餃子妹上海雲吞麵

營業中

休息中

唔想出街食飯 唯有食外賣🥡想食黃店嘅話 喺美孚真係冇乜選擇🙈所以最近成日都食餃子妹😚啲野妹味又抵食 服務態度仲好好😍-時菜排骨炒河🥬 $54真係睇相都知份量有幾多🤩不過佢個河粉炒得一啲都唔乾身 冇乜鑊氣😩已經嗌左少汁但係都係好多汁🤭但係佢啲河粉又出奇地好乾 同埋口感都幾煙韌🥰所以感覺佢應該係分開炒然後再淋番啲餸同埋汁喺面🤫佢個汁都ok嘅甜甜地咁🤣不過就真係略厭佢唔太香口😪佢啲排骨比較鞋 不過唔會好肥同埋都有幾多舊下～個菜幾鮮甜 唔會炒得好老🤤-酸辣湯🍲 (跟餐)個酸辣湯真係好推介‼️我自己唔太食得辣 所以呢款幾啱我口味😍佢係偏酸帶少少微辣🌶佢雖然係跟餐送 但係勁足料🤩有冬菇絲、硬豆腐、木耳絲、豬紅、荀絲、蛋花同埋肉絲😋就咁飲碗湯都有半肚😚好開胃❣️-香茅豬扒粗麵🍜 $47見唔見到 足足兩大塊豬扒😍肉質勁嫩滑 雖然睇個袋好油 但係食落唔會話真係好油膩🤤不過呢間餐廳野食嘅份量同味道都好睇廚師心情🤣佢有陣時啲豬扒仲大塊啲🤩不過有陣時得一塊...好迷～啲麵餐平時淨係會搭雪菜肉絲 今日仲有埋幾條生菜🥰真係好正😚唔洗特登嗌佢個雪菜肉絲麵 都可以免費食到😋

叫得餃子妹 就一定係最出名餃子🥟呢到嘅餃子真係大件夾抵食😍每一隻都脹卜卜 爆晒餡 幾足料🤤-煎韭菜餃🥟 4隻 $26等外賣嘅時候同嗰度啲姨姨吹水先知 原來呢度最出名係韭菜餃🤫之前食過上海鴛鴦餃麵 有雲吞同埋韭菜餃🤤好好味😋所以今次試下煎嘅‼️佢嗰度仲有椰菜餃 不過嗰到嘅姨姨就推介韭菜餃 咁就嗌呢款✨估唔到雖然係外賣 但係番到屋企食完麵再食 個皮都仲係脆嘅😍呢度嘅餃子真係皮薄餡靚 食落淡淡肉💓豬肉唔會太肥太瘦 好有咬口😚韭菜味超香🤩不過就略厭佢煎得幾油～-上海素菜餃麵🥟 $43上次食上海鴛鴦餃麵 佢有餃子同雲吞各兩隻 仲配埋雪菜肉絲🧐可能因為今次係素面 所以就變咗配生菜🥬成個麵個味好淡好清～都好嘅證明冇味精🤣同埋餃子麵淨係配三隻餃子🥟上次麵底係配上海幼麵 份量好多‼️但係浸得耐淋晒 一patpat 所以今次就轉咗做粗麵 ✨口感好食好多 好爽口彈牙勁有咬口💓不過感覺麵量好似少咗😟值得讚係 雖然係素菜餃 但係都做得好出色😍一樣皮薄餡靚 內餡仲好豐富：有冬菇粒、紅蘿蔔粒、粟米同椰菜粒🤤食落好清甜😋如果想清清地 清下腸胃嘅話食呢個都唔錯🙈

呢度除咗餃子出名 菜飯都好多人嗌😍同上海嘅菜飯味好似 好好食💓啲小棠菜好新鮮 好清甜🤤唔會切得太碎或者太大粒✨份量都幾多 每一啖飯都會食到好多菜😚不過我覺得啲飯太濕太淋 水氣太多～如果佢乾身番少少 就perfect💯-墨魚餅菜飯🦑 $54呢個飯係佢地嘅熱賣招牌‼️見到堂食好多人都嗌呢個😋除左有一塊又大又厚身嘅墨魚餅之外 仲有一隻太陽蛋🍳夠晒豐富🤤不過呢度嘅墨魚餅 冇乜墨魚味🧐應該係撈得太多豬肉🙈佢似肉餅多啲🤣墨魚餅仲加左粟米同紅蘿蔔入去 食落好爽口彈牙✨但係味道就鹹左少少🤨-醉雞翼菜飯🐣 $52呢度嘅香茅豬扒同埋糖醋排骨菜飯都好出名✨不過我個人唔太鍾意食豬🐷所以就揀咗醉雞翼🤣同埋呢個餸都幾特別 唔係周圍都有😋平時食醉雞翼都係凍食🙈呢到係暖同埋比好多汁浸住🧐雞翼嘅肉質好嫩滑好多汁 每一隻都大大隻好肥美 真係啖啖肉😍個酒味都好出🤤每一隻都好入味‼️

