餓居

營業中

休息中

一推開門就見到巨型櫻花樹🌸我哋坐正櫻花樹下面，直頭好似同軒公食緊飯🤓環境溫暖舒適，無論係放工獨酌🍶、朋友聚會定家庭聚餐都啱晒！襯住放連假，今次仲特登叫咗杯生啤relax下😎🍲壽喜燒牛肉鍋-小盛 加烏冬 $178 （😸😸😸😸）即叫即煮嘅壽喜燒，材料多到瀉😮！豆腐吸滿甜湯汁，大蔥煮到軟淋，牛肉片嫩滑得嚟帶少少嚼勁～冬菇大大粒，配埋吸晒湯精華嘅烏冬，滿足感爆燈💥 🍚鰻魚粒撈飯 $88 （😸😸😸😸）熱辣辣上枱，鰻魚香即刻撲鼻👃！飯底用微甜燒汁撈勻，飯粒濕潤得嚟粒粒分明，仲有超多鰻魚粒，每啖都食到魚油香😋 🍢荔枝牛/豚肉卷串（2串）$78 （😸😸😸😸）牛肉/豚肉燒到微焦，包住爆汁荔枝🍡！鹹甜交織嘅味道好過癮，荔枝嘅清甜完美中和肉嘅油膩✨ 🦑海苔魷魚鬚 $68 （😸😸😸😸）魷魚用咗少少紫菜增加風味，外脆內嫩嘅口感，送酒一流🍻(另設加一服務費 ) 服務：😸😸😸😸環境：😸😸😸😸回頭：😸😸😸😸打卡指數：😸😸😸😸😺價：～$200/ per person

位於太子嘅🌟餓居🌟係一間日式居酒屋🏮，有齊⛩️鳥居、🌸櫻花樹等日系打卡元素📸，仲有得自己整💭雲朵飯！💭夢王三文魚子漬飯 $158三文魚子鮮香滿滿！食到一半可以加入DIY嘅雲朵同埋生蛋黃一齊食，增添風味！餐廳會俾齊工具同埋instruction，怕打到手軟仲可以借電動打蛋器，真係有得玩有得食！🥚玉子の大滿足 $98厚實嘅玉子燒，配搭大量嘅明太子醬、沙律醬、蟹籽等，味道豐富！🍜濃厚明太子醬撈烏冬 $68同樣係滿滿嘅明太子醬同埋蟹籽，鹹香出眾！🍤天婦羅盛合 $68有齊大蝦同埋多款野菜，都幾抵食！🍺日本朝日生啤 $48/細杯｜無糖綠茶 $10/杯多款飲品供應！

喺繁忙嘅太子區，有間充滿日本氛圍嘅餐廳——太子餓居😎一入到去，真係好似置身於日本小巷咁，四周都有精緻嘅日本裝飾，仲有日本櫻花，好多打卡位😎日本蟹肉忌廉薯餅:呢個小食外脆內嫩，蟹肉嘅鮮味同忌廉嘅醇厚完美融合，口感層次分明😚蒲燒鰻魚串: 鰻魚串味道鮮美，醬汁香甜，微焦嘅表面更加提升咗味道😎札幌味噌叉燒拉麵:拉麵嘅湯底濃郁，味噌味道啱啱好，叉燒肉質鮮嫩，搭配彈牙嘅麵條，食完真係心滿意足 🍜 壽喜燒牛肉撈烏冬:牛肉嘅鮮香同壽喜燒醬汁嘅甜味交融，烏冬麵吸收咗所有精華，味道更加豐富，同埋份量超大🤣蒜香一口牛:呢道菜非常適合肉食愛好者，牛肉嫩滑，仲有蒜香味，真係一口接一口，根本停唔落來😎日本芝士蛋糕:呢款蛋糕輕盈綿密，奶香四溢，甜而不膩，作為餐後甜品真係正😎熱蘋果山楂紅棗枸杞茶:呢款茶飲清新解膩，蘋果嘅香甜同山楂嘅酸味互相平衡，食完飯後飲好舒服。太子餓居唔單止有美味嘅日本料理，環境都令人感受到一種逃離現實嘅愉悅😌而家餐廳仲做緊優惠，消費滿$500仲送好得意嘅玄米茶 😎

