甜，茶膽香濃，醒腦提神。😄柑桔話梅水酸酸甜甜的話梅配香濃的咸柑桔，飲完好舒暢。馬六 環境舒適，食材新鮮，海南雞飯串燒正，侍應服務態度好，回頭率高。😎🤘…查看更多

今日黎到北角搵野食，朋友想食啲星馬菜系列，即刻諗起呢間，馬六都幾多分店下，食過唔同分店都水準唔錯。餐廳職員服務好nice，整體用餐過程舒服，好滿意👍🏻大蝦喇沙摻摻，喇沙味道好濃郁，入面配料都幾多下馬六無骨海南雞飯必食既海南雞飯，油飯夠香，海南雞都皮彈肉嫩馬拉盞通菜都幾大盤下，馬拉盞幾惹味得黎又唔會太重口味脆炸鮮奶，外皮好酥脆，入面既鮮奶香都幾濃同夠哂奶滑，口感外脆內軟，非常好食加$3仲可以叫多杯凍飲，白咖啡&手工拉茶…查看更多

以前很正，又便，宜家换菜单，又贵又普通。冇食过新加坡菜嘅可以试下反正有D失望咯鸡亦冇以前新鲜，一股冰味，位置俾得唔好，脆度太普通。鸡油饭如果可以单点，干脆就单点算数啦。檬粉系必食嘅，虽然唔满意，但同宣传图的而且确一模一样，椰浆味食得出嚟，就系粉太多，料太小，唔值78嘅价，系土瓜湾卖78都有D离晒谱。小食冇乜好揀，太少选择，望落去冇特色，不如其他店服务都系冇嘅，仲要好似唔耐烦咁几时揾翻之前嘅大厨先好来食…查看更多

晚上在北角工作，難得下午有時間，可以吃個下午茶作為early dinner。這裡的下午茶除了輕食和湯粉，也有飯可以選，正好滿足要吃飽飽去工作的我。豬頸肉喇沙摻摻摻摻是星馬菜常見的食法，即油麵混合了米粉，把兩種不同口感的麵條混和在一起，增加口感。喇沙湯充滿椰香，甜甜的不會太辣；豬頸肉亦頗惹味。馬六娘惹茶燻鴨飯這個有點像海南雞飯的變奏版，一樣有冬瓜清湯和三色醬料，只是主菜換成鴨胸。鴨胸份量慷慨，有兩大件呢。自帶鹹香的鴨胸伴油飯也別有一番滋味。套餐可以追加一款小食，今次試了馬來黑醬油叉燒和馬拉盞通菜。自家制的叉燒甚有驚喜，肥瘦適中，肉質爽口。色彩繽紛的椰汁斑蘭沙冰和芒果沙冰，喝過後透心涼。…查看更多

成日都經過呢間係炮台山電器道既馬六，今日特意去食佢地個咖喱鴨，我既其中之一種喜愛既東南亞菜(Penang duck）。店舖環境同座位都感覺舒適，店長都好友善熱情。我第一個到店，坐低望下個餐牌，就睇到我想食既咖喱鴨配米飯，店長幫我人手落單，不一會就上餐。咖喱汁豐富濃郁，好餸飯，鴨份量都好多，味道一流，成不飯餸咖喱汁食哂。價錢合理，整體非常滿意。[米饭]口味：🥚🥚🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚🥚…查看更多

前排同朋友喺馬六食咗晚飯，試咗佢哋嘅招牌菜同小食，真係有驚喜！馬六嘅南洋風味做得好正宗，環境又夠chill，係一個同朋友聚餐嘅好地方。馬六海南雞清雞湯米粉 ($68.0)，呢個真係我嘅心頭好！雞湯清而不淡，入口有濃濃嘅雞香，米粉爽滑，唔會過淋，配上嫩滑嘅海南雞，簡直係完美。湯底仲有淡淡嘅薑味同香料，飲完暖笠笠，好舒服。$68嘅價錢，份量同質素絕對值回票價！檳城蝦湯麵 ($80.0)，呢個係為鍾意濃味嘅朋友而設！蝦湯好濃郁，帶少許辣同海鮮嘅鮮甜。麵條彈牙，仲有啲蝦同雜錦配料，食落好有層次感。小食方面，我哋加咗 咸蛋黃魚皮 (+$22.0) 同 馬來黑醬油叉燒 (+$36.0)。魚皮炸得香脆，咸蛋黃嘅濃香完，每咬一啖都係滿足感爆棚！$22真係ok，當係飯前小吃一流。叉燒就係似豬頸肉既部位，黑醬油醃得入味，甜中帶咸，可以不妨試試！飲品我揀咗 凍手工拉茶（少甜） (+$3.0) 同 凍桔仔話梅水（少甜） (+$3.0)。拉茶香濃順滑，奶味同茶味平衡得好好，少甜嘅設定啱晒唔想太甜嘅我。話梅水就清新開胃，桔仔同話梅嘅酸甜味好夾，飲完一啖好refresh，夏天飲最適合不過！整體嚟講，馬六嘅菜式好有南洋風情，每道菜都用心製作，味道同賣相都令人滿意。服務員態度親切，環境乾淨企理，坐得舒服。下次同朋友再嚟，應該會試吓其他菜式，仲有好多想試嘅南洋美食！…查看更多

