韓閣 (富裕樓) (已結業)

每次去到荃灣都搵唔到嘅一間餐廳😂 終於識去啦😂 當然尼間都係我一直想試嘅餐廳😊 餐廳內嘅擺設都係我喜歡尼間餐廳嘅原因之一🌟 先唔講食物，餐廳座位都幾舒服，適合同朋友簡單聚會傾下計😁 而擺設亦都係餐廳一點唔錯嘅點綴😊 而店員都十分親切有禮貌👍🏻再到食物方面，雖然未到好好食，但係會有種屋企嘅感覺，岩漿芝士一啲都唔計成本咁多，超滿足😊 有屋企感覺嘅係炸醬麵，雖然唔係特別好食，但果份感覺搭夠😂 重點係尼間餐廳好抵食😆

星期5收工去到荃灣搵野食，荃灣真係個美食天堂，有好多唔同款式既美食，而我今日就想食韓國菜，open rice下就搵到呢間位於地鐵站只不過係短短5分鐘路程既韓國餐廳，入到去好彩唔駛等位，可能個時7點都未夠，我地叫左個芝士飯，炸雞，玉子同埋泡菜豆腐湯，2個人岩岩好夠食，先講下佢個芝士飯，好有驚喜你可以睇到佢滿滿既芝士，真係超有拉絲既感覺，我好鐘意呢個芝士飯，至於炸雞佢炸得好入味，出面脆脆既入面啲肉又唔鞋。

😵‍💫今日心思思，想食韓國嘢，見呢間鋪冇乜人，就入咗去，明明好多位，但係阿姐就派我哋坐中間，唔俾我哋坐入面卡位….用咗一堆理由。算了，食餐晏仔姐… 跟住我見近窗邊有卡位買單，就問可唔可以轉過去，阿姐話大枱，要留… 都算，但轉個頭冇幾耐，有兩個客人入嚟，阿姐就比佢哋坐咗入去個卡位，我真係火都黎😡…. 其實我係咪要formal dressing先會有得坐卡位？！我應該係入咗間茶餐廳？我本人第一次長篇大論寫comment…,食物係ok… but以後真係唔會過嚟。

很久沒有到韓國，只能在香港吃韓國菜。韓國菜除了以辣為先，「鮮」都係重要元素，呢日就同朋友黎到「韓閣」，吃吃一些鮮湯菜式，大大份，又美味，超抵食。😋😋牛骨蘿蔔湯跟飯($128)🐮🐮以牛骨和蘿蔔熬煮而成，牛骨湯熬得好，湯頭濃郁鮮美，蘿蔔非常鮮甜，牛骨非常軟稔，加上米飯一同入口，口感綿密香甜，非常開胃。傅統什錦海帶湯($108)🦐🦐配料非常豐富多樣，配有手工魚膏片、泡菜豬肉餃、豬肉粉絲餃、白蜆、大蝦、豆腐和海帶，讓湯的味道更加鮮美。配料中的海鮮和肉類都非常鮮嫩，加入湯中後更加入味，讓湯的口感更加豐富：豬肉粉絲餃也非常好吃，粉絲入味，豬肉也非常嫩。白蜆和大蝦的口感也非常鮮美，配上湯汁更加入味。香炒黑糖炸雞翼($68)🐤🐤將雞翅先炸至金黃酥脆，炸雞翼外皮酥脆，內裡肉質鮮嫩，再加入黑糖和香料炒煮，使得雞翅更多汁，味道十分美味，黑糖的獨特風味，讓人吃起來回味無窮。粉紅櫻花海鹽特飲($22)🍹🍹口感清新甜美，同時帶有一點點的咸味，涼爽過癮。韓閣 (富裕樓)地址：荃灣青山公路275號富裕樓地下G4-6號舖

今日午餐來左成日經過嘅韓閣，雖然上次食完韓國菜無幾耐，今日仲係好想食，近排好似愛上韓國甜辣口味😂。一行三人，叫左炸雞特餐、牛骨蘿蔔湯配飯和芝士泡菜煎餅share食。炸雞特餐炸雞特餐係下午茶餐，原來兩點就有茶餐，佢有半份炸雞，我哋配左甜辣味，個餐仲拼蟹肉田園沙律及香草薯條，炸雞同薯條炸到熱辣辣，炸雞外脆內軟，配上甜辣醬，真係又邪惡又令人食唔停嘅美食；另外，仲有兩杯野飲，加大嘅凍奶茶真係好大杯，只係加$14，三人飲都夠飲，好抵！另一杯係紅豆奶茶。牛骨蘿蔔湯配飯牛骨蘿蔔湯估唔到好清甜，好好飲，牛肋骨炆得好淋，配上清甜蘿蔔同蔬菜，美味。芝士泡菜煎餅煎餅充滿滿滿嘅芝士，有拉絲嘅效果，邊位煎到很香脆，好食。p.s. 呢度啲野除咗抵食同埋大份，仲有現金券買，買$500即減$100，買$1500除左減$300，仲送豬手一份，另外又可以入會儲分換野食，首單仲要係九折，真係好抵。

