飲茶 (已結業)

嚟打卡一流，以為啲包全部都係流沙，所以叫咗黑色嘅包😂點知係菜肉包來的，所以最好睇清楚先落單，上菜時間都幾快，唔使等好耐，舖頭都好乾淨好大個飯就普普通通，蠔餅同菜肉包都好鹹，適合重口味嘅人嚟食，我目的只係打個卡

得知這間餐廳賣點是有多款得意造型包類，還有介紹主角包嘅有趣名及搞笑性格，咁得意當然要同黃兔去試下啦！於是今日放工後飲茶，來到酒店內的餐廳門口已經有人等緊位了，好彩我之前已經在openrice訂左位，所以不用等位便可入座不得不讚自己醒。基本收費。。茶位＄13, 另有加一收費！而餐廳標榜沒有加味精及是用天然菜汁調色，令人食得安心飲茶點少得有茶，有五款茶揀，我地揀左紅棗紅袍，茶壺裡有三粒大紅棗及用左－個大茶包沖泡，不會令到食客飲到滿咀茶葉，又有茶香，而紅棗味突出，感覺好養生我地點了:有色蝦餃＄55 - 彩色的蝦餃皮，面層還灑了金泊粉，賣相好吸引餡料豐富，蝦肉爽口彈牙！略嫌蝦餃皮厚。舉手雞花＄79 - 酸酸甜甜的糖醋味好開胃，雞肉嫩滑好味！還有2條菠蘿串多汁香甜，太子麻菜＄59 - 菜卷成細細粒易入口，面頭有蟹籽，點芝麻醬好惹味－籠八戒＄49 - 超可愛的豬仔包賣相100分！餡料是叉燒，沒有肥肉，面包鬆軟，好食鳳梨星米＄119 - 菠蘿飯食得多，今次係用菠蘿盛著星洲炒米夠特別賣相吸引，份量也多！蝦肉彈牙，星米咖哩味濃，微辣。不會太油膩，炒得爽口惹味略嫌沒有菠蘿粒！楊枝甘露＋棉花雲＄49 - 賣

次次去都一定要嗌流沙包+辣蟻粉絲！食流沙包🥠最驚係包質又粉又硬，個餡唔夠多/甜到漏～呢間叫做得幾好，食第二隻先感覺有啲漏，但淨係個造型分都夠贏晒返黎喇！我出名超級唔食得辣，辣蟻粉絲🍝係我少有會食既辣野～好惹味又夠乾身，而且呢個辣度對我黎講係可接受既～唔係幾食得辣但又中意食粉絲既可以試試啊～而第一次試半黑皮果籠叫黑面墨餃🥟味道十分普通，只係墨魚+蝦餃既一粒野～重點係：入面有芫茜！⚠️ 芫茜出沒注意！忌芫茜者慎嗌！

成日都見到唔同朋友嘅IG post 漏奶奶皇包😂今次終於到我食同玩啦😂入去嘅格局其實都Social Place 有少少相似，感覺開揚，有個open kitchen ，waiter/waitress 們都比較young，可能迎合返新式嘅飲茶，有別於一般中式酒樓嘅感覺❤️3個人嘅晚餐叫左好多野食，晚餐時段有set都幾抵食，不過我地人唔多又冇乜興趣飲湯就冇叫到，單點左d點心同小菜😍睇住流奶同一籠八戒，其實姐係流心奶皇包同叉燒包，外型滿分，可愛到唔捨得食呀！ 味道黎講我就比較中意一籠八戒多d❤️🐷

帶左小朋友同朋友一齊黎食呢間，咁正路諗住都會有水提供所以冇幫小朋友帶水出黎，黎到問職員要杯水時唔明白點解態度要咁惡劣，水當一壺茶咁收費，於是多口問下只係要杯水比小朋友飲下，就比個職員串....之後送親野黎都黑口黑面，其實開開心心帶小朋友黎消費，又冇對你唔禮貌，咁食完真係食到背隻骨落🙄🙄🙄禮貌係0分！野食偏貴得黎唔緊要，但連最最基本既禮貌都冇，忍唔住比個負皮你呀野食質素係正常既，但冇話特別好食。呢間唯一好既係啲野食送黎時熱辣辣的。

