餃子妹上海雲吞麵

營業中

休息中

第一次寫評每次同同事lunch都會選擇到美孚新邨萬事達廣場餃子妹食呢個墨魚餅菜飯 基本上每枱都有人order呢個餐!!這裡上菜速度亦係快令正. 最近餐廳亦裝修過, 環境算幾好. 不過要去試菜要預早少少時間去等位希望大家會鐘意我呢個選擇啦(下次會繼續為大家發握平令正既隱世美食)

早幾日買咗2碗雲吞河外賣 76蚊！翻到屋企發覺 佢2碗河粉入面都係冇雲吞既以後都吾會再幫襯！嬲都爆！火都黎埋！啲河粉仲要斷哂 筷子係夾吾起要用匙勺食！太過份！劣食！！！！

有日晚餐唸住求其係度食，點知出人意料地好食。叫左個豬扒菜飯，佢跟餐有豆漿或酸辣湯俾你揀，我揀左酸辣湯，個炸豬扒又幾好食，唔會乾身，又唔會難咬，都幾林身，味道很好，菜飯都好有誠意，唔同出面有d上海食店得幾條菜就話係菜飯，呢間平平地又有湯或飲品送都真係抵食又好味。小食，煎餃子，皮薄餡大，加埋豆板醬辣辣地，唔錯。朋友食個上海粗炒，味道唔會太咸，亦唔會覺得油林林，感覺剛好。整體唔錯，可以再黎再試埋其他野食

唔知點解尼度有咁多人幫襯，成日都坐得滿滿，等外賣的也三四個。餐牌選擇豐富，當然有些是欠缺新意的基本常餐或炒飯，但有很多上海菜飯和招牌菜任我揀！結果，我選簡簡單單的糖醋排骨菜飯。送豆漿、酸辣湯、例湯或熱飲。無奈，我的例湯叫了幾次才送來。但我覺得例湯㷛得唔錯，無乜味精，料亦足。係我成餐最滿意的了。糖醋骨的汁偏酸，排骨也太靭了。菜飯算清清地，份量亦夠，不像某些食肆很多油。用飯送排骨仍然覺得太酸，可想而知真有點那個。

外賣一碗酸辣麵和一碗雲呑麵 配凍檸茶和豆漿 $84 蚊回家發現 只有一碗酸辣麵和一碗細酸辣湯 飲品凍檸茶變奶茶折返換回後 上海麵麵質太稒 酸辣麵吃起來像意大利粉 雲呑麵雲呑像水餃多於雲呑 湯不夠味十分失望

I ordered this niangao, and it was super salty, like I was eating salt. A bit disgusted. I was expecting it a little more, for paying $51 for the takeaway.

＂餃子縣餃子專門店＂的岀品，真可令我另眼相看的呀！此店鋪是小小的喲！可岀品還真比大型連鎖店的＂翡翠拉麵小籠包＂的岀品要好的兼更有点特色的呀！👍👍👏＂芹菜煎餃＂👍👍首外表是像冰花似的面粉皮簿簿的煎貼在餃子上面的，真美極了呀！而內的芹菜肉餡料，極為十足飽滿又多汁兼極香口的呀！👍👍👍再加8圓就有碗面条的呀！雖是份量是極少的，可面条夠有彈性👍👍👍味道也不錯的呀！真比大型的連鎖店岀品好的呀！

住美孚嘅朋友介紹這間地道小店，話說這個墨魚餅飯是必食之選。今晚放工後與友人專程來到美孚展開尋找食好西之路。這間小店非常不起眼，話說旁邊係全香港第一間提供送餐服務的麥當勞餐廳。如果不是朋友介紹，相信不易找到這門面細小的自家經營小店。我點了必食的墨魚餅飯和自家製的凍豆漿。 厚厚的墨魚餅上面鋪著新鮮香煎的太陽蛋， 配以自小食到大的生抽豉油，甚是野味。飯底熱騰騰，份量十足，好味得一粒飯也沒有留低。凍豆漿明顯不是工房供應，感覺額外健康。友人點了酸辣牛肉麵，牛肉非常腍身，加上秘製醬汁，回味無窮。酸辣湯份量大得驚人 ，很難想像這是一人份量，我想兩個人 也夠食有餘。總結今晚的晚飯非常抵吃，兩人只需101蚊 ，大家食得非常滿足，招呼好座位舒服 。希望香港這些小店能夠繼續經營下去，保存香港傳統地道飲食文化。

