餃子館

營業中

休息中

平時用openrice落單，而家冇左呢個功能，唯有打電話叫外賣自取。6:30pm打電話落單，6:45到左都係未拎得，等到7:00pm都仲未有，仲打電話俾我問我叫左啲咩🤷‍♀️🤷‍♀️心諗咩事。之後仲拎個錯嘅雙拼餃俾我，同我講我叫嘅6隻餃子俾錯左人，我話唔要雙拼，個阿叔竟然同我講「冇辦法㗎，退翻錢俾你囉，一係就重新整過」請問我打電話尼落單嘅意義係咩？等左我45分鐘仲要受氣，做錯野一句唔好意思都冇聽到

簡直係不知所謂大大話話都叫由細食到大琴日去食 漏單搞到我等左半個鐘佢收我錢既 叫我坐低 過左半個鐘 我見人地遲過我都有得食咪問下佢 佢竟然重新問我想食啲咩 叫我俾錢😑我話你漏咗單喎，我半個鐘前已經俾咗，佢就賴我話：你自己調咗枱姐，十幾張單你仲調枱，已經夠亂㗎啦賴我話我調枱所以先漏單但我調枱個時佢仲幫我手執枱😑😑😑而嗰時都未開始多人最後佢攞碗已經浸到淋晒嘅餃子餃子擺落我張枱嗰度 仲話睇返閉路電視啦 係你調枱咋 之後我就同佢對罵佢 食埋嗱嗱聲走 以後唔會再幫襯激到我

新北江小店林立，這間餃子店不大，堂食位置不足10個。由於餃子製作需時，所以不論是等候入座還是等候上菜，都等了一會。$49 粟米香菇豬肉湯餃熱騰騰的湯餃上桌後，馬上喝一口熱湯，湯餃配上冇味精自家製的魚膠淮山粟米豬骨湯，咬一口餃子，豬肉的肉汁從口中散開，香菇鮮甜，一顆顆的粟米吃得出店家巧手製作，用心非常。店中亦可購買未經烹煮的餃子，無論打邊爐還是大食會，煮早餐還是吃宵夜，都十分方便客人隨時隨地地回味餃子的美味 。

這家小店的煎餃和湯餃的味道雖然不算特別，但餃子的份量和尺寸卻非常足夠。特別是餃子的尺寸比一般的餃子大很多，讓人感到物超所值。煎餃的皮比較硬，外皮略帶焦黃，但內餡的味道很豐富，口感鮮嫩，可以讓人感到十分滿足。湯餃的湯非常好喝，清爽可口，湯汁清澈，讓人一口接一口。店鋪的氛圍和裝飾充滿了香港小店的特色，讓人感到很舒適，十分適合小聚或是輕鬆的用餐體驗。不過，店主的態度可能比較麻煩，需要多加留意。總的來說，這家店的餃子份量和尺寸都非常足夠，是一個值得一試的餐廳。不過，如果你對於煎餃的皮質比較挑剔，或者希望店主能夠熱情一些，那或許需要再考慮一下。

本身諗買外賣煎餃嘅，咁就企咗係到叫，咁同伴話想食湯餃就叫咗湯餃，咁諗住係車食湯餃怕倒瀉所以就諗住坐低食埋先，咁就同姐姐講轉係到食，我地就坐低咗，跟住就有個阿叔喺個廚房度講，堂食就唔好企喺度叫啦，企係到係叫外賣，阿吱阿咗講咗一堆嘢，不斷喺度講緊我哋企喺度叫堂食嘅問題，我地都無理會佢。隔咗一陣佢又再講，堂食我哋最低消費一個人$36，你哋唔夠錢喎，啲態度係極度差，咁我就話咁我哋轉外賣囉，即刻企返起身，個阿叔都仲係不斷係到講我地。其實我轉堂食嘅時候啊姐無講到，而我係枱面到拎個餐牌嚟睇住叫野食我根本就唔知道有最低消費呢個問題，而且我亦都無介意最低消費，但係好不滿個阿叔啲態度，好似我欠咗佢咁，講真我都係嚟買嘢食姐，其實佢咁樣做都真係幾趕客囉，一心都係想買下零食，結果要受氣🤬🤬🤬🤬幾好食都假，要受埋啲咁嘅氣！咁唔滿意同咁嘅態度就唔好做飲食啦

