香港永年車仔麵茶冰廳

營業中

休息中

永年一直出名嘅都係車仔麵 見佢呢間有個鐵板餐好似有幾吸引 所以就試吓點知好抵食！🤩慢煮二人鐵板套餐呢個鐵板套餐就包兩個主食 兩碗餐湯/沙律 兩個小食同兩杯嘢飲酥皮羅宋牛尾湯🫕而家香港好少地方有得飲酥皮湯，雖然佢呢度有得加$15就可以飲到個酥皮湯啦 個羅宋湯係真係有幾舊牛肉喺入邊好足料👍🏻招牌香脆蒜蓉包🥖蒜蓉包加$18就有 一份就已經有四件 仲要熱辣辣 送湯就一流啦😋美國頂級西冷扒🥩塊西冷扒好大塊 其實食晒塊西冷扒已經好飽🤤 仲要塊鐵板好熱 倒啲黑椒汁落去嘅時候真係咋咋聲 佢可以配脆麵 好有香港特色🇭🇰永年雜扒🐂🐖🐓佢有豬扒牛扒同雞扒個人覺得最好食嘅係豬扒好林好夠味，不過三塊扒都好大塊一個女仔真係食唔晒🤰🏻洋蔥圈🧄洋蔥圈有好多個 好脆 又唔會有好多炸粉配茄汁真係一流🤤🤤凍奶茶同涼粉凍奶茶嗰涼粉凍奶茶太多冰啦😵‍💫呢樣應該係成個餐唯一可以挑剔嘅地方🙈不過呢個餐真係好抵 一個二人餐要放到成枱都係嘢 勁誇張🤩

上次食完二人餐覺得幾抵食，今次再黎食多次！二人餐包每人一個沙律或餐湯、扒、小食同飲品，都只係$398🫣我地揀咗美國安格斯封門柳同肉眼，封門柳口感淋好多，牛香味重啲；肉眼口感就比較有韌性同咬口，小編就鐘意前者多啲！配嘅炸麵浸咗汁索曬味，不過口感仍然保留少少脆口，係幾特別嘅～餐湯加錢換咗酥皮周打蜆湯，忌廉香味濃郁，配酥皮超邪惡🙊但好好飲……小食方面就揀咗砵酒燴牛尾，兩大舊牛尾份量十足，估唔到小食都咁足料🙊牛尾好淋好入味🥰另外仲揀咗雪糕黑芝麻西多士，黑芝麻碎好香口，不過餡嘅份量就唔算太多，配雪糕冷熱交融，原來都幾match👍🏻蝦多士即炸熱辣辣好香脆，蝦泥鮮香味濃郁，但略嫌油咗少少🤏🏻飲品方面，紅豆奶茶冰嘅茶底唔會太濃所以冇茶嘅澀味，但茶香味好出～甜度唔算太甜，呢款小編好鐘意！菠蘿冰幾fresh，但就偏甜少少，可惜冇得改甜度🙈如果可以少甜就好啦

永年係元朗不時食佢嘅車仔麵但鐵板餐真係第一次小編同朋友叫左個二人鐵板餐好似幾抵食 二人鐵板餐有兩個鐵板套餐+兩杯飲品+兩碗湯+沙律🥗+小食🥗沙律牛油果薯仔沙律內容麵好豐富 樣樣都係小編最鍾意食嘅😋同埋用千島醬 小編至愛鐵板餐都幾有誠意一份兩塊鐵板一塊係牛扒另一塊係裝配菜同炸麵先講炸麵 都好少店有得食要去中菜館先食到 例如肉絲炒麵炸麵炸到好脆 但又吾會好油膩淋上黑椒汁勁好食😋再講牛扒二人餐有兩款小編叫左一款和牛肉眼芯一款係雜扒餐每款雜扒嘅底麵會墊一卷洋蔥圈原來鐵板洋蔥圈都幾甜幾好食和牛肉眼芯牛味濃 肉嫩冇筋位 啖啖肉牛魔王 最岩叫呢個餐雜扒餐咩都有 超岩拿吾到主見嘅貪心鬼😌