平日都比較少到美孚吃飯今次因為送朋友既關係搵到依間小店試下~感覺係舊式茶餐廳，但企企理理都算乾淨menu都好多選擇，價錢唔貴見到好多人叫餸食菜飯但朋友病左我地都係分開一人一碗麵好d✨雪菜肉絲水餃麵 $39朋友食既佢覺得d雪菜好好味湯底唔會好味精湯餃子又大粒👍🏻✨酸辣鴛鴦餃麵 $48餃子都係好大粒好飽滿！不過鴛鴦餃我無問係咩餃XD兩種都好好味酸辣湯底平均得好好唔會酸得濟/辣得濟感覺就咁飲酸辣湯都夠飽！食唔曬d水餃😣✨油菜 $17✨熱豆漿 $5

系美孚已經好多年既餃子妹，終於食到啦，但佢既餃子比我想像中厚皮，但其他野食都幾好味，煎墨魚餅略貴，但味道唔錯，其他食物味道都唔差，呢個價錢都唔求得太多，食到上海地道野已經好好。

今日係美孚做完野，發現無乜黃店，又想食碗麵就發現近住出口有一間叫【餃子妹上海雲吞麵】，餃子同雲吞我平時都幾鍾意食🤤所以畀佢餐牌吸引住咗走左入黎試下😃 入到嚟見到個餐牌上都有好多不同類型嘅水餃雲吞應該會有少少期待🙂🎈 雪菜肉絲雲吞麵 $40本來諗住有啲驚喜， 不過可能有些少唔同嘅感覺喇，碗麵嘅湯底比較清淡💧， 雪菜肉絲就可以將麵身加返多少口感同味道，另外，令我覺得有啲驚喜就係有大大粒雲吞喇❗，但都只係得3大粒，如果有多少少就好🤔，不過都合乎返個價錢嘅， 雲吞入面都係普通嘅菜肉餡，味道都是傳統嘅上湯🙂如果呢間店因為我哋嚟懲罰咗之後，啲餃子雲吞質素提升左，希望佢客似雲來，香港人加油。💪

好耐冇食上海菜，黃昏近7點正巧行經呢頭，見到呢間店喺住宅區又多食客又有人喺門外等，應該冇伏。同一般住宅區食肆(非連鎖)差不多，都係簡單裝修。店員安排我在4人卡位同其他食客搭枱。餐牌種類都好多，最後點了鱔糊粉絲+酸辣湯，出餐夠快。酸辣湯送來時都有擔心唔夠酸，試了一口，酸度足，辣度合我口味，夠大碗，濃度適中，同埋料夠多:例如豬紅，筍絲，蛋花，豆腐，等。之後鱔糊粉絲出場，又係超足料，再加上豐富韮菜作配菜，註:相中的酸辣湯係忍唔住飲咗一部分後映的，原份量比相中多。

最近因社會活動而在美孚轉巴士，唯有在附近買東西吃，見到美孚巴士站附近的餐廳，是吃餃子就試試。我只是叫淨水餃，一個水餃🥟都頗大，餡料夠多，雖然只有四五隻，但都夠飽。餡料是豬肉韮菜，挺好味，不過不失了！

住左美孚咁耐，其實都係第一次嚟呢間食早餐話說呢間餃子妹喺美孚開業左好耐，而且佢嘅營業時間亦都比其他餐廳長，由凌晨5:30開到夜晚12點～～以前我都係食佢招牌酸辣麵，其實早餐時段都有供應，但今次就想試吓佢普通常餐，所以就冇叫到我同男朋友都叫咗沙嗲牛麵，佢就要煎雙蛋厚多士，而我就要煎蛋餐肉厚多士，早餐包埋嘢飲，我哋都叫咗豆漿老實講呢度嘅早餐賣相好一般，不過值得讚嘅係佢哋選用嘅午餐肉同外面嘅唔同，食得出肉絲，味道亦高質啲嘅，而沙爹牛麵份量就少咗啲，不過沙嗲味湯底幾濃郁