與朋友找荃灣就腳地點lunch，這間餐廳很近地鐵站，好方便！餐牌入面的食物選擇好多，點了以下食物：1）芝士泡菜煎餅： 一般般覺得比較黏口2）炸雞二人餐：全部新鮮熱辣，幾好食！薯條是我喜歡的粗薯條，正！3）牛肋骨湯： 超驚喜！湯好味，牛肋骨好腍、好入味， 令人回味！推介！

Happy Friday,梗係要同同事收工開大餐 今日去食韓國嘢 ,近近哋,去荃灣路德圍 , 抵食夾大件嘅"韓閣"這間餐廳走的是平民 路線, 價錢 可以講係 抵食夾大件,QR code 落單十分方便可以慢慢睇～餐前小食三小碟泡菜，芽菜，醃黃瓜～名蝦田園沙律鮮蝦爽口，沙律菜新鮮，配子果醋醬汁 十分 醒胃～濃蕃茄帆立貝海鮮湯湯味濃沃 ，有珍寶帆立貝 蟹件🦀 青口 白蜆 魷魚圈🐙～炒雜菜～燒蟹膏🦀 軟殼蟹籽手卷有牛蒡，紅蘿蔔條🥕，蟹肉🦀，蟹籽，同埋飯卷面有蟹膏 包住紫菜一齊食 口感一流～甜酸 黃金豆腐磚醬汁酸酸甜甜 豆腐炸得香脆～400次咖啡綿密的咖啡奶泡 帶有焦糖的香 令人一試難忘 想再encore～加大凍檸茶真係非常大杯，喜歡飲凍檸茶嘅茶迷， 必要之選

韓閣 Korean Loft Café荃灣青山公路275號富裕樓地下G4-6號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐⭐食物推介：香烤小食拼盤$138、炸雞半份$118、燒蟹膏軟殼蟹籽手卷$88、部隊鍋$138、爆脆雞翼$62、紅豆抹茶牛奶$18、橙汁菠蘿梳打$18等候時間：0分鐘星期六是放假天，一家三口到荃灣吃個韓國餐開心下，選了這間韓閣，食後覺得質與量均上佳，特來介紹下！韓閣位於富裕樓地下，正好在荃灣巴士總站對面馬路，交通方便！香烤小食拼盤：內有即燒原條魷魚皇、蒜蓉焗青口、烤西檸雞鎚、香草烤蝦，一個併盤食到5種美食！😋😋😋炸雞半份：絕對是韓國炸雞質素，芝士拉絲拉得長又長！👍👍👍燒蟹膏軟殼蟹籽手卷：蟹膏及軟殼蟹籽香脆可口，造成手卷更添口感！😍😍😍部隊鍋：內有三重芝士醬濃湯、肥牛、五花腩片、雞肉腸、午餐肉、年糕，小朋友至愛！👏🏻👏🏻👏🏻紅豆抹茶牛奶及橙汁菠蘿梳打：兩者均有華麗賣相，抹茶及水果味均非常濃郁！😄😄😄

韓閣 Korean Loft Cafe地址 : 荃灣青山公路275號富裕樓地下G4-6號舖黃大仙龍翔道136號黃大仙中心北館地下G06E-G06G號鋪 將軍澳欣景路8號新都城中心二期1樓1015號舖 味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐⭐食物推介：炸雞半份加雪花三重芝士 香烤小食拼盤 爆脆雞翼-5隻（蜜糖芥末味） 部隊鍋 燒蟹膏軟殼蟹籽手卷 紅豆抹茶牛 橙汁菠蘿梳打等候時間：0分鐘我很喜歡去韓閣這韓式餐廳，這餐廳已在荃灣很多年了，我知道黃大仙最近也開了新分店，有機會我也會去一趟！一坐低，殷勤的服務員立即放上三碟由韓國運來的泡菜，味道挺好，哈哈...每次我也吃光！炸雞半份加雪花三重芝士 $118一拿起炸雞，就已經有很多的芝士拉絲。炸雞金黃，外脆內暖，香口惹味，肉汁鮮美可口，食不停口！極力推介！😋😋😋香烤小食拼盤 $138小食拼盤非常吸引，有四款不同款式的食物選擇：魷魚筒、香草烤蝦、蒜蓉焗青口和烤西檸雞槌！正！👍👍👍爆脆雞翼-5隻（蜜糖芥末味）$62名副其實，雞翼真的特別爆脆，配上蜜糖芥末醬，另有一番風味！大人細路都鍾意！🐧🐧🐧部隊