❤️酥皮牛尾羅宋湯（+15） 回憶反哂黎 酥皮焗得非常好 脹卜卜好脆口 而且牛油味重 好香 牛尾羅宋湯夠濃 足料 一啖酥皮一啖湯 正哦❤️永年雜扒 $198美國頂級西冷牛扒（5oz)-西冷啱啱好五成孰 牛扒非常juicy 唔乾身 而且牛肉味濃嫩滑雞扒 （4oz)-雞扒皮脆 入口卜卜聲 而且肉質嫩 原切豬扒 （6oz)-豬扒夠哂厚切 食落無筋 連骨位附近帶少少肚膏 夠哂香口 ❤️涼粉奶茶 +$15茶底絲滑 香濃 飲落好順口 加埋涼粉 好夾 飲多幾杯都得呀❤️砵洒燴牛尾牛尾大大件 夠哂入味 可以食哂骨頭𥚃面既骨膠原 而個汁吸收哂牛尾既精華 再加埋洋蔥 蘿白 番茄 直頭係白飯殺手呀❤️永年車仔四餸麵（辣汁）先講下永年個湯底 有小小酒味 加埋秘製辣汁 無得輸⭐️雞翼尖-滷水雞翼尖滷既時間夠長 好入味 多多都唔夠食⭐️豬紅-世一豬紅夠哂Q 彈 入口柔軟彈牙 ⭐️魷魚-魷魚灼既時間剛好 顏色好似玻璃咁透明 ⭐️豬腸-豬腸乾淨 入味每舊都有適中既肥膏係𥚃面 夠哂香口 油花四溢❤️南乳豬手今日MVP🏆南乳豬手 色澤均勻 好入味 夠哂淋 膠質豐富 世一豬手！📍香港永年車仔麵茶冰廳 (沙田)沙田沙田正街18號

懷舊港式鐵板扒餐同老媽子逛新城市廣場 順便去老字號茶記 食懷舊鐵板二人餐 盛惠$429 -🥪蝦多士炸多士咬落幾油膩 食回憶搭夠😅-🍤牛油果薯蓉大蝦沙律用玻璃雪糕杯盛滿薯蓉沙律 典型港式西餐嘅賣相🙃 蝦仁清涼爽口 千島汁令胃口大開-🥩鐵板雜扒🥩鐵板厚切豬扒港式鐵板餐代表 一定係雜扒 豬扒🐷雞扒🐥煙肉🥓之類 跟白飯/意粉/炸麵 大件夾抵食 最有特色嘅moment 當然係倒醬汁嘅時候 煙霧迷漫加上鐵板發出嘅吱吱聲 切記要拎住白紙巾🧻 做個招牌「擋煙」動作 配合一下🤣🤣🤣-🍨黑芝麻西多士伴雪糕以前食茶記西多士 點似得而家有餡咁幸福🥰 黑芝麻醬令味道更豐富-🧋紅豆奶茶冰-📍香港永年車仔麵茶冰廳沙田新城市廣場L1樓113號舖

今日經過新城市廣場發現有間車仔麵嘅茶餐廳餐廳無論外面同裡面怖置都好有懷舊嘅味道坐位寬敝及環境舒適～空間感十分足夠‼️餐廳食物高質之外亦都相當之性價比～抵食👍今次我哋點了女神麵同牛扒鐵板餐🥩1）女神麵$88（9/10）（包括鮑汁燜花膠、酸齋、枝竹球、紫菜、蘿蔔、冬菇及時菜）份量十足👍每款款式都比一般車仔麵特別之餘味道水準亦都不錯！尤其花膠燜得入味又口感豐富～完全感受到滿滿嘅膠原🤭枝竹球又係另一款我最愛嘅如果你本身都喜愛食枝竹嘅話呢款必定要試～厚厚枝竹口感豐富😋2）懷舊牛扒鐵板餐$148（8.5/10）侍應送到過來還貼心服務幫我淋上醬汁及提醒注意小心被汁料彈到～儀式感強啊‼️中度級別粉嫩牛扒厚切嚟講更加冇得輸滿足哂牛魔王嘅一族👍飲品方面我哋試咗🍹最近推出嘅「涼粉冰」消暑解渴嘅最佳選擇！不過略嫌涼粉少咗一啲🙌另外還有樽仔「永年奶茶」奶茶香滑又夠味用樽裝盛載特別得嚟又可保持茶香嘅味道整體來說：呢度有多種款式都好想試無論早餐午餐下午茶晚餐每個時段都有唔同嘅菜式令人必定會再度回訪再試👍

