首爾石鍋燒

營業中

休息中

疫情之下，好多遊客的旺角女人街變得冷冷清清。我今日同朋友去左平時都幾往旺場的首爾石鍋燒，今日唔洗等位馬上就有得坐低。我揀左一個叫做海鮮烤肉豆腐鍋。我同事揀左香辣豬頸肉石頭鍋飯。同事個香辣豬頸肉石頭鍋飯都幾驚豔! D豬頸肉橙橙地色都幾香辣, 豬頸肉好爽口，唔錯唔錯！ 中間個蛋黃好靚。另外有d配菜好似紅蘿蔔同粟米。撈起個飯時個石鍋一路茲茲聲個石鍋真夠熱。 我個海鮮鍋好好好味。裡面鮮蝦同青口，豬肉，粟米，豆腐，粉絲，都幾豐富，仲有碗白飯。同事話個湯底好正，味道刺激醒胃，d粉絲吸曬湯精華好正，好好食。另外還有跟一碗白飯，加些湯變成湯飯都好好食。埋單時個女仔侍應話外賣有85折優惠，真心抵！下次可以係度買外賣公司食！

放假終於可以鬆一鬆，去了旺角逛街，晚上就在通菜街搵食，比較經濟實惠。由於太肚餓的關係，我們選了二人餐再加兩個小食，沒得去韓國旅行，就吃東西補數。首先來前菜，有4款，其中我最喜歡辣泡菜和青瓜，酸辣很開胃。韓風一口雞這是跟餐的，一口雞炸得剛好，不會一口油，外脆內嫩，沾上韓式甜辣醬很好吃。秘製烤肉豆腐鍋加了$6要海鮮和$8要手打烏冬。海鮮有3隻爽口蝦球和兩隻青口。豆腐超滑，烏冬煙韌，配辣泡菜湯，惹味順口。傳統石頭鍋飯加了$4選牛肉粒，牛肉粒肉質鬆軟，大大件，份量足。石鍋飯伴入蛋、大豆芽、紅蘿蔔絲和辣醬，很香口。海鮮蔥餅蔥餅煎得香，不會油淋，外脆內軟，香蔥加上爽口蝦仁，材料簡單但味美，記得要沾上酸辣汁吃。煎韓國粉絲餃子餃子皮脆脆的，裏面有滿滿的粉絲和碎肉，粉絲控表示滿足。餃子沾上甜燒汁更滋味。跟餐的飲品，我們就$5升級選了紅棗蜜，養生又滋潤。最後埋單$355，飽到一個點。

記得幾年前食過呢間韓國餐廳既感覺係好抵食但唔算好突出令我記住餐廳,今日同朋友經過旺角朋友提議去食呢間估唔到今次幾有驚喜！正值lunch time門外都幾多人等緊位,好彩等左陣好快就可以入座.menu有好多款選擇,大多都係以石鍋同鐵板為主.石頭鍋飯-牛柳粒,上枱石鍋多晒熱,聽到滋滋聲熱氣又不停冒出！係飯面上打左粒生雞蛋,利用石鍋既熱力將生雞蛋同飯拌勻後令蛋漿可以黏上飯粒令飯充滿蛋香.石鍋飯己經幫你加左韓式辣醬味道甜甜辣辣.牛柳粒牛脂味好香但又唔會好肥膩,加上粒粒芝麻更香口.內裏仲有豆芽,紅同白蘿蔔絲,增添左份清爽既口感從而減輕石鍋既熱氣感.最尾食到底仲可以煎起飯焦,入口脆卜卜又帶點焦香！果然石鍋夠晒熱先整到咁香既飯焦.年糕豆腐鍋內裏好多配料,底下有粉絲,牛肉,豆腐,菜,魚糕片同主角年糕.湯底帶淡淡泡菜味但又唔會過辣,除左泡菜味,湯底仲帶淡淡既海帶湯味辣中帶甜估唔都又幾夾,粉絲吸晒湯底既精華.年糕就算放入鍋內一段時間都唔會變糊,入口個係好綿糯.煎粉絲餃子外層煎得好薄脆香口,內裏粉絲豬肉餡又香又夠味.