今日放左工屋企無煮飯，就叫咪媽咪去附近食晚餐，今次想食新加坡菜，就黎到北角呢間分店。我地叫左個2人套餐B，首上係有兩款小食。第一款係酸辣鳳爪，酸酸甜甜而且無骨，食起非常開胃，味道不錯。真係食落非常放心。啖啖肉唔使怕有骨。第二款小食係炸鮮奶兩件。金黃色既外表，外脆內軟，襯熱食非常香滑。口感一流。而且唔會好油膩，炸到好乾身。入口即溶。主菜有兩款，第一款係無骨海南雞例牌，份量岩岩好，兩個人食十分足夠。當然唔少得有三款醬汁，點黎食令味道更加提升。而且已去骨。非常方便食起。第二款係馬拉盞龍角豆，呢個用蝦醬炒，非常入味。我平時唔食蔬菜既都喜愛。非常野味。好有鍋氣。配咪雞油香飯兩碗。粒粒金香，味道好，非常有誠意，滿滿既幸福感，非常滿足。最後當然唔少得既緊係飲品啦，第一杯係加左8蚊可升級做特飲既美綠哥斯拉，上面粒粒香脆波波球，令口感更加突出，飲品甜甜地都好好飲，媽媽十分喜愛。我就加多8蚊轉特飲既係古仔路芒果冰，呢款唔算好甜，味道岩岩好，沙冰好細緻，用鮮芒果炸汁而成，我個人十分喜愛。…查看更多

馬六今次係我第二次回訪北角嘅一間新加坡菜餐廳「馬六」，呢間餐廳門口係有一級，輪椅人士如果想入去食野就要自備斜板！佢哋下午茶套餐粉麵或飯都只係$48起，送熱飲，凍飲加$3，特飲加$8，仲可以追加小食，每次嚟到「馬六」都會聽到印尼歌，唔知係咪特別多印尼人嚟食，所以就播住印尼歌呢？！🤣🤣🤣1.娘惹燒鴨喇沙摻摻$48+老街椰汁冰$8（9.5/10）呢碗娘惹燒鴨喇沙摻摻份量特別多，燒鴨有8大舊，每一舊都燒得好香，鴨肉肉質唔會好韌，仲有半粒糖心蛋、4舊豆卜、豆角同芽菜，摻摻即係黃色粗麵再加幼身粉絲，完全掛哂喇沙汁，喇沙湯底好香，唔會好辣，好掂！飲品就叫咗老街椰汁冰，呢杯椰汁冰椰汁味好重，有少少甜，都好好飲！2.馬六海南雞清雞湯米粉$48+椰子斑蘭冰$8（9.5/10）呢碗馬六海南雞清雞湯米粉份量都係特別多，雞件都係有8舊，每一舊雞肉肉質都好嫩滑，仲有半粒糖心蛋、4舊豆卜、豆角同芽菜，米粉好爽，雞湯湯底唔會好油膩，雞味香濃，唔錯！飲品就叫咗椰子班蘭冰，班蘭味唔算太濃，椰子味都唔算太濃，幾啱我飲！3.班蘭咖吔多士$28（9.5/10）呢個小食班蘭咖吔多士外脆內軟，班蘭味好出，牛油唔會好多，味道夾得好好，一共有4舊班蘭咖吔多士！4.馬拉盞通菜$22（9/10）呢碟馬拉盞通菜份量都好多，唔會好油同好咸，莖同葉大約一半一半，好味！5.娘惹炸鮮奶（2件）$16（10/10）呢個娘惹炸鮮奶咬落就知即叫即炸，入面都幾熱，外面炸得好脆，鮮奶味香濃，一共有2件娘惹炸鮮奶！2人總共價錢$178個人口味總評分：9.5/10地址：北角炮台山電氣道264號地舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#馬六 #新加坡菜 #北角好去處 #北角 #北角美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多