是日非常之咁鋸扒 🥹原本隊員W 提議去食金X 但又要出九龍有點遠突然諗起上次經過新城市永年, 佢地都有鐵板餐老老豆豆, $398 一個慢煮鐵板2人套餐, 價錢上未試過呢又真係唔會覺得佢平既, 但試左之後, 真心感覺係真材實料, 好食過所有金X, 飛X 果D, 以後食鐵板都一定會揀番呢間🤪🤪🤪二人餐有兩個鐵板燒套餐，兩杯飲品，兩碗湯或沙律 ，兩個小食，我哋額外加咗蒜蓉包同埋菜，真係飽到一個點。。。。仲要每樣都超大份。。。🤤招牌港式牛尾羅宋湯, 好足料, 入面真係有牛尾, 而且牛油味好香; 周打蜆肉魚湯好creamy, 唔係一般忌廉湯，有落薯仔去煮, 魚湯味濃。蒜蓉包果然無加錯，超香蒜蓉味，又脆，伴湯一流無晒腐乳通菜只好叫腐乳生菜，但無諗過甘大份，對比平時茶記叫既郊外遊菜真係好抵食👍🏻燴牛尾好淋，又入味，雖然個人喜好還是希望可以再濃D，但其實已經水準不錯，薯條好大兜。。。炸得好脆，加埋鐵板， 非常正講下２個扒🐮，真心覺得佢地handle 得好好，好老實本身對一間茶餐唔係專門鋸扒既餐廳所整既扒無太大期望，因為即使專鋸扒既平時都會發生過生／過熟既情況，但呢度係要咩就比咩你👍🏻👍🏻👍🏻。要５成，

外賣9折3餸幾抵食😋叫左清湯加小辣，辣度似譚仔3小唔好睇少，一路食鼻水一路流🥲豬腸同雞翼尖都好夠入味👍🏻豬紅份量都算多，整體都算多餸但麵底唔多女仔麵夠食但唔會好飽外賣放晒門口任人唔check單拎就唔係太好總體上沙田呢個高級食肆商場來講搵食都算抵食午餐😂

嚟沙田食嘢成日麵會有驚喜，今次嘅驚喜竟然係喺車仔麵店食到「招牌懷舊鐵板餐」。慢煮鐵板二人套餐($398)二人餐有兩份扒兩個湯兩個小食仲有餐飲，價錢都算親民。招牌港式酥皮牛尾羅宋湯(酥皮+$15)少有可以俾你羅宋湯加酥皮食，酥皮咬落幾香口，酸酸甜甜嘅羅宋湯加上牛尾肉香味，好飲又開胃。周打蜆肉魚湯除咗蜆肉之外仲有好多薯仔粒，每飲一啖都食到啲湯料，味道鮮甜而且唔會太cream。芝士肉醬焗薯皮焗到脆晒嘅薯皮上面加上芝士肉醬一齊食，口感非常豐富嘅組合，薯皮焗得好香口惹味，芝士肉醬令整體口感唔會太乾。美國安格斯封門柳(5成熟)成隻牛最重肉味嘅部位，洋蔥汁加上咋咋淋嘅懷舊鐵板，童年回憶返晒嚟！扒餐用慢煮再煎香嘅方法製作，咬落口感都幾嫩，肉汁都有好好咁鎖住，肉味濃郁。跟餐嘅鐵板炸麵脆脆哋咁又幾香口，唔錯。紐西蘭肉眼扒(7成熟)另一份就揀咗肉眼扒，肉味雖然無封門柳咁濃郁，但油花令口感層次更豐富，肉汁亦相對更多。黑芝麻西多士伴雲呢拿雪糕多士夾黑芝麻醬然係上面加大大個雲呢拿雪糕球，係咁熱嘅天氣最啱食呢個甜品，黑芝麻醬令多士嘅味道層次豐富好多，最後加一口雪糕真係透心涼。菠蘿冰CP(+$15)既然係懷舊鐵板餐，

