首爾石鍋燒

營業中

休息中

今天和好友們 一齊聚餐， 大家不約而同就話去首爾! 呢間我地食咗好多年， 好啱大家嘅口味!首爾嘅特色係佢將香港人嘅口味帶入嚟， 所以令到我哋呢啲唔可以食得太辣 ，又或者唔鐘意太傳統嘅韓式口味有多個選擇， 啱曬我哋呢班至潮既後生仔!豬頸肉石鍋飯呢個真係夠曬特別，又超級野味， 面有蔬菜 ，上面有隻生蛋。 當然唔少得主菜豬頸肉 。呢個飯有好少嘅辣， 好惹味但唔會覺得辣。餃子烤肉豆腐鍋呢個豆腐鍋裏面有泡菜餃子， 韓式烤肉， 豆腐 ，雞蛋 ，粟米，蔬菜 。我哋揀咗烏冬。 都可以跟飯同粉絲。個鍋滾辣辣上好正 ，一上枱先 睇下隻雞蛋， 仲係半生熟! 超正 烏冬吸曬落湯嘅精華， 豆腐亦都非常嫩滑! 呢個係我個至愛 ， 真心必食推介!炸雞翼雞翼外面好脆, 裏面好juicy 😋好搶手, 好快食曬泡菜薯條好開心呢度都食到炸薯條， 奉上泡菜， 有另一番滋味 ! 分開就咁食薯條亦都夠曬好味， 薯條仲要好大條泡菜鐵板飯呢個我朋友嚟親都一定要食 。一上枱， 吱吱喳喳聲 ，新鮮滾熱辣， 香到四周圍嘅人都 望住我哋 可以揀烤肉，雞肉，牛肋骨。 朋友今次揀咗烤肉 ，我就覺得泡菜鐵板牛肋骨最好食， 啲汁撈飯真係回味又回味

大部份嘅韓國餐廳🇰🇷都偏貴，埋單人均想少過一百都有啲難度😭。但喺旺角，有一間$60 都唔洗就可以食到嘅韓國餐廳🍴，質素仲要唔錯！我地係平日1400食，所以唔太多人，唔需要等位！一入到去就聽到餐廳好大聲播緊韓國歌🎶，作為韓迷，聽到都十分興奮！🤩座位有少少擠迫，但都叫可接受。等左一陣侍應就會俾湯我哋，係粟米湯🌽，味道一般，但一個餐竟然又有餐飲，又有湯送，的確令人意外！😋海鮮烤肉豆腐鍋🍥（$55跟飯 +$5 轉烏冬）$55真係抵到爛！啲豆腐超滑，牛肉亦都幾冧，但反而最好食嘅係啲粉絲！🤣啲粉絲吸哂湯嘅味，撈飯食一流！海鮮分別有兩隻海蝦🦐，一隻青口，魷魚🦑，蟹柳等等，海鮮唔算多。但以呢個價錢算係唔錯！泡菜豬頸肉豆腐鍋 （$55 跟飯 +$5 轉烏冬）一嚟到，個湯仲滾緊，超正！嗌咗小辣但其實一啲都唔辣🌶，適合啲食唔到辣但又想有少少泡菜味嘅人。烏冬超彈牙，但追加左烏冬就冇粉絲，本人覺得有啲唔抵😛啲肉超冧，亦都煎得好香！海鮮煎餅（$58）其實海鮮甚少，但配埋秘製嘅醬汁，非常好食，煎餅份量亦都十足，口感有少少漿口，唔錯！🤤總括而言，哩間餐廳性價比極高，絕對會返去再食！🤑

天氣涼涼地最啱食辣豆腐湯，今日去了位於通菜街的《首爾石鍋燒》。我叫咗《蕃茄泡菜烤肉豆腐鍋，配飯》材料豐富，有蕃茄、泡菜、烤肉、豆腐、粟米粒、一些蔬菜、粉絲。泡菜辣湯味道刺激醒胃，辣度適中（我叫了中棘）。雖然有烤肉喺入邊，但係湯底一啲都唔油膩，可以加落啲白飯度當係湯飯，好正。另外啲粉絲吸晒湯嘅精華，十分好味道，強烈推介❤️❤️！我個friend叫咗《泡菜大蝦炒飯，小辣》。佢話好好食，因為係即炒嘅炒飯，又香又乾身。啲蝦都幾大隻，肉質彈牙。另外又有泡菜，令味道更有層次，十分不錯👏🏻👏🏻。見到隔離枱叫咗《韓式粉絲煎餃》，我哋又叫一客來試一下。賣相幾吸引，煎到金黃色的很香脆。入邊啲餡幾好味，主要係粉絲，豬肉，和一些蔬菜，味道不錯很好吃😋😋。聽講呢度啲《韓風一口雞》不錯，要一客大家開心share。炸粉很香口而且不會太厚，𥚃面的雞肉滑滑的嫩嫩的不會乾身，yummy!😍😍這餐廳價錢實惠，質素不錯，性價比高，值得繼續支持！👍👍

