餃子妹上海雲吞麵

街坊小店雖然鋪面有啲細，但坐得幾舒服，有卡位。侍應非熱情有禮，令人有返屋企食飯嘅感覺。天氣有啲凍，我地都叫咗酸辣湯麵暖下身：一個酸辣湯餃子幼麵，一個酸辣湯糖醋排骨幼麵。講返個酸辣湯，整體算係合格，略為偏酸，唔算太辣，而且都算足料。不過個幼麵真係最大敗筆，完全冇上海麵應有嘅煙韌口感，食落去好似一pat漿糊咁，真心失望😔。朋友嘅餃子皮太厚，食一隻已經覺得好飽，影響咗成碗麵嘅體驗。至於糖醋排骨，味道相對好啲，雖然食得出排骨本身唔算非常新鮮，但煮得都算入味，算係可以收貨。…查看更多

禮拜六午餐時段過黎入到餐廳都唔係好多人本身屋村餐廳都無太高期望值但完全顛覆左我對擔擔麵嘅印象去過咁多間上海菜嘅餐廳第一次見過擔擔麵係就咁清湯, 花生醬, 花生碎三樣野完全係分離，就算我再mix埋都冇好食咗而餐牌雖然有🌶️，但係呢個麵係完全唔辣嘅總括黎講呢個麵無下次上海擔擔麵$47反而呢個麵都算幾足料餃子大大粒 成碗麵有四隻餃子上海鴛鴦餃麵$4…查看更多

美孚餃子妹係一間好有街坊味嘅上海小店，雖然唔算大間，但每次去都感受到店舖嘅用心同熟客嘅支持。佢主打餃子、麵食同菜飯，價錢親民，味道有驚喜。煎韭菜餃真係超好食，皮薄得嚟唔會爛，咬落去仲有啲chewy口感，唔係嗰種乾乾地嘅餃子皮。入面嘅韭菜餡好足料，香氣撲鼻，一咬落去就有種「爆香」嘅感覺，唔使點醬油都已經夠味。糖醋排骨麵就係酸甜開胃之選，酸中帶甜，唔會太膩。麵條煙韌，吸晒醬汁精華，每啖都好有層次。食完成個人都醒晒，特別啱喺悶熱天氣食。酸辣湯係佢哋嘅隱藏版好物，湯底酸度適中，辣味唔會太搶，啱晒鍾意微辣嘅人。入面有豆腐、木耳、蛋花，仲有啲豬紅，口感豐富，飲完暖晒個胃。 呢個湯超級飽肚！炸豬排菜飯就係最貼地嘅選擇，豬排炸得金黃香脆，唔會太油，肉質厚身唔鞋口。配埋熱辣辣嘅菜飯，飯粒分明，仲有雪菜提味，簡單但好有滿足感。…查看更多

去咗美孚嗰邊玩，走之前喺美孚新邨度食埋個晚飯，搵咗間平價上海小店侍應姐姐非常之熱情，好難得小店有的服務態度Menu上面都幾多嘢揀吓，價錢都大概$50至$60左右香茅豬扒麵$59香茅豬扒麵豬扒係即炸嘅，熱辣辣都幾大塊下麵條係上海幼麵，偏淋身唔係平時彈牙嗰種獅子頭菜飯$61獅子頭有四大粒，獅子頭頭唔算用得太多肥肉，會健康少少菜飯一碟上一個人好難食得晒菜飯可以跟酸辣湯，個酸辣湯都幾有誠意，有豆腐粒同埋豬紅勁多料…查看更多

餃子好味預料之中， 又細食到大從來冇失望過，只係個胃唔夠大， 招牌墨魚餅都唔令我失望 當墨魚餅拎到上枱嘅時候太陽蛋仲係好靚， 呢間舖除咗墨魚餅之外，豬扒菜飯都好好味 餃子最出色就係酸辣湯嘅餃子 ，今次我朋友叫咗 酸辣豬扒麵， 鍾意食酸辣嘅我覺得湯底唔夠酸但係正正豬扒大大份， 飯餐仲送超大1杯豆漿又香又滑， 性價比好高， 不過就這舖座位有啲迫。…查看更多