風雲丸

營業中

休息中

今日放假和朋友去尖沙咀K11一帶行街食野。 天口熱唔想吃太多，行過見到風雲丸；佢地個沾麵真係香港有名超正! 它在尖沙咀麼地道30號Mody House地舖，尖東站N4出口一出就到。 餐廳以日式設計為主調，簡約時尚。 檯椅擺設整齊，有空間感，坐得舒適。 食物的選擇都多：沾麵、拉麵、飯、小食、甜品和特色飲品。 店員向我們推介出左一款新的期間限定；仲有來這裡，一定要吃沾麵!#安格斯牛小排石燒濃厚沙嗲湯沾麵 (期間限定)沙嗲湯好香濃唔辣，一上檯湯汁在石鍋內保持滾熱辣；立即下牛小排入湯內燙熟。 牛肉的熟度剛剛好，軟滑鮮味；和沙嗲湯汁好夾。 麵的質地煙韌有咬口，每啖都沾上濃郁沙嗲湯，仲有一隻半生熟的溏心蛋和荀片；真的超好吃的! #豚骨魚介味玉沾麵豬骨湯底一樣好濃, 加上濃厚的魚介海鮮味；湯汁在石鍋內保持滾熱辣；可以先喝一口湯，很鮮味。 配上非常厚切半肥瘦焦香嘅叉燒， 肉質嫩滑，入口溶化，仲有一隻溏心蛋和荀片。每啖麵沾一沾湯來吃，湯汁濃郁掛在麵上，味道濃郁惹味，超正!#羽根餃子(5件) +扎幌生啤餃子煎得香脆可口，有一大片薄薄脆片覆蓋在上面。 餃子皮薄，肉汁豐富。 再配上一瓶冰凍的扎幌生啤，真的太

生日月的Happy Friday, 同事請我去尖沙咀麼地道風雲丸食拉麵, 呢期日日都風起雲湧, 食返間貼哂題嘅風雲丸都幾爽.石燒濃厚雞叉燒魚介味玉沾麵 – 石燒鍋滾到好起哂泡, 千萬唔好掂到個鍋, 真係燒熟手都似, 石燒濃厚雞叉燒肥瘦均勻，食落不油不膩亦唔會太韌。魚介味湯底味道濃郁，湯底帶點鮮味。沾麵軟硬度適中，300g份量已經可以食到好飽安格斯牛小排配石燒濃厚沙嗲湯沾麵 – 將安格斯牛小排放入沙嗲湯滾一滾就可以入口, 牛小排口感極為柔嫩, 肉香味很濃郁. 沙嗲湯底口味香濃重帶有微辣羽根餃子 – 份量十足, 外脆內軟, 材料豐富

尖沙咀風雲丸系K11 附近有拉麵食之餘， 仲有沾麵裝修都系好日式👍🏻豚骨魚介味玉沾麵一款濃郁的沾麵料理湯底由豚骨高熱提煉而成,融合了各種魚介類海鮮的鮮甜味沾麵簡左凍，質地柔韌彈牙,能完美掛湯搭配清新的配菜,很好地平衡了整體的口感。豚肉都系以慢煮烹調 肉質嫰滑 肥瘦剛好 肉香配上沾麵剛好安格斯牛小排石燒濃厚沙嗲湯沾麵這是一款十分講究的沾麵料理。採用優質的安格斯牛小排, 肉質新鮮配以濃郁醇厚的沙嗲湯底口感層次分明。麵條Q彈有勁呢個麵系限定款 所以想試麵系襯呢段時間了加埋肉鬆飯淨番既湯底撈埋落去索哂湯汁 正👍🏻👍🏻青森縣富士蘋果酒這是一款來自日本青森縣的特色水果酒。採用當地著名的富士蘋果釀製,酒體清澈透亮,帶有淡淡的蘋果香氣。酒精度適中,入口清爽甘甜,餘韻悠長可以一試👍🏻👍🏻

