食德福海鮮私房菜

營業中

休息中

突然想食少炒，友人話食德福吾錯就入嚟試試兩個人叫咗三個餸，碟小炒皇好夠鑊氣，好好味紅燒乳鴿真係燒得剛剛好，得一啖咬落去肉嫩之外仲有汁，熱辣辣好好味。脆皮豬手外皮酥脆，肉質就有一部分乾咗少少所以有啲硬，但整體都可以。整體來講好有驚喜，因為餐廳環境一般，但食物質素好好，好滿足😌

朋友生日話要再黎食，今次同埋小朋友一齊食，我地有7個人，叫左好多個餸食。～先黎個自家制金湯豆腐，外脆內軟，一碟有8件有兩款錎，一款係豆腐，另一款係玉子豆腐，底層係南瓜汁，我通常都會淋汁一齊食，好有口感又脆又軟，面層的紫菜又好食。～煎蠔餅，煎到很金黃色，圓形餅，面層似蜂巢入口很鬆化，唔同平時食潮州菜的蠔餅，可以一試啊…～灼蝦，必叫，蝦又大隻，份量又多，呢個價錢，其他地方食唔到，真係好低食。～蒜蓉粉絲蒸聖子，個聖子都大隻，煮的時間剛好，唔會過熟，好入味。～蒜子骨，剛到已聞到很香的味道，入口有些辣，我用紙巾印乾面嗰層辣味，我唔係太食到辣，但朋友話唔算辣，但都係嗰人口味啦…值得推介。～脆炸金沙蝦球伴沙律，必叫，面嗰層咸蛋黃漿很脆好入味，內層的蝦都很大隻，十分推介啊…～最後叫左個白菜仔同豉油皇炒麵，個炒麵，一定要食，炒得好好食，但要等好耐，次次叫都要等差不多半小時，下次一定要落頭輪單，即刻叫定炒麵先。

今年開年飯超滿足第一次進入這間店舖感覺平平無奇，但第一道已經開始有驚喜！海鮮私房菜做出了海鮮的鮮度，师傅製作過程都很到位！旺年原隻鮑魚撈起：這道餸好清新，加上他們獨家調配嘅醬汁撈起食冇得頂！椒鹽瀨尿蝦：超大隻、好新鮮又爆膏，加上他們調製的避風塘蒜蓉，好好味

新年同親朋戚友團拜食晚飯揀番間地利位置中心點，揀左油尖旺區餐館嘅位置非常好，喺油麻地站A1出口後面，非常容易搵到✨客家鹽水鵝鹽水鵝肉鮮美嫩滑，味度適中，值得一試✨冰鎮鮮果黑豚咕嚕肉大廚仲加左乾冰，營造冰鎮感覺，非常之吸引。咕嚕肉因為冰鎮做法，外層口感比平時食既更脆口，內裡既黑豚肉質爽口又彈牙，加上火龍果&甜甜嘅菠蘿配合得好好，無得挑剔✨鮑魚撈起新年勢必要點嘅一道菜用上鮑魚 蘿蔔絲 海蜇 青瓜絲 酸菜絲鮑魚唔un,好有口感 加上配菜同配上特別醬汁 撈出一種味度✨上湯龍蝦🦞伊麵龍蝦啖啖肉，麵唔用好淋，有咬口。用上上湯做底配上伊麵，味道口感非常之配合，天衣無縫✨瑤柱蛋白炒飯簡單一個炒飯，絕對顯出大廚嘅功架，炒得乾身，粒粒分明，無得頂

酸菜魚太酸，樓面話拎返去整，去廁所經過廚房嘅時候聽到廚房佬講酸菜魚係酸㗎啦， 但唔應該酸到確喉， 成班廚房同埋樓面就好似講到我哋未食過酸菜魚咁， 跟住樓面就拎返個酸菜魚出嚟啦就同我哋講酸菜魚係酸㗎啦但係我問佢有冇試過佢又話冇， 我哋七個人食飯七個人都覺得酸唔係一個人話酸呀嘛，

