餃掂手工餃子雲吞專門店

營業中

休息中

今晚食餃子當晚餐，兩個人食，兩款煎兩款湯灼，呢間店的餃子是即日人手做，手工好，皮薄餡料多，食個返轉頭會再食。湯灼的：至尊松茸豬肉餃跟狀元九鼎湯元貝豬肉餃香煎的：軟心芝士餃芫荽豬肉餃招牌是松茸豬餃，有一種特別嘅香氣人，別處冇，調味唔過鹹過，剛剛好，配自家製松茸醬有特色。仲有個狀元九鼎湯，媽媽的味道，真材實料，所以唔會覺得好濃味，但飲得好舒服。元貝餃有非常提味的元貝，自然倍增甜味。芝士餃是我近日新寵愛，因為芝士流心口感很好。芫荽豬肉餃芫荽香味十足，另一心水。一般價錢半打左右50多元，合理。

最近工展會開始了，去完工展會掃完貨，出血完，當然要找間經濟實惠的餐廳.來到這間以餃子出名的餐廳，又真係幾掂哦.款式又夠多.食肉獸當然要試下松茸豬肉餃，煎完十分之香噴噴，金黃色，每口都是肉，點下個松茸醬，幾香口，飲啖狀元九鼎湯，又幾清甜哦.不過個人更加喜歡壽喜燒牛肉煎餃，夠盞鬼，洋蔥配牛肉，甜甜地，又甜又鹹，幾正哦.元貝豬肉餃就要了灼的，試下不同口味嘛，餃子皮彈牙點，肉汁好juicy.配爽口青瓜又一餐.

今晚下班有點累，當然要吃多點～餃子種類非常多，而且每款都可選灼餃或煎餃，也可選擇生餃外帶。就去一吃～四川涼麵分量大，四川麻辣醬汁，惹味無窮口感煙韌，最重要是辣很有層次，而且必試，涼皮上有不少花生碎粒，底下還有青瓜絲和麻辣醬料，攪拌過後，味道酸酸辣辣，但不會有麻麻的感覺，惹味龍鳳松茸旦一半是白松露，另一半是黑松露。個人較喜歡後者，因為松露味較突出，很不錯呢，實在香口，油香和松茸香相輔相成，齒頰留香～味道不錯黃金原味皮蛋很喜歡吃皮蛋，金黃色皮蛋也想試試～ 蛋白外層軟身啫喱，棒，而蛋黃同樣是黃色，有流心效果。金黃色的較黑色皮蛋更易入口，阿摩尼亞味不太強烈，蛋香味亦比皮蛋香，棒棒喔芫茜豬餃試芫茜餃，今次對這款餃子讚不絕口～像芫茜的感覺，裏面的豬肉很嫩滑，口感豐富美味，正！時蔬好好吃，新鮮喔自家製山楂雪梨水吃光食物，食量誇張，棒，點了山楂雪梨水消滯。感覺酸酸甜甜～棒！ 要來吃這個香口食物～不失為養生之選

是日母親大人唔想煮飯，兩母女出去撐枱腳除左餃子仲有d麵食、小吃蜂蜜檸檬薏米水／山楂雪梨水２０蚊大大杯，食多多都唔怕口渴手拍青瓜$25酸辣醬汁，十分開胃元貝豬肉湯餃$49餃皮滑溜，厚薄適中，內餡豐滿而多汁至尊松茸豬肉餃配九鼎湯 $86店舖招牌的松茸餃，有湯餃煎餃2款，我要了煎餃，煎餃外皮金黃，配上黑和白松露醬，香口惹味四川涼皮 $32最近愛上川菜，所以又忍唔住叫個涼皮食下，涼皮晶瑩通透口感滑溜，醬汁酸酸辣辣，非常開胃

好耐之前同朋友食過係太子既分店，今次黎到銅鑼灣。餃掂手工餃子特色係皮薄餡多，啖啖口感，唔同超市買既急凍餃。壽喜燒牛肉煎餃(10隻)$74第一次食牛肉餡既餃子，餡料係蔥爆牛肉，炒得好香口，估唔到味道都幾夾，唔係度度都食到。香煎軟心芝士煎餃(10隻)$62芝士軟心餃岩晒鐘意芝士既朋友，芝士帶弓絲，加埋粟米，口感唔錯。九菜豬肉湯餃(7隻)$43傳統必食既餡料一定係豬肉餃，呢到既豬肉餡料十分足料，咬落啖啖肉口感一流。檸檬蜂蜜薏米水$20山渣雪梨水$20手工自家制既冬天飲品，夠晒潤喉滋潤，味道亦唔會太甜，好健康。食完餃子飲返杯清熱飲品，岩岩好。

行完街街去醫肚朋友話要黎食餃子次次黎都必食呢兩款餃咁濟：松茸灼餃同芝士煎餃～今次要左龍鳳蛋同涼拌皮蛋做小食餃子水準依舊，大隻飽滿又足料～自從上次食過呢度既龍鳳蛋後又返唔到轉頭xppp蛋香同松露醬既味道好夾～～～～加上有溏心，所以真心正！！！煎餃香脆內流芝，仲有好多甜甜既粟米粒係入面架！！！！！！！而灼餃中既松茸芳香獨特，食過咁多次都依然覺得好好食：）仲要配上無味精既熱湯～喺最近涼左咁多既天氣食特別正！！！

