首爾家韓國料理

營業中

休息中

首爾家已不是第一次幫襯了吧，記憶中這裏的老闆是韓國人來的，感覺較坊間的韓國餐廳正宗，當朋友說想在銅鑼灣吃韓菜，第一時間就食想到它。 餐廳離地鐵站不遠，大約步行5分鐘，由隆堡柏寧頓酒店步入，1樓就到達。 7時許來到，人客已經不少，坐下後，店員火速送上熱茶及前菜，感覺窩心。 很愛吃他們的蜜糖蕃薯，蕃薯味道就是甜甜的，口感又粉又綿。 海鮮刀削麵送上來時熱辣辣的，而湯內的的材料挺好，有大蝦、青口、蜆肉及魷魚粒。刀削麵的質地有點軟身，和想像中煙韌口感有點距離，幸好放了大量蜆肉及魷魚粒，令口感提升。加上大蝦爽甜彈牙，青口亦夠肥美，才挽回不少分數。 韓式拌飯是可以選擇牛肉、豬肉、雞肉及蔬菜做配料，而這次就來試試牛肉，說實，這個拌飯的口感超級豐富，內裏除了有紅蘿蔔絲，還有紫菜、芽菜及流心太陽蛋，吃時將雞蛋刺穿，讓蛋汁流出，再混在拌飯中，這樣拌飯會變得甘香美味。 辣炒年糕的味道與平日吃到的不太一樣，平日吃到的辣味很重，幾乎吃了一口就收手了，但這個完全不一樣，它的味道偏甜，一點都不辣，而年糕口感煙韌，挺好吃的。 韓式炸雞肉 + 沙律，炸雞全都用上雞搥，入口非常香脆，炸漿不厚重，而雞肉入口嫩滑，肉汁

年尾真係特別多人生日，又是同事生日午餐今次選在很近公司的，但從來沒有望過這家餐廳一眼的首爾家！完全估佢唔到，因為原來午餐他們已有36個不同的給你選擇！我們選的很久很久！最後叫了8個餐，但我們只有6個人，誇張了吧餐廳原來很大，可以容納30－40人的先來前菜，吃韓國餐必有的。泡菜，菠菜，芽菜，瓜類燒鯖魚餐＋豆醬雜錦湯 ＄98我們有兩個人都了這個餐，因為不太想吃辣，而且是menu 第一個餐，一看到便點了！可以不用多想，看到這個餐非常豐富！鐵板牛肋骨餐 ＄98午餐來說，份量好像有點多辣炆牛肋骨餐 ＄98喜歡吃辣的朋友可以試這個，非常惹味！人蔘雞湯 ＄108有兩個一同叫了這個餐，但原來份量十足，整整半隻雞在內！韓式煎餃子 （8件） ＄58這個是用來share 吃的，由於好耐無吃過餃子，所以大家都想叫來試試這家的好不好吃海鮮煎蔥餅 ＄68又是share 吃的，但這個比較油，下次試下吃泡菜煎餅！

係酒店一樓嘅韓國野室內裝修好靚好舒服一坐低已經有8樣小食前菜平時最多都得三樣但呢到有好多我係其他韓國餐廳冇見過嘅感覺非常正宗炸醬麵麵質彈牙炸醬亦都好好味唔會太濃或者太淡韓國壽司件件都好足料肉同青瓜蘿蔔都唔係剩係得一兩片炸雞配沙律都好大份懷疑呢會有人到有半隻雞咁多每一件都炸得好脆 醬亦都好足每一件炸雞都均勻咁包住我本人本身唔係好中意食泡菜餅但係呢個整得好好食兩面都煎得好脆 泡菜亦都十分爽口打破我對一般泡菜餅嘅偏見因為除咗正宗韓國嘢仲想食烤肉所以帶咗五花肉 每一夠五花肉都有好適當嘅肥膏 食落有適量油分包住仲有人會幫你燒添估唔到仲有飯後生果送我哋完全低估左佢食物嘅份量所以帶多咗好多食唔晒 打包嘅份量可以食多一餐午餐抵食！