喺疫情底下 唯有多啲叫外賣 ，今日我哋經過首爾門口見到外賣有優惠，咁就唔好嘥咗佢!外賣有85折!韓式烤肉拌飯都幾豐富有韓式烤肉 ，韓式粉絲 ，青瓜絲， 醃製青瓜及木魚絲。 另外比咗一啲醬汁。將所有東西連汁撈埋一齊食 ，有不同嘅口感，層次分明，幾好食喎!雜菜豬頸肉炒烏冬， 呢個炒得好香口 ，有鑊氣我見佢有泡菜大蝦炒烏冬，下次試下先!海鮮蔥餅， 香脆可口，點埋個汁真係好食， 食完覺得唔夠喉添韓風一口雞， juicy炸雞，點佢嘅韓式甜辣醬，不錯!而家咁嘅時勢成日都要喺屋企食飯， 聽佢哋d同事講 ，可以打電話落單叫定外賣，再去攞都得有禮貌，服務態度良好

近排日日留係屋企悶到抽筋冇得出街食好嘢簡直係令我生不如死所以今日決定叫外賣突然好想食韓國菜所以就叫咗好多嘢佢個豬頸肉炒烏冬好好食，好足料勁多豬頸肉同菜，個醬都好開胃😋個餃子意外地幾好食🤩唔知係餃子本身質素好定係food panda哥哥行得快，外賣都唔會話好淋意外驚喜至於炸雞翼就不過不失啦🙂🙃味道還可以，但係塊皮太厚食到第二隻都覺得有啲油最後係炒年糕其實我係唔食得辣嘅，但呢個炒年糕都尚算頂得順撇除辣味～我覺得都係好食嘅！外賣送到過嚟啲年糕都唔會吸晒啲汁都算係咁～總括嚟講～我好悶意今次嘅外賣如果再叫多次應該會再嗌炒烏冬同餃子

一去到餐廳就送左配菜比我地，邊叫邊食。我地揀左一人餐，咩都唔洗煩，有湯有頭盤，仲有野飲，夠晒豐富！最驚為天人係燒牛肋肉，就咁食都夠淋亦有好多汁，夠晒juicy！凍冰冰就自然想食石鍋飯🇰🇷啲石鍋飯有飯焦，撈埋啲餸，好夾同夠晒熱啊～仲有啖啖肉炸雞🍗一路食一路飲燒酒🥂正。嘢食不過不失，唔好講笑，呢個價錢食到呢啲正野真係算好抵食！🍳 尤其碟飯送到上尼熱辣辣，真係好正🤤每碟菜份量都夠晒大碟，行過旺角不妨試吓。

🇰🇷🇰🇷🇰🇷下雨天☔️過來吃石鍋飯，再沒有比這更幸福的生活方式了。用最小的努力💪讓自己感受到最大的自由🆓吃一頓地道韓餐，就像去了旅遊✈️心靈永遠在路上！.二人餐$189秘制烤肉豆腐鍋配泡菜飯傳統石鍋烤肉飯韓風一口雞🐔是日泡菜兩碟.套餐真的很划算，189兩個人吃完全足夠了，還有小食跟飲品贈送，真是物超所值！網上很多人推薦烤肉豆腐鍋，果然名不虛傳，粉絲湯特別鮮美滋味，配上一碗熱騰騰的白飯，就是最簡單最好吃的家常美食。.石鍋烤肉飯也是很優秀！烤肉入味，石鍋飯特別香，大學時候，每次考完試後都會去吃石鍋飯，好好獎勵一下自己的努力💪.韓式燒牛肋骨$90肉質鮮嫩多汁又肥美，上面散滿了芝麻，特別香！肉緊緊地裹在肋骨上，更加豐富了入口的感覺。牛的不同部位的肉質都是不一樣的，而我最愛牛肋骨！...首爾石鍋燒 (旺角)旺角通菜街21號地舖