之前睇其他人打卡已經好靚，今次親身去到，感覺真係好似置身日本一樣，櫻花樹超巨型😆 喺榻榻米上面食，真係超浪漫❣️.❥ 鵪鶉蛋牛/ 豚肉卷串個皮燒到微微金黃色，配埋鵪鶉蛋食一流.❥ 鰹魚汁豚肉鍋個湯底清清地帶鮮甜味，唔錯呀🫶🏻 豚肉肥瘦適中，個烏冬索哂湯味，我自己都飲咗成碗湯.❥ 厚燒玉子三重奏我揀咗明太子醬、蜜糖芥末及海膽醬，覺得三個味道都冇揀錯，特別鍾意明太子醬，同玉子味道非常夾，鍾意佢唔使試哂同一款味道都好好👍🏻.❥ 芝士魚條脆炸後魚香味更出，唔錯嘅選擇啊.❥ 凍柑桔檸檬水果茶❥ 巨峰乳酸梳打份量唔吝嗇，好大杯，一路飲一路望住櫻花🌸吹水，正😄

🌿環境:超正宗的居酒屋!環境溫馨，店內有很多小擺件，被介紹來的居酒屋， 今次嚟到呢間居酒屋係食咗壽喜燒牛肉鍋，咁就加咗隻雞蛋都食得出係幾好唔錯，仲有雞皮餃子同埋呢個嘅海苔魷魚鬚，雞皮餃子呢，就外焦裏嫩咁呢個海苔魷魚鬚呢都不過不失食得出食材係真材實料 仲有嗌咗兩杯嘢飲嘅咁其中一杯呢，就係呢個白土乳酸梳打，另外一杯呢就係呢個香印提子梳打味道不錯，十分良好 今次過嚟影咗好多唔同嘅相，因為呢間舖頭有一棵櫻花樹下次會再嚟

一出地鐵站幾步就係呢一間😋餓居 居酒屋啦有棵櫻花樹喺鋪入邊，都幾特別㗎🌸叫左個🍢荔枝牛&豚肉卷串呢個係一個項目兩串 可以combo 牛&豬🍡肉片包住大大粒荔枝 粒荔枝多汁又甜牛肉同埋豚肉有鹽味既調配，燒得幾香口合共六大粒好豐富！🍡🍡仲嗌左塊⚪️日本蟹肉忌廉薯餅🍪熱辣辣炸出嚟嘅薯餅，外脆內軟入面啲忌廉好順滑 有豐富嘅牛奶味，軟滑細膩🍼外層香脆但不油膩，好滋味跟住就叫咗鍋物🥗🥘壽喜燒牛肉鍋雖然嗌左小既size 但係牛肉嘅份量一啲都唔少牛肉大塊又軟熟 🥒🥦仲有大量嘅蔬菜香菇 所以個湯底好香好甜跟住仲可以加埋稻庭烏冬 飽肚感十足🍜🍜♥️清酒煮蜆都係一鍋咁樣送上嚟 個湯底有清香既sake 味🥂湯底仲有大量嘅蔬菜 所以都幾甜等啲蜆開晒殼就可以食得👍跟住仲嗌咗兩杯嘢飲🍷檸檬可樂薑茶 / 600ml 呢個平時比較少見見有啲唔舒舒服服就嗌咗呢杯嘢飲係有個壺俾你斟出嚟嘅，好有儀式感🥰🥰熱辣辣嘅可樂 仲有啲薑味，真係幾潤喉嚨㗎🍺法國藍橙生啤 💙啤酒，不過係藍色嘅幾搞笑味道同普通生啤差唔多 不過就多少少橙嘅香味👍

「餓居～餓住出翻去」太子不嬲都好多好西食，而今日唔太想食餃子，就打算新嘗試去日系餐廳，路過「餓居」就比門口嘅餐牌吸引咗。價錢大同小異，定食有平有貴，而我同友人揀咗2個定食;炸豬扒定食$78 (+$5芒果汁）丶炸雞定食$78（+$10轉烏冬&+$5烏龍茶) 。1️⃣炸豬扒定食，賣相好打卡able ，但個貓造型嘅飯嚟到已經又硬又凍，豬扒炸到外脆內濕，食到濕埋一舊嘅麵粉同無味又薄嘅豬扒。2️⃣炸雞定食（轉烏冬），湯好咸，烏冬同蛋絲比例一樣，烏冬已經淋到軟，炸雞就不過不失啦，都有5舊。整體來講，呢個價錢大把日系餐廳可以選擇，亦都做得好食過呢間餐廳，唔會再來幫襯。

