餃子館

營業中

休息中

朋友喺天水圍返工，聽聞依間鋪啲餃子係天水圍都幾出名，所以就外賣左比我見到OpenRice有好多負評都係比佢哋嘅服務態度，咁我就不得而知啦朋友專登分開左個湯同埋餃子。首先飲左啖湯先，第一啖就覺得都幾重魚味睇返先知原來係魚翅骨煲豬骨湯唔怪之得個湯咁乳白色啦，果然好濃郁，冇乜味精，飲完唔會話好口乾我哋叫咗粟米香菇豬肉餃同埋芝士豬肉餃。兩個都係餐牌上有推介既我個人就比較鍾意食香菇粟米豬肉餃啦一下咬落去，菇味都幾出，粟米又香又增加左佢嘅口感，入邊有少少肥豬肉，有啲林，有啲就有啲筋，成隻餃子又香又好食又多口感皮雖然厚，但係絕對唔粉，而且佢一隻餃子入邊有好多餡，齋食餃子都好飽，又好大隻食完六隻都飽曬芝士豬肉餃估唔到真係超重芝士味融入晒係啲豬肉入面我朋友咬落去嗰時，我仲見到仲有芝士絲拉到出嚟，太驚人了朋友咬左一半就將個餃子放咗落個湯度，而我食餃子呢就唔會放番落個湯度嘅之後飲番佢個湯覺得個湯少少唔同左味，少左鮮味提議大家都唔好將啲餃子味撈埋晒落個湯度啦順帶一提佢哋嘅菜圃都好好食

小編聽過好多人推介喱間餃子館嫁喇，因為大件夾抵食!!🤤終於，小編有一日出天水圍擺Roadshow，可以親自拜訪喱間街坊食堂嚕!!🙊小編因為要飲無味精靚湯，所以揀左湯餃 (不過小編唔肯定食炸餃子會唔會跟碗靚湯啊😵)，同埋想試多款口味，所以就揀左雙拼嚕~~~✌🏻.HK$36/6隻 HK$43/8隻 雙拼 +HK$2.#粟米香菇豬肉餃 🌽🍄🐷嘩，D餃子洗唔洗咁大粒，就快連隻湯匙都hold唔住!🤯一定要分開好幾啖咁食~🤭而喱款餃子好香，同埋咬開有豬肉汁滲出黎，好好味!雖然d香菇同埋豬肉剁得比較細，但因為粟米既關係，口感仲係好好!😚.#香菇木耳雞肉餃 🍄🐔本身小編係心儀粟米餃多d，因為我鐘意粟米又係喱度既招牌~然後雙拼的話，另一款唔想再試豬肉餃，所以就揀左喱款雞肉餃嚕~估唔到有驚喜!!!🤩因為雞肉冇剁到好細，仲係有咬口，同埋都算滑!然後配合埋香菇同木耳，味道係香濃嫁!好味啊!!雖然，食第二/三隻個陣可能會覺得有少少鹹，但飲啖湯就冇問題啦!!!😝.#魚膠翅骨紅蘿蔔豬骨湯 #無味精 #老火湯 🥰哈哈，其實小編飲唔出入面D料係真既😂 但係佢真係無味精，無個種平時喺街食飯飲中湯既死鹹味~搞到小編忍唔

話說今日放假，又懶得煮，接完女朋友就去食下好耐冇食過既煎餃子，因為本人太鐘意食煎餃(中午先食完) ，因為真係好耐冇去過估唔到仲咁多人食唯有排下隊。好好彩，排左20mins到就有得食，仲要係最後一set我最鍾意食既"9"菜煎餃。45蚊都就食到大件煎餃8隻加魚湯米線。抵到爛啦！！！順帶一題，呢間餃子店，餃子數量有限，賣曬就冇要食就早d去啦。(因為係排隊既時候有好多人黎排隊等食都有2,3款餃子賣曬。果陣先7點幾8點都未到)

係新北江成日經過呢間野都見好多人排隊同等外賣，成日想試但唔想等，難得有日早放就的起心肝掃試下～佢 menu 有成 8 款餃子揀，冬天仲有羊肉餃湯都有辣同唔辣，仲有得加米線有選擇困難症既我就揀左 8 式拼盤，每樣試一隻，邊隻好食就下次單買個隻～由於驚一個人食唔哂，就揀左外賣返屋企食，外賣都等左十分鐘以上每隻餃子都有半個掌心咁大，大概係平時既 2 倍，真係好足料！配埋辣菜甫食都幾開胃，唔覺得好滯除左韭菜，粟米香菇豬肉，芝士，同香菇木耳雞肉，另外 4 隻都分唔到邊隻打邊隻韭菜同粟米絕對係我既雙冠軍，涵料又香又飽滿，下次會雙拼呢兩隻～