依間餐廳既員工服務態度極度惡劣，強烈建議大家不要再去！！話說午餐繁忙時段同另外一位同事黎依到食野，1點左右黎到門口有大約10餘人等位，期間見到餐廳入面有幾張4人枱是空置的。唔知道餐廳是否想營造一個好多人排隊等位既假象，當時門外包括我在內有4-5組的2位客人，但侍應堅持不放行。等左大概20分鐘，果幾張4人枱依然無客，門口聚集愈來愈多人。依個時候有位中年眼鏡男侍應行經門前，我遞張飛比佢，指住d空既4人枱話我地等左好耐可唔可以坐果邊。個男侍應黑面望住我，一手搶左我張飛就粒聲唔出行開繼續做野，我地完全黑人問號，咁即係點啊？最尾無理咁多照坐落去食物方面我叫左傳統牛肉石頭鍋飯，我唔知佢地係點整既，d飯本身勁濕一pat pat咁，再撈埋隻蛋成碗稀飯咁埋單果陣因為咁岩無散紙唯有比1000蚊，女侍應一見到又即刻黑面咁叫：無錢找啊！然後塞番本單簿比我又極快速咁行走左最後要同事行過幾條街去便利店唱散先搞掂。依間餐廳既員工極度暴躁，無乜事真係唔好走去食

突然間好想食泡菜豆腐鍋，就入左呢間係旺角女人街兩邊個啲餐廳黎，睇相好似好正，但食落陣味完全唔正宗，韓國野食都好易整，黎黎去去都係個啲間野完全食唔到韓風味泡菜烤肉豆腐鍋：姐係辣湯飯咁，湯同飯係另上，完全食唔到韓式泡菜個種辣味，食到乜癮都冇，好似加左小小辣嘅大醬湯咁石頭鍋拌飯：個韓國甜辣醬好fail，撈完一食，都唔係平時食開個隻味，牛肉又硬，食到無晒表情，第一次食咁難食嘅石頭鍋拌飯蘿蔔煎餅：好熱好多油，我一食就辣親個嘴，搞到個嘴起晒水泡，炸熟晒咁，味道正常，都係粉漿加白蘿蔔煎如果食開韓國野，有要求嘅話，千奇唔好試呢間，包你失望！！！

下午茶 $39- 年糕烤肉手打烏冬 (石鍋上)- 菜蜜餐廳售賣韓國食物, 播著K pop, 是加分位, 唯略嫌餐廳環境比較暗。不論午市套餐、小食或下午茶, 價格均親民。下午茶份量不少, 足以飽腹。年糕烤肉手打烏冬用石鍋上, 全程保持食物熱辣辣, 吃畢有點冒汗。湯頭味道比較淡, 不夠辣, 烤肉肉質不嚡, 烏冬滑溜年糕彈牙, 豆腐有豆香, 質感滑溜, 加上少量粟米、椰菜和鳴門卷, 材料算是豐富。菜蜜味道中規中矩, 唯用來盛載的杯頗花, 有點影響食慾。

lunch食過幾次,覺得有湯有野飲都幾抵, 就同屋企人一家5口黎試下~Lunch 叫餐仲會有碗蛋花湯,但夜晚竟然無...好傷心5個人叫左4樣野食~分別係:1.黑椒金菇肥牛石頭鍋飯: 石頭鍋飯最緊要有飯焦, 好彩兩個石頭鍋飯都有飯焦, 醬汁令飯焦好香,但有少少黏形2.香蔥炸蒜牛肉粒石頭鍋飯: 牛肉粒可能係個石頭鍋太耐,感覺有D韌; 不過有蒜真係香好多3.韓式燒牛肋骨配生菜蒜片: 其實唔係牛肋骨而係牛仔骨...生菜好少..蒜片好少; 有D牛仔骨肥膏多過肉, 因為有脂肪所以係香的,不過我中意有肉多D4.海鮮煎餅: 煎餅真係好驚喜!煎得好脆, 餅內乾身唔係一口漿, 海鮮略少, 不過香口真係贏返唔少分Lunch仲可以包野食...夜晚就無包啦,不過Lunch Dinner一樣價錢就過佢啦~