傳統韓國野 依間係幾好食😋，老闆都係韓國人泥唔知係咪新開所以間野都唔算多人環境都幾舒服啲燒肉雖然唔係最好食但夠肉汁唔乾💦，同埋有舊大肉我地唔係好識得燒個待應仲走過泥幫我地燒服務態度勁好個待應仲要係韓仔😍人參雞湯就比較清不過入雞入面啲飯好正吸哂湯汁，最好食係年糕拉麵同紫菜包飯😍，入面啲牛肉都好多汁年糕拉麵夠多芝士，年糕軟度岩岩好，仲有魚糕👍🏻紫菜包飯入面夠牛肉好多汁好正，連啲配菜都好好食😋

呢間餐廳個名我聽過好多次，見到評價都OK，所以決定去試一試。餐廳地方尚算優雅，今晚唔想食韓燒，所以只係集中係熟食上面。男朋友叫左個牛肉石頭飯，賣相好好，叫佢少油真係少油，份量同味道都唔錯。我叫左個韓式辣拌冷麵做晚餐，唔知點解好似有少少花生醬味，對我黎講一d都唔辣，拌麵比較杰身，份量都幾多，食到最後有d濟，如果有碗湯撈下會更好。由於我地兩個都係食肉獸既關係，我都仲叫左個炆牛肋骨同炸雞。炆牛肋骨好淋好入味，不過甜左少少，係到好漏。反而我鐘意個炸雞冇骨，又香又脆，不過炸粉就厚左少少。

今晚約左表弟妹一齊食晚飯，表妹推介去銅鑼灣首爾家嘆韓菜同燒物，話食過唔錯好彩佢一早book訂埋位，晚飯時間好full。依間餐廳環境乾淨闊落，食物質素唔錯而且價錢相宜炆牛肋骨牛肋骨煮到入晒味， 可以炆到骨同肉分離 鬆軟得黎有嚼口， 蘿蔔同紅蘿蔔紅棗配料亦吸晒d汁， 非常出色，送飯一流紫菜牛肉包飯我最鍾意食嘅紫菜包飯，味道唔錯，大大件夠飽肚生菜拼盤，除咗菜之外都有青瓜紅蘿蔔條，選擇都幾多包住燒肉食，味道一流，可以食得更加多牛肋骨 (醃) 牛肉本非常嫩滑，而且醃得好入味，燒到微焦好香好美味，職員會黎幫手燒，而且幫手剪開服務唔錯醃豬皮 非常惹味又夠彈牙，帶小小辣味，更加香口醃燒牛肉 好香既牛味，加埋洋蔥一齊炒，味道更出眾，更野味，不過份量就唔算多，可以叫多幾樣試多幾款唔同嘅

想食韓國料理常會想到尖沙咀，但今天在港島，朋友介紹一家在銅鑼灣的傳統韓國料理也很不錯，一於去試試，餐廳入口位置都比較隱蔽，位於酒店2樓位置，也不算難找，店內座位擺設舒適有私密度較高的屏風相隔，裝潢是韓國家庭式小店風格，坐得十分舒服。牛脷 $108 新鮮薄身，放在爐上幾秒已經陣陣牛香味，入口多汁、有嚼感。燒肉不配菜包，所以另點了鮮生菜籃 $40。牛尾湯 $108配有白飯一碗。清淡的湯味帶有微微的牛肉香，不油膩，驚喜不大。辣炒年糕 $78味道微辣刺激，應該很惹味，但可惜年糕未煮腍，難於咀嚼，唯有吃同碟的魚糕。海鮮刀削麵 $88麵條我覺得是韓國拉麵，而不是預期中的刀削麵，感覺有點失望。湯中的紫菜很提味，但整體味精很重，拉麵亦留有梘水味。紫菜蔬菜包飯 $68有黃瓜、韓國粉絲、蘿蔔絲、青瓜絲和蛋卷，感覺帶甜，芝麻加添香口；與飯的比例亦平衡，好吃。