新北江一直是美食勝地，今次去試在區內知名的人氣手工餃，店面細經常要等位，要品嚐就要預留多點時間！芝士豬肉餃 拼 韭菜豬肉餃 $40大大顆水餃配魚膠翅骨紅蘿蔔豬骨湯，湯很濃味，是老火湯， 韭菜豬肉餃散了兩粒，包得唔夠實，湯入哂餡，影響味道口感。芝士豬肉餃味道好濃，唔太見到芝士的蹤影，不過溶到餡內有湯汁，一咬湯汁出哂來。水餃重要的皮同餡，這間皮厚而餡料入味，可以一試！芝士豬肉餃：4/5分 🌕🌕🌕🌕 韭菜豬肉餃：3.5/5分 🌕🌕🌕🌗

木耳椰菜豬肉煎餃6隻$32香菇木耳雞肉湯餃6隻$38芝士豬肉餃6隻$38皮蛋豆腐$24大大的滿足‼️可以一次過試哂三隻唔同的味道🥰🥰😋😋每一隻都大大粒，有手掌心甘大喔😍皮薄餡靚，豬骨湯底勁推薦，是住家湯水，飲落好舒服😋❤️

前幾日同朋友帶埋一個小朋友去呢到食野啦，朋友話幾好食，太真覺得態度極差啦，同埋我覺得d唔合理囉，咁因為小朋友要碗仔，咁咪問佢拎碗仔2隻，但比得一隻，佢話只係小朋友先可以要碗仔，咁有卡紙貼牆寫明，咁我ok啦，但另一樣就係比佢拎菜甫，咁朋友行出去拎就比左一兜圖中果款既兜2格都有菜甫既，我心諗應該係可以再拎啦，咁我再問樓面拎，佢話啱啱比左係2個人既份量一人一格，再要係要比多$1先得圖中果一格既份量，一d都唔合理，呢d咁既菜甫去邊到食都係擺係枱面任你加，佢仲有成個餐牌同牆都冇寫明，咁點解要收先，個亞姐仲叫我去鬧佢老細tim。我唔會再去食囉，講真d餃子皮我覺得有d厚，係大粒，湯底又唔太濃，態度差，唔合理。

成日叫到呢間餃子店排哂隊，把心一橫要泥試下🙈🙈🙈大家要睇下個餐牌先，個價錢係非常平民，佢啲餃子仲要粒粒都足哂料，粒粒都好似手掌芯咁大 (根據本人隻手😂)我就叫左6隻嘅香菇木耳雞肉煎餃🥟加上海麵配魚膠翅骨紅蘿蔔豬骨湯👍🏻👍🏻👍🏻個湯睇落無乜特別，但係一飲，好有屋企嘅味道，完全唔係平時係街食麵嘅湯底，佢係似係屋企煲嘅湯水👍🏻👍🏻👍🏻👍🏻👍🏻👍🏻然後到啲餃子🥟大家可以見到我就算咬左一啖，粒餃子都仲大過個匙羹面🙈🙈🙈🙈入面啲料仲係好多，又多汁，入面有埋木耳，口感清爽😋😋😋大家去開天水圍一定要試🥟🥟🥟🥟👍🏻👍🏻👍🏻

我本身係堂食既 甘我就坐係度等la 有一等男女就問有咩好食 跟住有個呀伯就話咩有咩好食 個個人口味吾同 點答你 跟住有個男人買八式餃子 話吾要韭菜餃同白菜餃 跟住個呀伯又話甘就吾係八式啦 我同買野個男人對望左一眼 好啦到我 將我堂食變左外賣 跟住我咪講堂食 個呀伯又插嘴話我堂食攞咩牌子 首先我係第一次尼食 我鬼知咩 同埋我好肯定同左個姐姐講我堂食 好似講到我吾岩 我係睇左某youtuber先試下 到我走果下佢仲講挭 勁嬲 d野好食冇用lo 服務態度差到爆 以後吾會再幫襯😡

唔好睇店面噏耷，呢間餃子🥟真係不得了！食過一次真係會返唔到轉頭。每次都好多人排隊，而且能看到店員在店內親手包製餃子。.一碗平平無奇的餃子麵有咩特別？特別是韭菜餃，咬下去你就知，香味在口中炸裂！🤫✨皮薄餡靚又多汁，餡料有調過味偏鹹，加上清淡湯麵更加岩岩好！.這裡的湯底簡直是神級＂魚膠淮山翅骨粟米蘿蔔豬骨湯＂聽個名都知係勁野，清甜好飲沒有味精，完全不油膩，飲到豬骨膠原的味道，真係一啖接一啖，每次都能見底。💕.仲要性價比超高，$36 8件、$30 6件，加麵$7，聽落好貴，但餃子大隻到嚇死人，女仔叫6件都難以食曬。另外可叫湯餃或煎餃，兩者各有特色。.不過叫過芝士豬肉餃就覺得一般了，沒有拉絲，芝士像混入了豬肉裡，上海幼麵都一般。.總括而言，叫韭菜餃就一定唔會錯，神級的食物總是隱藏在這些不起眼的小店裡。👍🏻✨