俾佢門口嘅餐牌吸引咗入到去，廁所無廁紙，自備啦炸豬扒定食，所謂嘅定食只係多碗麵豉湯定食嘅意思係咁解嘅咩？$85 豬扒薄個廁所張紙巾，唔怪之得要用舊飯遮住佢咁樣嘅出品，相信餐廳都係心虛，搵舊飯，遮住佢扮睇唔到，就快整咗貓貓樣，好似好得意咁，凍冰冰，一嚿嚿，勁硬 炸雞有五個件，有麥樂雞味道，炸得唔算太乾，對比吉列豬扒，感覺很可以 烏冬加咗$10，湯底係出前一丁豬骨味一嚿蛋絲，唔係好理解烏龍茶要加$5，道地嘅味道很不錯果汁就很一般，可以話係難飲結論就係再去真係戇居

店內有櫻花樹、日式燈籠、鳥居和許願牆，座位亦有一般木系座位或者榻榻米座位，感覺就像置身於日本一樣🥰原先早光臨眼見客人不多，沒想到沒多久就全坐滿了🤣.𐐂單點𐐚.。食品。.❥ 味噌廣島蠔野菜鍋-並盛 $238一般不是吃牛肉鍋就是豚肉鍋，很少吃蠔鍋，所以今次想嘗試一下😙店員說要先蓋鍋子燜約15分鐘，煮沸後先吃菜再吃蠔～鍋裡有蠔、野菜、豆腐和芋絲蠔鮮嫩肥美，兩人可平分3隻😋野菜亦清甜爽脆湯汁薑味濃厚，天氣冷喝這鍋湯很暖和☺️.❥ 濃厚明太子醬撈烏冬 $68明太子的份量幾充足，帶點辣味，還帶有些忌廉醬，所以口感順滑不乾，烏冬彈牙，和明太子醬汁拌勻混合起來吃，鮮味十足👍🏻.❥ 海膽流心蟹肉餅 $32炸得表面酥脆，內裡軟嫩，一咬下去就爆漿🤩，裡面的海膽汁流下來，鮮鮮甜甜，creamy但不膩😋.❥ 厚燒玉子三重奏 (口味六選三) $98我們選了大阪燒、明太子醬和海膽醬這三個口味賣相吸睛玉子燒煎得金黃飽滿，充滿蛋香明太子醬和海膽醬口味是偏鹹的，而大阪燒口味是偏甜的，我們更愛後者.。飲品。.❥ 蜜桃蘋果汁 $10友人點的，果汁味濃郁，味道清甜.❥ 番石榴汁 $10香濃的番石榴味，甜而不膩🫶🏻.以這價錢，本對

上星期同朋友行過諗唔到食咩 見啲食評唔錯就入咗去呢間餐廳 一個字：伏因為天氣都涼返 就叫個壽喜燒鍋 首先價錢唔平$138 加個飯或者烏冬$25 多隻蛋又要加$10 等咗成4-5個字 上咗呢兜嘢 就咁睇啲牛肥到不得了 感覺上同凍肉舖買啲肥牛差不多 店員同我哋點着個火 再要煮10分鐘再攪5分鐘先可以食 前前後後等成大半個鐘 食兜咁嘅嘢 幾嚿極肥嘅牛 1嚿芋絲 4嚿豆腐 2嚿大蔥 1嚿冬菇 就完 一條菜都冇 大家自己諗吓值唔值諗住問佢拎匙羹同水 店員話係自助自己拎 嗰吓諗緊唔係咁樣仲要收我服務費呀嘛？落單已經用QR code個火keep住自己滾 啲牛已經老到不得了 叫店員幫我哋整熄個爐 佢竟然用口吹…咁不如我自己嚟啦 仲乾淨…最後埋單 係真係要俾服務費㗎 除咗上餐嗰下完全唔覺得有俾人服務過 餐具水仲要自己拎好似大_活咁真係可一不可再

一入到呢間餐廳就好似日本，眼前就有鳥居，仲有幾隻蠟筆小新嘅公仔，行入少少就見到好大棵櫻花樹，隔離有和式嘅榻榻米座位，周圍嘅裝潢同擺設都好花心思，一入去已經俾個環境吸引咗。原來食嘅嘢都好打卡，個飛驒和牛啲肉好軟熟而彈牙，而且都幾厚，放埋隻蛋黃上去超啱打卡。蟹肉三文魚子漬飯撈勻晒嚟食好惹味，口味唔算好重，需要加啲豉油，真係希望啲三文魚子同蟹肉可以多啲，咁我就可以食到超滿足。之後個玉子三重奏三大塊好似磚頭一樣嘅蛋，上面可以有唔同嘅口味，叫咗三隻味都係重口味，海膽同明太子好鹹，好彩我哋兩個餐都係飯，撈埋一齊就OK，另一個係蜜糖芥末，甜甜地幾特別，我幾推薦呢隻味。個雞皮餃子幾有特色，好少何食到，食落去入邊啖啖肉，幾彈牙。仲有抹茶大豆蛋糕，細細個用餐完之後點綴一下都唔錯。整體嚟講食物都可以，又唔算好貴，仲可以食埋個環境，都係一個唔錯嘅選擇。