之前已經有聽過風雲院嘅大名今次是第一次食 門口 沙嗲湯沾麵吸引了我入去安格斯牛小排石燒濃厚沙嗲湯沾麵沙嗲湯 x安格斯牛牛小排 沙嗲湯有港式風味，做到沾面嘅效果 配上安格斯牛小排，比平日沙嗲牛麵完全吾同風格❤️牛小排嘅質素相當之好 沙嗲濃味冇掩蓋牛肉嘅香味趁石鍋既熱把牛小排整熟比起傳統的魚介湯沾麵 又多了一個選擇 十分好另一個主食 我叫了一份鰻魚飯 石鍋鰻魚 鰻魚配上濃濃嘅飯焦加上有少少蛋粒及紫菜係一個唔錯嘅石鍋飯 兩客小食 分別叫了炸雞及餃子羽根餃子（5件）連埋個脆皮一齊上 多咗一層口感再加上餃子汁，脆得黎又好吃唐揚炸雞（5件）今日叫的是原味炸雞 有得選擇其他口味 全部都係新鮮炸起，所以好脆好好食

尖沙咀風雲丸主打沾麵，全部用熱石鍋盛湯，確保溫度，餐廳仲會不定時推出期間限定既款式，為客人時刻帶來新鮮感。安格斯牛小排配石燒濃厚沙嗲湯沾麵：店員捧著熱騰騰既石鍋上枱，沙嗲香味隨即撲鼻而來，我先將牛放入鍋裡煮熟，牛小排相當厚切，肉質鮮嫩，牛肉味濃；跟住我再把沾麵條放入石鍋，蘸湯後夾起；食到尾段，我加左少許檸檬汁於湯中，有助減低濃郁厚重既口感；麵條粗度適中，質地煙韌彈牙，放入湯中很吸汁；沙嗲湯底風味獨特，一試愛上。羽根餃子：煎得香口，餃子皮夠薄身，底部薄膜酥脆，內餡豐富，蘸上餃子汁，味道更昇華。燒汁唐揚炸雞：炸雞炸得外脆內嫩，雞肉嫩滑juicy，配上味道甜甜地既燒汁，味蕾大滿足。紅茶雪糕：日本直送，茶味濃郁，入口香醇。總結，食物美味出色，價錢合理，性價比高。

本來從來都無諗過食呢間，行街行到攰又熱，就求其入左黎，一坐低已經知伏，算，既然入咗嚟，比次機會佢，試試咩料，頂吖，出面已經3x度點知，呢度仲地獄，短短幾分鐘，個頭已經流晒汗，間鋪熱到七彩，完全冇冷氣😡😡😡個麵開始上枱，即時再提升個溫度，首先吾明個麵上面既筍，點解要切到粗到咁，再唔明，一個麵，點解要加幾條豆苗，成件事都係錯，嘩，個沾麵個湯竟然有陣咖喱味🧐 以為食緊咖喱撈麵再講下d叉燒，第一次食到咁怪，又硬又凍，平時食飯普普通通，基於唔浪費，我都一定會食哂，但今次真係⋯⋯ 頂唔到，唯有浪費一次

哩間拉麵經過親都勁長龍! 聽講個沾麵好正~身為辣控既我就好中意個辛辣豚骨魚介沾麵, 佢個種辣係刺激得黎有後勁個隻, 再加埋石燒鍋上滾熱辣, 中意食辣既人會食得好過癮!! 麵條粗身彈牙, 沾汁夠哂濃厚沾一沾就掛滿麵條, 好正。豚骨魚介拉麵湯底一樣好香濃, 油脂感較重, 配埋又厚又焦香嘅叉燒, 咬落去好有油香, 邪惡!  小食叫左唐揚炸雞同餃子, 炸雞外皮薄脆香口, 雞肉亦冇炸到乾哂!  而個餃子都煎得好靚成層薄脆係度~ 有番咁上下濃厚既拉麵食到尾難免有少少油膩, 所以最尾食哩個柚子雪芭同埋白米雪糕超正, 特別係雪芭勁清爽真係食一啖已經refresh哂。排隊係值得既!!