叫左個厚切鰻魚泡菜石鍋飯 黎到鰻魚得細細舊 縮左水咁 服務態度差 問佢拎杯水都俾面色我睇 唔怪得星期日中午食都可以唔洗等位直入 成間鋪大把位任坐tim 我唔會有下次幫襯 但如果你搵唔到位食飯就可以試下 因為我諗多數時間都大把位唔洗等 一定要叫個鰻魚飯印證我既講法 （我太嬲拿拿林食完就走冇影相 ）

收咗工去到6點幾左右會合埋朋友唔駛等位就即刻可以入座最深刻係叫咗個紫菜肉鬆蛋卷好好食 而且賣相都好靚所以真心係必食推介但個炸雞就唔係幾入味 不過肉質都幾嫩 或者下次叫其他味再試下雜菜粉絲同窩飯都唔錯 幾飽肚粉絲用嚟解下膩都係一個幾好嘅選擇朋友即場買咗openrice現金券可以即場用所以都幾抵食 人均嚟講百六七蚊都真係算好抵不過飲品選擇就唔算太多 自己叫咗杯奶茶 都可以接受嘅溫馨提示係用qr code落單同埋都算早收舖

蜂蜜牛油味炸雞炸雞唔似平時外出食的其他餐廳，這個口感不會太乾身，而且有很多不同口味的選擇牛肉雜菜紫菜手卷韓式手卷同日式手卷真的很不樣，韓式手卷好似大件好多，而且都好足料，如果鍾意飽肚的感覺，這個好味又抵食甜辣芝士年糕賣相又好，如果鍾意有咬口的食物，可以一試，芝士年糕更可以做到拉絲，拍照一流芝士泡菜薄餅味道唔會太辣，不過份量都幾多，如果4人食會比較好一點。蟹肉蟹膏石頭飯超香，但我今次手多點左熟蛋😭，如果生蛋或太陽蛋會更正一定要下次再食其他炸雞

與一班好友共聚，佢地都話想食韓國野，所以就黎試下韓閣。燒蟹膏軟殼蟹蟹籽手卷酥脆可口的燒蟹膏軟殼蟹蟹籽手卷，鮮甜好味，一啖口咬下去即爆漿。韓式炒粉絲粉絲炒得好香，口感Q彈有嚼勁，配上豐富的蔬菜和牛肉，真係好惹味。芝士香草薯條芝士香草薯條外酥內軟，配上香濃的芝士和淡淡的香草味，我成晚都不停食。豆腐海鮮湯豆腐海鮮湯清爽美味，豆腐入口即化，海鮮鮮甜鮮美，讓人回味無窮。芝士岩漿炒飯啲米飯炒得剛好，岩漿芝士蓋住啲飯，非常濃郁，口感滑順。甜辣芝士年糕年糕辣度適中，加上香濃的芝士和甜味的年糕，真係好想再叫多盤。西檸雞鎚雞鎚外酥內嫩，淋上檸檬汁，口感清新，讓人食指大動。海鮮煎餅海鮮煎餅內餡豐富，口感香脆，搭配特製醬汁，味道更加鮮美。食左咁多野，埋單每人都只係$150，相當抵食

2人用餐叫了蟹柳豬腩肉拉麵 炸雞2件 肉醬蛋石鍋飯 雜錦飯卷蟹柳浸到梅 豬腩肉好像湯渣 而最重要拉麵煮唔夠 食落口硬的 在家自己煮的一丁還好吃多了 朋友叫的套餐 炸雞一般 靠醬汁吊味肉醬蛋飯 因石鍋熱力蛋混飯變到一舊舊 肉醬淡而冇味 雜錦飯卷 配菜是 肉鬆 腸仔 青爪共186元貼錢買難受就是這樣

好鍾意佢既香烤小食拼盤 ($138)真係有成大條魷魚蒜蓉青口 香草烤蝦都好惹味.紫菜肉鬆蛋捲 ($68)面層鋪滿紫菜肉鬆如果中間可以有芝士拉絲就更完美.牛骨蘿蔔湯配飯 ($128)大大煲牛骨Happy Share比較岩.宜家仲有套票優惠買10張$50現金券 (一套共＄500) 即減$100買30張$50現金券 (三套共＄1500) 即減$300 再免費送韓式豬手一份 ($168)如果約一大班人食分分鐘一餐已經用到一套咁計法變相有個8折又幾抵