饞。台式食堂 (廈門街)

營業中

休息中

饞。台式食堂 香酥雞排雞絲飯($78+16)香酥雞扒本身配咗白飯，但可以加12蚊轉魯肉飯或者加16蚊轉手撕走地雞飯🍚雞扒外層都鬆脆，唔會好油膩好溢嘅感覺👍雞扒偏實都幾juicy 💦唔係用鬆肉粉整到冇哂質感個款，食落唔錯😋飯上面嘅雞絲份量都唔少，雞絲同雞扒都偏重調味，撈埋飯食就啱啱好❣️酒香花雕麻油雞麵線($72)真係上枱已經聞到好香濃麻油味，食落feel到好重黑蒜油🧄調味做得幾好，唔會太咸太甜太重口，飲落都好順喉🍜雞肉都好滑嫩，食落幾軟腍，煮得啱啱好❣️炸物拼盤($38)炸物拼盆有四季豆、杏包菇、花枝丸，一開始睇都有啲驚好重口，但食落都okay，唔會好乾好柴，份量都唔少，正常發揮🍄蜂蜜金桔檸檬 (+$14)叫咗杯熱嘅蜂蜜金桔檸檬黎試下，味道酸酸甜甜唔會好假，金桔味幾香，最搞笑係呢杯都有啲蒟蒻球 🍋蒟蒻球白桃烏龍 (+$12)另一杯叫咗凍嘅蒟蒻球白桃烏龍，白桃烏龍嘅茶味同白桃味都有，飲落幾易入口🍑而蒟蒻球幾有口感，而且幾特別，可以一試🍹

-闊別一個月，I am back!!!最近大家嘅話題一定0+3喇，開關之後到底去邊度玩，除咗日本呢個鄉下之外，台灣應該都算係受歡迎嘅家鄉菜，今次呢間餐廳聽聞就嚟開新分店，雖然之前我冇食過，但相信一定要儲落唔少人氣半筋半肉麵 $82個湯頭睇顔色已經見好濃郁，最正係配料多得誇張，係完全鋪滿哂個碗，尤其係啲酸菜，令個湯多咗啲咸香味，就算就咁食都好惹味。至於啲肉都好正，筋嘅部分入口即溶，肉嘅部分一咬就斷，又淋又軟熟。仲可以揀自己鍾意嘅麵條香酥雞扒手工滷肉飯 $62 + $12雞皮部分真係脆到一個不行，而且份量都幾多幾大份，調味料有3款選擇，我哋揀咗最白搭嘅椒鹽味，肉質較為乾身香口。都建議大家加錢轉埋滷肉飯，真係豐富好多架炸物拼盤 $38拼盤小食就有3款喺入面，四季豆、花枝丸同杏鮑菇，貪心仔一次過就可以食哂所有小食。我自己就最鍾意花枝丸，彈牙得黎，入面仲有粒粒墨丸粒

台式美食 台式飲品 真係諗吓都流口水🥹好耐冇食過台灣菜 最近試咗一間新開又好食嘅台式餐廳好有驚喜好好食😋餐廳名 饞 係指貪吃、愛吃的意思係由兩位90 後台灣女生主理價錢好親民 係簡約台式料理 好有家的味道❤️部分食材由店主親自挑選 出產地來自台灣原裝👍🏻一入到店 就覺得有種氣氛溫馨嘅感覺店內嘅木色tone俾人感覺清新、明亮餐廳使用竹製餐具 支持環保 ♻️而且餐廳仲支持身心障礙者就業 好值得支持我點咗幾樣野食都好好味🤤1️⃣解饞塔香鹽酥雞滷肉飯(可自選搭配滷肉飯、手撕雞肉飯或台灣蓬萊米):用無骨雞腿所製 蒜香味迷人不刺鼻咬落去爽口不油膩 外層望落黑嚕嚕因為運用豉油、五香粉及中藥香料磨成粉作雞肉醃料而且有九層塔香🌿 實在太好食原來每日只賣100份 絕對係必吃之選❣️2️⃣經典台式牛肉麵 (半筋半肉麵)可選紅燒、麻辣、辣番茄口味我就揀咗麻辣口味 陽春麵 配搭大大塊好滿足的牛腩和 Q 彈帶脆的牛筋湯底配上高雄岡山辣豆瓣醬油底然後帶有中藥的甘醇 好香好惹味每條麵都吸收咗湯底嘅味3️⃣炸物拼盤 (四季豆、杏包菇、花枝丸)點咗個小食炸物拼盤每款小食份量都好多而表面佈滿咗好香嘅鹽味 令人一口接一口完全停唔到口呀🤤🤤4️⃣經