飲茶早前呢已經好多人嚟㗎！但係我自己就等到今日先有時間嚟試下！來到見到的感覺幾舒服，坐下望到餐牌上就好開心啦！點心嘅樣真係好可愛呀！整件事唔好淨係講味道，一望到起碼心情即刻愉快好多，都值回票價。食物方面，味道其實算普通，眼見隔離呢枱的外國遊客，他們所點的菜和我們差唔多，但他們真係全部食物只係食咗一啖，就埋單走啦！我估可能咁啱外國人嘅口味不同，但見到咁多食物都覺得好浪費，因為本身又唔係話價錢好平，又會不是真的難食到一些都食唔到落去。我自己就覺得味道係ok，未至於完全放唔到入口啦！起碼我都會食曬，但係你話下次會唔會嚟飲茶呢？咁我又未必會喇 ！有其他酒樓其他嘅環境會更加舒適嘅！

今日同大學同學嚟咗呢間度飲茶，因為平日所以人唔太多，啲服務仲好好，平時食嘢可能得個半鐘，但我哋留咗兩個鐘都可以。呢個綠茶包賣相好可愛，不過我覺得有啲甜。呢個豬仔包就唔錯啦，係叉燒包嚟嘅跟住黎個鮮蝦餃呢個奶皇包好可愛又好食

一行十人晚饭，因為坐位安排是最入的一張枱，所有待應視而不見，落單後遲遲未見腸粉到來，一問之下才知道因晚市沒有供應的，但從沒有人通知無落單。我們十人叫了一個4人餐，另叫很多散叫，埋單$2000,個套餐只是$6xx, 竟然因为叫了套餐無得储里数(從沒有人通知),另套餐包4位茶的，但10位茶錢又收足，不可扣回。另外滙丰咭散叫有85折，又因为叫了套餐其他都不能有折，非常不合理的計算方法，一肚氣

其實已不是第一次光顧這間YUM CHA，也試過其他不同的分店，其他分店給我的印像沒有特別深刻，整體都是覺得食物質素也算不錯，唯獨是這家尖沙咀分店，不止一次令人覺得，食物還OK，但侍應的待客態度真的有待改善。總共光顧過 3 次，每次都很強烈感覺到，餐廳員工對香港客人的態度很敷衍、不友善，但對遊客、外國人的態度卻很好（或者因為餐廳是位於酒店大廈內，所以厚此薄彼？），試過很多次，舉手想叫侍應，或者想問些東西，他們都扮見唔到、聽唔到（明明我們就在他面前），到我們再次舉手時，他們才敷衍回答（回答時語氣更是很不友善，沒有眼神交流，回應字數一隻起兩隻止，聽起來很不耐煩，很快便行咗去，完全不想多說的Feel），對我們的服務很求祈，放下任何東西時，都是很沒誠意的放下，令人感覺很差。我和朋友還笑說，如果下次再來，不如試吓一開口便講流利英文，或者普通話，可能這樣才會得到好的服務態度？如果整體員工是對所有顧客都抱著相同態度的話，那都算數，但可惜的事，總共光顧過 3 次，都發現員工只是對香港客人才這樣，對遊客及外國人態度卻很好（上 2 次都當自己唔好彩，但到第 3 次都是這樣，就應該不是唔好彩了）。這一次，我們

香港人飲茶係生活日常，一般飲茶已經滿足唔到我呢種港女?所以近年係開左好多走精緻得意路線的中菜點心店呢日約埋班姐妹去飲茶飲茶黎到點可唔唔呢個招牌奶黃包?當然仲要篤個口俾佢, 然後拍片嘔奶口水雞炒牛河清菜茶香蝦仁一個咸魚雞米炒飯，轉做粉紅色，即刻由麻甩變做少女心呀~ 但其實食落係一樣脆爆甜心，都幾甜，不過為左打卡，唔係唔嗌下話?呢度嘅一大特色係，乾冰好似唔使錢咁上菜噴哂煙咁, 係增加好多氣勢嘅就好似呢個芝麻煎堆，係咪即刻勁左好多?最後甜品(已經食左好多甜野), 紅豆布甸+棉花糖楊枝金露+棉花糖其實兩樣野係溝唔埋的，不過夠grand影相就得啦！