連生菜魚肉+韭菜豬紅都有 搞到忍唔住嗌太多 飽到反艇🤡(利申食曬) 慢煮鐵板二人套餐 $398 (另加一)【沙律、餐湯】• 🥗牛油果薯仔蝦沙律有成4隻蝦 薯仔好綿密 調味係日式 我好鍾意• 🍲周打蜆肉魚湯 都有幾多湯料😍【小食】• 🍤蝦多士(三件)炸得好脆好香😍蝦膠唔算多 不過就咁炸多士+沙律醬已經好好食 【主菜】• 🍖美國安格斯封門柳 配意粉(+$12，另加一)、洋蔥汁揀7成熟 影完相都好軟嫩 唔會韌😝有兩大舊 分量好多😳 底嘅洋蔥都好好食• 🍗永年雜扒 配炸面、黑椒汁豬牛雞有齊 大份到傻🤣豬肉最驚喜 全熟但係好嫩推薦黑椒汁多過洋蔥汁👍【甜品】 • 🍦黑芝麻西多士伴雲呢拿雪糕多士炸得香脆 食得出黑芝麻夾心食咗一啖 就開胃翻(ㆁωㆁ*)甜品控表示必嗌 【飲品】• 熱檸茶 • 凍檸茶 (+$4，另加一)仲有好多選擇 好立克 阿華田嗰啲都唔使加錢👍 生菜魚肉 +$20 (跟餐價)(另加一)分量多 味道同平時食開差唔多 如果多啲白胡椒更好😍 韭菜豬紅 $28 (另加一)分量又係好多🤣🤣豬紅好滑好水潤揀咗BB辣 不過我哋覺得一啲都唔BB😂 食辣嘅人應該嚟挑戰下佢哋嘅大辣 其實仲有煎釀三寶豬皮蘿

通常晏晝諗唔到食咩？多數都係食粉麵，今日同阿仔出咗沙田，佢話好想食油麵，去到沙田我淨係諗到呢度，因為我都想食車仔麵🤪🤪🤪以前真係會專登入去元朗食佢，沙田開咗之後就好方便 😌呢度一向lunch時間都好多人，差唔多20分鐘，不過佢上菜好快，自己手機入單我最鍾意，自己慢慢睇又得，又唔使麻煩人。🥄皇牌雞扒太陽蛋飯：代表港式嘅飯之一，我哋選擇咗蔥蒜油，雞扒煎得香口，雞蛋我哋要反蛋，另外呢個係個餐嚟嘅，仲有杯嘢飲。🥄永年大碗麵：有水魷、魚蛋、豬皮、豬紅、紅腸、豬腸、雞中翼、蘿蔔。麵底要粗麵，呢碗我哋要中辣辣汁，佢嘅執永遠都係咁出色，蘿蔔淋，豬皮好入味。你們好好乜嘢都有啲，滷水系列好入味，冇失手。🥄永年車仔四餸麵：呢個我哋油麵，豬皮，魚蛋，腸仔，同埋豆卜。麻辣汁好辣，小辣都好夠味，油面好爽口唔會淋啤啤😃以上全部都係午餐，有嘢飲，凍飲要加$4。

✨慢煮鐵板2人套餐✨👶🏻前菜👶🏻🍼 牛油果薯仔蝦沙律蝦大大粒好新鮮，牛油果薯仔沙律做前菜夠晒健康🍼 周打蜆肉魚湯蜆肉鮮甜，夠creamy，好好味🍼 SRF和牛肉眼芯上菜嘅時間店員會喺面前淋汁落塊鐵板度，真係好有feel，我就鍾意食生啲，點咗五成熟嘅和牛肉眼芯配洋蔥汁，切落去肉質仲係粉嫩粉嫩咁，和牛嘅肉味濃郁，厚身得嚟又夠軟腍，高質👍🏻👍🏻🍼 美國安格斯封門柳呢塊安格斯封門柳有成10oz，真係滿足晒食肉獸嘅願望😍 朋友都點咗五成熟配洋蔥汁，牛肉味香濃，封門柳嘅肉食落口嫩滑多汁，值得一讚，配埋脆麵食真係好有風味👏🏻👏🏻👶🏻小食👶🏻🍼 懷舊蝦多士炸到好脆口，蝦肉亦都好足，香口惹味🍼 砵酒燴牛尾牛尾炆得啱啱好，好腍好入味，食落口有濃濃嘅砵酒香☕️ 熱檸茶🥤檸檬可樂