今日天氣悶熱，口啖啖特別想食酸辣湯。同區雖然有另一間更高質素嘅上海小館，但亦由於質素好，食品好早售罄，夜晚八點幾，唯有食哩間。位於地鐵站口，十分方便，人流亦多。一個人晚市大多要搭枱酸辣湯味道偏酸偏甜菜飯亦比較濕濕的。。。醉雞翼，出乎意料。。。是暖的可能今日未有食神眷顧，食食吓發覺好多人叫排骨菜飯，可能我叫錯嘢了

響附近上堂, 上堂前要食D野, 是但入左呢間上海鋪, 唔想食飯揀左麵類, 不過睇睇價錢都唔平, 而且仲唔包飲品.要個雪菜肉絲雲吞麵$35, 碗麵湯底好清, 未食都覺得淡, 所以自行加醋. 麵質較腍, 唔爽口, 可能上海麵既質地係咁. 雪菜甜甜地咸咸地, 配埋麵食會好一點. 至於雲吞都係上海式, 皮較厚但唔硬, 入面包住豬肉+菜, 味道偏淡, 要自己點醋, 不過餡料較幾多.整體成碗都好清淡, 濃味人士會麻麻地. 另外就係一路食一路有烏蠅飛來飛去.

之前望openrice見到不少劣評，但見呢間舖坐落美孚多年，諗住拚死無大害，試過買熱豆漿，7蚊都ok大杯，唔太甜，幾好味（不過見到有人嫌稀，我自己就接受到），再同同事試咗一次煎餃，味道同一般港式上海舖大同小異，而且唔係之前各位咁講係凍嘅，都要等一輪，應該即叫即整/即翻熱，有幾隻裏面重有汁，整體偏油，但可接受。今次再試淨雲吞（$33，大概7隻），菜同肉都剁得唔夠碎，食落感覺好唔新鮮，有一隻重有碎骨，係整餃子嘅大忌……湯底亦淡而無味，雖然附送少少雪菜肉絲，但係肉冇肉味，雪菜又硬又韌，雲吞皮亦淥到爛晒……可想而知其他湯麵類亦唔會好味。菜肉雲吞實在太難食，所以追加六隻煎餃，店員姐姐搞錯，嚟得4隻（$18，6隻$27），算數，照食。一路食一路諗，其實27蚊得6隻煎餃根本唔算平，喺土瓜灣食過另一間，韮菜煎餃同呢間整法雖然唔一樣，但唔使30蚊已經可以食到十隻（菜肉雲吞亦只係30蚊8隻），而且好食好多。食咗51蚊，呢個價錢其實可以有更好選擇，而且美孚又有滄浪亭之類嘅上海麵舖，我覺得冇嚟呢度幫襯嘅原因。不過熱豆漿都可以試吓嘅。（唔記得影相，見諒）

今日同同事試下呢間外表平凡, 個樣似唔太好食既餃子妹, 佢叫左個豬扒飯, 我就叫左個糖醋小排骨, 估唔到, 有驚喜, 個豬扒煎得幾乾身, 肉身鬆化, 而個糖醋小排骨細細粒, 好入味, 個汁酸酸甜甜, 個味調得岩岩好!菜飯個賣相同味道都OK, 價錢又相宜, 美孚黎講, 呢度算係幾好架啦, 如想食個快飯, 都可以考慮呢度