今日同寶寶出咗旺角呢邊睇窗簾/蚊網，睇完順便喺呢邊食埋飯先返去❣️行行吓就行咗嚟女人街呢邊，有一列食肆可以慢慢揀😏最後揀咗呢一間相對多人幫襯、價錢經濟嘅韓式餐廳😎餐廳地方唔大，左右兩旁放咗d 有韓國特色嘅擺設，仲播住各類唔同style嘅韓文歌，幾有韓風味🤓我哋今日揀咗個二人餐C❗️點完菜，即刻有前菜到🤩即刻點完菜就有嘢食，感覺非常好🥰前菜都係酸辣為主，非常開胃❣️餐廳出菜超有效率😳點完菜約10分鐘左右，啲嘢已經開始一個一個咁來🙈影影下相，都未開始食，食物已經全部都到齊了🤣正值非常時期，店員非常貼心咁問我哋使唔使留返一對做公筷💕抵讚❣️牛肉粒傳統石頭鍋飯加咗$4牛肉粒果然無錯❗️入口好軟熟，好有質感👍🏻生熟度掌握得好好😍一啲都唔韌，食落好似豬骨咁❣️撈埋飯、豆瓣醬、雞蛋、蘿蔔、大豆芽等，熱辣辣♨️食得好滋味☺️秘製烤肉泡菜豆腐鍋加咗$8 轉配韓國手打烏冬😎唔好嘥咗個泡菜豆腐鍋嘛🤪啲秘製烤肉真係幾好❣️入味得來有啲黑椒喺表面吊味👍🏻整鍋份量甚多🙈唔算太辣💕幾啱我口味😌韓風一口雞賣相吸引，顏值幾高❣️炸出好靚嘅黃金色👍🏻外脆內軟，雞肉嫩滑，咬落仲有肉汁添😍呢個一定要趁熱食哦❗️唔係凍咗會有少少硬～炒韓國粉絲 $5

經過見咁多人食一於入去試試送二款小菜泡菜-味道一般醃製時期唔夠芽菜-味道怪怪地可能一早分定好小菜出來所以有少少變壞烤牛肉泡菜石頭飯（$73）：石頭飯入面嘅泡菜味道好食過小菜嘅泡菜.芽菜都正常.烤牛肉份量都多.味道不過不失.韓式燒牛肋骨（$90）：有5大件牛肋骨，肉質略為韌，近骨位嘅肉完全咬唔開，但好香牛肉味.同時都幾多肥肉.韓風雞翼（$42）：4件炸雞翼，味道同普通炸翼差唔多.但醬汁幾特別.整體嚟講試過就算！

突然有啲掛住韓式粉絲同泡菜，於是就去咗附近睇下啦諗起曾經係幾年前食過一間韓式餐廳，今日又可以黎探下啦先黎前菜，不過不失。因為肚餓，好快食哂。韓式炒粉絲，啲蛋炒得唔錯。幾香口。成個粉絲味道有少少甜，不過幾香幾好食。如果唔中意個甜味，可以用返佢枱面果枝韓式辣醬撈埋黎食都唔錯。泡菜雞肉泡菜唔夠辣，不過啲雞肉好嫩，值得一讚。完全唔乾唔柴口，無渣。芝士免治牛肉石鍋飯免治牛肉有少少普通，開頭仲以為個飯有蛋送如果有隻蛋，應該更加完美。呢個飯最正一定係啲飯焦，太香太脆了仲正過出面食過既煲仔飯。

平時的我比較少食韓國野，因為唔係太食得辣。 疫情底下大家都少左出街食飯，今日朋友就帶左我來這間韓國餐廳，佢話好掛住里度的豆腐鍋，咁我就陪佢試下啦。我揀咗一個唔辣嘅石頭鍋飯 - 蔥蒜牛肉粒石鍋飯。賣相都幾好，好多牛肉粒同埋都幾大粒，加上我好鍾意嘅䓤段同蒜頭，撈埋一齊好好食。我另外加左少少枱面上嗰支韓國辣椒醬，味道好正！石鍋底有飯焦，香香脆脆的。我個friend揀咗佢話佢大愛嘅泡菜烤肉豆腐鍋配飯。個豆腐鍋份量都好多，仲另外配左白飯。佢話將個豆腐鍋湯底撈白飯最正。另外仲有粉絲索晒個湯嘅味道好好食咁話！小食選擇都幾多，我哋叫咗韓式粉絲煎餃同埋韓風雞翼。煎餃都幾好味😋，雞翼炸得好香脆,肉質都幾嫩滑。而且價錢都幾抵，40幾蚊就有個小食，性價比高!飲品跟主食有半價，我哋叫咗韓國柚子蜜同埋凍檸茶. 柚子蜜都幾清香。凍檸茶有茶味。