這裡是媽媽很喜歡吃的韓國餐廳，上星期她說想吃，今晚就帶她來！上到位於銅鑼灣邊寧頓街13-15號隆堡柏寧頓酒店1樓的首爾家韓國料理，同樣地滿座，幸好一早已預訂好座位。先來韓式前菜小吃。《燒雞肉 $108》雞肉已調味，一邊燒烤已經看到肉汁溢出，入口更加濃味嫩滑！《帆立貝(6隻) $138》6粒厚身帶子色澤剔透，燒一分鐘左右剛好熟透，但又能保持彈牙鮮甜，十分新鮮。《鮮生菜籃 $40》烤肉我喜歡用菜包。有生菜、娃娃菜、沙律菜、蒜片、青瓜和紅蘿蔔。放上醬汁和燒肉一併入口，既有口感又有減膩感之用。《韓式冷湯麵 $88》夠凍而且麵條Q彈，湯底帶微酸很消滯。透明一舊舊的是冰，所以十分夠凍；麵條是蒟蒻十分Q彈而且感覺健康；有三片肉，應該是牛腩肉，很軟腍嫩滑；有青瓜和蘿蔔絲，而白色一片片的不是蘿蔔片而是蘋果片，很清甜特別！《韓式梅子茶(熱) $22》味道太甜，需要自己加水沖淡。《韓式麥芽發酵米茶 $20》還是點茶最穩陣。

真的要用坐無虛席來形容這餐廳！估不到訂了還是要等了一陣。我們一行四人生熟食物各點了些，店員細心問清了我們想自己燒還是由他們燒好了才上菜，我們選了自己燒，感覺較開心😊紫菜牛肉包飯，略嫌麻油味不夠多，但也好味。炆牛肋骨餐，牛肋超入味，連蘿蔔及冬菇也很好味，推薦！也點了韓式泡菜餅，比想像中厚身，淡淡的辣味，吃不到辣的表姐也吃到，覺得如果可以煎得更脆身會更好。每次食韓燒我都會點牛肋骨，牛肋骨於上菜前已被「劏開」了，變成薄薄的一條，方便燒烤。醃燒牛肉也不錯，很大碟，店員常常會協助我們燒，我會索性把伴碟的洋蔥也加入一起燒，就成了一碟洋蔥牛肉😆😆五花肉也是我喜愛的！雖然較肥，但可以把豬肉燒到兩邊略脆，很好味！這碟是由韓藉老闆親自幫我們燒的呢😉最特別的是燒豬皮，厚厚的一塊，燒好了，食落有點似啫喱，很多骨膠原呀！這裡的韓燒不包生菜，但我們都點了鮮生菜籃，用來包著肉吃，清新一點！

好姐妹話好耐無两個一齊行街shopping兼食飯傾計，所以約左今晚一齊買一齊食😁姐妹特別喜歡食韓國野，我梗系吾反對啦，佢話聽同事講過呢間餐廳既炆牛肋骨超掂，所以想試下，於是就揀左呢間餐廳😊我地好早就來到，服務員帶我地埋位後好快就送上熱茶同呢6小碟前菜，味道都吾錯😋特別系薯仔好軟綿帶微甜幾好味碟綠色菜都好爽口人蔘雞湯服務員端上來時仲滾緊架，啱曬我呢d喜歡飲熱湯既人😆個湯清清地，飲落有蔘味，雞都有半隻好足料，雞肉好嫩滑，最驚喜既系，連雞骨都超腍，一口咬下件雞時竟然連骨都可以食埋😳🤣炆牛肋骨❤️呢個真系好好味😋果然無介紹錯，姐妹都讚口不絕👍🏻牛肋骨d肉都吾少，而且好軟腍又入味帶少少肥😍個汁好香濃，如果吾系見已經叫左個麵，真系想叫碗白飯配果d汁😆仲有蘿蔔都炆得超入味吸曬d精華炒辣芝士年糕拉麵個麵底幾有彈性，吾會淋曬，醬汁惹味得來帶d甜過後就有d辣，幾過癮😆我比較食得辣覺得啱好，但姐妹就覺得辣左d，所以大半碟都系我食😆總括而言質素幾好，價錢都合理，難怪開在無甘當眼的地方都甘多人客，事關我地食到7點多D時已見餐廳接近滿座，而且是晚仲係星期一晚。我地兩個都食得好飽好滿足😆餐牌

