響一品 (沙角商場)

營業中

休息中

今次路過，見到餐廳的樣子很不錯,下午茶$45這價位，表面上好平.但係計過去爭鮮$3一舊，我總共有六舊壽司⋯⋯貴了好多不過換來嘅係⋯⋯多咗一杯嘢飲，同埋可以坐喺餐廳裏面食，你哋可以自己考慮！他們的質素比爭鮮差不多，所以我會揀其他！

今日去到沙田食晚餐去左屋村商場覓食最後揀咗一間日式嘅餐廳價錢來講都比較平民我地點左2樣餸叫左吉列豬扒湯拉麵 $58吉列豬扒配上沙律醬咬落去嘅口感都好好可惜個拉麵太淡完全冇味 食左幾淡就已經食唔落唔係好建議食另一個就點左壽喜燒牛肉雜菜定食鍋 $89一嚟就好大份 仲配左兩舊玉子燒個餐包咗味憎湯同埋飯湯鍋入面內有粉絲好多嘅牛肉呢個係值回票價我哋跟餐再嗌左一杯桃汁味沙冰 $18 跟餐價一入口嘅沙冰即溶啱晒而家夏天出晒汗嘅我哋呀～～

假日早上來到屋村商場搵食來到香港日式茶餐廳座位都ok早餐多選擇都抵食，大大份！11點前有早餐供應海底椰黑薑母茶，跟餐加$8好足料，有薑渣的夠薑或者要驅風的，好啱飲海底椰好滑滑好耐無飲過海底椰飲品，好味！滑旦好多旦液，半熟狀態丹麥多士ok. 糖心旦蟹棒烏冬清清地，糖心旦做得唔錯旦白半熟，旦黃是軟心的整體不錯的服務員足夠當日早餐時間有七八成枱有客人⭕️全店職員戴上口罩 ⭕️進店前量度體溫 ⭕️座位間有透明膠板相隔

疫情前常常光顧，都算平兼ok既日本野。員工服務亦不錯，今日疫情穩定再去幫襯。員工換晒，服務極差。本身喺門口等已經問咗門口員工，有BB車不能摺疊因為bb瞓咗，如果唔入得打算走，但係門口員工話冇問題，當帶到我哋去中間，有個阿嬸出嚟鬧我話呢度唔入得BB車，本身都有預咗唔入得，門口唔清楚都唔緊要，之後到中間先叫我地走都唔緊要，但請態度有禮貌啲，亦唔需要大聲鬧走人!不過從今日起我會知道唔會再帶BB嚟你舖頭啦！

餐廳: 響一品今次試咗2款野食🍣🍣，呢間算係平民日本餐廳！窮人恩物！1.雜錦壽司配稻庭烏冬 $60 個烏冬好大碗，好彈牙🍜！但係個麵豉湯就淡咗啲，同埋唔係好熱。壽司🍣🍙有7舊，質素一般般，但係呢個價錢仲包野飲🥤🥤有得坐算係咁。2.角切雜錦魚生飯 $51呢個係舖頭既抗疫大優惠套餐，包一杯野飲。但係啲魚生就少咗啲🍚🍚🍤，得幾粒咁。佢有個唔係抗疫餐，唔知會唔會多少少魚生呢？🍥🍥

整體黎講，一試冇仿，味道係合格冇伏，只係唔抵食，不過係冇選擇下係就最好選擇。叫左C6 Set$72，賣相靚仔，敗筆係飯同沙津d汁，珍珠米太酸，同沙律汁太重口味啦，d菜浸到又咸又苦。可取係蝦螺肉好多，好多汁，三文魚唔錯，夠厚夠味。食晒都夠飽。呢個湯都比想像中好，有d渣食。C4壽喜燒牛肉，配烏冬會更好。個飯好酸，醋太多，唔香飯味。個湯溫度剛剛好，肥牛都好食，唔鞋，金菇同菜索汁，湯底味道唔錯。唔計個飯，整體好味。

年初三嘅下晝，要去搵午餐食。好多舖頭都冇開。行咗一輪。終於見到有一間食店營業。見佢午市推介都有成12個飯俾人揀。而且睇相都覺得好大份。以咁嘅價錢來講。可以話係相當足料。最後揀咗日式照燒雞扒飯。外賣時間都頗長，大約等咗15分鐘左右。照燒雞扒嘅雞扒一啲都唔鞋恰恰，仲食得出佢係煎過嚟嘅添。照燒汁味道偏鹹。但好彩份量唔算多。送飯食嚟講就啱啱好。另外個飯亦都跟一個麵豉湯。麵豉湯來講亦都算偏鹹。整體來講味道係唔錯嘅。但如果少啲鹽嘅話可能會更加好😃

疫情下隔日出街去買餸與購物，順便食埋午飯。路過看見「響一品」有抗疫價午餐，剛開市，所以我是第一位客人。日式咖喱炸雞球飯&阿華田$42，論價錢都算抵，日式咖喱汁味道正正常常，有三件的炸雞球，雞球味道略為鹹了！白飯軟熟飯粒爽口而且很大份量添！另一款午餐：吉列豬扒烏冬木魚湯$58，沒有飲品，吉列豬扒頗不錯，香脆又熱騰騰，肉質稔滑，木魚湯底就不懂分辨是否木魚湯，祇感覺到略鹹的，一般湯底味道。人均消費$50