在美孚想不到有咁高質既上海野食經朋友介紹 要左酸辣雲吞米線、煎餃同 糖醋排骨酸辣餛飩算大粒而且酸辣湯底唔會因為有米線而溝淡試過有d店 ,會因為加左米線而唔好食而呢間唔會， 米線軟硬適中一碗份量算多酸辣湯底料好足~ 好有口感就算要淨酸辣雲吞都夠飽而且有可以要雲吞加水餃試曬2 隻煎餃有6 隻 ,都幾大隻個皮厚薄適中個人比較鐘個皮，唔會鬆散入面料好足，食落仲有肉汁 鮮味~煎餃 糖醋排骨排骨細細粒易入口，方便食比較酸，可碗飯或麵

岩岩今晚經過美孚，呀媽話想食餃子，於是就去左呢到食。由於我地都唔太肚餓，只係叫左淨雙湯餃6隻 + 4隻煎餃，一碟菜同一杯野飲。個呀姐話煎餃係韮菜豬肉，雙餃係白菜豬肉同椰菜豬肉。煎餃上碟先，都幾好，熱熱地，香口。唐生菜無乜特別，都係咁。到雙餃，我同我媽食極都係韮菜餃，覺得奇怪，明明呀姐話白菜同椰菜。本來都無打算問，但佢咁岩過黎，我咪多口問句點解會變哂韮菜餃。佢就拎埋落單紙過黎證明佢自己無做錯，但我其實只係想食白菜餃😓 我話我唔係想問責，不過事實上係貨不對版食唔到我想食既。佢話佢無做錯，係廚房搞錯左，叫我自己問廚房。我同我媽都好無奈，而個呀姐係直接行左去唔換俾我地😓😓😓😓 就算到俾錢都無道歉.... 雖然味道可以，但咁既服務態度真係令我唔想再幫襯...

時間很趕，想也不想，就到餃子妹解決午餐吧。餃子妹出名的是他們的豬扒菜飯，以及酸辣湯麵。上菜速度很快，炸豬扒份量很大，菜飯及酸辣麵的份量亦非常足夠。豬扒略為鹹了一點，配飯剛剛好。酸辣麵很開胃，有五至六款面可以任你選擇，今次叫了米粉。環境方面，餃子妹是速食的餐廳，坐位比較迫，而且經常要搭枱。自家的小店餐廳，味道可以，老闆娘及員工的態度可以，坐位將就一下也不緊要吧。要提一提他們的豆漿，解渴解辣的好選擇。

今日我去到美孚搵朋友攞嘢，見到呢間食餃子嘅鋪頭,所以就入去試吓！這裏的餃子夠份量湯底亦10分好味，已我再加左個酸辣湯味道適中唔會太酸唔會太辣份量又剛剛好，另外這間店舖的豬扒也10分出色更可以回味再回味啊最重要價錢貴

每次經過美孚地鐵站旁都見到一間上海雲吞店🥟🍲但因為都匆匆忙忙趕去搭車🏃‍♀️🏃‍♀️🏃‍♀️沒有停下來走進去吃💨💨💨今次終於有機會去試啦~~~鼓掌👏👏👏鴛鴦餃 🥟(韮菜、白菜)(好像是$37)餃子皮不會太厚~滑滑的~每顆餃子都大大隻😬😬白菜餃內裡有肉汁的~味道正常~但不知是不是我一向偏愛吃韮菜~💕💕💕韮菜餃味道較香~好吃~🤤🤤🤤不過餃子湯底較清重口味人士可能會較得較清淡~🤔🤔🤔椒鹽雞翼菜飯🐥 ($49)雞翼炸得非常香脆，乾身不會太油~👍椒鹽是灑在雞翼面上可是內裡沒有太入味~😗菜飯份量很足，大大一碟~🍚但飯較濕如果可以乾身一點，口感可能會更好~🤗🤗P.S.聽應該那兒的街坊說這店是從葵芳搬來的是我小時候吃過的那一家嗎？🙂🙂🙂

午市再次選擇到餃子妹午膳，二人多半能即時找到位置，三人以上則需要稍等。卡位非常窄，桌面油淋淋。點了招牌菜墨魚餅飯，最近加了價，但墨魚餅份量仍減了一截，不夠飽足。另加了一份餃子，上菜時已變涼，味道尚可。