饞。台式食堂 (如心廣場二期)

營業中

休息中

香酥雞扒 (椒鹽) $62 滷肉飯 (+$10)雞扒大塊，但未算好厚身，皮脆但略油，而且甩皮甩骨。肉質偏乾但唔嚡口，椒鹽味主要來自表面嘅椒鹽粉。飯粒分明又唔會好濕，滷肉嘅五花腩七成瘦肉三女肥肉，味道單一，以醬香鹹香為主，唔會好張口。沙律菜拌麻醬，正正常常。鹽酥雞 $59 份量好多，感覺比雞扒多好多。外皮係標準鹽酥雞嘅樣😂香脆又冇甩皮，肉質嫩且多汁。有啲雞肉連住脂肪，而且炸得有啲油，所以食落比較油膩。白飯、沙律都係正常。

一向對香港賣的台灣鹽酥雞沒什好感, 唔係太細沒有口感就是太乾, 更遠遠說不上酥字。今次終於食到間似樣的, 雞肉內嫩 juicy, 外皮酥香, 大小剛好...真心好食。 鹵肉飯不過不失, 味道不錯, 略嫌不夠豬油香味和醬汁稍濃。蕃茄湯底三寶麵, 湯底味道很好, 有蕃茄味而且夠熱, 加上微微的辣度幾得人鍾意。牛肉、牛筋、牛肚都忟得幾淋又入味, 最特別嘅地方係d酸菜甜甜地、唔酸, 又幾好食喎。另外叫咗兩杯凍飲, 好似係叫凍檸檬柑桔之類, 好飲亦幾甜下, 不過台灣嘢飲都幾難唔甜 lol 兩個人埋單$189, 一定會再嚟試下其他食物。

之前經過荃灣茹心廣場二期，見到呢一間台式餐廳，星期六日都有午餐食幾唔錯，就入咗去試吓。叫咗個擔仔乾拌麵，一上碟睇落以為份量唔多，不過食落原來好夠料，滿載而歸。魯肉份量足夠，肥瘦適中，同拌麵非常夾，好可口同好食，拌麵即軟硬適中。

湯底可以更濃荃灣如心廣場多咗好多嘢食，呢間台式店裝修都幾好，比較新，所以一試今次叫咗酒香花雕麻油雞麵，份量好大，送上枱時熱辣辣，一陣陣花雕油香味撲鼻。即刻試飲咗一啖，味道不過不失，可惜食落嘅時候，覺得個湯底比較淡，啲麵掛唔到汁，較為可惜。另外啲雞件份量都足夠，不過碎骨比較多，食嘅時候要較為小心。反而飲品比較有驚喜，蒟蒻球百香果綠茶，聽個名都覺得好清新，份量亦比較大杯，飲落透心涼，食完個麵，可以用來中和返，都幾夾

去到荃灣西附近，見到有好多唔同餐廳，不過呢一間俾人嘅感覺就比較溫馨同埋簡單舒服！椒鹽雞扒+滷肉飯椒鹽雞扒炸得好脆，咬落去會有聲！見到佢個份量大大碟，食落真係好飽🥰🥰不過假如滷肉飯多啲汁會更好，因為而家比較乾身。鹽酥雞+滷肉飯鹽酥雞都炸得好脆，鹹香鹹香！最欣賞佢側邊會有啲沙律菜伴碟，成件事變得好有質感。飲品童行有一個叫左香芋奶茶，另一個叫咗仙草奶茶！外型都好唔錯㗎 ！有個玻璃杯！另外飲品飲落都啱啱好！以呢個價錢食到台灣嘅感覺都抵！

話說星期日，因為另一半都放假嘅關係，就一齊冷咗出去行吓街食個飯，之前曾經見過其他foodie有介紹過，於是乎經開就過嚟呢邊食嘢啦。.我哋兩個人就嗌左：1. 古早味炸豬扒飯 💲62 跟餐 凍仙草奶茶 💲122. 酒香花雕麻油雞麵 💲70 跟餐 桂圓紅棗茶 💲143. 小食滷牛肚 💲364. 台灣香腸拼鹽酥雞 💲60.首先講一講個環境先，我哋喺七點幾入座，地方尚算OK，卡位嘅位置除非四人入座，否則繁忙時間就要搭枱啦。.講一講個炸豬扒飯先，佢有兩塊大大塊嘅炸豬扒，同埋一碗白飯，炸豬扒口感相對比較硬啲，味道尚可但偏🤏咸，如果只追求飽肚，我覺得還可以。.個酒香花雕麻油雞麵，麻油雞味香，有幾塊雞肉，柔軟連帶花雕嘅香味，味道唔錯。佢嘅面就係牛肉麵嘅麵質地。.要讚一讚個滷牛肚，細細碟黎配飯都幾惹味，色水吸引食慾！讚～.仲有個台灣香腸拼鹽酥雞，份量非常之多，台灣香腸大概係～～一條嘅台灣香腸剪開嘅份量，味道正常；鹽酥雞大份到食唔晒，肉質相對比較硬身，口感唔太夠脆，勝在份量比較足。.最後兩杯嘢飲就不過不失啦，主要係桂圓紅棗茶不能夠少甜，因為話個味道會比較淡啲，其他就冇特別啦。