飲茶 - 點止得意點心呀？講起飲茶 大家都諗起佢啲得意點心我第一次黎時食過之後係去到同第一次黎嘅朋友黎先會叫唔好誤會 唔係話唔好食呀只係當你試過之後 就可以留肚食更多佢嘅小菜嘛佢嘅小菜有好多款 試極都試唔哂咁而且佢份量細細碟 就算兩個人都可以試到好多野最鍾意就係叫到成枱都係架啦 勁滿足呀價錢又唔貴 你話有咩原因唔鍾意黎呀 哈哈今次就唔講「睇住流奶」同「鴿吞鳳梨」呢啲得意點心啦至於小食方面 七彩茄子 皮蛋豆腐 雞絲拉皮 寶石蘭度我會推薦七彩茄子同寶石蘭度呀相入面有鳳梨咕嚕 流口水雞 三杯醉雞但係差唔多次次都會叫嘅就只有流口水雞 雞肉好腍 辣味好夠菜方面 羽衣甘蘭 龍鬚芥蘭 都係正嘅飯麵方面 近墨者黑 即係黑色嘅海鮮蛋白炒飯仲有擔擔湯麵 兩樣都唔錯甜品方面 賣相就不得了啦 噴哂乾冰咁影相一流 但味道冇乜特別題外話 近幾次都發現飲茶遊客仲多過locals以我自己統計得出 最多應該係日本人 哈哈其實飲茶受遊客歡迎係好事呀飲茶用新穎嘅包裝present傳統嘅香港特色美食吸引到好多遊客影靚相之餘 仲同時令佢地了解更多香港地道美食添

約左一位十多年無見既中學同學（移民去左加拿大），同學仔話想食Chinese food，結果決定去飲茶！近墨者黑海鮮蛋白炒飯再加墨魚汁，味道好好，唔會太油，海鮮無腥味，但食完個咀仔烏卒卒囉！望落去個份量唔大，但食下食下發現都好大份！三杯醉雞係超好味，雞肉係已經去左骨，而香濃既酒味係比d雞肉吸哂，相當入味，酒味調配得非常好！皮蛋豆腐唔係好食到皮蛋既味道（切得太細粒），豆腐切到薄薄的，又香又滑，加埋麻醬，味道剛好。雞絲拉皮份量較少，皮都算滑，雞絲無乜味，呢款就一般，無特別。一籠八戒好可愛唔捨得食，味道都係普通义燒包！環境唔錯，好彩有book 位！

經常將這店與The One 苟姑娘的店混淆，以為是同一家店😯。•1️⃣ 雞絲粉皮 $59 味道不錯，但部分粉皮黏在一起😧。-2️⃣ 睇住流奶 $49 普通流沙包，奶皇味較重。-3️⃣ 手抓煎餅 $39 頗脆，但麵粉味很重。-4️⃣ 炒蝦腸粉 $69 非常普通的炒腸粉，可能因為加了4隻大蝦🦐，所以那麼貴🤑。-5️⃣ 松露伊麵 $109 麵質非常淋😵，一點也不彈牙🤯。-星期六晚20:00餐廳有很多空位。店員在21:00便要我們先結賬，但我們是吃了一半，這個做法很奇怪，是趕客人走嗎？回頭指數：0/10（貴，且不值😑，這個價錢有更好的選擇）

飲茶-經常聽到人討論這家店舖！常常聽到人說可愛的點心。。打卡熱店。。人氣店鋪。。一定要親自一試！我們晚上大概六點鐘來到！ 因為沒有定訂枱的關係！ 等了差不多一個小時才能入座！人頭湧湧！真的如此好吃嗎？這家餐廳和傳統的酒樓相比。。確實是modern 很多。。裝修亦很高尚！俾人的感覺好modern !我哋當然點要可愛的包點！ 奶皇包、玫瑰包！ 樣子真的好吸引！令我們一致相機食先！奶黃包流心的樣好搞笑我哋亦都點了一些小食！雞絲粉皮，皮蛋豆腐和醉雞都不錯！主食就一般！最吸引我哋嘅都係可愛嘅包點！但其實除咗樣子可愛，味道卻是一般！

間餐廳算是有特式的飲茶餐廳， 點心QQ 的， 而且位置易找，但價錢偏貴， 雖然食物OK, 但相對性價比不值，我覺得去一次就夠，唔考慮去第二次，另外因食物的價錢比較貴，所以對服務亦會有一般的期望。 味道算係不過不失，但影相呃like 又真係幾開心，不過見到D 特式點心， 雖然係染左色的麵粉，加左蒸包上， 但比起一般茶樓令人更開胃。 環境覺得ok, 檯與檯之間是有空位，感覺都舒服！ 但講到服務又真係好差， 叫人收起桌面的東東， 或者叫加單，都好似看不到我們這樣，所以不考慮去多次！ 當日的點心圖如下：