今日嚟到灣仔見到有間台式料理都好唔錯，就入咗去食呀！估唔到質素好好環境都好舒適，價錢又唔貴，屬於高質素嘅台式料理！🍴牛筋牛肉麵 $82 (9/10)紅燒湯底比較鹹香，有輕微嘅藥膳味道，刀削麵非常之滑，都好吸湯汁，酸菜酸酸甜甜都幾開胃，牛肉炆到好入微軟淋，仲要有牛味，都係好滑好淋，滿滿嘅骨膠原！真心好好食，覺得好食過旺角嗰間阿木🫢🍴三杯魷魚 $70 + 手工滷肉飯 $12 (8/10)份量好多！炸得好香脆，炸粉係比較輕盈輕身，魷魚都好彈牙。好大嚿！個醬汁係三杯，一杯米酒。一杯豉油，一杯麻油，偏鹹少少，屬於比較鹹香，再加埋九層塔嘅香氣，好唔錯，好好食🤤滷肉飯真係非常之正宗，係台式嘅味道啊！飯粒係用咗珍珠米粒粒飽滿，唔會太乾太濕，煙韌有口感，滷肉係用咗五返覽去做，有紅蔥頭係香味同埋甜甜地好啱撈飯好好食！🍴滷水豆腐 $22 (7.5/10)個豆腐有少少似豆乾嗰種，又冇蜂巢豆腐咁淋，質感比較厚實啲，都幾彈牙有豆香，滷水汁就鹹鹹地，都幾香濃。🍴 蒟蒻球白桃烏龍 +$12 (8/10)飲落去會有不同的香味，先再有桃嘅香濃茶嘅苦澀，最後有少少甜味！冇諗過杯茶都會好有層次！白桃味好香好出，唔會太甜！蒟蒻

饞。台式食堂位於灣仔廈門街，由90後台灣女生主理，以木系裝潢打造一個明亮溫馨氛圍。饞意指貪吃、愛吃，所以店內提供性價比高、親民簡約既台式料理，仲支持身心障礙者就業，值得支持🫶🏻🔸 解饞塔香鹽酥雞配滷肉飯鹽酥雞用上無骨雞腿，炸至金黃但唔怕油膩，每一啖都食到裏面嫩滑雞肉😍 好鍾意店家用嘅調味，蒜香同九層塔香平衡而香口，雞肉亦腌得夠入味，配上肉味香濃而且充滿膠質既滷肉飯，好滿足🔸 經典台式牛肉麵 (半筋半肉麵)牛肉麵真係睇到一間台式餐廳既真功夫，今次選嘅紅燒湯底香氣滿溢唔怕死鹹，十分配合有韌勁既刀削麵。牛筋彈牙黏口，牛腩大大片肉質軟腍，好味！🔸 台灣香腸以溫體黑毛豬肉製成既台灣香腸，配上蒜片進食超級香口🔸 蒟蒻球白桃烏龍、 蜂蜜金桔檸檬台式飲品亦有驚喜，兩款飲品都好清甜，亦無坊間人工甜味，消暑一流。最鍾意裏面既蒟蒻球，咬勁十足🥰

係喜帖街附近原來有間咁小清新風格既台灣菜～好小見台灣菜以木系裝修🫰🏻就想入去試下🤭紅燒半筋半肉牛肉刀削麵湯底都幾濃郁 刀削麵幾闊身 好多摺位幾掛湯面牛筋同牛肉都煮得好軟爛 入口即化椒鹽香酥雞扒滷肉飯雞扒份量好多 炸得好夠脆滷肉有啲肥豬肉係裡面一咬落去就係口到化開 充滿油脂感炸物拼盤 有炸花枝丸 椒鹽杏鮑菇 椒鹽四季豆我最鍾意杏鮑菇 一咬爆汁 勁Juicy蜂蜜金桔檸檬酸酸甜甜 清新解膩 食完炸野之後飲就啱晒蒟蒻球白桃烏龍淡淡既白桃味 唔會蓋過茶香加埋煙煙韌韌蒟蒻球 好飲🥰