茶餐廳食鐵板餐😀叫左個二人餐，好多野食…QR code落單👇🏼二人餐（$398）有沙律/湯，小食，飲品，甜品，扒餐跟炸麵，轉飯/意粉要加錢，另外加左蒜蓉包同腐乳通菜個封門牛柳，肉質好軟熟，叫左5成，都真係做到5成👍🏼 餐湯好足料，兩大舊牛尾👀加18蚊要埋蒜蓉包，咬落好脆，蒜蓉牛油幾香😋蝦多士…一般😗加18蚊有腐乳通菜，朋友要多腐乳，真係俾好多😆仲加15蚊upgrade 左抹茶紅豆冰，抹茶味唔算濃，但唔太甜甜品：芝麻西多配雲呢拿雪糕，呢個全餐最深刻，幾好味😋兩個人食到超飽😆要打包😜盒加2蚊，袋加1蚊😜整體覺得ok，茶餐廳嘅味道，但坐得耐唔會有人趕。西多幾好食，姐姐好nice👍🏼另外有老人家/小朋友建議轉飯/意粉！

放工同朋友約咗去沙田新城市廣場行街買嘢，佢話比較少食茶餐廳，但係佢揀咗間打卡都幾靚有香港特色嘅茶餐廳一齊去鋸扒！見到佢呢個鐵籠同埋舊香港理髮舖嘅霓虹燈，即刻知道呢間茶餐廳應該會有我想打卡嘅感覺。晚餐有得鋸扒，我哋兩個人就叫人二人餐！慢煮鐵板2人套餐二人餐有兩個鐵板燒套餐，兩杯飲品，兩碗湯或沙律 ，我哋額外加咗兩個小食同埋一個蒜蓉包。美國安格斯封門柳五成熟嘅安格斯封門柳，淋上黑椒汁，非常惹味，炸麵比較乾，下次可能加錢改成飯或者意粉會比較易入口。不過個牛就好好食！永年雜扒有豬牛雞扒，我揀咗洋蔥汁跟炸麵。個人感覺雞扒比較好味，牛、豬扒就正常嘅。招牌港式牛尾羅宋湯足料嘅牛尾湯，田園味道！周打蜆肉魚湯有別於一般嘅忌廉湯，呢碗湯似我學西餐嘅時候用自己Pan煮嘅薯仔做呢碗湯嘅基礎，令到魚湯有忌廉湯質感。都算唔錯。加配香脆蒜蓉包懷醬蝦多士一共有三件蝦多士，多士炸得好鬆脆！黑芝麻西多士伴雲呢拿雪糕冇諗過個甜品都幾好味，我下便個西多係熱騰騰嘅，而上邊嘅雪糕就好冰涼，黑芝麻餡好好食。一啖雪糕一啖西士，簡直就係冰火兩重奏。腐乳通菜多腐乳，通菜炒得好新鮮！- - 抹茶紅豆冰-- 檸檬水(熱）紅豆嘅香甜攪拌之後令

永年車仔麵未開到沙田既時候已經食開，最近行過見到出左鐵板餐就唸住入去試下，星期五既夜晚都幾多人等位，我地大概等左15分鐘沙田分店既裝修同環境好靚兩個人食我地揀左一份鐵板餐，有好多唔同選擇，鐵板彿跳牆好特別，不過驚叫兩個食唔晒，揀左安格斯封門柳，可以揀配炸面或者意粉，我地就揀左炸麵，好特別。牛柳厚度十足，食落去好淋好juicy，牛肉味幾出，份量剛好，煎得好香。炸醬口感好脆，配埋醬汁食會冇咁乾跟餐即周打蜆肉魚湯同蒜蓉包都好食，蒜蓉包咬落去係脆既，蒜蓉醬好香另外叫左焗芝士牛尾意粉，三重芝士真係唔係講笑，好岩芝士控，牛尾同意粉好夾，分量真係唔少如果兩個人share比較好最鐘意衣度有好多菜選擇，今次叫左腐乳通菜，好好食，d菜好新鮮最後飲品紅豆冰都好唔錯，夏天飲爽歪歪