出銅鑼灣滿心期待搵松茸餃食，結果得到唔熟嘅生豬肉餃！好失望！自己鍾意擺凍啲先食，傾緊電話點住醋食冇留意，食到第6隻一半，咬開望一望先發現啲豬肉跟本未熟，生到一個點😭😭但無奈已經食咗6隻半，剩低一隻完整嘅都立刻整開睇下都係唔熟😭😭😭咁食落肚嗰6隻好大機會都係唔熟！！！😭😭😭一發現已立刻同店員講，店員亦承認唔熟，只係詢問洗唔洗整過比我，都食曬啲生豬肉我仲食？？！走嘅時候仲想收全額，我唔介意俾，但係你哋有冇比返相對嘅質量俾我？！！連最基本要熟都未做到，更勿論好唔好食啦！最後店家說餃子收我半價，食生餃有半價，真係多謝晒！店家要知道 ，豬肉係不能夠生食㗎！！好多細菌！！依家好擔心自己身體😭😭😭😭😭食完即刻沖去廁所扣喉😭😭😭😭

而家疫情好返啲之後 周圍食嘢都人山人海，所以係冇訂枱又想食好少少嘅情況底下，去食餃子係一個唔錯嘅選擇今日只係簡簡單單咁樣食咗兩款呢度最出名嘅餃子，一個係龍鳳鴛鴦餃，一款係松露豬肉餃, 再加一個隨機口味嘅餃子。龍鳳鴛鴦較特別嘅地方，係有一半係白松露，另一半係黑松露，所以都算係一個雙拼，一次過可以食兩款口味。至於松露豬肉餃，雖然佢都係用松露來做焦點，但係佢嘅特色係佢會比一大碟嘅松露醬我哋點，所以係極之惹味。不過呢間餐廳嘅嘢飲有少少貴，所以唔捨得叫🤣 飲湯算, 不過淨係食佢啲餃子都好滿足

好久沒有吃餃子，銅鑼灣地區餃子店不多，選擇了一間連鎖區。餃掂。這間餃子店與其他餃子店有一個地方是不同的，他的特色餃子是松茸餃子，沒有看過其他餃子店有這種餃子吃。另外今次看到一隻比較特別的是壽喜燒餃子。由於松茸餃子是這裏的特色餃子來到當然要吃啦，還有另一種特色餃子就是黑松露及白松露松茸餃子。 你問我黑松露及白松露松茸餃子與普通松茸餃子有什麼分別，就是他會多了一點黑松露的味道就是別人口中說煤氣味的味道。 我自己就比較喜歡又黑松露及白松露的那款。 松茸餃子就是很香的菇味，另外對女性亦都非常補食。正。叫松茸餃子另外就會包一碗粉葛魚湯的，粉葛魚湯是沒有味精的，所以單叫索價20蚊一碗價錢也很合理。壽喜燒餃子比我想像中沒什麼特別，不是我想像中去日式打邊爐的味道，但是總體來說也是不錯的，可以一試。除此之外我們叫了雞翼作為小食，味道也很不錯，除了吃餃子也吃些其他小食吧。

🥟 餃掂記得酒店Check Out後好想食餃子🥟行到附近見到有間話專食手工餃的小店😍咁就行入去試吓，間舖都幾大間，牆上寫住「天下第一餃」😂一於試吓佢咩料先⋯坐低就有侍應拎咗兩碟自家製的酸蘿蔔來😋酸酸甜甜好開胃好味道！🥟 龍鳳松茸雙煎餃：🌟🌟🌟🌟🌟有4隻黑松露同4隻白松露餃🥟真係估佢唔到～啲餃子煎到外脆內軟，個皮仲煙煙韌韌😋黑松露味都好重！真係啱晒鐘意食松露的朋友！-$92/8隻🥟 元貝豬肉湯餃：🌟🌟🌟🌟試完個煎餃當要試埋佢哋的湯餃，所以叫咗元貝豬肉餃，配埋佢哋出名的狀元九鼎湯，都幾易入口，可能係手工餃，啲餃嘅個皮做得好出色，又係煙煙韌韌😋 -$62/10隻🍳 龍鳳蛋：🌟🌟🌟🌟小食我哋叫咗龍鳳蛋，龍鳳原來即係黑松露同白松露😋雖然白松露味唔太突出，可能俾黑松露Cover咗，但黑、白松露加上溏心蛋又真係幾Fresh同幾夾👍🏻 -$32/碟🐥 蜜餞雞翼：🌟🌟🌟🌟甜蜜蜜嘅雞翼😋啲蜜糖半溶咁痴住啲雞翼，好入味！唯一唔開心就係雞翼太細隻，如果大隻少少就更加正同惹味！ -$32/5隻🥤 山楂雪梨水 & 蜂蜜檸檬薏米水：🌟🌟🌟野飲叫咗山楂雪梨水&蜂蜜檸檬薏米水🥤用啤酒樽裝出來🍻酸酸甜甜，味道不過不失，幾