上開飯網睇見評分，都好似一般般咁...初時有點卻步唔試，但最後都係相信自己條脷👅親身試過先知好與壞同友人坐底，座位其實分得幾散，但無阻我地試食，個菜單簡而明，先揀湯餃定煎餃，再揀湯底同款式可以揀6定8隻，款式都真係算多我同友人分別揀左雲耳白菜🥬豬肉餃同紫菜豬肉餃+米線配黑、白豆漿，餐廳慣例係叫完俾左錢再等食，同友人都覺得係驚人地走數🤣如果豆漿可以有暖就更加好當碗野黎到時，同友人都好驚訝咁大隻餃，塞滿左成個碗🤣只係個賣相就已經好吸引同友人交換試食，先試左紫菜餃，味道都算濃同足料，皮夠薄身之後到試自己果款雲耳白菜🥬餃，個人會較為喜歡清淡點，因為雲耳白菜🥬餃食落清新點值得一讚另外，湯底都要講講，味道都係我鍾意，唔會太咸，飲得到係足料😆仲聽到後面檯話要多湯，咁證明湯底係讚，依間鋪值得Encore食到中途，我都買左一打生椰菜生餃外賣，返到屋企煮黎送麵食，屋企人都驚訝咁大隻，佢地話食一隻都飽不過個人都愛白菜餃多點，有機會再試下其他款先總結，我覺得都係自己親身試食過係最好每個人感受都唔同

呢間係天水圍新開嘅餃子館，專賣餃子。多款唔同嘅餃子，可自行選擇煎餃或湯餃。用餐方式：提供堂食 或 外賣自取。輪候時間：平時約5-10分鐘；食品方面：韭菜豬肉餃（八隻）（$34）： 分量充足，用心製作，好食👍我選擇咗湯餃。第一次食求穩陣，算係喺天水圍入邊一間唔錯嘅餃子店。推薦👍👍價錢唔貴，人均消費：30-60蚊左右。總括而言，美味又出色既食店，咁岩過黎天水圍嘅朋友不妨一試，話唔定你會有個意外嘅驚喜😉

可能因為生意好，唔憂做，所以請返嚟啲員工都係_口_面！明明係個員工落錯單又死唔認，又話自己覆咗單！仲話唔會換或者退錢，個樣仲要勁囂張！我哋來回左幾次問佢可唔可以換，佢都勁串咁講係我落單所以唔會出錯！LOL!罷食！

芝士豬肉湯餃間舖都開左一段時間～今日睇睇Open rice見唔少人推介尼間餃子店就即管試下。。餃子皮。尼間餃子店，皮唔可以叫超薄，但係相對餡料分量就叫薄了，係埋口位比較厚。。餡料。淡淡芝士味，對於芝士控既我有d失望，不過調味好夠味，好好食！一咬開餃子，肉汁就瘋狂漏出黎，真係好好味！不過食到第三四隻就開始鹹，所以佢既餡料係偏重口味，個人黎講可以接受～。湯底。豬骨粟米紅蘿蔔熬，超級夠味，飲完無口渴既感覺，姐係無味精，個湯底好濃郁，已經熬到奶白色，正係比錢買碗湯我都肯！。整體。餃子真係超級大，食量中等既我嗌左8隻都食剩3隻，啖啖肉真係好滿足，因為即叫即整，所以等既時間偏長，總結黎講真係唔錯，值得一試！

芝士豬肉湯餃間舖都開左一段時間～今日睇睇Open rice見唔少人推介尼間餃子店就即管試下。。餃子皮。尼間餃子店，皮唔可以叫超薄，但係相對餡料分量就叫薄了，係埋口位比較厚。。餡料。淡淡芝士味，對於芝士控既我有d失望，不過調味好夠味，好好食！一咬開餃子，肉汁就瘋狂漏出黎，真係好好味！不過食到第三四隻就開始覺得鹹，所以佢既餡料偏重口味，個人黎講可以接受～。湯底。豬骨粟米紅蘿蔔湯，超級夠味，飲完無口渴既感覺，姐係無味精，個湯底好濃郁，已經熬到奶白色，正係比錢買碗湯我都肯！。整體。餃子真係超級大隻，食量中等既我嗌左8隻都食剩3隻，啖啖肉真係好滿足，因為即叫即整，所以等既時間偏長，總結黎講真係唔錯，值得一試！