來到Happy Friday, 銷售員A和會計員M又有機會外出覓食。每次來到旺角女人街，選擇都很多，避免中伏都是建議在餐廳外，先了解下餐廳內人數，方為上策。今晚選擇的首爾石鍋燒，周五晚上約八時，餐廳內座無虛席。泡菜烤肉豆腐湯飯 : 材料非常豐富，烤肉，泡菜，粉絲，韓式魚蛋卷，粟米，豆腐，雞蛋等等，配以韓式泡菜湯，好味。蒜粒牛肉石鍋飯: 不喜歡食辣的朋友，可以嘗試美中不足餐廳只接受現金或支付寶付款，希望餐廳會作出改善。銷售員回頭指數: 4分

難得係 #旺角鬧市 搵到間味道唔錯👅價💲親民嘅韓國小店🇰🇷同朋友兩個人一人叫左一個餐，再加左2個小食一齊share ====—====—====—====—😋特選一人套餐（$95） —————————🍴頭盤（3️⃣選1️⃣） 🍳玉子沙律 🥗螺肉沙律 🌽餐湯：蘿白粟米蛋豆腐湯     主菜： 🥘傳統烤肉石頭鍋飯 石頭鍋飯粒有嚼口，很香！烤肉份量夠多，配合不同配料和辣醬風味十足，惹味又好吃！ 🍲海鮮烤肉豆腐鍋配韓國手打烏冬（+$8） 份量超足，而且夠熱辣辣，手打烏外嫩滑煙韌，豆腐非常嫩滑，湯底很香，配料有2隻大蝦、烤肉、雞蛋、鳴門卷和其他配料！ 🍹飲品/升級飲品（+$5）選了蘆薈茶，清新又解渴 🥟煎韓國粉絲餃子（$48/5隻） 餃子一份5件，餃子入面包住粉絲、豬肉等，香口惹味，餃子皮薄易入口。 🌮泡菜烤肉蔥餅（$58/6寸） 蔥餅比外面吃到的做得非常出色，一般吃到的麵粉太厚，而這裡的麵粉比例剛剛好，香脆可口，一絲絲的泡菜充滿口感！ ====—====—====—====—

性價比高到令人震驚的韓式餐廳～～～餐廳名稱：首爾石鍋燒 (旺角)餐廳地址：旺角通菜街21號地舖～～～週末跟大舊來旺角覓食 路過通菜街見到許多人在這間韓式食店前排隊 我們的飲食哲學是有人排隊的店一般都不會太差 為了證明我們是對的 我們便跟着人群排隊 好彩大概等了10分鐘左右便有位了 比想像中快😆～～～餐牌有許多食物選擇 我們這個想吃那個又想吃 所以揀選了很久 還揀不到吃什麼好😋～～～大舊：啲價錢咁平 全部lunch set$40-$50左右就有1份 又有湯又有嘢飲 邊有可能咁抵 我估應該好細份小Q：我都估係 如果唔係邊有可能咁平 咁不如我哋叫三個set Lunch 再配一個小食？大舊：好啊好啊～～～就是這樣 我們就叫了韓式伴飯配烤肉 （可以選擇烤肉雞肉或者牛肉粒 ）泡菜餃子烤肉豆腐鍋配韓國手打烏冬 水冷麵 和炒田園蔬菜 結果當食物一送到 真的嚇了我們一跳 食物的份量不單止不少還非常大份 每個午餐set還送一個餐湯 係今時今日嘅香港 咁嘅價錢咁嘅份量真係令人有啲難以置信😆～～～韓式拌飯的材料非常豐富 有烤肉 辣青瓜 青瓜絲 粟米 木魚等等 拌在一起非常滋味 餃子烏冬亦非常吸引 烏冬彈牙