呢個舖我都keep住幫襯4-5年啦，因為覺得D嘢食幾啱自己胃口，但上星期比個阿叔激到嘔血，話說我叫咗外賣自取，羅嘅時候自己走去加豆瓣醬同埋醋，因為佢外賣吾跟，跟住個阿叔即刻走黎話我，吾比我加，又物又乜，講埋D9吾搭8嘅嘢，吾知嘅以為我系度偷佢D醬料，如果大家想比錢去受氣嘅，就去幫襯下啦，我就吾會再幫襯佢啦，真係好耐都未試過咁嬲！

住喺附近，以前有時經過都見到幾多人食。不過都冇食過。淨係知道個阿叔成日會鬧人，好似周圍撩交嗌咁樣。之前都唔關自己事咁咪算囉。反正經過食花生啫。今次諗吾到食乜，米打算試下。點知今次到自己！我叫左野食，個餐到左之後，張個餐牌放係枱面諗住一邊食一邊睇下有冇野加，個呀叔衝埋黎話餐牌吾係拎黎墊枱！之後一野拎曬啲餐牌，我心諗，睇下都吾得？我又唔係用嚟墊住碗嘢，你個牌矜貴米鬼擺出黎囉真係唔怪得知越嚟越冇人食，甘燥其實可以唔使做生意個喎！

6:45去到諗住堂食，要等位無問題，本身叫我坐門口包外賣張枱，阿姐即刻行出黎廚房叫我等第二枱走，點知去到7:10咁岩又有客堂食，個男人叫左個客坐低，我就同返個男人講我等位先，阿姐即刻出黎同佢講係我等先，點知個男人叫我：你咪坐包外賣張枱囉，頭先都叫你坐呢到（如果係無問題阿姐都唔會叫我等第二張枱啦，下話）仲要講我點知你地邊個先邊個後，唔知都可以問下掛，其實等左20分鐘，你比左個位人地先都唔緊要，一句唔好意思都無，仲講話坐呢到無問題，大佬你d外賣成枱都係，碗野都無位擺，仲要近住商場門口冇冷氣，係咁出外賣拎外賣，我係黎食野，唔係你d員工係鋪頭食飯，其實咁辛咪唔好做堂食囉，一路食野聽住d客都係問下等左半個鐘個外賣有未，佢就答返係要等咁耐架喎，你睇唔睇到我好多單？到左會叫你架啦，人地都係問下姐，又唔係吹你，未有咪轉頭再黎囉，你門口又唔係大，唔通個個企哂係你門口等咩，一句總括，態度惡劣，生意好唔好都唔係應該咁嘅態度囉，想嗌交去食就啱㗎啦

本身幫過呢間餃子店係OpenRice 寫過好評，都幫襯左10幾次但係今次真係好嬲！😡😡😡😡😡😡服務真係差到一個頂點😡😡😡今日諗住買一打餃子返去，點知落單個男人發晒脾四，話買之前要講係生餃定係熟餃，唔講即係唔識落order，唔識落order就唔好學人買wo! 係呢度買咗咁多次外賣都冇試過俾人哋咁鬧，啲服務咁差，心情唔好就亂鬧客仔，非常不知所謂！決定以後唔會再幫襯，如果想受氣先好幫襯呢間餐廳

本身我作為街坊都支持咗佢地好多年點知間店愈嚟愈囂先講落order 我未話坐低 我話落咗order先轉頭返嚟堂食佢叫我量晒體溫同入晒安心先我話我轉頭番嚟先做佢好臭串咁講「做咗先比叫 你唔做咪一陣返嚟先叫囉」 , ok 我做咗先跟住出去買轉嘢返嚟 佢叫我做多次 ...好心講咗我已經做咗啦喎 , 唔得， 要做多次，啱啱還啱啱👍🏻犀利跟住坐低，有細小強喺張枱行過，大家自行想像環境碗嘢嚟到嘅時候直接用手指掂晒入個碗入面加價加到好誇張，呢個我都算但味道真係差咗好多，椰菜餃啲肉有臭味紫菜豬肉啲味都係好怪總之完全冇以前水準最後我想講唔想做咪快啲退休執柒咗佢囉把口臭到 態度衰到嚟食嘢嚟受氣架咩唔會再有下次 寧願去遠少少食餃子都唔想再睇人面口做人