📍 食德福海鮮私房菜放假同男朋友喺朗豪坊睇完戲行嚟行去想試新鮮少少嘅大排檔唔系日本燒肉就系壽司點知行到去經過一間好多人食嘅小菜館咪同男朋友膽粗粗入去以身試伏一入到去啲夥計好好招呼同男朋友睇完menu決定叫我最鐘意食嘅聖子夥計姐姐好好仲介紹咗哩度個招牌菜「德國咸豬手」「黃金豆腐」唔少得男朋友最愛嘅粉絲煲最後都系決定豬手 ,粉絲蝦煲,豆腐,聖子豬手 ：配甜辣醬 ,wasabi 味道岩岩好,啲皮好脆本身唔好咁油膩,兩塊落肚之後呼叫男朋友處理🌟🌟🌟粉絲蝦煲：粉絲超多,男朋友最愛我淨系負責食蝦,啲澱粉質都系交返比男朋友處理埋🌟🌟🌟🌟豆腐：真喺無介紹錯,真喺招牌可能我本身都鐘意食豆腐啲皮炸到咁脆,口感咁爽 真喺唔易🌟🌟🌟🌟🌟聖子：海鮮味道其實唔錯不過可能食得多無咩記憶點🌟🌟🌟🌟埋單650+,四個餸哩啲味道我覺得可以接受 ,下次肚餓喺油尖旺一定再幫襯多次 p.S 啲夥計姐姐好好服務態度仲話下次嚟打卡片電話直接訂台📍 食德福海鮮私房菜 (油麻地)油麻地砵蘭街78-84號幸運大廈地鋪

今日同朋去約在旺角，佢推薦我哋食呢間餐廳，睇環境以為一般，點知鑊氣小炒好好食//酥炸蠔餅//酥炸蠔餅又香又脆，外脆內軟的口感，裏面是粒粒飽滿的蠔仔，炸得剛剛好，簡直回味無窮。//冰鎮鮮果咕嚕肉//呢個係我最推介❤️❤️❤️咕嚕肉食落去外脆內裏的肉質軟念，因為加冰效果，所以咕嚕肉外冷內熱，再加上糖漿有麥芽糖味，超級好食//金牌脆皮原隻豬手//豬手吸收哂精華非常之入味，而肉質都好嫩滑，外層又脆又煙韌。不過如果嗌呢個嘅話，記得第一樣先落單，因為準備得有啲耐

約一班老友鬼鬼係週末食咩好？😋不如去位於油麻地嘅一間海鮮私房菜到食好西啦！呢一間餐館除咗嘢食賣相不錯之外，佢哋嘅味道都唔差㗎，價錢又OK👍🏻同出面嘅打冷舖差唔多🤑🤑⭐️鬼馬雙星 係佢哋嘅招牌菜之一，外面係油炸鬼內裏就係墨魚滑❤️配埋酸酸甜甜嘅醬汁，味道都唔差架，外脆內裏爽口彈牙👍🏻⭐️雙冬羊腩煲今天又點少得羊腩煲呀，羊腩燜得軟腍入味，醬汁濃郁，黏度十足，食完之後成個人都暖笠笠。⭐️椒鹽南非鮑魚 鮑魚新鮮爽口彈牙，再配埋椒鹽酥炸技術，讓味濃的蒜和辣椒灑遍鮑魚全身，超級惹味😋⭐️豉椒蟶子 又大隻又新鮮，超級肥美嘅聖子，再配上豉椒一齊去蒸，突出左佢哋嘅鮮味😋好正⭐️響螺魚翅燉湯呢個燉湯真係不得了，入面嘅材料超多，而湯汁都非常之鮮甜❤️有響螺魚翅🤤⭐️酥炸蠔餅 🦪🦪酥炸蠔餅又香又脆，外脆內軟的口感，裏面是粒粒飽滿的蠔仔，沾上魚露一併享用，簡直回味無窮。⭐️冰镇鮮果豚肉咕嚕肉我都係第一次食冰鎮咕嚕肉，咕嚕肉食落去外脆內裏的肉質軟腍，因為冰鎮嘅效果，所以咕嚕肉外冷內熱😋都幾特別👍🏻⭐️自家製金湯豆腐 不得不讚佢哋嘅金湯豆腐，豆腐外皮炸至金黃色，外皮炸到好薄，再配埋秘製嘅金湯，冇諗過豆腐都可以咁樣食👍🏻好好食😋😋⭐️川味