餃掂晚餐唔知食咩好，試吓呢間專食餃子既店舖，店舖內位置都幾多，今日外賣返屋企食😎香煎軟心芝士餃~$62餃子有10隻，大約等咗15分鐘左右，返到屋企餃子仲係熱辣辣，入邊會有豬肉，芝士，粟米，餃子皮煎到金黃色，芝士味都幾濃郁，非常足料，好食😍餃掂手工餃子雲吞專門店🏠：銅鑼灣景隆街19號地舖☎️：31041648/31041696

銅鑼灣呢間餃子店之前都未嚟過，今日經過記得以前曾經食過佢哋嘅餃子～於是我哋就叫咗兩款唔同口味嘅餃子，一款係主打嘅松茸餃，另一款就係壽喜燒餃～兩款都係揀咗煎餃～一個係套餐可以加一碗狀元湯～另外平平哋都加多咗個菜🤪💜果然冇叫錯煎餃，煎得好靚同埋好香～壽喜燒牛肉餃子佢入面有好濃烈嘅牛汁，牛味好出😳😳😳不過！我更加鍾意佢哋嘅松茸餃，係豬肉餡料，點埋佢啲松茸醬，真係好好食😋💜狀元湯清清淡淡，感覺上好過出面嗰啲味精湯好多～

天氣開始轉涼都怕怕地感冒又想食D有湯既熱野黎呢到整返碗養生湯餃就岩晒啦點解話呢到既係養生湯？睇下佢呢個介紹幾足料就知用左咁多材料去整仲有咁勁既功效，點會唔養生壽喜燒牛肉餃、狀元九鼎湯首先當然要講下個湯先飲落完喉嚨完全唔會涸證明真材實料冇落味精而且飲落會有陣陣魚鮮味飲完成個人都暖晒真係好足料用壽喜燒黎整餃子都幾破格但又出奇地夾喎同埋會食到啖啖牛肉，足料配埋湯一齊食就更正韮菜豬肉餃、狀元九鼎湯韮菜勁香一咬落去陣韮菜味已經飄到四圍都係鍾意食韮菜既一定要叫龍鳳松茸雙煎餃另外呢到既煎餃都係不可不食因為佢煎到金黃香脆得黎入面仲好多肉汁而呢個龍鳳餃更用上黑白松茸令佢香口之餘更多左份松茸獨有既香味好正竹昇米線好爽口好彈牙真係同坊間既米線好大分別佢係彈得黎唔會似落左膠咁既口感唔錯蜂蜜檸檬薏米水呢到既飲品亦同樣足料睇佢真係有粒粒薏米就知啦仲可以叫熱既咁凍既天氣真係岩晒

餃掂手工餃子雲吞專門店 (銅鑼灣).餃子真係一樣食唔厭嘅野，呢間餃掂都真係幾掂，位置又方便，之前我哋因為工作嘅緣故買個外賣食。今次有時間就梗係坐返喺度堂食夠新鮮！.▪️香煎軟心粟米芝士餃▪️.皮薄，入耐咬開好多粟米粒，芝士好香，肉嘅份量唔會太多，不過今日唔係好肚餓所以叫七隻！.▪️至尊松茸豬肉餃🥟▪️.我見到好多人都有叫呢一個，大家都知道松茸係貴價嘅菇菌類，佢有浸獨特嘅香氣，佢呢個松茸豬肉餃仲會配襯好似辣油辣醬咁嘅醬汁，不過個人都係鍾意點返醋食.▪️回味手拍青瓜▪️.青瓜好新鮮，爽脆，醬汁酸得來開胃！.▪️黃金原味皮蛋▪️.金黃色皮蛋晶凝通透，黏口，好香好正，喜歡食皮蛋嘅人真係不容錯過！.▪️蜂蜜檸檬薏米水▪️.我好喜歡飲呢度嘅檸檬薏米水，佢可以叫一杯或者一支，個人建議帶一支因為佢份量大啲之餘飲唔晒仲可以帶走，佢嗰樽仲要好靚添！(⁎⁍̴̛ᴗ⁍̴̛⁎).📌 餃掂手工餃子雲吞專門店 (銅鑼灣)銅鑼灣景隆街19號地舖環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️

今日於銅鑼灣購物後，於內街一間以餃子出名的店舖吃晚飯。餐廳設計簡單舒適，有幅牆掛了很有趣的餃子圖。餐廳有不同款式的餃子，可以選擇不同的大細，每一樣都試下。最喜歡還是湯餃，餃子餡是大白菜豬肉，餃子皮比較彈牙，餃子豐滿而且多汁，菜和肉比例剛好。灼餃的餡是野生松茸素餃，皮薄餡爽，少許煙韌。煎餃的餡是元貝豬肉，皮煎到金黃色，十分香脆，餡料多汁。手拍青瓜就不過不失。蜂蜜檸檬薏米水檸檬味頗香，而山楂雪梨水就甜甜地，很滋潤。