餐廳：馬六地點：炮台山電氣道菜式：馬拉野餐牌：茶餐12選一，有多款飯粉麵小食，配冷熱飲品6選一，凍飲加$3，另外仲有小食追加同加$8升級飲品。仲有地道推介茶餐。豬頸肉喇沙摻摻 $48豬頸肉有5件，唔會太燶，都頗瘦，似叉燒。摻摻即係黃色粗麵加幼身粉絲，前者有咬口又滑溜而後者幼滑吸汁，加埋係好正嘅口感，極度掛湯。可以揀一款粉都得。個湯又香又滑，梛汁又夠，辣度剛好。其他配料有半隻糖心蛋，豆角，豆卜4件，同少少爽口芽菜加香口脆脆，材料豐富，呢個價錢超抵食。海南雞喇沙摻摻 $58海南雞雞肉算嫩，皮滑溜，都有好幾件。班蘭咖央多士 $28 班蘭咖央多士係一客兩塊麵包切開四件，好養眼綠色多士烤得香脆，入面係一層厚厚牛油加一層咖央，醬汁豐富，好邪惡。食落外脆內滑，味道帶鹹香牛油平衡返咖央甜味。連呢個餐都有跟餐飲品。街頭雞肉串燒 跟餐加$22街頭雞肉串燒一客兩串。雞肉啖啖肉，好重咖哩味。伴青瓜同車厘茄，另上參巴醬。酸辣鳳爪 加$26酸辣鳳爪一共有6件鳳爪，爽口醒胃。伴有西芹，紅蘿蔔絲，車厘茄同洋蔥絲，味道酸酸辣辣。古仔路芒果冰 跟餐加$8古仔路芒果冰用杯裝，芒果味好香唔假，好抵飲。跟有獨立包裝粗身飲管。老街椰汁冰 跟餐加$8椰汁冰係好香滑椰汁味。都跟有獨立包裝紙飲管。桂圓紅棗茶 跟餐桂圓紅棗茶好足料，有紅棗又有杞子、桂圓、菊花等，味道唔甜，非常熱。總括而言，今餐食物質素唔錯！茶餐似正餐一樣大大碗，非常抵食！座位舒適，地方光猛，今日坐到卡位私隱度十足。服務員態度友善。平日午市茶市好滿。…Read More