6條中坑又出動去搵食，今次走入旺角街坊食店，夜晚條街較為活色生香，斯文靚女客可能冇咁方便。標榜私房菜，點了幾味招牌菜。冰鎮咕嚕肉，皮脆肉嫰，有特色有驚喜，可惜份量少，吊癮吾夠喉。金湯豆腐，賣相吾錯，有私房菜感覺，味道未到驚喜位。脆皮豬手，都皮脆嘅！但一般食肆已做到。雞湯翅，吾平，一般水準。金沙炸魚皮，希望是自己炸啦！吾係交泥掛，都好味的，如果加重手些咸蛋醬，效果會更好。桑拿蒸鱔片，打咭位，出晒煙，味道一般，太薄冇口感，可能傳統豉汁蒸較佳。炒豆苗，老過我，吾該廚房擲菜勤力些啦！豉油皇炒麵，朋友話上次大碟些和冇咁油。由於食店位處砵蘭街，都吾期望舒適高檔啦！整體評價So far so good.

位於油麻地砵蘭街的食德福，門面裝修十分間單，可謂相當唔起眼；而餐廳名更加喺普通到無得再普通，驟眼睇極似專做街坊生意的茶記。然而，人不可以貌相，我很醜但是我很持久！這間平凡菜館內竟然埋藏了個人認為是無懈可擊、極具性價比的私房菜式。1. 自家製金湯豆腐推薦：⭐️⭐️⭐️⭐️✨餐廳招牌菜，基本上每圍枱都有點。豆腐裹上炸粉即炸，就似一塊塊金磚；而金湯就是南瓜湯。豆腐表面炸皮脆而薄身，內裏極為滑嫩燙口，表面的菠菜蓉令味道更有層次，同時輕輕起到解膩作用；而南瓜湯本身頗為濃郁，可以起到粘附作用，為豆腐再添一種鮮甜味。2. 冰鎮鮮果黑豚咕嚕肉推薦：⭐️⭐️⭐️⭐️餐廳招牌菜，又是每圍枱都見到。冰鎮咕嚕肉屬新派粵菜，原理就是將肉表面的酸甜汁在上菜時快速凝結，令外皮更為脆身；冰鎮同時可以鎖住肉汁，更加可以降低油膩度。上述特色食德福都有做到，而且做得十分好，加上用了肥瘦得宜的黑豚肉，不論口感和味道都無懈可擊。3. 招牌桑拿鱔煲推薦：⭐️⭐️⭐️⭐️✨「桑拿」做法是順德菜特色，將食材片成薄片，再以蒸汽快速將其逼熟。食德福的做法是將白鱔片放置在熱石之上，上枱時冚蓋淋上啤酒；啤酒遇到熱石後快速蒸發變成蒸汽，在短短數分鐘間就足以蒸熟鱔片。

已返兜必食私房菜!小妹今次第二次帶朋友到此私房菜食飯, 原因? 因價錢合理, 抵食加大件, 最重要是食材食鮮, 性價比非常高, 令我不得不開我枝金筆,為此家店寫一份食評 (希望到時不用愈出名就愈貴)!一早聯絡師傅, 告知每人budget及要求, 師傅就提前為我們寫了以下菜式:鮮菠蘿脆皮咕嚕肉自家製金湯豆腐黃金大海蝦金銀菜南北杏燉白費湯蒜蓉粉絲蒸大元貝豉椒炒蟶子皇煎米粉底豉汁蒸白鱔一品吊燒雞蒜蓉銀魚仔蝦干蒸勝瓜小妹特意推介以下幾道必點之菜:【鮮菠蘿脆皮咕嚕肉】對上次食過一次, 就對此咕嚕肉難忘,所以今次都返兜再叫。此家招牌咕嚕肉是建議用冰鎮的, 但對於怕涼體質的女生來說, 不冰鎮亦是一個好選擇。咕嚕肉大件而不會過油脂過多,  有咬口又不會肉質過硬, 皮薄而且非常脆,  加入鮮菠蘿, 酸甜美適中,  個個食完都讚好!   【自家製金湯豆腐】此也是再返兜菜式, 除豆腐本身好食之外,  重點是其南瓜金湯,  兩者味道非常匹配, 賣相亦相當吸引, 是打卡亦是必點之選!【黃金大海蝦】師傅特意說明使用新鮮大蝦脆炸而成,  並需即時食先鬆脆可口(脆到連蝦殼都可食埋),  小妹必須點讚其炸物非常出色,