好耐冇行過利東街啦，今日行完見有間叫《饞》既台式食堂，主打簡約嘅台式料理，餐廳裝潢都乾淨企理，俾人一種舒適既感覺。 *椒鹽香酥雞排 $62* 配*手撕雞肉飯 +$16*去台灣旅行最鍾意就係街邊食炸雞排，今次有得坐住食仲開心D😆大大塊、臉咁大塊既雞扒，咬落去卜卜聲，feel到係即炸，而入邊嘅肉都唔會乾身。 另外，我地加左錢要手撕雞肉飯，入面有洋蔥🧅同芝麻，令成碗飯都夠晒雞油香味。*滷水豆腐 $22*唔好睇佢黑蚊蚊，入口唔會咸，係略嫌份量較細。*酒香花雕麻油雞麵 $72*杞子滿滿🥰夠曬明目補血，麻油雞塊多到數唔曬，面底都彈牙👍🏻。*蒟蒻球白桃烏龍 $12*透明蒟蒻球都幾有咬口。*蜂蜜金桔檸檬🍋 $14*食完炸雞排最岩飲下野清清個口，金橘微酸，可以解膩🥰。

#灣仔地膽 又周圍試新嘢！喺間台式餐廳，饞·台式食堂地點係夏門街，餐廳以簡約木系裝潢，座位舒適！Menu主打招牌台式飯麵、炸物、同埋特色台式飲品等，價錢仲十分親民！ 🥩🍜紅燒牛肉麵 (半筋半肉麵) $71好正宗嘅台式紅燒牛肉麵，🍜麵底可揀刀削麵同陽春麵；湯頭可揀紅燒、川香麻辣🌶️、辣番茄🍅！我揀左紅燒＋陽春麵，先飲一啖湯～香濃醬油味帶點中菜甘醇！牛肉忟得勁淋勁入味，入口即溶化！牛筋都足足兩大條～煙韌口感滿滿骨膠原！配菜有生菜同酸菜，麵底比較偏軟身，連埋湯一齊食更香濃惹味！🍗🍚鹽酥雞滷肉飯 $82 金黃色嘅鹽酥雞炸得酥脆，用左無骨雞腿肉加上五香粉等作餣料，難怪咬落啖啖雞肉勁香口惹味，嫩滑得黎仲有肉汁！伴碟有生菜沙律🥗味道清新！滿滿滷肉嘅飯香濃多肉汁，滷肉選用豬腩肉，香而不膩！滷水味咸淡適中。每一啖飯都食倒啖啖滷肉！飯嘅份量都好足！推介！🍢炸物拼盤 $38 有花枝丸、四季豆同埋杏鮑菇，炸得啱啱好唔會好乾！帶點咸香，好有台式夜市嘅味道，🧋蜂蜜金桔檸檬 $14 跟餐可用優惠價！十分優惠！蜂蜜金桔用左台灣四季桔，酸酸甜甜啱哂我！🧋蒟蒻球白桃烏龍 $12 蒟蒻球白桃烏龍茶味好香！必試！饞·台式食堂地

店舖以白色、淺棕色為主色調，木系設計簡潔明亮。配上黃色logo增加活潑開心氣氛💛店內餐具係竹製，支持環保♻️🍛香酥雞排 $62 (轉配滷肉飯加$12)雞排我揀左椒鹽味 (另可揀麻辣同咖喱味)，外層酥脆皮薄，帶椒鹽鹹香。搭配滷肉飯我覺得好夾 (另可揀手撕雞肉飯或台灣蓬萊米)。滷肉飯嘅豬肉半肥瘦，好入味唔錯。🍜經典台式牛肉麵 (半筋半肉麵) $82我揀左紅燒味 (另可揀麻辣同辣番茄口味)。牛腩大大塊，炆到好淋又入味，好食👍🏻牛筋幾彈牙，兩者比例剛剛好。湯底夠味，帶少許中藥的甘醇。麵底可選台灣陽春麵 或 台灣刀削麵，我揀左刀削麵，有質感，口感帶少少煙韌，幾鐘意。🍢炸物拼盤 $38有杏包菇、花枝丸 同 四季豆。小食有鹽酥鹹香，卻唔會炸到太乾身。杏包茹外層酥香，內層保留水份，口感不錯。最鐘意花枝丸，墨魚香味好濃郁突出，口感彈牙，好好食😋🧋芋香珍珠奶茶 (跟餐 +$14)一飲即刻諗起似細個食家庭裝芋頭雪糕嘅味道。味首偏甜，珍珠幾煙韌。🍑蒟蒻球白桃烏龍 (跟餐 +$12)桃味幾香，茶底濃度適中。蒟蒻球爽口有咬口，口感有啲似啫喱，又有啲似啫喱糖。味道清新香甜💗