又到食Lunch時間，係美孚已經食到無咩好食，所以今次去食餃子妹啦。本身對餃子妹的評價已經麻麻，因為之前食過都覺得餐廳無用心機去煮菜式，好多時麵條都會痴埋一舊。但今次我比多次機會佢啦，去再試多次。由於我又係想食平d的關係，我就叫左個價值$29的上海三線絲湯粗麵，三絲材料包括有：娃娃菜、冬菇絲、肉絲。湯底無咩味，所以都要必落辣醬。麵條好碎，夾左幾次都係要一條條咁食，而配料都唔洗講啦，完全無味 。由於唔係好飽的關係，我再叫多左4隻煎餃價值$18，煎餃其實唔算差，餃子餡料係韮菜豬肉，而餡料又非常入味，加上口辣醬，真係味道不錯 。總結：店員服務態度唔好，主食類又麻麻，碗碗麵湯底都一樣，唯一亮點係煎餃，但為左食餃子入去就唔係好值得，因為餐廳好細，都要等位先食到，所以Lunch時間都唔算容易食到，趕時間的大家就唔好以餃子妹做首選啦。

兒時祇會吃到媽快靚正的碟頭飯，一隻荷包蛋一片透光的火腿，加熟油豉油伴熱飯吃，把蛋弄穿，蛋汁撈飯，哇啦哇啦五分鐘內吃完第一碟飯，又再添一碟，前後大吃四碗飯不眨眼，如有豬油撈飯，則必世界大戰，全家爭刮淨飯煲最後一口飯，最最後再用半小時慢歎那片比山珍海錯更矝貴的火腿。其後有能力在茶餐廳快餐店Canteen吃碟頭飯，飯生硬冷、汁杰如糊色如營光、餸早煑好半天，十分難吃十分嚇人，所以我總避之則吉。餃子妺其他東西都不過不失，沒啥好談，但每次來發現許多人吃墨魚餅菜飯，我無飯癮久矣，待今天極餓才一試，果然驚為天人，這墨魚餅菜飯絕對是鎮店之寶，飯熱辣辣冒煙，是收到order 才把新鮮炒熟的切碎的小唐菜拌飯，飯顆顆透着米香菜香，最難得是不油，飯也沒因和小唐菜同煑而稀爛，飯更沾了點調過的甜豉油，沒餸伴吃也可清碟，墨魚餅其實是粟米粒蘿卜絲剁豬肉加似有還無若即若離的墨魚粒，且不理她真身假意，她也是即做的，燙囗的，啖啖彈牙香脆，那煎蛋更是最佳拍檔，蛋白煎得香脆，甜豉油蛋汁拌菜飯，再啖一口墨魚餅，簡單又十分十分滋味，時光倒流，又來五分鐘吃清光，這便是碟頭飯的極致。

因為趕住去上堂，要食個快的early dinner (6勻心m)就揀左呢間黎試下, 點知試左一次就上左癮, 上癮的原因好簡單, 因為又平, 又快, 又ok. 我試過食幾擔擔面, 鴛鴦餃, 同埋糖醋排骨飯, , 仲有小食煎餃($好似18蚊4隻)同埋素雞($15一條, 有滷水汁)如果六點前仲有茶餐食, 茶餐29蚊個, 包野飲! 抵好啦, 先擔擔面, 個湯同個擔擔醬麻麻地, 唔係太好味, 只係有咸, 又唔香又辣又無麻醬踝, 至於個面就好一般, 唔推介大家去食, 個乙鴛鴦湯餃就做得好出色, 粒粒都好大粒~ 有九菜餃同白菜餃, 有肉又有菜, 唔會只係菜, 而且真係大粒, 肉菜比例係 6:4, 正~ (佢地的煎係九菜餃) 佢地個湯係清湯, 好清淡, 上碟時會加上雪菜肉絲, 超正~佢地餃子係值得推介至於我試過最差的係糖醋排骨菜飯, 個菜飯係無問題, 出事o既係排骨, 個排骨又乾又硬, 又唔入味, 個汁底都ok, 就係個排骨唔吸引, 賣相亦唔討好, 食左一啖就覺得出事... 個環境就係茶餐廳格局, 有小小油煙味, 坐位 唔寬敞有點兒窄, 有電視睇, 不過佢地只開無記新聞台, 服務方面都ok, 阿姐會提