我建議東主改名，應該叫『靠得住』！來這食店，是朋友舉手推介，第一次光顧，一點沒有失望！今晚點了10個菜式，不單止價格靠得住，這十度菜式的味道都非常靠得住，就連其中一個蒜蓉炒白菜都好好味菜單就睇相片啦！7人食6人舉手贊好（因為第7位是小朋友）每個都話一定要推介給朋友以後一定會成為常客，無得頂嘅原因就係因為價錢比起來超值，而且真係每度菜都食到用心做嘅感覺！就只係略嫌裝修無特式，不過，要食埋裝修同情調費，價格應該唔會再咁平！

今日難得休息，諗住帶爸爸媽媽出嚟食晚餐，食好野，點知畀『食得福海鮮私房菜』嘅驚嚇服務趕走咗。『食德福海鮮私房菜』是我很早之前收藏的餐廳之一，一直想試。一開始是被它的燉湯客飯吸引，但因為我是服務行業，所以一般午餐時間都是三點或四點，但它偏偏就在這個時間落場，所以我已經摸咗一次門釘。然後我再多次查閲它的餐牌，發現它的小菜也很吸引，諗住借呢次機會帶兩老吃點好東西。如果大家細心留意到，一入門口就分兩邊，一邊有枱布一邊沒有枱布的，我們入去就被帶到有枱布的位置，媽媽在洗茶杯我就看餐牌，但我沒看見燉湯客飯的餐牌，我就問職員拿來看，但職員跟我說沒有，我好肯定跟她說是有的，問足三次她都不肯給我，另一位職員也看不過眼，就把燉湯客飯的餐牌給我。跟住第一個職員又立刻跟我說，現在沒有這個吃，祇有炒小菜。我又用手指指著菜單的時間，餐牌上明明說全日供應的，為何我不能落單？然後佢又改口風，話炒小菜和燉湯客飯不能一起叫。還重複又重複説這是公司規矩。『食德福海鮮私房菜』的老闆請你留意上一句。我遇到這樣的服務，實在深深不忿，好，我就食平的，我就全吃燉湯客飯。跟住職員還不放過我們，還追著我們來罵，「如果你哋一開始食碟頭飯就唔

父親節一家去左呢度食私房菜。提前已經同負責任傾好個菜單，可以根據自己既budget 去度個菜單。金銀菜南北杏白肺湯8位 菠蘿咕嚕肉 (不要冰鎮)蒜蓉粉絲蒸蟶子皇8支清蒸大沙巴龍躉避風塘炒大肉蟹 6-8人份鬼馬雙星自家製金湯豆腐金銀蛋浸莧菜瑤柱蛋白炒飯份量超級足，但味道都仲可以keep 得好好，而且野食夠熱，唔係d一早就煮定既餐廳。個人特別推薦咕嚕肉，啖啖肉，夠脆，但又唔係多炸粉；豆腐都好特別；大肉蟹好夠肉，而且好入味。

天氣凍冰冰想飲d暖笠笠嘅湯，補一補，暖下胃，偶然經過呢間餐廳，見到佢餐牌寫住每日燉湯，好似好吸引，就停低試試佢$48一盅是日燉湯，加埋一款指定嘅炒粉麵就只需要$68，叫咗兩個餐嚟試吓今日嘅湯係椰子燉雞湯，超級正，個湯好清，冇乜油份，但係又好濃味，飲得出佢真係燉出嚟然後跟餐叫咗個乾炒牛河，炒得好有鑊氣，又唔會油淋淋仲叫咗個魚香茄子炆米，分量好多，爭啲爆出個盒，仲要炒得夠火喉，好入味，加埋鹹香鹹香鹹嘅味道，好正