餐廳：首爾石鍋燒 (旺角)地址：旺角通菜街21號地舖人生要經歷多少次「碰巧」、有多麼的幸運才出現一次「巧合」呢？在眾多地方中，在成千上萬的街道上，在無數的餐廳裡，選上了在旺角通菜街的首爾石鍋燒吃晚飯，不過我相信的，還是每一件事的發生都有它的價值和意義在尋找意義當中，忽然察覺肚子餓了，拿起餐牌，毫不猶豫點了一個二人套餐，接近$200就可以食到韓式地道嘅秘製金菇肥牛豆腐鍋配烏冬同傳統石頭雞肉鍋飯，仲有韓風一口雞同韓式小食四款。當然二人套餐都有三款唔同組合嘅比你揀，鍾意食豬定牛定雞，泡菜年糕海鮮定金菇肥牛，決定權都係你手，絕對唔洗擔心要幾「巧合」先食到自己想食嘅食物以石鍋送上烏冬同鍋飯，確實保溫之餘又充滿韓式風格，熱辣辣嘅烏冬浸泡係微辣帶有蕃茄香嘅湯底中，連同肥牛、金菇、豆腐、栗米等一同送入口，真係令我聯想起幾年前到韓國旅遊時嘅一點一滴。雞肉鍋飯重點除左係內裡嫩滑外在煎至少少香脆嘅雞肉外，另一特色就係十分吸引嘅飯焦，唔知大家有無呢個習慣，但我就好鍾意食完飯後將黏係鍋底嘅飯焦都一併刮出來享受，香脆煙韌真係好吸引唔可以唔提嘅係金黃香脆嘅一口雞，每一啖肉都連同肉汁放入我嘅口，蘸埋韓式醬汁更特顯出韓

黎旺角食午餐，冇咩特別想食，求其行左入去尼間韓式料理店。食午餐會送一碗湯同餐飲，個湯一落完單就即刻有。其實個湯就係粟米蛋花羹，裡面再加左d豆腐同白籮白，味道都吾錯。飲完湯野食就岩岩好上菜。叫左個年糕大醬湯配飯，上菜嘅時候個湯仲滾緊。大醬味道重，配飯食岩岩好，單飲尤其飲到最尾會有d鹹。大醬湯嘅材料幾豐富，年糕軟糯，椰菜爽脆，豆腐嫩滑，除左有大量海帶外，仲有三大片豬肉。不過個湯加左粟米就有d奇怪。個鍋保暖能力勁，食到最後都仲係熱嘅。

前幾日經過呢間門口，今日就約左朋友放工過嚟試。7.半到，唔難搵位。呢度主打石鍋同鐵板，一入到去就勁大陣香味。我叫左泡菜烤肉豆腐鍋加烏冬，雖然有隻辣椒仔係 menu, 但唔係好辣，烤肉幾香囗，烏冬浸左好耐都唔會淋。同朋友好耐冇見傾耐左，但係都冇比人趕，埋完單仲有 coupon送。

首爾石鍋燒喺旺角已經好多年。之前已經幫襯過!上星期經過又一時諗唔到去邊度食飯就黎呢度。 我地2個人點左個二人餐，只需要 $169真係好抵食呢…! 上餐前附送餐前小食，味道也不錯! 雞拌飯份量好多呀，而且雞肉都幾嫩滑醬汁也味道也不錯加入飯而搞拌黎食真係好好食! 韓式鐵板牛肉粒飯上枱嗰陣zizi 聲，材料好豐富，牛肉粒淋淰，而且有牛好重牛味仲有一隻煎得好靚嘅太陽蛋tim。 食完已經好滿足，下次要食依度最出名既石鍋飯!!

今日又去「首爾石鍋燒」食飯。哩間韓國餐廳d野好好食，好arm我口味，而且地點十分就腳！今次叫做我最鍾意的《泡菜餃子烤肉豆腐鍋》，湯底我叫做「少辣」，跟飯。 哩個泡菜餃子係 my favourite。餃子主要係由豬肉，泡菜，粉絲做的。帶點辣，裡面豬肉又唔肥，餃子皮唔厚，味道剛剛好，好正。除左泡菜餃子外仲有烤肉（豬肉），豆腐，粟米，同粉絲！個豆腐好滑好重豆味😍。粉絲索曬個湯底真係好正！之後我仲畢左d湯係碗飯度，白飯索滿辣湯食又另有一番滋味！朋友叫左《海鮮烤肉豆腐鍋》。裡面鮮蝦同埋青口。朋友說d蝦係新鮮蝦肉質彈牙，青口的味道也不錯。還有滿滿的豆腐，粟米， 粉絲，烤肉，等等。湯底味道鮮甜，最後朋友佢食晒所有嘢連湯都飲埋！另外叫咗個小食《韓風一口雞》見好多台都有叫啲款小食。炸雞味道香脆，炸粉不厚，味道剛好，一口一炸雞，正合我心意！跟住食有飲品半價。凍檸茶都係$8。罐裝汽水或特飲都只是$9，物超所值！