Ooo台式食堂ooO好耐無食台灣野, 今次經過灣仔見到呢間台式餐廳😊，就入去試下。簡約既台式小店，感覺環境舒服，店子雖少但感覺清新整潔。🌟💕店主跟我說食物選取來自台灣既原材料，👉🏻堅持✊🏻不加味精！食款式好多，味道都幾正宗，價錢都親民👍🏻OooooO三杯魷魚+手工滷肉飯$82三杯魷魚有驚喜😍, 口感酥脆爽滑, 佢既醬汁非常惹味。🌟三杯原來是用麻油、醬油、米酒調製既醬汁🌟~米酒既香味加上麻油呢個三杯醬大家要試下, 配埋酥脆魷魚👍🏻。手工滷肉飯食得出d 滷肉係腍滑既都唔會太多脂肪。OooooO滷水豆腐台灣的滷味, 醬香帶甘甜是台式滷味的特色。 呢間店的滷味汁採用台灣的醬油及滷味包調製 。色澤濃郁，帶甘口😋OooooO酒香花雕麻油雞麵 $72上枱見到好多杞子係隻碗入面💕, 仲有好香嘅花雕酒&麻油香味, 感覺好滋補! 🐔D雞肉入晒味, 麻油雞湯令D麵條質感都滑左, 唔錯。蜂蜜金桔檸檬 (+$14)金桔檸檬味道酸酸蜂蜜甜味，清爽解渴🥤蒟蒻球白桃烏龍 (+$12)🥤好濃既烏龍茶味, 重點想介紹下佢既蒟蒻球😜，口感真係好爽滑跟一般既椰果完全唔同, 但係大家飲既時候真係要慢慢吸👈🏻😉, 好易吸左入喉嚨

最近去灣仔利東街行街打卡影相，去完喺附近覓食見到附近呢間台灣菜，裝潢以木系為主，清新明亮&舒服，幾適合同朋友一齊傾計，所以就入去一試，原來呢間餐廳喺由90後台灣女生主理，原材料更是台灣直送，支持~<三杯魷魚配搭手撕台灣走地雞肉飯> $86未試過三杯魷魚，亦好少見台式餐廳有呢道菜，所以就點黎試吓，以為喺爆炒類🤣上網查先知道原來三杯醬喺指一杯麻油&一杯醬油&一杯米酒，真喺長見識😂魷魚份量唔少，酥脆可口，濃郁既味道佐飯一流；仲加錢轉手撕台灣走地雞肉飯(+$16)<台式半筋半肉麵(辣蕃茄湯底|刀削麵)> $82牛肉份量多，輕易就能咬開，牛筋呈啫喱狀，充滿骨膠原；麵底揀咗刀削麵，有少少淋，但ok掛汁；揀咗辣蕃茄湯底，配搭酸菜，酸辣開胃<炸物拼盤 (椒鹽四季豆，椒鹽杏鮑菇，炸花枝丸)> $38炸物拼盤有椒鹽四季豆、椒鹽杏鮑菇同炸花枝丸，主要以椒鹽調味，最推薦杏鮑菇，體積大之餘，咬開時更瘋狂爆汁<芋香珍珠奶茶> $14 (跟餐價)味道偏甜，建議嗌少甜<蜂蜜柑桔檸檬> $14 (跟餐價)帶有檸檬片，裏面既蒟蒻都頗Q彈，飲落

同朋友去食，每人叫咗一個晚餐，朋友叫嘅炸雞牌啲肉鞋口但好香脆，而我叫咗鹽酥雞就非常之彈口，我哋同時都加錢叫咗滷肉飯，但係只有外觀有色食落無味好似濕咗嘅白飯咁。$80有咁大碟雞同飯仲有嘢飲好抵食食唔晒，如果再去食都係會叫返如果再去食都係會叫返鹽酥雞加白飯好似會最好。坐樓上都幾方便，有個中仔可以撳然後就會有侍應上嚟，反應都幾快，好快嚟到落單，買單都好快上嚟，但係樓上電話訊號收得唔好，分別係Smartone同3HK 都係收得一兩格。