態度差到不得了！！！！平時d餐廳難食係唔會令到我去寫食評，但係服務態度真係唔得！唔係第一次係到食，每次都會叫份餃子加麵食，今次我2個人去食，問佢雙併可唔可以一半煎一半湯？落單個男人答我冇一間會幫我咁做😅又係到望天望地口up up先至答唔得，唔得唔緊要，你可以直接講，一係你寫明，唔係一路口up up ，你點做服務行業，但你答我冇一間會咁做？我點知你有幾多間(希望唔好多過1間)，我又唔係你到做。之後我計下條數唔岩，原來佢落左2個淨麵，仲話問得我好清楚問我係咪要淨麵，仲叫我問坐喺到既人，我亦好清楚我嗌加麵係跟餐嘅，基本上每次黎嗌加麵都唔會幫我加左個淨麵，仲大大聲話我地連淨麵都唔知係咩！！仲要一副不可一世嘅樣係到恥笑我地，之後我地就話唔想係到食，轉外賣！！上網睇原來呢間野一直都係咁，自問平時都係以和為貴，今次都想講粗口鬧佢😡😡我企係到10分鐘，我都聽到佢都已經落錯3次單，仲要每個客嗌加麵佢都唔會問人係咪加淨麵！但係就幫我加淨麵😅😅😅😅之後上網睇原來佢一直態度同食物都係咁多差評！！！！！發誓永遠唔會食！！！！

想受氣就食啦，成間舖啲人態度都差到貼地，問多一句都唔得㗎千祈唔好有問題呀，一問就連廚房嘅員工都一齊團攻你㗎，食到一肚氣，以後都唔會幫襯，呼籲見到嘅各位都唔好食，正一垃圾，包括員工同食物。

呢間嘢開咗咁多年都一直冇試過😮‍💨今次經開就入去試咗啦😮‍💨舖頭細細得4個位4️⃣全部對牆坐旁邊會有店員喺度包餃子🥟(見到佢跌咗張用嚟墊住餃子嘅底紙落地，但係佢塞返去旁邊就算。。。) 食緊嘅時候發生所以想走都走唔切😮‍💨嗌咗粟米香菇豬肉餃🌽有6隻每隻都好大隻不過大隻係冇用的😮‍💨食落勁濃味 應該係醃肉醃得好勁嘅味 因為唔係粟米同菇嘅味仲有我未試過食餃子啲粟米係勁老全部扁嘅然後每粒都係有渣同平時啲餃好唔同 食一隻都覺得喉嚨確食咗一隻已經唔想食 但唔想浪費所以都好努力食咗3隻半個湯底係魚翅膠骨淮山粟米紅蘿蔔豬骨湯飲落ok嘅 但係個湯點好都抵唔返啲餃子會令你口渴😂最後想講食完係有少少肚仔唔舒服 不過可能我本身腸胃麻麻 同食之前嗰個星期腸胃炎過啦 咁個人建議唔食濃味同腸胃唔好就唔去試會好啲

睇開kiki and may channel,原來都有介紹過天水圍既美食，雖然已經係幾年前既事，見佢極力推介呢間餃子店，但另一邊箱OpenRice既評價又好懷參半，所以我要親身體驗下睇下佢係好食定難食講真呢度既衛生程度真係一般，但食物質素個人覺得幾有驚喜，首先個餃子皮幾好咬口，大大粒入面啖啖肉，個肉仲醃到好入味，啱晒我呢個重口味人士😍當日叫左紫菜味同木耳味，個人覺得前者好好食（係真係好好食！），後者食多兩啖就連我呢個重口味人士都覺得太咸…不過呢間餃子店係食左一次就會忍不住再encore 既店仲有個魚膠豬骨湯真係好好飲，成碗飲晒冇難度呀

餃子館係新北江商埸都開左幾年,本身見佢大大隻同幾多款式,而且個醬菜仲幾岩我胃口,不過食落就發現佢D湯好多味道,而且環境幾亂,坐得好唔舒服,而且食食下會見列小強行過,各位自己諗下試唔試~