🍜紅燒半筋半肉麵💰$70🍲滷味拼盤💰$58⚡️荃灣西其實係一個完全唔就腳嘅地方，想搵個地方坐底好好咁食餐飯，都要行一段路程🥲附近嘅如心廣場算係奇蹟嘅存在，入面有間幾的骰嘅台灣餐廳🥢⚡️ 🍜紅燒半筋半肉麵湯底醇香清甜，唔係死鹹/味精湯，麵方面揀咗幼身，食落有嚼勁同彈牙😳牛筋方面就比較軟霖，冇乜根嘅咬口，如果有一部分保留原有嘅筋道就更好🐮 ⚡️ 🍲滷味拼盤有豆腐、雞翼、牛筋同牛肚，每樣都好入味，而且份量好足，幾個女仔share都冇問題🤙🏻

🇹🇼 饞•台式幸福食堂 📍荃灣______________________________🌟店舖採取先到櫃枱下單等野食送到枱，最後才埋單🧋𝔐𝔦𝔰𝔰 𝔏𝔦𝔬𝔫𝔫🥢🍲🦁評分：7.6/10椒鹽香酥雞排滷肉飯👍🏻👍🏻👍🏻👍🏻雞排好厚，好有肉汁，調味好好，適中，炸粉唔會太厚，加埋滷肉飯唔會太鹹，好飽肚😋好滿足番茄半筋半肉刀削麵👍🏻👍🏻👍🏻調味上比較單調，都有藥材味但不濃，反而番茄味很突出，牛肉好味，唔會太韌，刀削麵軟硬適中，都幾好味海鮮芋頭米粉湯👍🏻👍🏻味道比較清淡，米粉爽口，湯底是魚湯，清清地，芋頭味算好突出，唔係太食到，蝦都是雪藏蝦炸物拼盤👍🏻👍🏻👍🏻有一啲豆角同埋甜不辣（其實都係麵粉）同花枝丸，炸得好香，加埋啲鹽粒，幾開胃蒟蒻球白桃烏龍👍🏻👍🏻👍🏻👍🏻好香好舒服嘅味道，配埋蒟蒻球，好飲，推介！三寶奶茶👍🏻👍🏻👍🏻👍🏻有珍珠，有仙草同紅豆，都比較甜，不過台式飲品就係要甜！回頭率：66% 🌟🌟🌟🌟整體野食飲品都好味，但等候時間好長，同埋室內溫度好熱🥵

公司附近無乜餐廳，lunch唔知食乜好，有時有買九巴月票時都會搭兩個站去返眾安街、路德圍食飯。見到Openrice外賣自取有個滿$50-$10優惠碼，又見到呢間咁多好評，外賣自取又有75折，就試下搭去荃灣西站買返公司試下先！一睇返張單，原來連埋$10優惠碼，夾埋慳咗$28！呢個鹽酥雞，一睇就知唔ok，可能係翻炸所以過曬火。以精美程度嚟講係幾高分，仙草奶茶呢，甜度同冰不能自訂，好彩佢都係以微糖少少碎冰，飲落好啱我口味。總之一定有下次，不過價錢算係中高價，lunch就略嫌貴咗啲，堂食的話約朋友就可以嘅……等疫情緩和先再講

位於如心廣場既饞 台式幸福食堂, 坐位唔多, 見到套餐都有跟一份前茶, 當日就係芝麻醬菠菜, 菠菜夠乾身, 撈埋木魚芝麻醬, 味道開胃之餘, 又唔會濕der der噁心。 鳳梨蝦球, 配滷肉飯 ($88+$10)先講滷肉飯, 我覺得10蚊值得加, 雖然香味唔係好夠, 但份量都唔少, 味道ok, 肉肥瘦適 都夠軟諗。鳳梨蝦球, 就遜色啲, 沙津醬太多了, 浸濕左炸蝦之餘, 味道都因為沙津醬, 變得太酸甜, 食多幾舊就厭了, 但份量同蝦既肉質係ok的。紅燒半筋半肉面 ($88)好好食, 湯底比較偏藥材味, 深色但唔會好咸, 刀削面食落有咬口, 牛肉味濃都軟, 牛筋都係, 夠諗先好食, 滿滿骨膠原。芋香珍珠奶茶 (+$14)味道濃, 冇用水溝到好稀個種, 珍珠都煮到岩岩好。蒟蒻球白桃烏龍 (+12)清新好飲, 加埋蒟蒻球, 口感加分