主打親民、簡約台式料理，店內裝潢以木系為主，氣氛溫馨，座位寬敞舒適，予人清新明亮感覺😌香酥雞排 配滷肉飯即叫即炸雞排，用上豉油、五香粉及中藥香料磨成粉作雞肉醃料，外脆內軟，唔油膩，非常香口滷肉飯醬汁豐富，肉粒嫩滑，米飯粒粒圓轆轆，好有咬口經典台式牛肉麵 (半筋半肉麵)紅燒口味、 台灣刀削麵上面放滿大大塊嘅牛腩，同埋好 Q 彈嘅牛筋🥰，入口嫩滑有張力。 湯底香濃帶辛，唔太油，而且仲有淡淡中藥的甘醇台灣刀削麵薄薄的，能吸收湯汁，食落煙韌又入味台灣香腸色澤紅潤，油光滿滿，用上溫體黑毛豬香腸，肥瘦適中，口感扎實而帶微甜除咗珍珠奶茶，佢仲有多款台灣特飲有清新香甜嘅蒟蒻球白桃烏龍， 一邊飲一邊仲可以咬下QQ嘅蒟蒻球另外用咗台灣四季桔沖嘅蜂蜜金桔檸檬🍋，酸中有甜，又帶點苦澀，好有層次

我是連喝水也會胖的人,為什麼不喝珍珠奶茶呢-來自90 後台灣女生主理的親民、簡約台式料理最近在灣仔廈門街開新店。跟近迷上喝珍珠奶茶的我怎會錯過它😚😚😚😚店內的裝潢以木系為主,燈光明亮帶給我清新感覺🌸-HK$82經典台式牛肉麵 (半筋半肉麵) ~湯底可選紅燒、麻辣、辣番茄口味。這店是台灣人主理,當然選了經典口味紅燒湯, 呷一口帶點中藥的甘醇配上醬油底但又不太咸。牛腩大大件超滿足而牛筋好Q 彈 麵條我選了滑口又咬勁的陽春麵, 配上我最愛的酸菜, 更加好吃哦-HK$38 炸物拼盤~這個炸物拼盤是按照我要求的輕量版。因自己一個人吃,就同侍應說不要給我太大份。雖然四季豆、杏鮑菇及花枝丸是炸,但仍可保持水份,絕不會乾🤤，特別喜歡杏鮑菇上面灑上椒鹽粉，吃起來鹹香十足又惹味。-+HK$14經典台式珍珠奶茶~香滑又茶濃郁的奶茶與Q彈珍珠搭配,好岩我口味-店主的餐具是採用竹製之外,還支持身心障礙者就業,真是一間愛心滿滿及環保的小店

宜家「0+3」政策真係令人好想去旅行，可惜入境台灣仲係要隔離😭唯有係香港搵台灣菜止下癮！今次就同朋友去左位於灣仔既台灣菜餐廳《饞·台式食堂》食飯～呢間餐廳係由90後既台灣女仔主理😘‣ 經典台式牛肉麵 ($82)經典既台灣菜一定包括紅燒牛肉麵架～今次黎呢到都試試，牛肉係半筋半肉，大大塊既牛肉同牛筋都煮得幾軟身同容易入口；湯底可以選擇紅燒、麻辣、辣番茄口味，而我就叫左紅燒味，味道都幾濃郁，有少少鹹；至於麵底就可以選擇台灣陽春麵或台灣刀削麵～成碗麵都可以自由搭配都唔錯！ ‣ 古早味炸豬排 ($80) 配台灣走地雞肉飯 (+$16)炸豬排食落都幾軟身，份量夠大；今次冇選擇常見既白飯或者滷肉飯，反而揀左少見既雞肉飯轉下口味🤣雞肉份量都唔少，冇加入太多調味，比較清淡～‣ 滷水豆腐 ($22)平時最怕滷水汁太鹹，呢到既滷水唔會太鹹，豆腐都醃得入味～‣ 蜂蜜金桔檸檬 (+$14) / 蒟蒻球白桃烏龍 (+$12) 呢兩杯都唔錯，前者就甜中帶酸，飲落幾開胃；後者就係濃郁烏龍茶味，稍微偏甜，仲有唔少蒟蒻球增加一點咬口😋餐廳座位唔算好多，上菜速度快，而且地理位置方便，就係利東街隔離，如果想食台灣菜可以考慮下