日本沾麵風雲丸，平日收工我會同同事去食，因為本身工作收工時間，可以食飯餐廳不多，所以收得夜嘅餐廳會係我地首選。店內坐位位置不多，有時候都需要排隊。必食魚介湯豚肉沾麵，麵條粗身，沾麵湯底味道濃郁，食到最後會有少少鹹，所以一定要叫嘢飲

雞叉燒魚介味玉沾麵用熱鍋裝住濃稠沾湯，魚介清甜配上雞湯的香醇，總體唔油膩唔死鹹。雞叉燒肥瘦適中。麵條緊實Q彈，好掛汁，真係沾一下就好濃味～味玉好入味，蛋黃係鮮橙色，仲要勁流心！！豚骨魚介味玉沾麵經典沾麵湯頭配上一大去又肥又焦香嘅叉燒，絕不出錯嘅選擇！！唐揚炸雞超大舊，外皮香脆又簿身，咬落去超多雞油，推！！辛辣唐揚炸雞比原味更惹味，唔算好辣～燒汁羽根餃子一底過嘅日式餃子邊有人唔愛，配埋燒汁就更香口！

公司附近嘅日式餐廳，一直好想試，佢門口啲燈籠好sharp，就放工試試佢！🏮豚骨魚介沾麵 💰 98用電話落單，有得揀個沾麵係冷麵定溫麵，並盛（中）定大盛（大），好細心。一上枱，真心嚇親，佢個沾湯滾到滾到好似火山爆發咁，咁就正喇，唔會食食下凍晒！豚外皮有用火炙處理，入口即溶，沾一沾個沾湯，熱辣辣，好濃嘅鮮味，一流！食到一半，滴兩滴檸檬汁🍋，開一開胃，又係另一個食法。粟米粒 💰12新鮮爽脆，配個沾麵，作為主菜間嘅調劑又幾夾喎！🌽石燒蟹黃飯 💰128 🦀🍛呢個係限定，我一見就即刻揀左！佢一樣都係極度滾咁上枱嘅，我用兩隻匙羹攪拌，攪到均勻後每粒米飯都被金黃嘅蟹黃包含住，極度誘人！😋食到一半，石燒鍋嘅高溫令米飯帶有一層金黃的鍋巴，再增加左口感的層次，每一啖都有濃郁的蟹黃香氣，一絕！羽根餃子（5件）🥟🥟🥟🥟🥟💰37金燦燦嘅餃子底部朝天，脆而不硬，煎得啱啱好，咬落去都能都仲好juicy，很不錯。唐揚炸雞 （2件）🐓💰18炸粉極薄極脆，外酥內嫩。每一啖都食到炸雞皮的酥脆與雞肉的多汁，呢個真係必嗌小食！柚子雪芭 🍊🍧💰28用嚟做甜品真係啱啱好，口味清新，口感綿密，食完就真正大滿足！

今日父親節當然要食啲爸爸鐘意食嘅而👦🏻都食嘅野😬 就係拉麵🍜啦！🍜 石燒濃厚豚骨魚介味玉沾麵 魚介湯係石鍋滾住出來，真係好吸引呀！然後將粗身啲拉麵點落啲湯到一齊食，啲湯掛係麵上，彈牙有香魚湯味。我地揀咗豚肉叉燒做配料，叉燒燒得很香，但略嫌太肥。仲有溏心蛋，味道不錯。🍜 雞叉燒魚介拉麵湯底相對沾都無咁咸，同埋用幼拉麵來配襯，仲可以揀少油，不錯。雞叉燒就一般，略嫌味道不足底，質地有點嚡。👦🏻 👧🏻 子供豚肉魚介拉麵湯底比較清，拉麵份量大概一半正常拉麵。跟餐有橙汁、玩具和朱古力，啱哂小朋友🤭 🐥唐揚炸雞新鮮炸出嚟很香很好味的炸雞！肉質非常鮮嫩多汁，必點推介😍！