數一數手指，我已經有兩至三年沒有到過韓國啦，真的有點掛著韓國的炒粉絲、豆腐湯、炸雞了。 思鄉病發作的關係，約了朋友前來食首爾家，這間餐廳第一次光顧時是公司老闆帶我們幾個同事來的，由那時到現在的水準 也沒有改變。 點了一個韓式拌飯，七彩顏色的配料，讓人食慾大增，以少許辣醬攪勻，連同底下少少燒焦的飯窩，口感尤其是香脆。 再來一個韓式炒粉絲，粉絲炒得爽滑彈牙 ，不會太過油膩，夾著大量的蔬菜，看似稍為健康了一點。 還有我最愛的炆牛肋骨，佐以紅蘿蔔和白蘿蔔，香甜的牛肋骨湯 最為吸引，讓牛肋骨滲滿了濃湯，口感柔軟爽滑，想必配一碗白飯最為相配，但菜式份量確是毫不吝惜，所以單單食幾款菜式已開始覺得肚子有飽飽的感覺。 雖然吃過一餐地道的韓國菜式，但仍想買張飛機票飛去韓國首爾呢！

第一次來首爾家時，因為是跟不能吃辣的朋友來，所以未能盡興。這天就特別找來能吃辣的朋友前來，吃吃這𥚃的韓式鍋餐廳為於酒店一樓，要乘搭酒店的電梯才能到達。雖然位處酒店，但餐廳氣氛並不給人壓力，價錢也合理因為這次已鎖定要吃辣鍋，而朋友想食八爪魚，所以就點了鮮牛肉八爪魚鍋八小碟：吃韓國菜，當然不少得八小碟這些小菜都很有水準，當中最特別的是右下的芝麻醬蓮藕。而個人特別喜愛的是泡菜，辣度夠又不過酸，還有醃薯仔，甜甜的鮮牛肉八爪魚鍋($320)：店員先把鍋連生的食材端來，再在我們面前加湯。食材看起來都很新鮮等了一會，看牛肉和八爪魚都差不多熟，就先撈出來品嚐，不然會過熟。八爪魚不靱，而牛肉是有醃過的，味道有點像烤牛肉的味因為鍋中有不少蔬菜，所以很鮮甜如果想吃辣一點，可以遲一點才撈蔬菜吃或用湯撈飯吃。原來這個鍋附有2個麵餅，雖然不是刀削麵那種煙靭的麵條，但勝在能沾上很多湯汁，好味紅豆冰($42)：吃完熱騰騰旳辣鍋就想來點冰凍的中和一下紅豆冰有分中和大兩個分量，我們點的是中，但分量也不少呢冰上放有甜甜的紅豆和朱古力麻糬，很合女生的口味店員還附上一小瓶牛奶，讓我們自由加入～