如心廣場實在有太多食肆都未試，今次輪度試 “饞•台式幸福食堂”，見Openrice有好多食評好多LIKE，而且午餐價錢好抵又無加一，不過同同事試過一次之後大家都話再無下次喇！ 🥢古早味炸豬扒午餐 $68 ⭐️鹽酥鷄同炸鷄扒就食得多，台灣古早炸豬扒就第一次食，個餐一上枱真係嘩咗一聲，豬扒size有成隻手掌咁大，仲要係厚切，呢個價錢去邊度搵呀，當開心之際放豬扒入口，咬到肉+一層好厚嘅肥膏，雖然豬扒係好腍同juicy，但肥膏真係令我吃不消兼要打大折扣比佢，就算一口豬扒一口白飯，仍然覺得油膩，所以成塊豬扒我只食咗一半，反而飯就食清光，超失望！ 後記：既然做得開放式廚房，衞生管理點都要做足，人客面前都可以唔戴口罩，衞生情況可想而知！

叫左個紅燒三寶細麵鹽酥雞+肉躁飯一碟花枝丸Jelly 粒白桃烏龍茶仙草奶茶我本身就麻麻地呢種細麵不過男朋友話好食不過可惜係金錢肚得一舊男朋友比左我食發現沒有了😹😹鹽酥雞份量足，肉質係好食同juice不過個炸皮有些少硬肉躁飯係無味，所以扣左粒星花枝丸正常！佢送個碟仔小菜幾好味，我好鐘意但男朋友話味精味重飲品方面奶茶係無咩味，勁淡烏龍茶就偏甜，jelly 粒好好味環境好光猛D staff 都有禮貌如果我突然想食鹽酥雞可以再黎不過我強烈建議佢小食有得單嗌鹽酥雞😹

荃灣一向多野食，不過平時好少會過嚟。難得有野做過嚟依頭，search到依間台式餐廳都頗多好評，一於嚟試下。餐廳係行簡潔路線，店內位置唔算好多，採用開放式廚房。估唔到平日夜晚嚟食，人流比我想像中少，7點幾食唔洗等位已經即刻可以入。餐牌選擇唔少，鹽酥雞同香酥雞排依兩款都好吸引我，可惜得一個人嚟食，如果唔係就可以share。最後都係叫左鹽酥雞，而滷肉飯要再加$10。依個set嚟到發現分量都唔少，賣相幾唔錯。有胡麻醬波菜作為前菜，鹽酥雞亦有啲沙律菜作為伴碟，感覺有啲菜喺度好似平均啲咁，唔會一味淨係得肉。鹽酥雞嚟講分量真係好多，炸得非常香脆，炸粉都唔錯而且食落唔會油膩，好容易令人一粒接一粒係咁食。滷肉飯嚟講色澤都幾吸引，滷肉半肥瘦，不過醬油味係相對較重，反而覺得如果多返少少甘甜味會更加符合台灣風味。其實成個set都唔錯，賣相同分量都幾好，但個敗筆係今次啲飯煮得太淋，直頭覺得有啲似稀飯嘅感覺，不過我相信應該係一時失準，我會願意比第二次機會下次再嚟食，同埋亦會想試下佢嘅香酥雞排。

抵食台灣菜 擔仔乾拌麵 $68主要由肉燥 牛丸 溏心蛋 同蝦 配上陽春幼麵 有幾個餸都幾豐富 亦唔覺太鹹再可以用優惠價加飲品試左蒟蒻球白桃烏龍 $12唔會太甜 蒟蒻球又唔會好似珍珠gum膩 白桃個味亦唔會好假或似藥水味

去海之戀咁多次，都會俾一間叫饞·台式幸福食堂吸引住。今次終於有機會試試佢！我地去到既時候都成7點，撞正晚飯時間，餐廳出面都排左一條人龍，要等陣先入得座。餐廳裝修以白色牆身同木系為主，幾簡約。而座位方面都算坐得舒適～餐廳主打台式便當，有飯同麵，而且仲有台式小食等，選擇都幾多下。而且價錢都算便宜！🔻鹽酥雞便當(加$10轉手工鹵肉飯）味道：8/10價錢：$76鹽酥雞炸得幾香口，皮脆多肉汁，雞肉都幾嫩滑。而且份量都好多！食得台式便當緊係要食鹵肉飯，鹵肉幾入味，同出一面一般餐廳嘅鹵肉完全冇得比！好食～🔻椒麻雞絲拌麵味道：7/10價錢：$62份量幾多，麵嘅硬度啱啱好，唔會太淋。配料都幾豐富，有糖心蛋同蘿蔔絲。不過可以再濃少少味道就更加好食！