每次路過風雲丸都見到排哂隊，入面座位又坐爆人，再加上今期推出左個蟹之盛宴，所以一直都好想過黎幫襯。難得今日路過，見條隊唔算太長，所以就拉埋老公入去食番碗拉麵。其實去到門口已經會比蟹之盛宴的企牌吸引，再加上店內充滿日式風情的裝潢，真係好有種悽身於東京拉麵店的感覺。另外，店員的服務態度也很值得一讚，尤其是負責安排坐位的那一位女士，一直保持住笑口滿面，令食客都食得特別開心。石燒蟹粉蟹湯沾麵 – 一上枱，見到石燒鍋內的蟹湯滾辣熱燙，再加上蟹湯味道撲鼻，真係未食都已經十分吸引。沾麵的軟硬度適中，配埋碗內的配菜，每一啖再沾麵掛上蟹湯，非常出色。至於餐內的那一舊檸檬仔，可以令蟹湯增加鮮味，可以一開始就加上幾滴。石燒濃厚豚骨魚介味玉沾麵 – 炙燒豚肉十分厚身，肥瘦適中，肥膏入口即溶，很美味。湯底濃郁，用石燒碗的最大好處係，食到落底個湯都仲係熱辣辣。辛口沙拉羽根餃子 – 煎到食餃子勁脆卜卜，連埋沙拉同辣汁一齊食，勁惹味。

專程到尖沙咀食呢一間豚骨魚介沾麵❤️ 你入到嚟已經覺得服務員非常之親切， 同埋拉麵店入邊有洗手間真係好方便😂 方便我哋長途跋涉嚟解決一時之需😳石燒濃厚豚骨魚介味玉沾麵 $103魚介湯味濃郁，每一條面都掛滿拉麵醬汁，拉麵點樣質地非常爽口彈牙😏玉子真係能夠做到溏心效果❤️ 。喺香港嚟講算係非常不錯的唔鍾意食沾麵嘅朋友可以揀返傳統嘅豚骨魚介拉麵🍜湯底依然濃味，叉燒非常厚切，而且叉燒燒後更加甘香，啖啖肉，肉質嫩滑。桃汁汽水$28非常清爽，而且呢度嘅飲品價錢合理，更加可以選擇一啲香港少見嘅日本🇯🇵牌子汽水。羽根餃子$39呢間店嘅小食非常抵食，而且高質，日式餃子皮薄，但肉汁非常豐富😳 非常Juicy。味道調校得好好。沙拉唐揚炸雞 $39大大件，啖啖肉，炸粉好薄，肉嫩滑多汁。配埋沙律醬真係非常Yummy

次次經過都見風雲丸入面坐滿人，今朝做完野自己過黎食下。舖頭除左坐滿香港人，今日weekend仲幾多遊客幫襯，呢頭周圍咁多餐廳但風雲丸仲keep到不停有食客入黎，真係幾旺。我嗌左個石燒蟹黃蟹粉蟹湯汁沾麵+唐揚炸雞，個蟹湯非常非常香濃，入面真係有蟹肉，真材實料。用石鍋上可以keep住夠熱，超正！麵條質地幾有咬口，面頭都放滿蟹肉香蔥洋蔥仲有隻蛋可以撈埋一齊食!個沾麵真係好好食，滿滿鮮蟹味嘅一餐我勁鍾意🫰唐揚炸雞只係加$18就有兩大舊，我鍾意唧多d檸檬汁咁食，炸雞嘅皮唔會過厚但又唔會好油，肉質幾嫩，超值！餐牌有好幾款日本汽水我未見過，揀左支綠茶可樂試下，幾好飲！

蟹粉石鍋飯和板燒餃子是兩道非常美味的日式佳餚。蟹粉石鍋飯採用上乘的蟹肉,搭配煎過的海鮮石鍋,飯粒吸收了蟹肉的鮮甜,口感鬆軟綿密。蟹肉清甜味郁,不油膩,層次豐富,是一道極具特色的粵菜佳品。板燒餃子糅合了烹飪技藝和創意,餃子外皮烤至金黃酥脆,咬下去飽滿的餡料流淌而出,餡料由精選的豬肉、蝦仁等食材調製,味道鮮美多汁,餛飩皮紮實有嚼勁,口感層次豐富。每一口都讓人欲罷不能。梅酒是一種非常優雅動人的飲品。它以梅子為基底,經過精心酿制,散發出淡雅清新的香氣,口感微甜酸中帶有一絲柔和的苦澀,回甘的同時又不會過於濃郁。