性價比低！偽居酒屋。又唔係特別好食唔明點解會有咁多好評？店內擺咗棵樹係度就當係特色之一✖️扭扭薯條，一向都知係圖文不乎佢本身個圖都已經唔係好靚 但至少個薯條係扭嘅黎到個薯條得一個係有扭 其他都係碎碎嘅✖️單骨雞翼同"日本蟹肉忌廉薯餅"吃得出係氣炸鍋產品嘅味道🤪自己買包返去氣炸啦～ ✖️鍋物又貴又唔好食✖️最令我不忿係鹽燒白鱔串@$58如果好食都話吖～ 燒鱔 佢枝簽我一拎起係凍嘅跟住個皮係淋嘅？ what?? 我叫嘅係燒鱔唔係蒸鱔喎！我懷疑佢係叮鱔服務員除咗上菜，其實都冇乜服務水都係要自己出去斟埋單自己出去埋，仲好意思+10% 服務費3人埋單$1000去食其他野好過啦🙄話好食嘅人究竟係拎咩黎做準則？

朋友喺附近收工，約咗嚟呢間居酒屋食飯，入面嘅裝修非常有日本嘅元素，有櫻花樹、燈籠、榻榻米、仲有祈願區，好有心思！而且都坐得幾舒服，每一台都有一點嘅距離～因為早收工嘅關係趕得切Asahi Sour happy hour 買一送一，大大杯好抵飲！叫咗2款鍋物，壽喜燒牛肉鍋加烏冬 & 清酒煮蜆，店員會貼心咁圍住個爐以防焫親～另外仲叫咗兩款串燒及炸物，分別係熊本一口牛串、鹿兒島一口豚肉串、同埋好耐冇食嘅炸芝士年糕，串燒嘅調味唔錯，燒嘅熟度剛剛好～價錢參考：

🍽️餓居📍地址：香港九龍太子砵蘭街440號地下太子站附近真係好多嘢食，不過呢間日式居酒屋我都係第一次試，職員態度好好，盡享日式服務！嘢食價錢都抵食，最重要最重要係，個環境真係好浪漫！！真係未見過鋪頭入邊有棵櫻花樹。~岩鹽燒牛舌先試咗個最愛嘅牛舌先，落完幾分鐘就食得，熟度啱啱好，上枱熱辣辣，厚切又彈牙！~蟹肉蟹膏丼飯&香蔥金槍魚蓉丼一見到Menu就口水都停唔到，蟹肉蟹膏飯成個飯份量好大，又真材實料，蟹膏香到不得了！可以自己淋上芥辣豉油，蟹肉下面仲有一層蛋絲；金槍魚蓉丼個底同蟹肉飯一樣，不過轉咗好新鮮嘅金槍魚蓉喺面，每啖都有幸福感！~壽喜燒牛肉鍋-小盛職員有教要煮幾耐同點樣食最好食，壽喜燒嘅湯汁調教得好甜，野菜同牛肉嘅香味煮過一陣之後個湯都好好飲！細火之下暖粒粒咁食，真係好舒服。睇得出老闆好有心思，入門打卡位或者啲海報都係日本啱啱上映嘅電影海報，鋪頭入邊有幾個榻榻米位，一定要再嚟食！

♥櫻花樹下居酒屋🌸設有榻榻米座席！ ♥✎ (❁ᴗ͈ˬᴗ͈) ༉‧ ♡*.✧喜歡的話記得like & follow我喔♥最近在太子的餓居居酒屋用餐，這裡的裝潢真是令人驚豔！✨ 餐廳設有榻榻米座席，讓人感受到傳統的日式氛圍。🌸櫻花樹和燈籠牆的設計，讓整個空間充滿了日本風情，猶如置身於日本的居酒屋中，讓人忍不住拍照打卡！強烈推薦大家來這裡感受一下！💖①夢王飛驒和牛漢堡扒丼定食 $148②吉列豬扒定食 $78，③唐揚炸雞 $48④海苔魷魚鬚 $48，⑤香辣單骨雞翼 $48⑥木村香印青提梳打汽水 $27⑦椰子菠蘿乳酸梳打 $48📍餓居太子砵蘭街440號地舖.・。.・゜✭・♥・✫・゜・。.#居酒屋 #太子 #餓居 #太子餐廳 #太子美食 #旺角餐廳 #旺角美食