韓國野係我同女友嘅最愛，所以今日特登黎試試依間首爾家，聽講依度嘅牛肋骨好正！我地一出電梯，就有兩個侍應好熱情咁招呼我地。我地係佢地嘅帶領下，坐左喺餐廳嘅角落。依到大部份嘅座位都以啡木做主色，配合牆上嘅掛畫同店內嘅小擺設，俾人一種典雅嘅感覺。另外，座位與座位之間都以小屏風做間隔，我和女友都好欣賞依個設計，唔怕比隔離枱騷擾，又有二人世界嘅感覺！我地最後決定揀左依個S1餐，二人份量有牛肋骨同豬肉，又有女友至愛嘅炒年糕，而且價錢合理。我地只係等左五分鐘就有野食啦，韓式前菜當然唔少得，有泡菜、小魚乾、甜薯仔、芽菜、翠肉瓜等等。最鍾意就係魚乾，香脆得黎又唔鹹，做前菜一流。跟住就係期待以久嘅牛肋骨啦。牛肋骨成條送上，見到都流哂口水。正當我急不及等待燒之際，就比店員用韓文阻止左我。原來佢要將牛肋骨剪成一小塊，然後佢仲用好純熟嘅手勢幫我地燒肉，我地全程都唔駛落手，真係非一般嘅享受！牛肉蛋鍋飯都有好多配料同牛肉，加埋啲醬，撈埋啲飯焦，真係好好食，雖然放左好耐先食，但都係熱辣辣😍食完咁多重口味既野，一定要飲杯檸檬梳打清新一下，價錢合理，仲要幾好飲，抵過先前食過好多間韓國料理，最後仲送生果，唔單止足料仲好抵食

忙碌的一天工作結束，梗要醫下個肚先啦。今晚就來到銅鑼灣隆堡柏寧頓酒店一樓，食首爾家韓國料理，一坐低即刻有人遞上熱茶同六碟餐前小菜，個海帶涼菜特別好食，酸酸甜甜，勁開胃。服務生都相當有禮貌，招呼唔錯唔錯…食韓國料理，點可以少我最愛的炸醬麵。熱辣辣的黑豆炸醬夾雜小許肉粒，配上爽彈拉麵底，面頭加小小青瓜絲，還有幾片醃蘿蔔。一口面配一片蘿蔔，食上來唔覺漏，好味道。但炸醬偏鹹，可酌量減鹽。我地另外叫左個生菜籃，本身用來配燒肉，我地用來配炸醬，haha~另一最愛，人參雞湯，正呀，成盅原隻雞滾住上臺，出曬煙。隻雞燉到好嫩好鬆散連骨都可以食埋。雞湯濃郁又鮮甜，飲落口還有少少回甘。拆開隻雞，真係成條人參係度架，真心用料十足~因為韓國雞湯喜歡係雞肚塞d米令到個湯飲落口好滑身~唔同中式清燉雞湯，各有千秋。最後加多個泡菜煎餅，煎餅外脆內嫩，仲有好多泡菜係入面，更添爽脆口感。對於泡菜迷既我來講，呢個餅無得輸，我可以一個人食曬。夏天食嘢，點可以少一杯清涼夏日飲，老友叫左罐啤酒，我就叫左杯紅醋汽水，酸酸甜甜，又帶有果味。爽曬~呢度分量都唔少，兩個人四個菜已經食到飽飽。但見到隔離臺人地烤肉食，我又好想食喔！等下次再來

即興飯局想食韓國菜，於是選了一間位於旺中帶靜的首爾家方便傾計。韓式拌飯是夜有位韓國通，教了L 韓文為비빔밥 / Bibimbap， Bibim即「拌、混合」，bap即「飯」，材料多以白飯加上炒過的蔬菜、肉類、雞蛋，淋上韓式拌飯辣醬，拌起來吃。韓式炸雞肉配沙律炸雞外層激脆，雞肉既多汁又滑嫩，附上的沙律則有減膩作用。韓式炒粉絲韓文為잡채意指雜菜，是一款韓國傳統食品，好多時韓國人慶祝生日，大時大節的料理。韓式炒粉絲營養其實都幾豐富，有牛肉、洋蔥、紅蘿蔔、菠菜等蔬菜，仲有彩椒、蘑菇等，而粉絲用番薯製作，口感煙韌。