今日來到旺角食飯，天氣凍凍地，就想食個韓式石頭鍋飯。餐廳地方唔大，坐得有啲迫迫地。點左雞肉石頭鍋飯，配菜唔算太多，有基本的芽菜、紅蘿蔔絲、粟米等，因為唔可以食得太辣，所以叫左走辣，最後自己再加辣椒醬。石頭鍋飯飯就一般般，雞肉都算滑，唔會太鹹。以下是晚餐附送的配菜。另外我點左海鮮烤肉豆腐鍋配白飯，鍋的賣想就唔算吸引，肉既油脂浮哂係湯面，但配料都算足，蝦和肉的份量都夠，但湯底有少少鹹，有啲咪精的感覺。

近日同個老朋友去旺角食午餐，咁啱行經女人街，見到一間韓國餐廳，食石頭鍋飯都系幾十蚊，又真系唔貴喎。不過餐廳環境就普普通通，但勝在響旺角，地理位置方便。整體來講都合理，我自己覺得性價比都高首爾石鍋燒 (旺角)旺角通菜街21號地鋪

今天來到了位於旺角的首爾石鍋燒，餐廳主打當然是石頭鍋。我們2人點了傳統石頭鍋飯、蕎麥冷麵作主食，另外點了韓式燒牛肋骨和煎韓國泡菜餃子開心share。來韓國餐廳當然唔少得韓式開胃前菜，前菜有4款，除了必有的泡菜外，還有芽菜、醃青瓜和粉絲。泡菜和青瓜非常入味而且爽脆有口感，不錯。餐廳提供多種款式的石頭鍋飯，我們選擇了的傳統石頭飯(配牛柳粒)，除了自選的肉類外，石頭飯還有蛋、芽菜、蘿蔔絲等配料。石鍋非常熱，另鍋內的飯形成飯焦，非常香脆。怕辣的朋友可以叫辣醬另上自己調較辣度。友人怕辣點了蕎麥冷麵，有蟹柳、玉子、鳴門卷等配料，麵身爽滑彈牙。小食方面，牛肋骨燒得香口，肉質稔身，配有生菜夾起一起食，減去油膩感。至於泡菜煎餅，外皮煎得香脆，內餡的泡菜爽口帶微辣，配上醬汁，非常特別，值得一試。

又嚟到我哋好姊妹 每月一聚嘅時候。 大家都話去首爾食， 平時要排好耐隊 ， 而家肺炎疫情未退， 旺角都少咗好多人 。 見好多餐廳都靜英英 ， 我地在首爾門口望望都有幾多人喺裏面 ，不過唔使排隊太開心喇金菇肥牛鍋配飯裏面有金菇，肥牛，豆腐，烤肉，粉絲， 裏面仲有一隻生蛋。 叫咗中辣，不過不太辣，算少少辣，啱口味。 送飯一流, 湯超正。鮮蝦泡菜炒烏冬，味道非常惹味呢個堅好味 ， 已經mok好蝦殼, 啱曬我啲懶人。 炒泡菜烏冬嘅味道好惹味 ，微辣，超正。朋友叫豬頸肉石鍋飯， 佢個醬汁撈飯，好味， 料都多小食:今晚超好胃口我哋叫咗:海鮮蔥餅 : 個蔥餅唔會太厚，跟醬汁就好好味，唔跟醬汁就淡味啲雞翼： 香脆juicy泡菜煎餃子: 香辣嘅味道， 裏便有泡菜同有肉 ，我覺得比粉絲餃好食我哋真係超大食，最後仲叫咗個泡菜鐵板牛肋骨， 泡菜鐵板個香味真係一流 ，食極都唔厭 ，牛肋骨最好用刀叉食（ 我問待應攞）， 諗起都流口水呢度幫襯咗起碼八年， 味道仍然keep到， 服務速度係快，但都有禮貌， 還會再嚟聚會