瀝源附近都有這間拉麵，想不到這天，竟然在沙角邨找不到其他餐廳有位置，反而在沙角邨這間響一品第一次食。🤔看到餐牌，角切刺身，連店員都說不知道有什麼配料，叫食客怎麼落單，結果便簡單的點了炸唐揚雞球拉麵。無論是餐牌，定還是我點的這個拉麵，都充滿港式日式拉麵餐廳的味道。結果，拉麵的質地還算有點彈牙，不算太過軟林，豬骨湯底也就像家中煮出前一丁豬骨濃湯味一般；他自己已叫炸唐揚雞，但平時不是叫唐揚炸雞比較多嗎？炸雞球還算有誠意，最少用另一隻細碟另上給你，溫度亦都夠熱，質地不算太鞋，而且內裏有點肉汁。如果以其他出邊的拉麵來說，這些港式拉麵當然不入流，但如果求其一個午餐的話，其實40多元還算可以接受。

星期二的午餐時間1點鐘，幾乎都好多人食，外面見到寫住抗疫大餐，見到有幾個想食就行咗入去，睇門面咁多人以為要等位，好在一行去就有位，外面睇唔到最怕就等位一用好多時間，哈哈人咁多上餐時間都算快，環境都舒服嘅，不過人好多就自然都嘈好多，不過都係有事做，食完快飯都要走人了，都冇需要坐咁耐。叫咗鰻魚飯，最愛食，上枱的都是熱熱的，的確唔錯，啲汁又唔太多，唔會浸滿成個飯，應該都係即叫即整之外，重點整完就送到客人枱上，唔會好似有啲餐廳咁整完放咗一段時間先送到上客人枱上。

屋企附近唯一一間日式餐廳，響一品❤️已經幫襯過好多次喇，見到疫情好返啲，可以坐低食返啲新鮮熱辣啲👍🏻lunch set呢個 牛肉壽喜鍋 好足料，上到枱仲熱辣辣！湯底甜甜地，食材索滿湯汁，送飯一流。鍋蛋完好無缺，肥牛嫩滑仲有回甘味😋日式叉燒豚骨拉麵都好有水準，叉燒豚骨軟稔夠大塊，仲有半隻溏心蛋。拉麵口感適中，成碗配搭好開胃，又開始想念日本了～Lunch Set 有黑醋沙律、飲品或麵豉湯，都幾夠食。住附近嘅街坊都有日式野食，胃口可以豐富啲😌

放工經過這兒，看見有抗疫優惠套餐，價錢合理，便想試試。由於疫情關係，我還是選了外賣回家吃。晚市場外賣來說，這兒的選擇還算多我叫了一個浦燒鰻魚飯及一杯熱菜蜜。新鮮做好的鰻魚飯熱熱的，坐車回到家仍是熱熱的。打開一看，只見鰻魚跟我的手一樣長，又厚又肥美，佔滿整個飯盒！這個價錢有這樣長度的鰻魚，真的很難得！迎面而來的是一陣陣紫菜配鰻魚的鹹香和燒汁味，鰻魚本身燒得不錯，魚尾有少許燒焦，更是惹味。而白飯用了珍珠米，與鰻魚和燒汁真是絕配！整個飯的份量很足夠，作為吃貨女孩，我也能吃得滿足！

今日中午去左沙田，同朋友去左沙角商場午餐，揀左呢間響一品，午市套餐相當抵食，經驗實惠又坐得舒服。極上刺身便當配味噌湯、罐裝冰紅茶日式味付螺肉爽口滑溜，味道鮮美；蟹籽加州卷口感豐富，蟹籽爽脆，配以蟹柳、青瓜和雞蛋等；三文魚刺身油脂味重，細嫩鮮美，北寄貝刺身鮮甜爽滑，口感極佳；配以彈牙煙韌珍珠米，勁滿足。帶子雜錦刺身胡麻冷烏冬帶子肉厚多汁、軟綿鮮美，仿鮑片煙靭腍滑好鮮甜，八爪魚彈牙爽嫩有嚼勁，爽口冷烏冬配濃香胡麻醬，勁開胃。

今日想食日本嘢，見到個商場裡面有一千零一間日本野就入去試吓啦午餐都幾平嘅選擇都好多，我叫咗個泡菜豚肉定食，感覺唔係好日式，好似食緊茶餐廳咁樣。未到就不過不失啦，份量就好足既，我一個人都食唔晒。其實佢最大嘅賣點就係經濟實惠啦。朋友叫咗個壽司定食，就真係好一般喇，啲壽司完全唔新鮮，乾爭爭其實見到都麻麻哋想食，咁公平咁講。呢個價錢，又想食到日本嘢，就似乎要接受味道唔可以好多要求㗎啦，果然真係一分錢一分貨！

咁岩經過呢度，見到有間餐廳，望落以為係中式料理但原來係日本野，睇一睇佢嘅外賣套餐相當抵食！見到佢仲有推出抗疫套餐，一共有10款特價套餐，價錢由$39至$51。揀咗鰻魚飯，出邊食鰻魚飯普遍都要$80以上，呢度$48就可以啦！鰻魚都幾大條，而且鰻魚汁夠多，配埋飯相當夠飽。呢個價錢佢一啲都唔求其，相當足料！有紫菜絲、蛋絲、芝麻，外賣來講賣相相當唔錯！套餐仲包飲品，基本上咖啡、檸茶，檸水之類。呢間餐廳真係平民價錢，抵！